(Si durimi po bëhet arma më e rrezikshme e Teheranit)

Në gjashtë ditët e para të luftës, Pentagoni i raportoi Kongresit një faturë prej 11.3 miliardë dollarësh. Kjo është rreth 1.88 miliardë dollarë në ditë ose, nëse preferoni, 21,800 dollarë cdo sekondë. Kjo e bën Operacionin Epic Fury fushatën ajrore më të shtrenjtë hapëse në historinë ushtarake amerikane. Por shifrat vetëm tregojnë gjysmën e historisë. Pyetja e vërtetë nuk është sa po shpenzon Amerika por sa gjatë mund ta mbajë këtë ritëm.

Irani nuk ka fituar asnjë luftë në 40 vjet, por është akoma këtu.

Logjika iraniane është e thjeshtë dhe brutale: shpenzo pak, detyro kundërshtarin të shpenzojë shumë. Gjatë luftës 12-ditore të qershorit 2025, Irani lëshoi mbi 2,000 dronë dhe 500 raketa balistike nderkohe qe SHBA konsumoi deri në 30% të stoqeve të saj THAAD për t’i ndalur. Një raketë iraniane Fattah kushton rreth 500,000 dollarë, ne kontrast interceptori që e shkatërron kushton 12.7 milionë. Çdo sulm iranian, edhe kur dështon, i kushton Amerikës njëzet e pesë herë më shumë sesa i ka kushtuar Iranit.

Mbi te gjitha nuk ka pasur asnjë dorëzim të ri interceptorësh THAAD që nga gushti 2023, dhe prodhimi i ri pritet të fillojë në prill te 2027.Kjo nuk është vetëm problem financiar por nje dobësi strategjike. Çdo muaj konflikt zbraz rezerva që do të duheshin në Ukrainë ose Tajvan, nëse gjërat do të përkeqësoheshin atje.

Presioni nuk kufizohet në qiell. Kur SHBA nisi sulmet, Irani bllokoi Ngushticën e Hormuzit, duke hequr nga tregu rreth një të pestën e furnizimit botëror me naftë dhe gaz. Çmimet e karburantit janë dyfishuar që nga fillimi i konfliktit, ndërsa 18% e ngarkesave ajrore globale janë ndërprerë. Për familjet amerikane, kjo përkthehet direkt në çmime më të larta në pompë, fatura më të medha energjie dhe mallra më të shtrenjta, jo si pasojë e largët, por si nje realitet i sotëm.

Historia e ka pare me pare këtë ekuacion. Gjatë Luftës së Vietnamit, SHBA kishte epërsi absolute ushtarake, por kundërshtari kishte durim pa kufizime politike të brendshme.

Ai durim fitoi dhe Irani e di mirë këtë mësim. Presidenti Trump deklaroi se operacionet do të zgjasnin “katër javë ose më pak” por fushata ajrore mbi Libi në 2011 zgjati 7 muaj, dhe operacioni kundër ISIS mbi 5 vjet. Çdo precedent historik tregon se konfliktet e këtij lloji rrallë mbarojnë sipas orarit të shpallur.
Dhe ky është pikërisht kalkulimi iranian.

Regjimi i Teheranit nuk u përgjigjet zgjedhjeve dhe nuk ka nevojë të shpjegojë çmimet e benzinës para deputetëve. Uashingtoni, nga ana tjetër, po ndjen peshën politike. Senatorja Elizabeth Warren deklaroi pas një seance sekrete: “Nuk ka para për 15 milionë amerikanë që humbën sigurimet shëndetësore, por ka miliarda dollarë në ditë për të bombarduar Iranin.” Ky lloj presioni nuk ekziston në Teheran, dhe kjo asimetri politike është po aq e rëndësishme sa ajo ushtarake.

Departamenti Amerikan i Mbrojtjes pretendon se programi bërthamor iranian është zhvendosur pas me dy vite nga sulmet e qershorit 2025, por regjimi vazhdon, stoqet e interceptorëve vazhdojnë të zbrazin dhe fatura ditore vazhdon të rritet. Kjo tregon se presioni ushtarak i izoluar nuk mjafton për të ndryshuar llogaritjen e Teheranit.

