Partia e qendrës së djathtë Tisza, e udhëhequr nga Peter Magyar, fitoi zgjedhjet parlamentare më 12 prill, duke i dhënë fund sundimit 16-vjeçar të Orbanit në vend, duke shkaktuar trazira të brendshme në parti dhe thirrje për ndryshime brenda Fidesz.

Fidesz do të votojë për një udhëheqje të re të partisë në kongresin e saj më 13 qershor, tha deputeti Erik Banki, sipas agjencisë shtetërore të lajmeve MTI. Orbán nuk foli me median pas takimit të partisë së tij sot, as nuk postoi asgjë në faqen e tij në Facebook.

Pas zgjedhjeve, Orbán i tha kanalit të ekstremit të djathtë në YouTube, Patriota, më 16 prill se si kryetar i Fidesz, ai mori përgjegjësinë e plotë për humbjen e partisë së tij dhe se krahu i djathtë i Hungarisë kishte nevojë për një ripërtëritje të plotë.

“Tani unë nuk jam i nevojshëm në parlament, por në riorganizimin e së djathtës”, tha Orban, i cili ka qenë një aleat i ngushtë i Presidentit të SHBA-së Donald Trump dhe gjithashtu kishte mbështetjen e tij para zgjedhjeve, si dhe mbështetjen e udhëheqësve të partive të ekstremit të djathtë në Evropë.

Gjithashtu të shtunën, kryeministri në largim tha se udhëheqja e Fidesz donte që ai të mbetej udhëheqës i partisë dhe se ai ishte gati për misionin nëse kongresi i qershorit vendoste ta mbante atë si udhëheqës të partisë.

The post Humbi zgjedhjet në Hungari, Orban ofrohet të japë dorëheqjen si udhëheqës i partisë Fidesz appeared first on Albeu.com.

Më konkretisht, në një mesazh video të postuar në Facebook, ai deklaroi se vendi që kishte fituar si kryetar i fletëvotimit të aleancës Fidesz-KDNP në thelb i përket partisë dhe jo atij personalisht, duke vënë në dukje se kishte vendosur ta hiqte dorë prej tij.

Njëkohësisht, ai theksoi se situata aktuale nuk kërkon praninë e tij në Parlament, por përqendrimin e tij në “riorganizimin e kampit kombëtar”, siç e deklaroi ai në mënyrë karakteristike.

The post Humbi zgjedhjet në Hungari, kryeministri Orban njofton dorëzimin e mandatit të deputetit në parlament: S’më takon mua, por partisë! appeared first on Albeu.com.

Kështu u shpreh sot në studion e “News 24” ish-ministri i Bujqësisë dhe ish-deputeti i PL-së, Edmond Panariti.

“Ikja e Viktor Orban do ketë efekt zinxhir edhe në vendet e tjera. Zgjedhjet në Hungari dhanë një mandat për transformim. Ardhja e Magyar në pushtet dhe humbja e Orban ishte më shumë një fitore për BE”, tha ai.

Dhe për të vijuar diskursin dhe analogjinë politike, duke përdorur edhe aforizma, ai shtoi:

“Ka një aforizëm se sa më gjatë të qëndrosh në pushtet, aq më shumë fiton tiparet e djallit dhe bëhesh diabolik dhe pushteti absolut korrupton, kalon në degradim, s’ka më balancë pas 4 apo 5 mandatesh. Shkatërron edhe sistemet e tjera, si drejtësinë apo pushtetet e pavarura dhe futet në cikël vicioz, pa shpresë dhe për këtë arsye ka gjithmonë terren për të reflektuar. Pushteti absolut korrupton në mënyrë absolute. Shpresoj të jetë moment reflektimi dhe besoj pak shpresë kam për Shqipërinë për reflektim”.

Por Panariti vuri në dukje se Shqipëria ka potenciale dhe elemente me integritet dhe ishte momenti i një elite të re. Dhe besonte se ky ndryshim do të vinte.

“Unë mendoj se Shqipëria ka elementë, potenciale, të shkolluar, eksponentë me integritet, pasi ky vend kërkon ndryshim dhe qarkullim figurash, kërkon të rinj, energji të reja e fizike, duhet ndryshim. Propaganda prodhon lajme çdo ditë, nuk e shuan jehonën, mban opinionin publik nën breshërinë e lajmeve, pa i dhënë mundësinë. Por mendoj se ndryshimi do vijë, është e pashmangshme, e kemi parë edhe në kohën e diktaturës”, vijoi ish-deputeti.

