Në letrat e publikuara në kanalin Telegram nga Yarovaya gjatë fundjavës, ai shkruan se ishte i tronditur nga lajmi i 16 shkurtit për vdekjen e një politikani tjetër kryesor të opozitës, Aleksei Navalny, në një burg në Arktik, dhe nuk kishte dyshim se Putini ishte “personalisht përgjegjës”.

“Që në sekondën e parë [pas dëgjimit të lajmit] e dija me siguri se Vladimir Putin ishte personalisht përgjegjës për vdekjen e Aleksei Navalnyt dhe se një vrasje politike u krye me urdhër të tij, pavarësisht nëse ishte rezultat i një torturimi të krijuar qëllimisht, kushte apo helmim të përsëritur”, shkroi Kara-Murza.

Ai shtoi se nuk ishte në dijeni se si reaguan të burgosurit e tjerë ndaj lajmit, pasi ai po mbahet i vetëm në një pjesë ndëshkuese të burgut në qytetin siberian, Omsk, dhe nuk ka asnjë kontakt me të burgosur të tjerë.

Sipas tij, një politikan i besueshëm nuk mund të jetojë jashtë vendit, kështu që politikanët e opozitës si ai dhe kritikët e burgosur të Kremlinit, si Ilya Yashin, Andrei Pivovarov dhe Navalny, nuk kanë zgjidhje tjetër veçse të qëndrojnë në Rusi ose të kthehen në Rusi për të sfiduar autoritetet.

“Për një politikan publik, është çështje etike dhe përgjegjësie politike… Nëse u bëni thirrje njerëzve të qëndrojnë kundër regjimit autoritar, nuk mund ta bëni këtë nga një distancë e sigurt, duhet të ndani rreziqet me bashkatdhetarët tuaj”, shkroi Kara-Murza.

Në një letër, ai shkroi gjithashtu se si historian ai beson se historia ka ligjet dhe logjikën e saj zhvillimore që askush nuk mund t’i “anulojë”.

“Le të shohim hartën e Evropës – vetëm 35 vjet më parë, gjysma e vendeve atje ishin autoritare. Sot ka vetëm dy vende në Evropë që nuk janë të lira – Rusia dhe Bjellorusia. Dhe nuk ka dyshim se këto dy bastione janë gjithashtu të përkohshme”, theksoi ai.

“Unë absolutisht nuk kam asnjë dyshim se në një të ardhme shumë të parashikueshme, Rusia do të bëhet një demokraci, ose siç i pëlqente të thoshte Aleksei Navalnyt – një vend normal evropian”, tha ai.

“Regjimi i Putinit bazohet ekskluzivisht në frikë dhe apati. Autoritetet duan që shoqëria ruse të jetë e ndarë, e dëshpëruar, e demoralizuar,” shkroi Kara-Murza.

“Por ju e mbani mend atë që tha Aleksei Navalny… Ndryshimet nuk do të vijnë në Rusi nga jashtë…

Vetëm kur vetë shoqëria ruse të ndalojë së toleruari atë që po ndodh, kur të kuptojë forcën e saj, identitetin e saj dhe përgjegjësinë e saj për të ardhmen, ndryshimet në Rusi do të bëhen të pashmangshme.

Kur kjo të ndodhë varet vetëm nga ne”, ka shkruar Kara-Murza.

Kara-Murza, i cili mban pasaporta ruse dhe britanike, u arrestua fillimisht në prill të vitit 2022 pasi u kthye në Rusi nga jashtë dhe u akuzua për mosbindje ndaj një oficeri policie.

Ai u akuzua më vonë për diskreditimin e ushtrisë ruse, një akuzë që rrjedh nga agresioni i plotë i Rusisë në vitin 2022 kundër Ukrainës dhe një shtytje e Kremlinit për të zhdukur kritikat për këtë temë.

Ai u akuzua më vonë për tradhti, për komentet që ai bëri në fjalimet jashtë Rusisë që kritikonin politikat e Kremlinit.

Në prill të vitit të kaluar, Kara-Murza u shpall fajtor për të gjitha akuzat dhe u dënua me 25 vjet burg./REL

The post Politikani opozitar i burgosur: Regjimi i Putinit bazohet “në frikë dhe apati” appeared first on Albeu.com.

Valery Boyarinov, nënkryetari i shërbimit penitenciar FSIN, i cili është përgjegjës për burgjet ruse, është graduar gjeneral i Ministrisë së Punëve të Brendshme.

