•Ora 08:00 – 09:00: Orari më i zakonshëm në shumë vende dhe industri. Lejon një balancë mes produktivitetit dhe kohës së pushimit.

•Ora 07:00 – 08:00: Ideal për ata që janë më produktivë në orët e para të ditës ose që duan të mbarojnë punën më herët.

•Ora 09:00 – 10:00: I përshtatshëm për ata që kanë ritëm biologjik më të vonshëm dhe për sektorë që lejojnë fleksibilitet.

Studimet tregojnë se produktiviteti është më i lartë në mëngjes, por gjithashtu theksojnë rëndësinë e fleksibilitetit, pasi jo të gjithë funksionojnë në të njëjtin ritëm.

The post Cili është orari ideal për të nisur punën në mëngjes? appeared first on Albeu.com.

Sipas një studimi me 88,000 vullnetarë, për një shëndet më të mirë të zemrës orari optimal i gjumit është ndërmjet orës 22:00 dhe 23:00.

Ekipi që qëndron pas punës në MB Biobank beson se sinkronizimi i gjumit në përputhje me orën e brendshme të trupit mund të shpjegojë lidhjen e gjetur me një rrezik të reduktuar të sulmeve në zemër dhe goditjeve në tru.

Ritmi natyral 24-orësh i trupit është i rëndësishëm për mirëqenien dhe vigjilencën. Mund të ndikojë gjithashtu në gjëra të tilla si presioni i gjakut.

Për studimin, i cili është botuar në Gazetën Evropiane të Zemrës, studiuesit mblodhën të dhëna për kohën e gjumit dhe zgjimit gjatë shtatë ditëve duke përdorur një pajisje të ngjashme me një orë dore të mbajtur nga vullnetarët. Ata ndoqën atë që ndodhi me vullnetarët për sa i përket shëndetit të zemrës dhe qarkullimit të gjakut, për një mesatare prej 6 vjetësh.

Pak më shumë se 3000 nga të rriturit zhvilluan sëmundje kardiovaskulare. Shumë nga këto raste kanë ndodhur te njerëzit që kanë shkuar në shtrat më vonë ose më herët se ora “ideale” 22:00 deri në 23:00.

Studiuesit u përpoqën të kontrollonin për faktorë të tjerë që dihet se ndikojnë në rrezikun e zemrës së një personi, si mosha, pesha dhe nivelet e kolesterolit, por theksojnë se studimi i tyre nuk mund të vërtetojë shkakun dhe efektin.

“Koha më e rrezikshme ishte pas mesnatës, potencialisht sepse mund të zvogëlojë gjasat për të parë dritën e mëngjesit, e cila rivendos orën e trupit,” -tha autori i studimit Dr David Plans, nga Universiteti i Exeter.

Regina Giblin, infermiere kardiake në Fondacionin Britanik të Zemrës, tha se është e rëndësishme të theksohet se ky studim mund të tregojë vetëm një lidhje dhe nuk mund të vërtetojë shkakun dhe efektin. Giblin shtoi se nevojiten më shumë kërkime për kohën dhe kohëzgjatjen e gjumit si një faktor rreziku për sëmundjet e zemrës dhe të qarkullimit të gjakut.

The post Ky është orari më i mirë për të fjetur në darkë dhe ka një arsye pse duhet ta respektoni appeared first on Albeu.com.

Nëse hani mëngjes para orës 7 të mëngjesit, mund të zgjasni jetën tuaj, ndërsa dëshira për të ngrënë më vonë mund t’ju shkurtojë jetën. Studiuesit nga Universiteti i Nju Jorkut donin të zbulonin nëse koha e vaktit të parë të ditës lidhet me jetëgjatësinë.

Hulumtimet e mëparshme kanë treguar se ngrënia vonë natën prish orën e brendshme të trupit tonë dhe rrit rrezikun e zhvillimit të diabetit 2 dhe sëmundjeve të zemrës. Por disa studime kanë ekzaminuar nëse koha e mëngjesit ka një efekt të ngjashëm.