Ndërsa nënvizoi se në vendin tonë janë prishur mekanizmat për shkak të kontrollit të pushtetit nga qeveria, ai solli në vëmendje atë që ndodhi në Hungari, e cila ndoqi kursin e Evropës dhe jo të Lindjes.

“Por në Shqipëri është prishur mekanizmi i kontrollit të pushtetit. Nëse vërtetë je i bindur se do të shkulësh një regjim dhe qeverisje, këto i bën ose tre muajt e para për të shkulur atë rrjet të kalcifikuar pushteti autokratik dhe sistem. Megjithatë mandati është i fortë dhe mbetet për t’u parë. Vizita e parë e Magyar do jetë në Bruksel për të zhbllokuar ato 17 mld euro si dhe çështja e reformave”, u shpreh Panariti.

The post Panariti flet për zgjedhjet në Hungari: Ndryshimi në Shqipëri do vijë, është i pashmangshëm, ikja e Orban do ketë efekt zinxhir dhe në vende të tjera appeared first on Albeu.com.

Magyar, avokat me profesion dhe ish-eurodeputet, u shfaq në skenën politike me një ritëm të shpejtë, duke kapitalizuar pakënaqësinë në rritje të një pjese të konsiderueshme të shoqërisë hungareze.

Nga brenda sistemit drejt pushtetit

Karriera e tij politike lidhet fillimisht me partinë në pushtet Fidesz, çka i dha mundësinë të njohë nga afër funksionimin e mekanizmave shtetërorë. Përpara se të ndiqte një rrugë të pavarur, ai ishte pjesë e strukturave të lidhura me qeverinë.

Në vitin 2020, ai themeloi partinë Tisza, ndërsa në vitin 2024 u zgjodh eurodeputet, duke u bashkuar me grupin e Partive Popullore Evropiane. Edhe pse formacioni i tij konsiderohet më pro-evropian krahasuar me Fidesz, Magyar ka mbajtur një qëndrim të kujdesshëm ndaj Bashkimit Evropian, duke shmangur pozicione që mund të rezultonin të papëlqyera në opinionin e brendshëm.

Skandali që e nxori në pah

Ngjitja e tij politike lidhet ngushtë me zhvillimet e vitit 2023, kur ai denoncoi publikisht qeverinë për çështje korrupsioni. Një element kyç ishte publikimi i një regjistrimi të fshehtë të një bisede me ish-bashkëshorten e tij, Judit Varga, asokohe ministre e Drejtësisë, ku përmendej ndërhyrje e supozuar politike në një çështje korrupsioni.

Rasti shkaktoi reagime të forta politike dhe mediatike. Nga ana tjetër, Varga e akuzoi Magyar për dhunë në familje dhe shantazh, duke pretenduar se nuk ishte në dijeni të regjistrimit. Pavarësisht përplasjes së ashpër, kjo nuk ndikoi ndjeshëm në mbështetjen publike ndaj tij.

Balancë mes BE-së dhe politikës së brendshme

Në planin politik, Magyar ka shmangur një rreshtim të plotë me linjat e Brukselit, duke tentuar të ruajë një ekuilibër mes orientimit evropian dhe skepticizmit që ekziston në një pjesë të elektoratit hungarez.

Çështje të ndjeshme si anëtarësimi i mundshëm i Ukrainës në BE apo ndihma financiare për Kievin mbeten tema delikate në politikën e brendshme, duke kufizuar hapësirën për qëndrime të forta pro-evropiane.

Nga ana e tij, Orban e ka cilësuar shpesh Magyar si “marionetë të Brukselit”, një akuzë që lideri i ri e ka hedhur poshtë, duke u përpjekur të projektojë imazhin e një politikani që kombinon kursin evropian me mbrojtjen e interesave kombëtare.

Një kapitull i ri për Hungarinë

Zgjedhja e Peter Magyar shënon një ndryshim të thellë politik në Hungari, duke hapur një kapitull të ri pas një periudhe të gjatë dominimi nga Orban. Pritet që drejtimi i ri të ndikojë jo vetëm në politikën e brendshme, por edhe në raportet e vendit me Bashkimin Evropian dhe arenën ndërkombëtare.

The post Peter Magyar, kryeministri i ri i Hungarisë/ Politikani që i dha fund epokës Orban, ngjitja në pushtet e avokatit 45-vjeçar appeared first on Albeu.com.

