Më tej BDI kërkon që ai të tregojë pse i ndaloi kryetarët e tij të komunave të bashkëpunojnë me shqiptarë dhe pse bën thirrje për luftë.

Reagim i Bashkimit Demokratik për Integrim

Mickoski i izoluar dhe i vetmuar, anti NATO dhe anti BE të tregojë: Pse i ndaloi kryetarët e tij të komunave të bashkëpunojnë me shqiptarë dhe pse bën thirrje për luftë?

I izoluar dhe i vetmuar anti NATO dhe BE, njëkohësisht edhe antishqiptar sipas qëndrimeve dhe vendimeve të tij, kryetari i VMRO DPMNE-së, Mickoski refuzon dhe shmang të deklarohet: Pse ua ka ndaluar kryetarëve të tij të komunave të bashkëpunojnë me shqiptarë, pse ka lëshuar urdhër që të mos lëshohen vendime për legalizim për shqiptarët nga ana kryetarëve të tij të komunave, pse ka lëshuar urdhër që të mos jepen leje ndërtimi për kompanitë pronari i të cilave është shqiptar dhe pse ai dhe bashkëpartiakët e tij bëjnë thirrje për luftë kundër shqiptarëve në vitin 2023?

Publikimi i një fotoje me uniformë të kamufluar dhe me kallashnikov të zbarzur ishte paralajmërim i një fushate të planifikuar prej kohësh me paralajmërime për luftë nga VMRO DPMNE dhe me kërkesë për 61 deputetë që të mos ‘kushtëzohen’ nga shqiptarët, sikur Nikolla Gruevski dikur dhe nxiti fjalimin e Aleksandër Nikollovskit në Kuvend, gjatë të cilit ai deklaroi se maqedonasit do të ngrihen në vitin 2023.

Kjo është sjellje skandaloze e liderëve të papërgjegjshëm të VMRO DPMNE-së dhe duhet të dënohet nga të gjithë, duke përfshirë mediat, shoqërinë civile, komunitetin akademik dhe të gjitha partitë që angazhohen për një Maqedoni Europiane, anëtare të NATO-s, me qytetarë të barabartë dhe në bashkëjetesë të shkëlqyeshme ndërmjet të gjitha komuniteteve, për paqe, stabilitet dhe siguri, si dhe zhvillim ekonomik.

Sot, të gjitha partitë, përveç Levicës, po distancohen nga VMRO DPMNE-ja e Mickoskit dhe kapaciteti i saj koalicionues është i barabartë me ZERO dhe pikërisht kjo shkakton nervozizëm tek ta.

The post BDI: Mickoski i izoluar dhe i vetmuar, anti-NATO dhe anti-BE appeared first on Albeu.com.

Në konferencën e fundit para mediave për vitin 2022, ai tha se prioritet i partisë së tij është që zgjedhjet të mbahen në maj të vitit tjetër, në datat 14 ose 21.

“Gjendja në vend është e padurueshme, por edhe brenda partive në pushtet, veçanërisht LSDM-së, BDI-së dhe Alternativës. Kërkohet një rivendosje e sistemit. Është joreale ajo që thotë [Kryeministri] Dimitar Kovaçevski, për zgjedhjet e vitit 2024, fillimisht zgjedhjet presidenciale dhe më pas ato parlamentare”.

“Në një rast të tillë zgjedhjet presidenciale do të jenë të pasuksesshme dhe postin do ta mbajë kryetari i Kuvendit, ndërsa BDI-ja përveç pozitës së kryetarit do të ketë edhe kryeministër teknik sipas marrëveshjes që kanë me LSDM-në, që do të thotë monopol nga një parti politike”, deklaroi Mickoski.

Ai tha se opozita maqedonase nuk do të mbështesë ndryshimet kushtetuese për përfshirjen e pakicën bullgare në të, ashtu siç parashikohet në marrëveshjen me Sofjen, ngase “nuk do t’i japin fund kërkesave bullgare për të rrënuar identitetin maqedonas”.

Reagimi i i kreut të opozitës maqedonase vjen një ditë pasi ministri i Punëve të Jashtme, Bujar Osmani, paralajmëroi se nga java e ardhshme do të intensifikohen konsultimet për sigurimin e shumicës prej dy të tretave në Kuvend, që janë të nevojshme për ndryshimin e Kushtetutës maqedonase.