Rezultatet e publikuara në Journal of Nutrition treguan se ata që hanin mëngjes ndërmjet orës 6 dhe 7 kishin 6 për qind më pak gjasa të vdisnin para kohe nga sëmundje të rënda, si sëmundjet e zemrës ose kanceri, sesa ata që hanin mëngjes para orës 8.

The post Vakti i mëngjesit mund t’ju zgjasë jetën, por vetëm nëse e hani në këtë orë appeared first on Albeu.com.

Të nisësh punën pas orës 10:00 të mëngjesit? Për momentin është utopi, por në të ardhmen duhet të jetë realitet për të rritur produktivitetin dhe mirëqenien.

Këtë e bën të ditur një studim i fundit i kryer nga profesori Paul Kelley, kërkues i asociuar i Universitetit të Oksfordit, në Institutin e Neuroshkencës, në lidhje me ritmet kikardianë dhe gjumin.

Thirrja e tij është e rëndësishme dhe provokuese. Shkollat dhe shumë kompani duhet ta spostojnë orarin e fillimit të punës, për të respektuar dhe për të punuar sipas ritmeve biologjike të studentëve dhe të punonjësve.

Kjo është një çështje e privimit të gjumit, kur jemi të detyruar të ngrihemi sipas një alarmi të caktuar dhe jo natyrshëm – shpjegon Kelley në një intervistë për ‘The Guardian’.

Humbja e orëve të gjumit ka pasoja edhe tek shëndeti – kërkime të ndryshme tregojnë se privimi nga gjumi lidhet më diabetin, depresionin, obezitetin dhe një sistem imunitar më të dobët.

Në studimin e tij, ai konstatoi që për fëmijët rreth 10 vjeç, ora biologjike ishte rreth 6:30 të mëngjesit, për adoleshentët rreth 16 vjeç, ora biologjike është rreth 8:00 të mëngjesit, ndërkohë për 18-vjeçarët, të cilët mund t’i mendoni si gjumashë dhe dembelë, në të vërtetë ora e zgjimit biologjik është rreth 9:00 të mëngjesit.

Është e lehtë të kuptosh se si orari i fillimit të shkollës funksionon për fëmijët rreth 10 vjeç, por jo për adoleshentët 16 dhe 18 vjeç. Për adoleshentët apo të rriturit do të kishte më shumë kuptim për ta nisur ditën e shkollës në 10:00 ose mbase edhe më vonë.

“Zilja na orën 7:00 për adoleshentët, nënvizon Kelley, është ekuivalente me fillimin e shkollës në orën 4:30 për një mësues 50 vjeç”.

Atyre që mbështesin tezën se do të mjaftonte që të shkonit të flisnit më herët në mbrëmje, për t’u ngritur të çlodhur dhe të ripërtërirë ditën tjetër në orën 7:00, Kelley u përgjigjet se nuk është kaq e thjeshtë.

“Ritmi natyral i trupit kontrollohet nga një lloj drite e veçantë”.

Kelley thotë që dita jonë e punës duhet të jetë me fleksibël, duke respektuar ritmet tona natyrore. Duke e përshkruar humbjen mesatare të orëve të gjumit për çdo natë sipas moshave të ndryshme, profesor Kelley shpjegon se “mes moshës 14- 24 vjeç, kjo korrespondon më shumë se dy orë. Për persona të moshës mes 24 dhe 35 vjeç, është rreth një orë e gjysmë”.

Bie menjëherë në sy se orari 9:00-17:00 nuk do t’i këshillohej pjesës më të madhe të njerëzve dhe është vendosur nga drejtues mbi 50 veç. Një zgjidhje do të ishin oraret alternative.

Me fjalë të tjera ata që janë më shumë se 50 vjeç do të duhej ta fillonin punën në orën 8:00 të mëngjesit, ata nën moshën 35 vjeç në orën 10:00, ndërsa studentët dhe ata që punojnë dhe studiojnë në të njëjtën kohë, të mund të paraqiteshin në punë në orën 11:00?