Çdo javë shtesë konflikt i shton Iranit kohë për t’u përshtatur, i zbraz SHBA-së rezerva strategjike dhe i rrit opinionit publik amerikan arsyet për të kërkuar një rrugëdalje. Nëse ka një moment për të negociuar nga pozita force, ai moment është tani ,jo pas gjashtë muajsh tjetër shpenzimesh dhe humbjes se avantazhit strategjik. Koha vazhdon, por jo në favorin tonë.

The post Irani nuk ka nevojë për fitore, ka nevojë për nesër appeared first on Albeu.com.

Kjo teksa po debatohej për Gjykatën Speciale, debat që eskaloi.

Por, gazetari Blendi Fevziu, ka publikuar videon pas emisionit duke treguar se Buzhala dhe Rexhaj ia zgjatën dorën njëri tjetrit, duke u pajtuar.

Më parë, Buzhala ka shkruar në Facebook, duke kërkuar falje për incidentin.

The post VIDEO/ Pajtohen dhe përqafohen mes vete Berat Buzhala dhe Albatros Rexhaj appeared first on Albeu.com.

Ky burri me qese në dorë dikur ka qenë politikani më me ndikim në Republikën e Kroacisë. Ka qenë kryeministër. Ka qenë i përkëdhelur i bashkësisë ndërkombëtare. Ka qenë i mirëpritur në Bruksel dhe në kryeqytete të tjera të rëndësishme të Europës. Më 2009 papritmas dha dorëheqje. Në fillim të dhjetorit 2010 iku nga Kroacia, por aventura e tij zgjati vetëm 24 orë: u arrestua në autostradë afër Salzburgut në Austri.

Gati 15 vite kanë kaluar nga ajo kohë. Burri me qese në dorë, i njohur me emrin Ivo Sanader, doli sot nga burgu. Deri tani, si në paraburgim ashtu edhe në bazë të vendimeve gjyqësore, ai ka kaluar në burg gati 10 vjet.

Ivo Sanader është dënuar me vendim të formës së prerë në tri raste: për përvetësimin e parave nga ndërmarrjet publike, për kërkim dhe marrje ryshfeti si dhe për dorëzimin e të drejtave menaxhuese mbi kompaninë Ina tek kompania hungareze MOL në këmbim të ryshfetit.

Ivo Sanader do të mund të hynte në histori si një personalitet i madh i politikës kroate. Para se të futej në terrenin e minuar të politikës, ai ishte drejtor teatri në Split. Fliste italisht, gjermanisht, anglisht. Kur u bë kryeministër, i dha fund trashëgimisë së plumbtë të Franjo Tuxhmanit. E orientoi Kroacinë drejt BE-së. Krijoi kushtet për arrestimin e Ante Gotovinës. Kësisoj hapi shtegun për fillimin e negociatave për anëtarësim në BE. Por gjatë qeverisjes atë e tradhtoi instinkti i pushtetit – dhe ai i lakmisë.

Dhe ja ku është tani: një burrë me një qese. I përbuzur. I harruar. I vetmuar. Dhe meritueshëm i dënuar! Ndërkohë vendi i tij është anëtar i Bashkimit Europian, është pjesë e Schengenit dhe paguan me euro. (Në NATO Kroacia ka hyrë më 1 prill 2009, atëherë kryeministër ishte Ivo Sanader). Për krejt veprat e tij, drejtësia kroate e ka dënuar me gjithsej 18 vjet burg.

Sipas ligjit, janë plotësuar kushtet që ai të lirohet paraprakisht, por deri në vitin 2032 do të jetë nën mbikëqyrje të autoriteteve.

The post Një burrë me qese në dorë… appeared first on Albeu.com.

Teksa i kërkohej llogari për sigurinë ushqime dhe premtimet për pasaportën e BE, Rama i zënë ngushtë përsëriste një refren: “Pi kamomil se nuk je mirë”.

Mesa duket, kjo është mënyra si Rama do na integrojë në Europë.

Gazetari e ironizon, duke iu përgjigjur se; “kamomili është më i mirë se kërpudhat magjike që pi kryeministri, që i shkaktojnë haluciancione dhe e bëjnë të krijojë iluzione të kota dhe premtime boshe”.