Kërkesa për zgjedhje të parakohshme u mbështet edhe nga opozita shqiptare, e cila prioritet ka procesin e integrimit të Maqedonisë së Veriut në BE.

“Ne jemi gjithmonë të gatshëm për akte të tilla politike dhe demokratike, siç janë zgjedhjet. Mirëpo, procesi i integrimeve evropiane, që nga dalja jonë në skenën politike, ka qenë gjithmonë një prioritet i madh dhe domethënës”, tha Naim Bajrami, zëdhënës i partisë Aleanca për Shqiptarët – i cili komentoi propozimin e VMRO DPMNE-së.

Edhe Lëvizja Besa kërkon zgjedhje të parakohshme parlamentare, madje e kushtëzuar mbështetjen e saj për ndryshimet kushtetuese me shpalljen e zgjedhjeve të reja në vitin 2023.

Por, partitë në pushtet, Lidhja Social Demokrate (LSDM) dhe Bashkimi Demokratik për Integrim (BDI) thanë se zgjedhjet do të mbahen në afatin e rregullt në vitin 2024 ndërsa në vitin 2023 do të mbahen vetëm se zgjedhjet e rregullta presidenciale.

The post Opozita maqedonase kërkon zgjedhje të parakohshme appeared first on Albeu.com.

Ditën e sotme në Kuvend ai theksoi se iniciativa Ballkani i Hapur krijon mundësi të reja për punëtorët dhe i bëri thirrje opozitës që të sillet me përgjegjësi, në mënyrë që ligjet në fjalë të kalojnë në Kuvend.

“Nuk e shoh këtu deputetin Milloshoski, i cili nuk dëshiron të caktojë Komisionin për Punë të Jashtme ku duhet të ratifikohen marrëveshjet që dalin nga bashkëpunimi për Ballkanin e Hapur. Këto janë kontrata ku përfitimi i vetëm janë punëtorët dhe kompanitë. Përfitimet e pastra ekonomike të bazuara në katër liritë evropiane: kapitali, mallrat, shërbimet dhe njerëzit.

Me njërën marrëveshje shfuqizohen procedurat e komplikuara fitosanitare që ekzistojnë mes tre vendeve Serbisë, Shqipërisë dhe Maqedonisë së Veriut dhe me të dytën mundësohet që punëtorët të punojnë lirisht në të tre vendet pa procedura administrative shtesë. I bëj thirrje deputetit që ta thërrasë komisionin”, kërkoi Kovaçevski.

Në seancën për çështje parlamentare në Kuvendin e Republikës së Maqedonisë së Veriut, Kovaçevski tha se “si Qeveri mbetemi të përkushtuar në përpjekjet për të vazhduar intensifikimin e politikave për rritje dhe zhvillim të përshpejtuar ekonomik të shtetit, përmes rritje së investimeve vendase dhe të huaja”.

The post Kovaçevski: Opozita të sillet me përgjegjësi ndaj iniciativës së Ballkanit të Hapur appeared first on Albeu.com.

Marrëveshjet për qasje të lirë në tregun e punës, për bashkëpunim në fushën e mjekësisë veterinare dhe të sigurisë ushqimore, si dhe për ndërlidhje dhe identifikim elektronik, janë bllokuar në komisionet e Kuvendit maqedonas që drejtohen nga partia opozitare, VMRO-DPMNE.

Kryetari i kësaj partie, Hristijan Mickoski, tha të mërkurën se propozim-ligjet nuk do të kalojnë për miratim në seancë plenare derisa Qeveria nuk e informon opozitën se për çfarë nisme bëhet fjalë dhe cili është qëllimi i Ballkanit të Hapur.

Ai tha se pret nga kryeministri, Dimitar Kovaçevski, që ta ftojë në takim dhe t’i sqaroj se çfarë kërkon Maqedonia [e Veriut] në një grupi rajonal me Serbinë dhe Shqipërinë.

“Kur të marrim të dhëna se cili është qëllimi i iniciativës dhe çfarë sjell ajo për vendin tonë, atëherë mund të ulemi dhe të flasim më konkretisht për mbështetje apo mos mbështetje”.

