Kreu i lëvizjes Besa, Bilall Kasami tha me anë të një statusi se emrin e këtij koalicioni e vendosën pasi “Lidhja”, paraqet edhe dëshminë e fuqisë së bashkimit për t’i arritur qëllimet tona të përbashkëta në interes të popullit.

Ndërkohë tre liderët i ftuan partitë tjera, OJQ-të dhe individët që duan të sjellin ndryshimin ti bashkohen frontit të tyre.

Postimi i plotë i Bilall Kasamit

Nën një atmosferë konstruktive dhe me një vullnet premtues, si dhe me vendim e autorizim të partive tona, deklarojmë që nga sot, 5 nëntor 2023, ne, tre partitë politike: Alternativa, Lëvizja Besa dhe Lëvizja Demokratike, kemi formuar koalicionin për bashkëpunim, i cili do të quhet LIDHJA EUROPIANE PËR NDRYSHIM.

Ky emër, jo vetëm që është simbolik, sepse asocon në Lidhjet e shumta shqiptarëve në të kaluarën dhe dëshmon bashkëveprimin historik të shqiptarëve, por LIDHJA paraqet edhe dëshminë e fuqisë së bashkimit për t’i arritur qëllimet tona të përbashkëta në interes të popullit. Ky emër jo vetëm që është përshkrues, por edhe reflekton me vizionin, misionin dhe objektivat tona të qarta në rrugën EUROPIANE. Dhe, mbi të gjitha, ky emër jo vetëm që është shpresëdhënës, por ngërthen në vete gatishmërinë, guximin edhe këmbënguljen e fuqishme për NDRYSHIM pozitiv të vendit në çdo drejtim.

Koalicioni ynë është i vendosur t’u paraprijë nevojave të qytetarëve tanë, t’i sfidojë mangësitë e sistemit tonë dhe t’i japë fund keqmenaxhimit shumëdekadësh të pushteteve të deritanishme, që janë sinonim i politikave të gabuara, i korrupsionit të rrënjosur dhe degradimit të sistemit të shtetit në tërësi.

Andaj, Lidhja Europiane për Ndryshim, që këtu, i fton gjitha subjektet individuale e politike, të cilat ndajnë vlerat dhe aspiratat e njëjta, që t’i bashkohen këtij karvani fitues, që të mund ta sjellim ndryshimin që e meritojnë qytetarët dhe kështu të mundësojmë një të ardhme ku qytetarët do të frymojnë të lumtur në vendin e tyre.

The post Opozita shqiptare në Maqedoni zyrtarizon koalicionin Lidhja Europiane për Ndryshim appeared first on Albeu.com.

Gjatë një takimi në Shijak, Berisha tha se PD ishte futur në një labirinth si në filmat e mafies, ndërsa theksoi se gjërat kanë ndryshuar.

“Ju lexuat sot besoj, se në çfarë labirintesh ishim futur ne si PD. Si në filmat e mafias. Dhe ai, bënte gjithçka jo që të bënte hetimin e plotë, por se si të kapte peng opozitën, sepse me një opozitë të marrë peng, ai vazhdonte pafundësisht.

Kohërat kanë ndryshuar. Ka një vetëdije të madhe sot te qytetarët shqiptarë se ky person është realisht një armik i lirive të tyre. Është realisht një hajdut që historia e Shqipërisë nuk e ka pasur kurrë të tillë, të pasurive të tyre. Është një armik i demokracisë.

Është mision i madh për ju, për çdo qytetar, për çdo demokrat që të bëjmë gjithçka për rrëzimin e tij. Ne nuk vijmë në pushtet me dhunë kurrë, por vijmë në pushtet me votën e lire”, tha Berisha./albeu.com/

The post Financimi i PD-së së Bashës nga Rusia, Berisha: Na futi në Labirinth si në filmat e mafies, por kohërat kanë ndryshuar tani appeared first on Albeu.com.

Fevziu tha në emisionin “Të Paekspozuarit” se nuk e sheh si ngjarje poizitive për vendin, por shtoi se opozitës do ti japë më tepër “grintë”.