Duke iu drejtuar një turme mbështetësish të entuziazmuar në një shesh pranë Danubit, përballë Parlamentit në Budapest, Magyar deklaroi fitoren: “E bëmë. Së bashku përmbysëm regjimin hungarez”.

Rezultatet paraprake të zgjedhjeve, bazuar në mbi 98% të votave të numëruara, tregojnë një fitore dërrmuese për partinë e tij Tisza, e cila pritet të sigurojë rreth 138 mandate në parlament.

Ndërkohë, partia në pushtet Fidesz e Orbanit bie në 55 mandate, ndërsa forca e ekstremit të djathtë Lëvizja e Atdheut Tonë pritet të marrë 6 vende.

Fushata e Magyarit, e zhvilluar për më shumë se dy vite në qytete, fshatra dhe sheshe publike, mobilizoi një pjesë të madhe të elektoratit të pakënaqur nga korrupsioni dhe klientelizmi i përhapur gjatë qeverisjes së Orbánit.

Sipas tij, pjesëmarrja rekord prej 79.5% e votuesve përbën një moment historik për demokracinë në vend.

“Askurrë më parë në historinë demokratike të Hungarisë nuk kanë votuar kaq shumë qytetarë dhe asnjë parti nuk ka marrë një mandat kaq të fortë”, deklaroi ai pas publikimit të rezultateve.

Rënia e Orbanit ishte e shpejtë. Ndërsa vetëm 30% e votave ishin numëruar, Magyar bëri të ditur se kishte marrë një telefonatë nga vetë kryeministri në largim, i cili e kishte uruar për fitoren. Pak më vonë, Orban doli para mbështetësve të tij duke pranuar humbjen.

“Rezultati është i qartë dhe i dhimbshëm”, tha ai, duke falënderuar rreth 2.5 milionë votues që i qëndruan besnikë. “Ditët në vijim do të jenë për të shëruar plagët tona”.

The post Fundi i një epoke në Hungari/ Orban humb pushtetin pas 16 vitesh, triumfon Peter Magyar appeared first on Albeu.com.

Në një intervistë për median hungareze Valasz Online, të publikuar të martën, Zelensky e akuzoi Orbanin se po përdor propagandën kundër Ukrainën me qëllim që të përfitojë në politikën e brendshme.

“Ai [Orbani] po e përdor Ukrainën për qëllimet e tij elektorale”, tha ai.

“Ai nuk e kupton se kjo do të ketë pasoja shumë serioze dhe të rrezikshme.

Duke mos na ndihmuar ne, ai po i bën një favor [presidentit rus, Vladimir] Putin. Prandaj unë them se Viktori është duke bërë një gabim serioz dhe historik”.

Për javë të tëra, qeveria e Orbanit po zhvillon një fushatë përmes vendosjes së pankartave me mesazhe kundër ndihmës për Ukrainën dhe po kundërshton anëtarësimin e Kievit në Bashkimin Evropian.

Mesazhi kryesor i fushatës është se ndihma për Ukrainën do ta tërhiqte Hungarinë në luftë dhe do të dëmtonte ekonominë e shtetit.

Në disa pankarta është vendosur edhe portreti i Zelenskyt. “Si mund ta përdorë ai fytyrën time për zgjedhjet e tij? Unë nuk i kam dhënë leje për një gjë të tillë”, tha Zelensky.

The post Zelensky: Mbështetja e Orbanit për Rusinë, gabim historik appeared first on Albeu.com.

Kreu i qeverisë hungareze theksoi se; “po shikojmë pengesa politike dhe është e vështirë për ti kaluar këto probleme”.

Viktor Orban: “Shqipëria ka pritur që nga viti 2019. Kam folur dhe në Strasburg. Kura më e mirë për të gjithë, është që BE t’i presë vendet e Ballkanit.

Shqipëria ka bërë punë të mrekullueshme, të bazuar te mertita. Shqipëria duhet të jetë pjesë e BE dhe duhet të ishte tani. Fatkeqësisht po shohim pengesa politike.

Javën e ardhshme në Luskemburg, do të kemi konferencën ndërqeveritare mes Shqipërisë dhe BE.

Jemi shumë krenarë që kjo vjen kur Hungaria ka presidencën e BE. Hungaria, në frymën e një politike të përgjegjshme të fqinjësisë së mirë, ka ndihmuar BE.

Ju nuk duhet të prisni nga anëtarësimi që të përfitoni nga kjo gjë.