Debati:

Sejamini: Si do certifikosh laboratorët për 2 vjet kur si ke bërë për 12 vjet, mund të ma shpjegosh pak këtë mënyrë magjike se si rregullohen dhe do ti zbatosh këto gjera para se të mbyllen negociatat. I ke zbatuar dhe në prktikë, ke garantuar se mandariant nuk kanë pesticide…

Rama: Unë mund të sugjeroj ty vetëm kamomil të qetësohesh, asgjë tjetër

Sejamini: Po mo patjetër

Rama: Pi kamomil intensiv sepse nuk je mirë tani

Sejamini: Më mirë sesa kërpudhat halucunologjike të cilat krijojnë fantazi dhe iluzione

Rama: Krijojnë fantazi? Në rregull

The post Debati në studio: Kamomili që na integron në Europë appeared first on Albeu.com.

I ftuar në emisionin “Të Paekspozuarit”, Fevziu deklaroi se është ishte surprizuar nga kjo aferë dhe nga niveli i korruptimit të drejtorëve, madje e quajti Shqipërinë edhe “Republikë e drejtorëve”. Lidhur me përgjegjësinë e Veliajt, Fevziu tha se ai ka përgjegjësi politike, dhe se duhet të japë shpjegime çfarë ka ndodhur.

Biseda në studio:

Fevziu: Dua të flas me çfarë kam parë në dosje deri tani dhe i referohem dosjes, është e pabesueshme. Në historinë 34 vjeçare të ndjekjes së ngjarjeve, një gjë e tillë është befasuese. Kur e dëgjova nga Këlliçi fillimisht dhe kur u konsultova me disa persona, edhe një vit përpara, isha i befasuar. Kishte një rezervë sepse thashë, mos ekzagjerohet. Keni shkruar dikur një shkrim, “shteti i Eminit”, një shkrim në të cilin merrje një këshilltar të kryeministrit dhe e vinit si personifikimi i absurdit, ku kryeministri përtonte të merrej me punë dhe ia kishte lënë Eminit, që pastaj fitoi edhe një lloj arrogance. Kjo duket një Republike drejtorësh, me çfarë kemi parë deri tani. Është arrogance e një Republike drejtorësh, që janë të rinj dhe duhet të ishin krejt ndryshe, vijnë me shkollim të huaj dhe rezultojnë më hajdutë se ata që kanë qenë përpara. Më arrogantë dhe më të shpifur. Kjo lloj arrogance, kjo lloj sigurie, çon në këtë abuzim që kalon çdo limit. Kanë një bindje që kjo gjë nuk do të ndodhte kurrë. Jemi në një vend ku abuzimi ka shoqëruar këtë vend.

Rakipi: Po pranojmë që është një Republikë drejtorësh, pesë drejtorë në Bashkinë e Tiranës, që kanë kryer këtë akt të pabesueshëm, arrogant, etj. Tani, nëse ky që është lart mbi drejtorët… Njeriu që drejton, minimalisht nuk duhet të jetë, sepse qenka budalla pastaj, kryetari i Bashkisë, që është një administrator.

Fevziu: E paskam pyetur për këtë aferë zotin Veliaj, me emrin e drejtorit dhe me shumën konkrete. Ai tha nuk është e vërtetë. Minimalisht, duhet ti bëhet pyetja, pse ke mbajtur këtë qëndrim. E ke bërë se ke dashur ta mbrosh apo nuk ke ditur? Kur e dëgjon këtë pyetje dhe përgjigjen, fillon investigon. Pika e dytë, duhet të japë përgjigje Veliaj vetë.

Rakipi: Veliaj nuk të jep përgjigje sepse ai nuk vetë-akuzohet. Por ne jemi gazetarë. Nëse një titullari i vjedhin gjithë paratë dhe i bëjnë rrush e kumbulla, minimalisht duhet të largohet.

Fevziu: Po padyshim duhet të marrë përgjegjësi politike. Pastaj ai duhet të japë shpjegime se cfarë ka ndodhur.

The post Blendi Fevziu flet për dosjen “5D”: Shqipëria, Republikë drejtorësh! Veliaj ka përgjegjësi politike appeared first on Albeu.com.