Kelley mendon se oraret e sinkronizuara mund të kenë “më shumë pasoja pozitive, do të sillnin më shumë produktivitet por edhe humor të mirë tek njerëzit. Po ashtu, duke iu referuar pasojave te shëndeti do të kishim më pak njerëz të sëmurë dhe më shumë punonjës të lumtur dhe produktivë”.

Duke e zgjeruar perspektivën, me shumë gjasa do të kishte më pak aksidente në rrugë dhe drejtuesit e mjeteve do të ishin më të kujdesshëm, dhe mbi të gjitha do të reduktohej trafiku në orët e pikut.

Me fjalë të tjera, një mënyrë më e mirë për të nisur ditën e punës “që do t’u shkonte për shtat të gjithëve, veçanërisht familjeve”.

The post E vërteton studimi: Puna para orës 10:00 e dëmshme për shëndetin appeared first on Albeu.com.

Sipas marrëveshjes mes dy federatave ky takim do të luhet në stadiumin “RCDE”, që është shtëpia e skuadrës së Espanjolit në Barcelonë, duke filluar nga ora 19:00.

Siç dihet tashmë, kjo do të jetë ndeshja e parë miqësore mes këtyre dy përfaqësueseve, të cilat deri më tani kanë luajtur ndaj njëra-tjetrës shtatë sfida, të gjitha të vlefshme për kualifikueset e kampionateve europiane dhe botërore.

Ndërkaq, më datë 29 mars 2022 Shqipëria do të zhvillojë një tjetër miqësore ndaj Gjeorgjisë. Kjo ndeshje do të zhvillohet në Shqipëri sipas marrëveshjes së arritur mes dy federatave, ndërkohë që mbeten ende për t’u përcaktuar stadiumi që do të presë sfidën dhe orën kur do të luhet.

Këto miqësore zhvillohen në kuadër të përgatitjes së kombëtares shqiptare për ndeshjet e grupit në Ligën e Kombeve, që startojnë në muajin qershor. Trajneri Edoardo Reja do të ketë mundësinë që të testojë lojtarët dhe ekipi kuqezi pas thuajse 4 muajsh nga ndeshja e fundit.

The post Miqësorja Spanjë-Shqipëri, konfirmohet stadiumi dhe ora e ndeshjes së 26 marsit appeared first on Albeu.com.

Një pikëpyetje që gjithashtu është vënë shpesh në diskutim është ajo për kohën ideale të kafes. A është e këshillueshme të jetë kafja gjëja e parë që pijmë në mëngjes? Edhe kjo, me keqardhje, nuk është e rekomanduar nga specialistët.

I gjithë sekreti është te hormoni i kortizolit – i njohur si hormoni i stresit, por edhe hormoni që kontrollon orën biologjike. Kur trupi e çliron, atëherë ndihemi zgjuar. Nivelet e kortizolit, në të vërtetë, janë më të larta herët në mëngjes. Në këto kushte, kafeina rrit edhe më shumë nivelin e këtij hormoni dhe në mëngjes, nëse do t’i shtosh organizmit edhe një kafe, trupi do të prodhojë më shumë kortizol dhe nëse jo, prodhon më pak.

Edhe pirja e shumë kafeve gjatë ditës mund të çojë në efekte të tjera si nervozizëm, pagjumësi, aritmi etj.

Po atëherë cila është koha ideale për të pirë kafe?

Ka lajme të mira për ta pirë kafen në mënyrë të moderuar. Koha më e mirë për të pirë kafe është pas mëngjesit. Ora ideale është 9 – 10 paradite. Kjo orë rekomandohet sepse në këtë moment vlera e kortizolit është e ulët dhe është ora në të cilën pothuaj të gjithë janë zgjuar dhe kanë dalë nga shtëpia. Në këtë kohë, jeni edhe shumë orë larg pasdites, kur kafja, gjithashtu nuk është e rekomanduar për stresin që ju shkakton.

Ora 9 me 10 e mëngjesit – koha ideale për të shijuar një filxhan kafe me miqtë. Ose vetëm, nëse po fshiheni nga kolegët.

The post Shkenca zbulon orën më të mirë: Kjo është koha ideale për të pirë kafen e parë të ditës appeared first on Albeu.com.