“Kam dëgjuar në një sqarim se nisma se është për bashkëpunim të fqinjësisë së mirë, por shpesh shtroj pyetjen se si kufizohn dy nga këto tre vende që janë në Ballkanin e Hapur”, ka deklaruar Mickoski, duke aluduar në Shqipërinë dhe Serbinë të cilat nuk kufizohen me njëra tjetrën.

Ndërkohë, Lidhja Social Demokrate, e cila drejtohet nga kryeministri, Dimitar Kovaçevski, kërkoi të mërkurën nga VMRO DPMNE-ja që t’ua mundësojë ratifikimin e këtyre marrëveshjeve.

“Bëhet fjalë për marrëveshje me ratifikimin e të cilave qytetarët e Maqedonisë së Veriut, Serbisë dhe Shqipërisë do të kenë mundësi të punojnë në cilindo nga tre vendet pa marrë leje pune, pa asnjë pengesë, pa aplikime dhe pritje, pa kosto administrative. Këto marrëveshje do të ofrojnë vende të reja pune, duke plotësuar mungesën e personelit në sektorin privat në secilin prej tre vendeve”, ka deklaruar Mile Taleski, deputet i LSDM-së.

Nisma Ballkani i Hapur është vazhdimësi e Mini-Shengenit ballkanik, e prezantuar në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.

Ballkani i Hapur është thënë se synon të mundësojë lëvizje të lirë të njerëzve, mallrave dhe shërbimeve në rajonin e Ballkanit Perëndimor.

Kosova, Bosnjë e Hercegovina dhe Mali i Zi nuk janë pjesë e saj. /REL

The post Opozita maqedonase kundër Ballkanit të Hapur, bllokon ligjet në Kuvend appeared first on Albeu.com.

Opozita kërkoi dorëheqjen e qeverisë pasi sipas saj u negociua plani francez duke anashkaluar Kuvendin.

“Maqedonia dhe Bullgari sot fatkeqësisht po i përjetojnë raportet më të pakëndshme dhe më të tensionuara nga viti 1948 e këtej. Manipulimet e pushtetit vazhdojnë edhe sot e kësaj dite dhe vlerësojë se duhet t’i vihet fundi manipulimeve, ndërsa më e moralshme do të ishte nëse fundi i atyre manipulimeve i vihet me dorëheqjen e Kovaçevskit, Mariçiqit dhe Bujar Osmanit”.

Në krahun tjetër partia në pushtet LSDM thotë se pretendimet e opozitës nuk qëndrojnë pasi asnjë vijë e kuqe e vendosur nga parlamenti nuk u negociua në bisedimet me Bullgarinë.

“Qeveria e udhëhequr nga LSDM është e përkushtuar në mbrojtjen e interesave shtetërore dhe kombëtare. Në zgjidhjen e çështjeve me Bullgarinë, qeveria, institucionet nuk devijojnë nga vijat e kuqe të përcaktuara me Rezolutën e miratuar në Kuvend nga deputetët e të gjitha partive politike”.

Plani francez për heqjen e vetos bullgare u duk se çliroi situatën mes dy vendeve, por edhe pas votimit të Parlamentit në Sofje kanë vijuar debatet politike në Shkup.

The post Përplasje politike në RMV për negociatat, opozita kërkon dorëheqje appeared first on Albeu.com.

“Ka para mjaftueshëm nëse nuk vidhet, sepse qytetarët po plaçkiten, plaçkitet buxheti para ska normal, nëse nuk plaçkitet para do të ketë. Edhe ky borxh i ri që paralajmërohet është përsëri mbulim i harxhimeve joproduktive”, tha Mickoski.

Ndryshe, VMRO-DPMNE ka kërkuar 50% ulje të derivateve të naftës si dhe të ndihmohen më shumë qytetarë në këtë kohë krize./zhurnal

The post Mickoski: Ka para për qytetarët, nëse nuk vidhet appeared first on Albeu.com.

Mickoski thotë se qeveria duhet të pranojë propozimin e VMRO-DPMNE-së për uljen e akcizës për 50 për qind.

Ai shton se duhet të ulet TVSH për ushqimet dhe nga 5 % të bëhet 0 %, ndërsa për TVSH-në e energjisë elektrike, ai kërkon që të qëndrojë e pandryshuar.