Në emisionin “Opinion” në Tv Klan, Kryemadhi e konsideron artificial problemin që ka shfaqur Ilir Meta ditët e fundit, kur flet për tradhtarë dhe çimkaxhinj brenda Partisë së Lirisë.

Situata nisi pas sulmit kibernetik në disa kompjutera të selisë së partisë disa javë më parë, për të cilën është bërë dhe denoncim. Kryemadhi thotë se nuk ka ndodhur asnjë përgjim apo situatë e tillë, siç insinuon Ilir Meta, por fajin ia le bashkëpunëtorëve të ish-Presidentit, të cilët sipas saj e kanë bindur Ilir Metën se anëtarët e partisë janë përgjuar.

Monika Kryemadhi: Është gënjyer Ilir Meta. Sepse kur mbledh rreth vetes njerëz të cilët mendojnë që janë rrogëtarë, sepse një parti politike nuk mbahet me rrogëtarë dhe servilë sedentarë. Kur njerëzit të cilët e kanë mendjen bosh dhe nuk e mbushin dot kohën me aksion opozitar atëherë do të krijojnë armikun imagjinar. Ai material nuk është shkruar nga një profesionit, është shkruar nga një jurist i cili nuk njeh…

Blendi Fevziu: Ka shkuar një ditë dhe ka parë që s’ka servera të kamerave? Ka shkuar një ditë dhe ka gjetur ndonjë përgjues në zyrë?

Monika Kryemadhi: Jo jo. Serverat e godinës së Partisë së Lirisë janë servera që çdo 1 javë fshihen dhe riformatohen. E dyta, ka luhatje tensioni. Në luhatjet e tensionit mund të ketë një moment kontakti 1 sekond i cili është fikur dhe është ndezur përsëri.

Blendi Fevziu: Pra ky është problem elektrik apo politik?

Monika Kryemadhi: Ky është me thënë të drejtën problem njohurish. Kjo zgjidhet me IT.

Blendi Fevziu: Po çfarë kanë gjetur?

Monika Kryemadhi: Asgjë nuk kanë gjetur. Është një fantazi e krijuar nga një grup njerëzish të cilët nga rrogëtarë në Presidencë vijnë dhe bëhen rrogëtarë në Partinë e Lirisë.

Blendi Fevziu: E kanë bindur Metën që përgjohet?

Monika Kryemadhi: Jo, i kanë thënë jemi përgjuar ne, nuk kanë thënë që është përgjuar Ilir Meta. Personat i kanë thënë Ilir Metës jemi përgjuar ne. Por nuk është ky problemi i shqiptarëve. Do vijë Prokuroria, do ta shikojë, do i nxjerri si budallenj ata që i kanë bërë.

The post Kryemadhi sulmon bashkëpunëtorët e Metës: Një parti politike nuk mbahet me rrogëtarë dhe servilë sedentarë appeared first on Albeu.com.

Une kam respekt shume te madh per te gjithe mesuesit e mi dhe per mesuesin si institucion dhe me kete reagim timin, nuk dua te hamendesohet se po sulmoje mesuesin, por arsimi shqiptar, ka nevoje per nje qasje te re ne mesimdhenie, ne mbarevajtjen e ores se mesimit dhe ne edukimin e brezave.

Gazetarja e emsionit Piranjat, Mikela, ka investiguar rastin e vajzes me autizem qe mesuesja nuk e qaste ne mesim, e diskriminonte, e bullizonte, e perjashtonte nga mesimdhenia dhe vajza njehere kishte perfunduar ne banjot e pista te shkolles.

Si fillim dua t’ju tregoj se filozofia ime eshte: Nje mesues i mire eshte kur motivon nxenesin e pamotivuar per te mesuar apo kur rrit nivelin akademik te nje nxenesi nen mesatare ne saj te punes dhe jo kur ka 3, 4 apo 5 nxenes ekselent ne klase. Ekselentet e kane dhunti, e kane genetike, e kane krejt natyrale dhe punon shume apo punon pak mesuesi ata serish do te jene te suksesshem, por vijme te mesuese Dhurata dhe vajza me autizem.