Blendi Fevziu: Ne do të kemi në skenën politike tre protagonistë shumë të njohur që e njohin njëri tjetrin prej më shumë se dhjetë vitesh. Nga viti 2005, politika shqiptare nuk ka prodhuar asnjë figurë të re. I vetmi që tentoi ishte Basha, që ishte dështim total. Nuk besoj se është pozitiv për vendin (rikthimi i Metës), por i jep grintë opozitës. A binden dot shqiptarët që pas kësaj ka ardhur koha për ndryshim? Varet edhe nga Rama si do të qeverisë sepse ka bërë gabime.

Ylli Rakipi: Aleanca Berisha-Meta, mendoni se i krijon premisat për të rrëzuar Ramën ?

Blendi Fevziu: Këtë nuk e dimë. Nuk e dimë cfarë do të ndodhë me krizën në Ukrainë. Berisha dhe Meta nuk janë Basha dhe Kryemadhi. Nuk e di a votohen por janë më të fortë.

Ylli Rakipi: Si e shpjegon faktin që në politikën shqiptare nuk largohet askush dhe të gjithë duan të vdesin në karrige?

Blendi Fevziu: Nuk duan të votohen. Kosova e ka ngritur të gjithë rinovimin mbi bazën e votës. Në Shqipëri nuk vlerësohet vota për asgjë, nuk ke se si ti largosh njerëzit. Nëse humb zgjedhjet largohesh. Ky është rregulli i vetëm që mund të sjellë ripërtëritje të elitave. Nuk mund të largohet vetëm se dikush të thotë ik.

The post Blendi Fevziu: Rikthimi i Metës i jep grintë opozitës, ai dhe Berisha nuk janë si Basha dhe Kryemadhi appeared first on Albeu.com.

Këtë Meta e ka bërë përmes shpërndarjes së një video të disa ditëve më parë, për të cilën ai thotë se pseudo-opozita nuk do të ekzistojë më kurrë.

“E ardhmja e opozitarizmit do të jetë krejt ndryshe nga derimë tani. Nuk do të ketë më pseudo-opozitë, që ju ikën betejave dhe që është shembulli më i keq i respektimit të parimeve demokratike brenda saj, duke favorizuar cenimin e demokracisë dhe legjitimuar për fat të keq, kapjen e shtetit dhe krijuar gjoja idenë se, nuk ekziston një alternativë e opozitës. Opozita është kudo, në çdo rrugë dhe në çdo rrugicë të Shqipërisë”, është shprehur Meta./albeu.com/

The post Paralajmëron Meta: Opozita do të jetë e fortë, ska më grup që u ikën betejave (VIDEO) appeared first on Albeu.com.

Komentet Kryemadhi i bëri gjatë takimit me delegatët e partisë në Konventën e Tiranës.

Ajo shtoi se ka ardhur koha që opozita në tërësi dhe LSI në veçanti të nisë punën për riorganizimin e strukturave të saj dhe për përgatitjen për zgjedhjet lokale të vitit të ardhshëm.

Pjesë nga fjala e Kryemadhit:

Të nderuar delegatë dhe delegate të Lëvizjes Socialiste për Integrim të Bashkisë Tiranë. Të dashur qytetarë të Tiranës dhe të gjithë Shqipërisë.

Është një kënaqësi e veçantë për mua, që të vijmë në këtë takim së bashku, gati 1 vit prej zgjedhjeve të përgjithshme të 25 Prillit dhe pas një periudhe të gjatë, disa mujore reflektimi për situatën e krijuar nga ato zgjedhje.

Kemi organizuar në këto muaj takime me anëtarët dhe simpatizantët e LSI në të gjithë vendin. Siç edhe kemi mbajtur komunikim të vazhdueshëm me anëtarë të forcës tonë, që sot gjenden në diasporë.

Jemi shumë herë më të qartë sot, për tradhëtinë e madhe që pësoi opozitarizmi shqiptar, nga ai që ndonëse i veshur me kostumin e kryeopozitarit të paepur, në fakt kishte shitur kauzat, e kishte tregtuar shpresën për ndryshimin e Shqipërisë dhe qeverisjes së saj, sikur të ishte besimi i shqiptarëve, një gjë që mund të shitej “lirë” në tregun e gjësë së gjallë.