Komentet kryeopozitari i Maqedonisë së veriut i bëri përmes një postimi në rrjetet sociale.

“43% e çmimit të benzinës paraqet detyrim ndaj shtetit për çdo litër karburant. Të ulet TVSH-ja për ushqimet. Në vend të taksës 5 për qind për ushqimet, të bëhet zero për qind dhe kërkojmë që së paku taksa për ngrohje të ulet në zero, TVSH-ja e energjisë elektrike të mbetet në të njëjtin nivel, 5 për qind deri në fund të vitit. Dhe shumë me rëndësi, rritja e pagave në sektorin publik përmes harmonizimit të koeficientit në raport me fuqinë punëtore përmes kontratave tashmë të arritura kolektive. Ka para në buxhet, le të mos vjedhin, le të ndalojnë shpenzimet joproduktive, prokurimet për pijata të arit, le të kontrollohen shpenzimet publike”, ka shkruar Mickoski./albeu.com/

The post Kriza energjitike, Mickoski jep direktivat: Qeveria e Maqedonisë të pranojë propozimin e VMRO-së për ulje të akcizës për 50% appeared first on Albeu.com.

Marrëveshja e Prespës për ndryshimin e emrit “Maqedoni” në “Maqedoni të Veriut”, ishte arritur më 17 qershor të vitit 2018, me çka dy shtetet zgjidhën kontestin gati 30-vjeçar, që çoi në zhbllokimin e anëtarësimit të Maqedonisë së Veriut në NATO dhe institucionet tjera ndërkombëtare.

Si këmbim, Shkupi pranoi se maqedonasit e tanishëm nuk kanë asnjë lidhshmëri me maqedonasit antik, e as pretendime territoriale ndaj Greqisë së Veriut, që mban gjithashtu emrin Maqedoni.

Kjo marrëveshje, asnjëherë nuk është pranuar nga opozita maqedonase që udhëhiqet nga VMRO DPMNE-ja, duke paralajmëruar se në rast se vjen në pushtet do të angazhohet për shfuqizimin e saj.

Por, duke e komentuar veprimin e disa asambleve të reja lokale, që kthyen në përdorim emrin e vjetër të shtetit, kreu i VMRO DPMNE-së, Hristijan Mickoski, tha se emri i ri është realitet, të cilin, sipas tij, e imponoi kryeministri Zoran Zaev.

Ai theksoi se mosrespektimi i këtij emri mund të sjellë pasoja, por sërish premtoi se do të punojë për të përmirësuar, siç tha, “marrëveshjen nënçmuese”.

“Marrëveshja e Prespës është realitet. A na pëlqen neve ky realitet? Sigurisht se nuk na pëlqen. Këtë realitet na e solli Zoran Zaev, por nëse nuk respektohet ky realitet në kuadër të funksionimit administrativ të këtyre institucioneve, atëherë do të kemi probleme me instanca tjera, siç janë gjykata, prokuroria, e kështu me radhë. Se a do të punojmë për të ndryshuar këtë realitet, kur një ditë të kemi mundësi që të këta bëjmë, unë them se po, por për momentin ne të gjithë po veprojmë në bazë të këtij realiteti, që është i dhimbshëm, nënçmues për të gjithë ne që Maqedoninë e vlerësojmë si atdheun tonë”, deklaroi Mickovski.

Veprimi i asambleve të reja komunale ka shkaktuar reagimin e Ministrisë së Punëve të Jashtme.

“Ministria e Punëve të Jashtme bën thirrje që të zbatohen dispozitat kushtetuese në përputhje me Marrëveshjen e Prespës, duke pasur parasysh se mosrespektimi i Kushtetutës dhe ratifikimit të marrëveshjeve ndërkombëtare, seriozisht prish imazhin ndërkombëtar të shtetit dhe cenon rendin juridik të Republikës së Maqedonisë së Veriut”, thuhet në reagimin e Ministrisë së Jashtme.

Zhvillimet në Maqedoninë e Veriut janë komentuar edhe nga Athina zyrtare.