Te jesh diskriminues ndaj nje femije me autizem apo nevoja te veçanta (diagnoza te ndryshme nga spektri autik), do te thote te mos e njohesh humanizmin, ta kesh zemren bosh, ta kesh ligesine dominuese mbi miresine dhe kjo do te thote se profesionin e mesuesit te mos e besh dot pasi ligesia jote mund te “bjere” edhe mbi femijet me zhvillim normal.

Nese do te shikoni ne video tek linku ne koment, mesuesja i imponon femijeve te genjejne ne saj te frikes, per te shpetuar veten.

Por si mund te edukohen femijet duke genjyer? Si dreqin mund te edukohen femijet me frike u Dhurata me diplome mesuesi?

Si?

Po si ka mundesi qe drejtoresha nuk vepron dot per te ndryshuar sjelljen e mesueses ndaj femijes dhe femijeve, si ka mundesi qe drejtoresha nuk ka autoritet perballe mesueses? Po per cfare dreqin qendron drejtoresh kur nuk e ben dot detyren e drejtorit?

Po mesuese Dhurata qe sillet me arrogance si Majlinda e Roskovecit dhe pastaj ia fut vrapit po si Bufi Roskovecit si mund te jete mesuese nje njeri pa personalitet dhe psikologjikisht e pashendetshme?

Ç’eshtje kjo mesuese qe ben te forten me drejtoreshen e shkolles, me drejtuesit e ZAV Cerrikut dhe komisionin e Etikes dhe ia mbath prej gazetares dhe me pas i thote do vrase veten?

Po kush te mban ne pune ty o Dhurata qe nuk pyet per te gjithe drejtuesit e arsimit ne Cerrik? Patronazhiste je o Dhurata apo ke ndonji lidhje fisnore me ndonji kryetar partie a deputet te zones?

Padiskutim gazetarja Mikela ka te drejte qe duhet ngritur komisioni i mjekoligjor per te vleresuar gjendjen psikologjike te mesueses pasi ajo mesuese eshte e demshme jo vetem per vajzen me autizem, por edhe per te gjithe nxenesit me zhvillim normal, pasi i frikeson, i keqtrajton, i meson te genjejne. U tregon se genjeshtra eshte e drejte. U meson se nuk ka nevoje te mbani pergjegjesi per veprimiet tuaja, pra duhet te jeni te papergjegjshem per te shpetuar prej gabimeve apo fajeve tuaja dhe jo te pranoni ato qe keni bere, pra te mbani pergjegjesi.

Mesuese Dhurata nga ana tjeter duhej qe te kerkonte ndihme si mund te sillej me nje femije me autizem? Si menaxhohet sjellja e nje femije me autizem? Kur nuk di eshte mese normale te kerkosh ndihme dhe te kerkuarit ndihme te larteson sepse deshmon deshiren per mesim te vazhduar, per te marre dije te reja, tregon fisnikeri, tregon maturi, tregon seriozitet per punen dhe misionin qe ke marre persiper me profesionin e nderuar te mesuesit.

Pergjegjesi ka edhe ministria e arsimit, padiskutim qe po. Ministria e Arsimit ka detyren paresore te trajnoje mesuesit me metodat e menaxhimit te ores se mesimit.

Pra udhezimi i ministrise se arsimit:- mos i prekni femijet me dore (mos i dhunoni) eshte i drejte, por nese nuk shoqerohen me alternativen e menaxhimit te ores se mesimit, te sjelljeve te ndryshme qe mund te manifestojne nxenes te ndryshem nuk krijon impakt. Nuk e ndryshon problemin, dhuna ne shkollat tona vazhdon sepse mesuesit (jo te gjithe) nuk dijne te menaxhojne oren e mesimit, nuk dijne si te mbajne nxenesit e pa perqendruar, te perqendruar ne oren e mesimit.

Po vajza me autizem si ndihet kur mesuesja e shikon me inat, nuk e shikon fare apo kur e nxjerre nga mesimi?

Mos ju provofte fati te keni nje femije a nip me nevoja te veçanta o Dhurata, megjithese duke te pare ty, ti edhe mund ta braktisje ate femije, por gjithsesi… nje femije eshte gjithmone nje femije, nje bekim nga zoti, nje engjell qe meriton te trajtohet me dinjitet e respekt, si te ishte i rritur.

