Marash Kumbulla u dëmtua para disa ditësh dhe shkaktoi një frikë të madhe te Roma. Së fundmi, klubi i kryeqytetit ka bërë me dije se mbrojtësi shqiptar i është nënshtruar një operacioni në gjurin e djathtë dhe gjithçka ka përfunduar me sukses.

Gjithsesi, për të parë Marash-in sërish në fushë, duhet të presim disa muaj, pasi rikuperimi pritet të jetë një proces i cili zgjat shumë.

“Operacioni i kryer nga Dr. Andrea Panzeri në Casa di Cura La Madonnina në Milano, në prani të menaxherit shëndetësor të AS Roma, Dr Massimo Manara, përfundoi me sukses. Futbollisti do të qëndrojë për disa ditë në klinikën milaneze dhe së shpejti do të fillojë ciklin e rehabilitimit në Qendrën Sportive Fulvio Bernardini” – shkruan klubi. Ky është një lajm i keq edhe për Shqipërinë, që humbet Kumbullën për ndeshjet e qershorit.

The post Lajm i keq për Shqipërinë, operohet Kumbulla, ja sa do të qëndrojë jashtë fushës appeared first on Albeu.com.

Dr. Kevin O’Connor, mjeku i presidentit, tha se ekzaminimet treguan se shenja mbi syrin e majtë të zonjës Biden dhe shenja tjetër e sapo zbuluar në gjoksin e saj, ishin karcinoma të qelizave bazë, ose kancer i lëkurës.

Shenja në syrin e djathtë u hoq plotësisht dhe ishte dërguar për ekzaminim. Zonja e Parë Jill Biden u operua në Qendrën Mjekësore Ushtarake Kombëtare Walter Reed në Bethesda të Merilendit, ndërsa Presidenti Biden e shoqëronte atë.

Mjeku presidencial, O’Connor, tha se zonja e parë kishte pak ënjtje dhe mavijosje në fytyrë por ishte në gjendje të mirë shpirtërore, ndërsa do të kthehet në mbrëmje në Shtëpinë e Bardhë./VOA

The post Zonja e Parë Jill Biden operohet për të hequr shenjat kanceroze appeared first on Albeu.com.