“Kthimi i retorikës nacionaliste te fqinjët tanë mund të çojë në një ridefinim të pozicionit tonë kombëtar në mbështetje të procesit të zgjerimit të BE-së”, citojnë mediat një deklaratë të zëvendësministrit të Jashtëm grek, Miltiadis Varvitsiotis.

Ai shprehu shqetësimin për zhvillimet në vend dhe theksoi se zbatimi i duhur iMarrëveshjes së Prespës është një nga parakushtet për kornizën negociuese të Shkupit me BE-në.

Partitë në pushtet thonë se nuk do të lejojnë që opozita të rrezikojë Marrëveshjen e Prespës dhe raportet me Greqinë që mund të çojnë në bllokime të reja.

“LSDM-ja dhe koalicioni nuk do të lejojnë që VMRO-DPMNE dhe Mickoski të rrezikojnë Marrëveshjen e Prespës, të na fusin në grindje të reja me Greqinë dhe fqinjët e tjerë, të na sjellin në konflikt dhe urrejtje të brendshme dhe kështu ta kthejnë vendin në të kaluarën e errët të regjimit”, thuhet në komunikatën e LSDM-së të publikuar të enjten.

Ristevski: Betimi bazuar në emrin e vjetër, i pavlefshëm

Temelko Ristevski, njohës i çështjeve kushtetuese, thotë për Radion Evropa e Lirë, se çdo veprim i kujtdo qoftë që bie ndesh me Kushtetutën, është i dënueshëm, përfshirë edhe veprimet e komunave të caktuara.

“Subjekti juridik, Republika e Maqedonisë, me amendamentet kushtetuese që janë miratuar para dy viteve më nuk ekziston. Tani kemi subjekt të ri juridik, Republika e Maqedonisë së Veriut. Të gjithë këshilltarët që kanë bërë betimin bazuar në emrin e vjetër të shtetit, janë të pavlefshme dhe duhet të anulohen”, thotë profesori Temelko Ristevski.

Sipas tij, çdo vendim që mund të miratojnë komunat me emrin e vjetër të shtetit, do të jetë i pavlefshëm dhe mund të ngrihen procedura para organeve gjyqësore për shkelje të Kushtetutës.

Lidhur me zhvillimet në Maqedoninë e Veriut, ka reaguar edhe Brukseli duke bërë thirrje për zbatimin e reformave që kanë të bëjnë me Bashkimin Evropian, por edhe me respektimin e të gjitha marrëveshjeve ndërkombëtare./REL/

The post Dorëheqja e Zoran Zaev turbullon ujërat, opozita kërkon rikthimin e “Maqedonisë” appeared first on Albeu.com.

Në raundin e parë janë zgjedhur kryetarët e komunave në Bogdanc, Berovë, Bosillovë, Vallandovë, Veles, Vinicë, Gazi Babë, Butel, Gradsko, Dellçevë, Zërnoc, Dojran, Ilinden, Jegunoc, Kavadar, Kriva Pallankë, Krivogashtan, Karbinc, Krushevë, Likovë, Mogillë, Negotinë, Novaci, Petrovec, Pllasnicë, Prilep, Saraj, Sveti Nikollë, Sopisht, Strumicë, Qendër Zhupë dhe Shtip.

Deri më tani, VMRO-DPMNE-ja ka fituar 19 kryetar komunash, LSDM 9 kryetarë komunash, BDI 3 ndërsa Partia Demokratike Turke (TDP) 1.

The post Zgjedhjet në Maqedoninë e Veriut, 32 komuna tashmë me kryetar, 42 komuna do të ketë raund të dytë më 31 tetor! Fiton opozita maqedonase appeared first on Albeu.com.

“Këto fëmijë të këtyre vendbanimeve nuk u kanë borxhë fare këtyre zotërinjve që rrinë në ndërtesën mbrapa, respektivisht ata është dashur që ti mbajnë premtimet dhe këta fëmijë të mësojnë ashtu si gjithë fëmijët e tjerë, sepse me Kushtetutë, çdo fëmijë i garantohet e drejta e shkollimit në gjuhën amtare”./albeu.com

The post Opozita shqiptare, nxënësit e Bërnjacës, Idrizovës dhe Bllacës nuk i kanë asnjë Borxh Zaevit dhe Ahmetit appeared first on Albeu.com.