Kemi kuptuar qartë edhe anët e dobëta tona.

Nevojën për rritjen e nivelit të organizimit, që duhet të kishim treguar në Prill 2021, për të arritur që besimin që shqiptarët kishin ndaj LSI dhe kandidatëve tanë, ashtu siç tregonin informatat dhe sondazhet e brendshme, ta përkthenim në mbështetje reale në kutitë e votimit.

E megjithëse prezenca në parlament është sot modeste, LSI paraqet me peshën e saj elektorale të 25 Prillit, një superfuqi përcaktuese për drejtimin e Bashkive dhe Këshillave Bashkikë në zgjedhjet e radhës lokale, që do të mbahen 1 vit prej sot.

Ndaj e kam thirrur këtë mbledhje me ju si delegatë të LSI në Bashkinë Tiranë, sepse është përgjegjësia jonë, duke vendosur në funksion edhe mësimet e së shkuarës, pra të 25 Prillit 2021 dhe 6 Marsit 2022, për të nisur që sot përgatitjet tona për zgjedhjet lokale që po vijnë.

Organizimi për zgjedhjet vendore 2021 do të nisë nga Bashkia Tiranë, e duke vijuar me të gjitha Bashkitë e Shqipërisë.

Kam marrë një ndjesi shumë pozitive nga njerëzit që kam takuar përgjatë Shqipërisë në këto muaj, një energji të jashtëzakonshme që nuk ishte ndjerë prej kohësh.

Kjo është energjia e frymës që krijon shembulli i një opozite të vërtetë.

Qytetarët në të gjithë vendin janë të lodhur me situatën aktuale dhe kërkojnë një alternativë./albeu.com/

The post Kryemadhi: Opozitarizmi u shit më 25 prill nga ai që mbante veshur kostumin appeared first on Albeu.com.

Dorëheqja e Lulzim Bashës nga posti i kryetarit të Partisë Demokratike, partisë më të madhe në opozitë në Shqipëri, ofron mundësi për bashkimin e kësaj partie, e cila gjendet prej gjysëm viti në krizë dhe është përꞔarë keqazi në dy grupe kundërshtare. Vetë Basha e motivoi dorëheqjen si një akt, ”për ringjalljen dhe unitetin e demokratëve”.

Shkaku u krizës: Berisha i përjashtuar si „non grata”.

Kriza në PD u shfaq shtatorin e kaluar kur Basha, tre muaj pas rizgjedhjes së tij kryetar, përjashtoi liderin historik të PD, Berisha nga grupi parlamentar i demokratëve për shkak të shpalljes së tij “persona non grata” nga qeveria amerikane “për vepra korrupsioni që minojnë demokracinë në Shqipëri.”

Basha, nga i preferuari i Berishës, „biri i tij politik” u shndërrua brenda natës në rivalin, që duhej hequr, “si i marrë peng nga kryeministri Rama”. PD u nda në dy grupime kundërshtare, me një antagonizëm që sa erdhi dhe u thellua. Zgjedhjet e parakohshme, të pjesëshme lokale në fillim të këtij muaji, më 6 mars treguan se grupimi i Berishës kishte më shumë mbështetje në bazën e demokratëve, sesa PD-ja zyrtare e Bashës, e cila nuk fitoi asnjë bashki. Humbja solli atë që nuk sollën 7 muaj fushatë intensive e grupimit të Berishës: dorëheqjen e Bashës, të cilin grupimi i kryesuar nga Berisha e kishte shkarkuar që në dhjetorin e kaluar në Kuvendin Kombëtar.

Po a mjafton dorëheqja e Bashës që PD të bashkohet? Aleksandër Çipa, analist i pavarur në Tiranë, kryetar i Unionit të Gazetarëve të Shqipërisë e konsideron të pamjaftueshme.