Nuk e njoh Elenen, por kam njohur shume femije me autizem qe duan te trajtohen dhe te jene te barabarte me grupin. Nuk duan te ndihen te nenvleresuar, nuk duan te ndihen te diskriminuar, te perjashtuar sepse jane femije dinjitoz! Por, duke degjuar te atin e saj se Elena, nese i thua ulu, ulet. Eshte e degjueshme, e kuptueshme, atehere nuk e them dot me siguri, por zemra e saj mund te dij sa ka vuajtur prej diskriminimit qe mesuesja i ka bere.

Dhe ne fund, nuk mund te harroj te shkruaj edhe per nxenesit e tjere dhe prinderit e tyre ne lidhje me nje femije me autizem ne klasen e femijes tyre.

Nje femije me nevoja te veçanta, veç e ndihmon femijen tuaj duke e bere me human, me bashkepunues dhe e motivon femijen me zhvillim normal per te mesuar me teper, i rrit besimin ne vetvete dhe e larteson ate femije. E ben me heret, me te pergjegjeshem, me te pavarur me pak bullizues e te dhunshem. Si arrihet kjo! Duke trjanuar mesuesit dhe mesuesit keshillojne nxenesit e tyre, femijet tuaj se si duhet te sillen.

Shkurtimisht po u tregoj, mesuesi kur ka nje femije me autizem ne klase duhet t’u tregoj femijeve se shoku ose shoqja e tyre, prej gjendjes se tyre mund te shfaqin/manifestojne sjellje jo normale, por kjo nuk duhet t’ju bej ju te humbsini vemendjen gjate kohes qe mesuesi shpjegon mesimin. Femija meson me ane te imitimit, ç’ka do te thote se ju duhet te silleni korrekt ne menyre qe te gjithe bashke ta ndihmojme shokun ose shoqen te sillet si çdo femije me zhvillim normal, pra si ju.

The post Mësuese Dhurata nga Mollasi që veç mësuese nuk është appeared first on Albeu.com.

Avokati nga Kosova, Skënder Musa, i ftuar në studion e emisionit Opinion në Tv Klan, thotë se dy motivet që qarkullojnë, ai i një marrëdhënie homoseksuale dhe i siguracionit të jetës në Suedi, nuk qëndrojnë.

Sipas tij, autori i dyshuar Naim Murseli mund ta ketë porositur krimin për të fshehur një tjetër krim të rëndë.

Avokati dyshon që Murseli mund të jetë i përfshirë në një ngjarje kriminale në Suedi, e për këtë, autoritetet kosovare do të duhet të bashkëpunojnë me autoritetet në Suedi.

“Motivi, nuk qëndrojnë këto. Sa i përket motivit seksual apo moral, në mënyrë absolute nuk qëndron. Motivi i xhelozisë nuk lejon përgatitje, është motiv në gjaknxehtësi e sipër. Nuk qëndron dhe motivi i siguracionit. Vepra penale e vrasjes së rëndë kryehet edhe me qëllim të fshehjes së një vepre penale.

Duke analizuar personalitetin e të dyshuarit, dëshirën e flaktë të tij për t’u shoqëruar me njerëz të famshëm, ëstë një personalitet që ka pasur dëshirë të ketë famë. Në rrugën e tij ky person ka mundur të jetë i përfshirë në ndonjë krim të rëndë, në Suedi dyshoj. Krim që e ka ditur bashkëshortja.

Prokuroria e Kosovës duhet të kërkojë ndihmë edhe nga institucionet e Suedisë. Suedia është një shtet që shumë e ka rrugën e rëndë të bashkëpunimit ndërkombëtar të veprave penale. Mirëpo duke pasur parasysh që gjithë bizneset e tij kanë qenë të orientuara në Suedi, të vinte të jetonte në Prishtinë kur Kosova është në krizë ekonomike, le të dyshojë që ky person ka një të kaluar kriminale atje. Prokuroria duhet të orientohet edhe në atë drejtim. Nuk përjashtohet mundësia që të ketë të kaluar kriminale edhe në Kosovë”, u shpreh avokati Musa.

The post Vrasja e Liridonës, avokati: Naim Murseli mund të jetë i përfshirë në ndonjë krim në Suedi appeared first on Albeu.com.