Drejtori i Fondacionit Kundër Korrupsionit, i cili u themelua nga Navalny, shkroi sot në llogarinë e tij në platformën Telegram se Boyarinov ishte personalisht përgjegjës për torturimin e Navalny në burg.

“Kjo duhet të kuptohet si shpërblimi i dukshëm i Putinit për torturën”, shkroi Ivan Zhdanov për promovimin e Boyarinov.

Në korrik të vitit 2023, urdhri i Boyarinov për të kufizuar aftësinë e politikanit të opozitës për të blerë ushqime dhe gjëra thelbësore ditore u zbulua gjatë një seance gjyqësore të Navalny.

Të burgosurit mund të përdorin normalisht paratë e tyre për të plotësuar racionet e pakta që u jepen nga dyqani i burgut.

Sipas Zhdanov, gjenerali i sapograduar ishte gjithashtu përgjegjës për ngacmimet e mëtejshme të Navalny-t të burgosur.

Promovimi i Boyarinov u bë i njohur dje, të hënën, kur u publikua dekreti përkatës presidencial. Përveç Boyarinov, tre oficerë të tjerë të zbatimit të ligjit u promovuan në gradën e gjeneralit.

Zëdhënësi i Kremlinit Dmitry Peskov mohoi çdo lidhje midis vdekjes së Navalny dhe promovimeve, duke thënë se ishte rutinë.

The post Putin promovon zyrtarin e burgut pas vdekjes së Navalny, opozita akuzon për torturë appeared first on Albeu.com.

Kjo ka nxitur spekulime se po bëhen përpjekje për të fshehur arsyen e vërtetë pse vdiq zoti Navalny. Kritiku i ashpër i Kremlinit vdiq të premten në moshën 47 vjeçare në koloninë penale të Arktikut, ku po vuante një dënim 19-vjeçar me akuzën për ekstremizëm.

Lyudmila Navalnaya, nëna e udhëheqësit opozitar rus Alexei Navalny, udhëtoi rreth 2,000 kilometra nga Moska për në koloninë e burgut të izoluar në qytetin Kharp të shtunën, por iu tha se trupi i tij nuk ishte aty.

Më pas ajo u dërgua në një morg, por zyrtarët atje gjithashtu ia mohuan kërkesën për të marrë trupin e djalit të saj.

Aleatët e zotit Navalny akuzuan autoritetet se po përpiqen të fshehin provat.

Autoritetet thanë se shkaku i vdekjes së zotit Navalny të premten nuk është përcaktuar ende dhe refuzimi i tyre për t’ia dorëzuar trupin familjes ka nxitur spekulime se autoritetet ruse mund të jenë të prirura për ta mbajtur trupin në një përpjekje për të fshehur provat mbi shkaqet e vdekjes.

Zoti Navalny ishte 47 vjeç. Ai vdiq të premten në koloninë penale të Arktikut, ku po vuante një dënim 19-vjeçar me akuzën për ekstremizëm.

Shumë udhëheqës botërorë, përfshirë Presidentin Joe Biden fajësuan udhëheqësin rus, Vladimir Putin për vdekjen e kundërshtarit të Kremlinit.

“Putini është përgjegjës për vdekjen e Navalnyt. Kjo është një provë tjetër e brutalitetit të Putinit”, tha Presidenti Joe Biden pasi u dha lajmi për vdekjen e kritikut të zëshëm të Presidentit rus, Putin.

Zëdhënësi i Kremlinit, Dmitry Peskov kritikoi të hënën deklaratat e “e ashpra” dhe “të papranueshme” të udhëheqësve perëndimorë që bëjnë presidentin Vladimir Putin përgjegjës për vdekjen e zotit Alexei Navalny.

“Këto deklarata sigurisht që nuk mund t’i shkaktojnë asnjë dëm kreut të shtetit tonë. Por, absolutisht nuk iu ofrojnë asnjë të mirë atyre që bëjnë deklarata të tilla”, tha zëdhënësi i Kremlinit, Peskov.

E veja e Navalnit, Yulia Navalnaya, tha në një video-mesazh të hënën se ajo do të vazhdojë punën e burrit të saj dhe do të luftojë për një Rusi të lirë.

Vdekja e kritikut më të madh të presidentit rus e ka privuar opozitën ruse nga politikani i saj më i njohur dhe më frymëzues më pak se një muaj para zgjedhjeve që pritet t’i japin Presidentit Vladimir Putin një mandat tjetër gjashtë vjet vjeçar.

The post Udhëtoi rreth 2,000 kilometra nga Moska për në Kharp, nënës së Navalny-t i refuzohet hyrja në morg appeared first on Albeu.com.