“Dorëheqja e Bashës zhvlerëson një hatu të mbështetësve të ish-kryeministrit Berisha që njihet si „Grupi Rithemelues i PD. Por kjo dorëheqje nuk mjafton për zgjidhje të krizës së PD-së, për sa kohë pala e ish-liderit historik të PD, Berisha, qëllimisht nuk njeh/anashkalon zanafillën, shkakun e krizës që është përjashtimi nga Basha i ish-kryeministrit Berisha, nga grupi parlamentar i demokratëve si „non grata,” thekson për DË, Aleksandër Çipa.

Të mundshëm dy skenarë

Genc Pollo, ish-deputet dhe ish-ministër në qeverinë e PD-së thotë për DW se zhvillimet e pritshme në PD mund të kenë dy skenarë.

„Skenari optimal është një bashkim i PD, bazuar në vendimet e marra në Kuvendin e Dhjetorit, por duke marrë parasysh kërkesat e arsyeshme të grupimit të mbështetësve të deritanishëm të Bashës. Skenari negativ është që drejtuesit e lënë nga Basha të frenojnë bashkimin duke paraqitur kushte të pamundura, joparimore, të mbajnë vulën dhe logon e PD dhe të caktojnë kandidatë në zgjedhjet lokale 2023 për të përçarë votën e opozitës” thotë për DË, Genc Pollo.

Vendimet e Kuvendit të Dhjetorit të “Grupimit të Rithemelimit” shkarkuan Bashën dhe lidershipin e PD, që tani po negocion për bashkim dhe nuk njohin si zanafillë të krizës përjashtimin e Berishës nga grupi parlamentar i PD ,si „non grata. Vetë ish kryeministri Berisha ka pohuar që synon rikthimin tij në krye të PD.

Çfarë lidershipi i lypset PD?

Ringritja e PD nis nga bashkimi i dy grupimeve dhe vijon me lidershipin e saj të ri që pritet të zgjidhet në maj. “PD e tentoi rinovimin në udhëheqje në vitin 2013 me zgjedhjen e Bashës kryetar. Rezultati është ky që kemi parë. Në këtë fazë PD nuk është në qejf për eksperimente. Anëtarët e saj do të vendosin me votën e tyre. Gjithsesi këshillat në këtë drejtim janë të mirëpritura sidomos kur vijnë nga votues e dashamirës të PD. Demokracia shqiptare ka nevojë urgjente për një opozitë efektivee cila luan plotësisht rolin e kontrollit dhe balancës ndaj pushtetit qeveritar. Pa aksionin e ish-kryeministrit Berisha nga vjeshta e shkuar, do të ishim me opozitën më moçalore të këtyre tri dekadave,” – thotë Genc Pollo.

Baltosje e ndërsjelltë, mosveprim i drejtësisë

Situata rëndohet kur kihet parasysh që pas shpalles “persona non grata” të ish-kryeministri Berisha, SHBA deklaruan që nuk do të bashkëpunojnë me PD e Shqipërisë nëse ajo do të drejtohet nga Berisha.

Në gjashtë muajt e përꞔarjes së PD-së të dyja grupimet kundërshtare baltosën me akuza të rënda për korrupsion njëri-tjetrin. “Baltosja është aspekti më i pakëndshëm i gjashtë muajve të fundit. Në tërësi fajësimet ishin të përgjithshme, pa prova e pa substance” thotë Genc Pollo.

Deri tani drejtësia e re dhe Struktura e Posaꞔme kundër korrupsionit (SPAK) nuk kanë publikuar ndonjë rezultat nga ndonjë hetim potencial për këto akuza.

“Korrupsioni prej shumë vitesh në Shqipëri është një histori e mbetur pa hetim dhe ndëshkim ligjor. Rastet homologe me Kroacinë, Rumaninë dhe rishtazi me Bullgarinë janë mjaftueshmërisht model për ndjekje nga drejtësia shqiptare, por fatkeqësisht kjo ende nuk ka mbërritur tek ne. Dhe jo për faj të të tjerëve, por për arsye të përgjegjësisë së pandjerë shqiptare. Drejtësia në Shqipëri, edhe pse ka një status tjetër ligjor qysh prej 2016, nuk ka fituar dot kurajon ligjore dhe guximin për të vetëvepruar, kryesisht ndaj qeverisjes së politikanëve që gjenerojnë abuzivisht me tranzicioin “ala shqiptar” thotë Aleksandër Çipa./DW

The post DW: Ringritja e PD-e vështirë pa njohur shkakun e krizës. Cilët janë dy skenarët? appeared first on Albeu.com.