Fjala dhe lajmtari kanë një mbrojtje të fortë në Kanun. “Fjala nuk bën mort”. “Lajmësi nuk ka faj”.

Në të njëjtën kohë, Kanuni është i ashpër me thashethemexhinjtë dhe dallkaukët.

“Ai që mbjell e hap fjalë të këqija e gërgasa herë për njanin e herë për tjetrin, me gojë të kanunit thirret ‘Argat i së keqes’ – as e thërret kush në punë, as i nep kush rrogë.” (Fjala; nyja e 86)

Por mjerisht, fjalët, dikur shtylla komunikimi, po shkërmoqen nga mbipesha e gënjeshtrave, sajesave, thashethemeve, dhe po zhvlerësohen përballë propagandës, premtimeve të rreme e teorive konspirative. Harrohet se “Burri kapet prej fjalet” dhe “Fjala asht s’asht e asht thyen”.

Fuqia e fjalës është minuar nga akuzat ndaj gazetarëve, integriteti i të cilëve është lëkundur sa nga akuzat për korrupsion e shantazh, aq edhe nga uria për vëmendje dhe dica klikime më shumë.

Në vorbullën e keqinformimit, propagandës dhe mashtrimit, po lulëzojnë sharlatanet, megallomanët, mitomanët e baba Vangat shqiptarë.

Metamorfoza e fjalëve, nga mjete komunikimi, te municion për betejat politike, është e qartë si kristali në Parlament, në 15 kanalet televizive me 24 orë “lajme”, në 56 televizionet e tjera gjeneraliste, në 800 portalet e dedikuar për lajme dhe, pa diskutim, në shkurret e pafundme të rrjeteve sociale.

Rrjetet sociale dhe portalet, fushë beteja e epokës tonë digjitale, përmes përronjve të urrejtjes dhe të ndihmuar nga anonimati, kujdesen që kaosi të mos mungojë asnjë edhe një minutë.

Televizionet me oreks elfanti për “debate” po e shndërrojnë informacionin në kakofoni. Cdo shpresë për pak qartesi e kuptim zhytet në oqeanin e fjalëve qesim.

Debatet e përnatshme i ngjajnë dramave shekspiriane, ku protagonistët nuk janë mbreter e mbretëresha, por Koka të mëdha që parashikojnë kobe, mënxyra, gjakderdhje, thika pas shpine, arrestime, investime, gjëmime e tërbime.

Në këtë cirk të papëlqyeshëm, të perditshem e të përnatshem, futen edhe zyrtaret/qeveritarët të cilët kanë marrë detyrën e pa kërkuar të rrefyesve duke raportuar për veten se sa mirë po punojnë përkëtë vend të bekuar dhe sa shumë po treten për të realizuar ëndrrën shekullore të popullit për anëtarësim në BE

Thënia në fillim e fjalës së fundit, është kthyer në moto të diskursit publik.

Mjerisht, vendi e gjen veten jo në një shoqëri informacioni, por në një shoqëri thashethemi, ku vija mes faktit dhe trillimit mjegullohet nga perdja e tymit, e propagandës dhe e disinformimit, duke e bëre gjithnjë e me sfidues, deri në fshirje, dallimin e realitetit nga iluzioni.

Fjalët hidhen në eter, jo me qëllimin për të kuptuar, por thjesht për të bërë zhurmë. Dialogu është shndërruar në një monolog kaotik, ku të “ftuarit” rreken të dominojnë skenën, duke raportuar jo atë që ngjet në realitet, por atë që duan ata te shesin se ngjet në rradakën e tyre. Dialogu nuk nënkupton më shkëmbim idesh, por një garë se kush prodhon decibelët më të lartë. Akuzat dhe kundërakuzat nuk bëjnë më asnjë përshtypje.

Viktima e parë e kësaj rrumpalle komunikimi është e vërteta. Demokracia, e brishtë sic është, kthehet në kakofoni. Fjalët humbasin fuqinë dhe rëndësinë e tyre dhe asgjë nuk bën më përshtypje. Thuaj çfarë të duash, trego sa të duash, ekspozo skandalin me të madh.. asgjë nuk ndodh!

