Si reagim ndaj situatës emergjente, Oprah Winfrey ka hapur rrugën e saj private në ishullin Maui, për të ndihmuar në evakuimin e banorëve të zonës.

Zëdhënësi i saj konfirmoi për CNN se sapo morën lajmin për paralajmërimin e cunamit, ata u vunë në kontakt me autoritetet lokale dhe agjencinë federale për menaxhimin e emergjencave (FEMA) për të mundësuar hapjen e rrugës.

Sipas deklaratës, policia lokale është në terren dhe po menaxhon qarkullimin, duke lejuar kalimin e 50 makinave njëkohësisht për të siguruar rend dhe siguri. Rruga private do të qëndrojë e hapur për aq kohë sa do të jetë e nevojshme.

Ndërkohë, në qytetin Kahului, në bregun verior të Mauit, është regjistruar një valë cunami mbi 1.5 metra, ndërsa portet detare në të gjithë Hawaii u mbyllën përkohësisht.

Më pas, Qendra e Paqësorit për Paralajmërimin e Cunamive njoftoi se rreziku i cunamit është ulur, por ende ekziston mundësia për valë të fuqishme, përmbytje të lokalizuara dhe rryma të rrezikshme detare.

Ngjarja ka tërhequr vëmendje të madhe për reagimin e shpejtë dhe solidaritetin e shfaqur nga figura publike si Oprah, ndërsa autoritetet po vazhdojnë të monitorojnë situatën nga afër.

The post Oprah Winfrey hap rrugën private në Maui për të ndihmuar në evakuimin pas paralajmërimit për cunami appeared first on Albeu.com.

Ajo bëri një rrëfim shumë personal dhe ndau një përvojë traumatike. Winfery zbuloi se kur kishte qenë e mitur ishte përdhunuar nga kushëriri i tij më i madh për 4 vite rresht.

“Në moshën 9, 10, 11 dhe 12, kushëriri im 19-vjeçar më përdhunoi. Sigurisht, nuk e dija se çfarë ishte përdhunimi, çfarë ishte seksi, si bëheshin fëmijët. Madje nuk dija as se çfarë po ndodhte, kështu që e mbajta sekret”, tregoi ajo me lot në sy.

Winfey më tej tha se gjithçka që mund të bënte ishte të pranonte atë që I kishte ndodhur, duke shtuar se vetëm atëherë ajo kuptoi se “një vajzë nuk është e sigurt në një botë të mbizotëruar nga burrat”

Edhe sot ajo thotë se nëse atëherë do të kishte mundësinë të fliste me dikë, për të thënë atë që i ndodhi, plagët e saj do të ishin shëruar pas kaq shumë vitesh.

Prezantuesja madje theksoi rëndësinë të ndarit me të tjerët për atë që ndjen dhe atë që po ndodh. “Është jetike” tha ajo./albeu.com

The post Rrëfimi tronditës i Oprah Winfrey: Më ka përdhunuar kushëriri im 4 vite rresht, kur isha e mitur appeared first on Albeu.com.