Rama e krahasoi vendi ku mbahen seancat plenare me një xhungël ku njerëzit kacafyten.

Kjo situatë tha Rama askënd s’e bën të ndihet mirë kur shkon në shtëpi. Në mbyllje të fjalës së tij kryeministri i ka përcjellë një mesazh të fortë opozitës duke thënë se “nuk kanë parë asgjë akoma”, e këtu nënvizoi “jo nga ne, por nga njëri-tjetri”, referuar “luftës” brenda PD.

“Askush sma mohon se kur kthemi në shtëpi në darkë nuk ndihemi mirë një raport me familjen dhe me njerëzit tani. Një zonjë atje qesh, nuk e di  a është nënë a nuk  është nënë. S’ma ha mendja se qesh se ndihet mirë kur shkon në shtëpi dhe familja e shikon sikur sa ka dalë nga një xhungël ku kacafyten njerëz që marrin formën e të dalurve nga mendja, për këtë duhet të biem dakord.

Një fjalë thotë mos i bëj tjetrit atë që do nuk do të të bëjnë ty. Tani do hyni në një fazë ku do t’ja digjni lëkurat njërit tjetrit me bishtat e cigareve që keni pirë bashkë për 30 vjet. Në vend që të merren me vendimet apo veprimet e tua të merren me gjëra që ti as se ke çuar në mendje që ti bësh me gjëra që ti  e di mirë se s’kanë lidhje me gjëra që sdo doje kurrë të të ndodhin. E keni bërë këtë 30 vjet, tani është koha ta provoni vetë, tani është koha ta provoni vetë ça është kjo, por prisni se s’keni parë gjë akoma, po jo më nga unë dhe nga ne por nga njëri tjetri”, tha Rama./albeu.com/

The post Rama ironizon opozitën: Do digjni lëkurat e njëri-tjetrit me bishtat e cigareve appeared first on Albeu.com.

Retkoceri ka shkruar se me këtë opozitë, Ali Ahmeti nuk do pijë duhan, por Puro.

“Ju kemi thënë se nga e hëna do të çuditeni. Pritni edhe pak, se tani ka filluar loja e jo të premten.. Dikush do të dëshprohet shumë e tjetri falë jush do të të vazhdonë të pi Duhon madje edhe më të trash -Puro, e cila tani do vite deri sa të shuhet.

Disave na kryqëzuat me etiketime sepse ua thonim të vërteten , e jo atë që donit ta degjonit e që ju pëlqente.. Keqeardhje për shushunjat e zhurmëshme partiake të degëve e krandeve, që kanë humb në mahallat e tyre. Këta të shkretit që nga e premtja janë në vrap pas blerjes të kravatave për të kap ndonjë pozicion me lek, në kurriz të të tjerëve. Mundi do ju shkon huç

Mos thoni që nuk ju kemi thënë e nuk e keni ditë. Jeta vazhdonë ….

ajde tash ma gjallë ma gjallë” ka shkruar Retkoceri./albeu.com/

The post Çudit gazetari Ratkoceri: Me këtë opozitë Ahmeti nuk do pijë duhan, por puro appeared first on Albeu.com.

Pas takimit kryeministri Zaev, theksoi se në takim është biseduar vetëm për Ligjin për shtetësinë, duke shtuar se janë për zgjidhje të përhershme dhe në pajtim me rregullativa evropiane.

“Ditëve në vazhdim do të punojmë intensivisht që të arrihet deri tek një zgjidhje e qëndrueshme sa i përket çështjes së shtetësisë.

Në këtë mënyrë do të konfirmojmë të gjithë se jemi për zgjidhje të përhershme, dhe kjo të jetë në pajtim me rregullativat evropianë për shtetësinë”, tha Zaev, pas takimit me koordinatorët e opozitës shqiptare.

The post Zaev pas takimit me opozitën shqiptare: Jemi për zgjidhje të përhershme për çështjen e shtetësisë appeared first on Albeu.com.