E komentuar gjerësisht për pamjen e saj tejet joshëse, flokët bionde dhe stilin provokues, ajo arriti të merrte vëmendje të madhe jo vetëm në trojet shqiptare, por edhe në Itali, ku u bë pjesë e një shkëmbimi historik në reality show-n e njohur “Grande Fratello”.

Megjithatë, paralelisht me famën e saj të madhe, në rrjet nisi një kuriozitet i jashtëzakonshëm për të kaluarën e modeles.

Ndonëse u aludua se emri i saj i vërtetë ishte Dona, mediat zbuluan se ajo quhet Valerja Xhekaj dhe se ishte përkujdesur mjaft mirë që të fshinte nga interneti çdo gjurmë të pamjes së saj të mëparshme.

Por, siç ndodh rëndom me personazhet e famshëm, arkivat e vjetra nuk mbeten kurrë të fshehura plotësisht.
Së fundmi, në rrjetet sociale kanë qarkulluar disa fotografi të hershme të Dolces, të cilat tregojnë një ndryshim rrënjësor dhe thuajse të pabesueshëm në pamjen e saj.

Në fotot e kaluara, ish-banorja shfaqet me flokë të errët dhe me tipare krejtësisht të tjera të fytyrës, çka dëshmon se ajo i është nënshtruar transformimeve të shumta estetike për të arritur imazhin që ka sot.

Vetë Dolce, gjatë qëndrimit brenda shtëpisë së “Big Brother VIP Kosova”, u tregua mjaft e hapur me banoret e tjera duke folur pa doreza për ndërhyrjet kirurgjikale dhe sakrificat që i është dashur të bëjë.

Ajo pranoi se procesi i rikuperimit nuk kishte qenë aspak i lehtë, duke u shprehur madje me nota humori dhe mjaft sinqeritet: “Një muaj dhimbje, kam fjetur si qen.”

Kjo deklaratë e saj dhe fotot që po bëjnë xhiron e rrjetit tregojnë qartë transformimin drastik të modeles, duke nxitur pafund komente mes ndjekësve, të cilët ndahen mes atyre që vlerësojnë sinqeritetin e saj për operacionet dhe atyre që mbetën të habitur nga pamja e saj e dikurshme.

The post Dalin FOTOT/ Si dukej Dolce e “BBVK 4” para famës? appeared first on Albeu.com.

Ata u udhëhoqën nga teoria e ‘raportit të artë’ dhe analizuan edhe detajet më të vogla të fytyrës, si madhësia dhe pozicioni i buzëve, hundës, mjekrës, mollëzave dhe nofullës.

Nga llogaritja, ata arritën në përfundimin se ka përmasa perfekte.

Këtë vit, ajo ishte ndër 10 femrat më të bukura sipas përllogaritjeve të kirurgut plastik britanik, Julian De Silva, i cili drejton Qendrën për Kirurgjinë e Avancuar Estetike dhe Plastike të Fytyrës në Londër.

Këto ditë ajo është rikthyer në pasarelë pas një pauze dyvjeçare. Ajo ka bërë një sfilatë për Saint Laurent në Javën e Modës në Paris, ku është prezantuar koleksioni i femrave për pranverë/verë 2025.

Kthimi i saj u prit me entuziazëm nga shumë njerëz.

Si dukej ajo para operacioneve?

Megjithatë, pak njerëz e mbajnë mend se si dukej ajo në fillimet e karrierës së saj, kur ende nuk kishte bërë operacione të shumta plastike.

The post U shpall një nga femrat më të bukura në botë, por si dukej Bella Hadid para operacioneve plastike appeared first on Albeu.com.