Kemi diskutuar edhe për bashkëpunimin dy palësh”, theksoi Orban.

The post Orban në konferencë me Ramën: Shqipëria duhet të ishte pjesë e BE-së, fatkeqësisht po shikojmë pengesa politike appeared first on Albeu.com.

Orban kritikoi BE-në se nuk po i mban premtimet që ua kishte dhënë vendeve të këtij rajoni para 20 vjetëve, duke theksuar rastin e Serbisë.
“Duhet të fokusohemi sidomos në Serbinë. Pa Serbinë, ne nuk mund ta stabilizojmë Ballkanin derisa Serbia të mos jetë vend anëtar i Bashkimit Evropian. Ballkani mbetet një rajon jostabil”, ka thënë Orban.

Serbia kishte aplikuar për anëtarësim në BE në vitin 2009, ndërsa statusin e vendit kandidat e mori në vitin 2012, para se të fillonte negociatat në vitin 2014.

Edhe Mali i Zi, Maqedonia e Veriut dhe Shqipëria kanë filluar negociatat për anëtarësim, ndërsa Bosnje e Hercegovina mori statusin e vendit kandidat në vitin 2022.

Kosova ende nuk ka statusin e vendit kandidat, ndërsa aplikoi për anëtarësim në fund të vitit 2022.

Gjatë fjalimit të tij, Orban shtoi se edhe pse disa vende kandidate i kanë përmbushur obligimet, ato nuk kanë lëvizur në procesin e negociatave për anëtarësim.

“Të rikujtojmë se para 20 vjetëve, BE-ja u kishte premtuar vendeve të Ballkanit Perëndimor perspektivën e anëtarësimit në BE.

Presidenca hungareze është e mendimit se ka ardhur koha ta përmbushim këtë premtim”, ka thënë Orban, i cili paralajmëroi zhvillimin e një samiti me Ballkanin Perëndimor.

Edhe pse presidenca hungareze e BE-së tashmë është në gjysmën e saj – pasi përfundon në fund të dhjetorit – Orbani e mbajti tani fjalimin e zakonshëm ku shefi i qeverisë së vendit kryesues tregon prioritetet e presidencës së saj.

Mbajtja e këtij fjalimi ishte shtyrë dy herë.

Orban gjithashtu bëri thirrje për “ndryshim” në Bashkimin Evropian, në fjalimin e shoqëruar me protesta për prapambetje demokratike në Hungari.

“BE-ja duhet të ndryshojë, dhe do të doja t’ju bindja për këtë sot”, tha kryeministri i ekstremit të djathtë, në Strazburg.

Orban tha se kjo është “periudha më serioze” në historinë e BE-së, me luftën në Ukrainë, konfliktin në Lindjen e Mesme që po eskalon dhe një “krizë migracioni” që sipas tij mund të shkaktojë “shkatërrimin” e sistemit të kufijve të hapur në Schengen.

“Unioni ynë duhet të ndryshojë, dhe presidenca dëshiron të jetë katalizatori i këtij ndryshimi”, tha ai.

Si aleati më i afërt i presidentit rus, Vladimir Putinit, brenda Bashkimit Evropian, qeveria nacionaliste e Orbanit është në përplasje me partnerët e saj për një sërë çështjesh – nga ndalimi i ndihmës për Kievin, deri te miratimi i një sërë ligjesh që blloku i sheh si prapambetje demokratike.

Fjalimi i Orbanit në parlament, ku ishte e pranishme edhe kryetarja e Komisionit Evropian, Ursula von der Leyen, është shtyrë dy herë dhe tani po zhvillohet në mes të mandatit presidencial të Budapestit.

Ligjvënësit e BE-së premtojnë se do ta mbajnë Orbanin përgjegjës, me liderin e opozitës hungareze, që është bërë eurodeputet, Peter Magyar, si një ndër folësit e radhës dhe me protesta që zhvilloheshin përgjatë fjalimit të Orbanit.

“Nuk ka para për të korruptuarit”, thuhej në një pankartë të mbajtur nga ligjvënësit e majtë, në referencë ndaj miliardave euro fonde që janë ngrirë për Hungarinë për shkak të shqetësimeve mbi sundimin e ligjit.

Një interpretim i zhurmshëm i himnit antifashist “Bella Ciao” u dëgjua ndërsa ai përfundoi fjalimin, duke shkaktuar një thirrje për rend nga presidentja e parlamentit, Roberta Metsola, e cila tha: “Ky nuk është Eurovisioni”.