Në një garë per t’ia kaluar artit, gjendja e sotme e komunikimit të kujton John Snow

te Game of Thrones, një nga personazhet me të dashur edhe për faktin se përpiqej t’i shpallte të vërtetën kundershtarit dhe që thotë: “kur ka njerëz që bëjnë premtime të rreme, fjalët nuk kanë më kuptim. Nuk ka më pyetje, veç gënjeshtra gjithnjë e më të bukura”.

The post Falimentimi i fjalës appeared first on Albeu.com.

Në një lëvizje që kapi në befasi Fuqitë e Mëdha,  Kombet e Bashkaura, BE-në, NATO-n dhe G20, Shqipëria arriti të ndalojë luftën mes Izraelit dhe Hamasit.

Konflikti 70 vjeçar dhe lufta e përgjakshme mes Izraelit dhe Hamasit që rinisi më 7 tetor të këtij viti, do të mbeten kujtim i një të shkuare të hidhur.

Armëpushimi katër ditor është vetëm preludi i fundit të konfliktit të përgjakshëm.

Kryeministri i Shqipërisë, dje, në dy takime të veçanta, një me ambasdorët e Ligës Arabe dhe tjetrin me ambasadoren e Izraelit parashtroi vizionin e tij për të ardhmen: “Një Gaza pa Hamasin dhe Izraelin”

5 fjalë më të fuqishme se fuqia çdo lutje fetare që njeh rruzulli- janë magjia që ktheu luftën në paqe dhe konfliktin e përgjakshëm në bashkëjetesë paqësore.

Dega e ullirit e ofruar nga Kryeministri shqiptar- është pranuar nga të dy palët dhe Tirana nga një kryeqytet i Sportit dhe Rinisë, befas kthehet në Qendrën Universale të Paqes!

Ndërkohë që Komiteti i çmimit Nobel për paqen dhe revista Time Magazine ndihen të lehtësuar sepse e kanë që sot njeriun e vitit 2024, Uashingtoni, Brukseli, Pekini dhe Moska ndihen të lehtësuar,  por edhe të frustuar nga ky sukses diplomatik i nivelit Kisinger.

“Jemi të lehtësuar dhe të shokuar”- tha një zëdhënës i NATOs për suksesin e befasishëm të kryeministrit shqiptar.

“Kam bërë gabim që kam shkuar në Gaza dhe që kam thirrur disa herë Këshillin e Sigurimit për të ndalur luftën. Duhet të kisha shkuar në Tiranë dhe t’i lutesha kryeministrit Rama”- tha sekretari i Përgjithshëm i OKB-së Antonio Guterres.

Shqipëria e armatosur vetëm me sharmin e Kryeministrit arriti të bëj atë që nuk e ka bërë deri më sot as Presidenti i shtetit më të fuqishëm të Globit dhe as Papa i Romës: paqe në Lindjen e Mesme.

Ndonëse lajmi është pritur me hare si në botën arabe ashtu edhe në Perëndim, nuk mungojnë as teoritë konspirative. Në rrjetet sociale, po shkruhet se Kryeministri i Shqipërisë posedon aftësi magjike me të cilat i kthen armiqtë e betuar në miq për kokë dhe anasjelltas.

Për të mbështetur teorinë e tyre, konspiracionistët thonë se dy njerëz miq për kokë në Shqipëri (Sali Berishën dhe Lulzim Bashën) i ka kthyer në armiq të betuar…

Por mbështetësit e Kryeministrit Rama e hedhin poshtë këtë konstatim pasi, theksojnë ata, Kryeministri, siç e bëri të qartë edhe në Forumin e Paqes në Paris, është shumë i zënë me çështje rajonale si konflikti gjysëm i ngrirë Kosovë- Serbi, luftën në Ukrainë, varfërinë në Jemen dhe ngrohjen globale.

I pyetur për mundësinë e ringjalljes së shpejtë të  konfliktit në Ballkan, një zëdhënës i qeverisë shqiptare tha: “E pamundur. Nuk ka asnjë shans. Axhenda e Kryeministrit është e zënë me probleme në rajone të tjera të globit”.

The post Kryeministri shqiptar, magjistar i paqes appeared first on Albeu.com.