Kur Hungaria mori presidencën gjashtëmujore të BE-së në korrik, Orban doli jashtë skenarit: ai nisi një “mision paqeje” të pakoordinuar për Ukrainën në Kiev, Moskë dhe Pekin, që la udhëheqësit në Bruksel të shqetësuar.

Në përgjigje, von der Leyen urdhëroi zyrtarët e lartë të anashkalojnë një sërë takimesh të organizuara nga presidenca hungareze, në një bojkot de facto të paprecedentë.

Që kur u rikthye për ta udhëhequr vendin e tij në vitin 2010, Orban ka ndërmarrë hapa për të kufizuar të drejtat civile dhe për të forcuar kontrollin mbi pushtetin, duke u përplasur vazhdimisht me Brukselin mbi çështjet e sundimit të ligjit.

Por, Orban ka theksuar fitoren e ekstremit të djathtë në zgjedhje nga Italia në Holandë dhe Austri – dhe ndikimin në rritje të një grupi të ri të udhëhequr nga Hungaria në parlamentin e BE-së, Patriotët për Evropën – si dëshmi se klima politike në Evropë po ndryshon./REL

The post Orban: Pa Serbinë në BE, Ballkani nuk mund të jetë stabil appeared first on Albeu.com.

Komisionerët europianë do të bojkotojnë takimet që Viktor Orban do të mbajë gjatë kësaj periudhe në kuadër të presidencës dhe do të përfaqësohen nga zyrtarë të nivelit më të ulët.

“Në vazhdën e zhvillimeve të fundit, që shënojnë fillimin e presidencës hungareze, presidentja e Komisionit Evropian, Ursula von der Leyen ka vendosur që komisioni të përfaqësohet në nivelin e nëpunësve civilë. Vizita e kolegjit në presidencën hungareze nuk do të realizohet”, tha zëdhënësi i Presidencës së Komisionit Evropian, Eric Mamer.

Hungaria protestoi kundër këtij vendimi. Ministri i Çështjeve Evropiane, Janos Boka tha se komisioni nuk mund të vendosë se me cilët institucione apo vende anëtare të bashkëpunojë.

Vendimi i europianëve vjen si hakmarrje ndaj liderit hungarez, i cili u takua me Vladimir Putin dhe Xi Jinping sapo mori presidencën për ato që ai i quajti përpjekje për paqe.

Për të njëjtën arsye në PE ka nisur gjithashtu një iniciativë për t’iu kërkuar rganeve përgjegjëse të Bashkimit Evropian, që t’i pezullojnë Hungarisë të drejtën e vetos.

Viktor Orban është lideri më i zëshëm europian, i cili ka kundërshtuar paketat e ndihmave ndaj Ukrainës dhe ka ruajtur raportet më Rusinë e Kinën.

The post BE bojkoton presidencën e Orban, vendimi si “ndëshkim” për kontaktet e Hungarisë me Rusinë dhe Kinën appeared first on Albeu.com.

Kjo do të thotë se në bazë të shifrave të fundit, blloku euroskeptik i kryesuar nga kryeministri hungarez zë vendin e tretë në Parlamentin Europian me 80 eurodeputetë, ndërsa Partia Popullore Europiane vjen e para dhe socialistët në vendin e dytë.

Duke përshkruar profilin e eurodeputetëve të grupi të Orban, shumica e tyre vijnë nga kampi i ekstremit të djathtë Le Pen me numrin e tyre në 30.

Pasuar nga partia e Orbanit, FIDESZ me 11, LEGA e Italisë me 8, partia ANO e Republikës Çeke me 7, austriake. FPÖ me 6, si dhe 6 PVV nga Luksemburgu dhe spanjolli VOX me 6, belgu Vlaams Belang me 3 eurodeputetë, portugez Chega me 2 dhe nga Danimarka Dansk Folkeparti me një.

Në të njëjtën kohë, Viktor Orbán, i cili vazhdon “misionin e paqes” pas vizitës në Kinë, tani po shkon drejt Uashingtonit për Samitin e NATO-s me informacione që tregojnë se në SHBA ndoshta do të takohet me ish-presidentin amerikan, Donald Trump.

Ndalesa e tij e radhës do të jetë Argjentina.

The post Le Pen i bashkohet grupit të Orban në Parlamentin Europian appeared first on Albeu.com.