Trajneri i Rubinit, Rashid Rakhimov, ka folur për gjendjen shëndetësore të sulmuesit të Shqipërisë. Ai deklaroi se Daku do të ketë nevojë të operohet ndërsa nuk është bërë e ditur ende saktësisht se për çfarë lëndimi bëhet fjalë.

“Lëndimi është shumë i pakëndshëm. Unë mendoj se Daku do të ketë nevojë për një operacion të vogël. Mungesa e Dakut vërehet në skuadër”, ka thënë Rakhimov, shkruajnë të hënën mediat ruse.

27-vjeçari Daku i mungoi edhe Shqipërisë në ndeshjet nga Anglisë dhe ndaj Andorrës që u zhvilluan këtë muaj e që ishin të vlefshme për kualifikimet e Kupës së Botës që mbahet në vitin e ardhshëm.

Daku është golashënuesi më i mirë i Rubin Kazanit këtë edicion. Ai ka kontribuar me 11 gola dhe gjashtë asistime.

The post Mirlind Daku vijon të jetë i dëmtuar, sulmuesi do të operohet appeared first on Albeu.com.

Me një saktësi të pakrahasueshme, robotët mjekësorë të përparuar tani po i hapin udhë mundësisë për të kryer operacione tek fëmijët dhe të rriturit.

Kirurgu që drejton ndërhyrjen nuk është as pranë pacientit, as pran tavolinës me pajisjet kirurgjikale.

Por, krahë robotikë kryejnë një operacion delikat në rrugët urinare të pacientit.

Krahët robotikë bëjnë pjesën më të madhe të punës, ndërsa kirurgu kryesor përdor leva për t’i kontrolluar dhe drejtuar ato.

Kirurgjia me ndihmën e robotëve po bëhet përherë e më e zakonshme në praktikat e kujdesit shëndetësor në Britani.

Fondacioni ‘London’s Guy’s’ dhe ‘St Thomas’s’ njoftoi në vitin 2023 se të gjitha operacionet e kancerit të prostatës, veshkave dhe mushkërive u kryen në mënyrë robotike, me mbi 10,000 procedura të realizuar me ndihmën e robotëve gjatë 20 viteve të fundit.

Spitali i Fëmijëve ‘Southampton’ në Angli po kryen testin e parë në Mbretërinë e Bashkuar të përdorimit të një pajisjeje inovatore të quajtur Sistemi Robotik Kirurgjik Versius.

Roboti i ri ka saktësi të avancuar dhe aftësi manovrimi që bën të mundur përdorimin te pacientët më të rinj.

Pas një sërë provash të suksesshme tek të rriturit, 7-vjeçari Reece është fëmija i parë në vend që operohet me këtë pajisje.

Ai iu nënshtrua kontrolleve në spital pas një incidenti në një park.

Nëna e tij, Elizabeth Wilton, thotë se “ai iu nënshtrua kontrolleve dhe në fillim nuk u zbulua gjë pas incidentit, por më pas, nga skanimet u zbulua se ai kishte një problem midis veshkave dhe fshikëzës, me tubin lidhës, nuk ishte plotësisht ashtu siç duhej”.

Fillimisht familja u trondit kur u njoh me faktin se ndërhyrja kirurgjikale për këtë problem shëndetësor do të kryhej me ndihmën e një roboti.

Babai i 7 vjeçarit, Ashley Wilton, thotë se “kur dëgjova për herë të parë se do të ishte një robot që do ta operonte atë, kisha dyshime…Por kur merr më shumë informacion dhe mëson se robotin e drejton një mjek atëherë gjithçka bëhetë shumë më e kuptueshme”.

Kirurgu që kreu ndërhyrjen është Ewan Brownlee, i cili është urolog pediatrik në Spitalin Universitar Southampton. Kirurgjia tradicionale për këtë ndërhyrje mbart disa komplikime, shpjegon ai.

Ndërsa krahët robotikë të përdorur në këtë procedurë kanë një gamë lëvizjeje të tillë që bën të mundur që instrumente kirurgjikale mjaft të vogla të kryejnë operacione të ndërlikuara te fëmijët.

Pas testeve për gati 3 vjet, është arritur momenti historik, kryerja e operacionit te një fëmijë.

Pajisja e ndihmuar nga roboti, e zhvilluar nga CMR Surgical Ltd me bazë në Kembrixh, synon të arrijë një saktësi që njeriu nuk e arrin dot, nëpërmjet përdorimit të instrumenteve të vogla kirurgjikale, kontrollit të robotit, si dhe një ekrani të zmadhuar me rezolucion të lartë.

“Ndërhyrja kontrollohet nga kirurgu, gjithsesi. Duket sikur ndihma robotike është e atomatizuar, por në fakt kontrollohet nga kirurgu”, thotë kirurgu Ewan Brownlee

Kirurgët shpresojnë të shohin që kirurgjia pediatrike me ndihmën e robotëve të bëhet praktikë e zakonshme në të gjithë botën.

Pas operacionit, Reece i thotë nënës së tij, Elizabeth, se ndihet mirë.

“Ai ka qenë pak i turbullt, i shqetësuar siç do të ishte çdokush, veçanërisht në moshën e tij, por ai ia ka dalë shumë mire. Thjesht po kthehet në normalitet”, shpjegon ajo.

Reece u la të dilte nga spitali pas operacionit dhe pritet të rikuperohet plotësisht. /voa

The post Ndodh në Britani, për herë të parë një fëmijë operohet me ndihmën e robotëve appeared first on Albeu.com.

Matoshi vetëm ditë më parë njoftoi se do të largohet nga angazhimet e saj për shkak të kësaj sëmundjeje, e ndërsa vetëm sot njoftoi se “po kthehet”; duke shënuar edhe një fitore të tretë.

Nuk mund të mos e mbaj premtimin. Po kthehna! Me fitoren e tretë. Prej ditës kur ju informova për sfidën time të re, telefoni nuk u ndalë prej mesazheve e telefonatave”, shkroi deputetja në llogarinë e saj në Facebook.

“Sot po ndihem më mirë. Iku dhe tumori i tretë. U zgjova më në fund edhe prej një ëndrre të keqe. Falënderoj Zotin që pranoi lutjet tona, e më drejtoi si gjithmonë tek doktorë profesionistë të cilët ma shpëtojnë jetën qe disa herë. Uroj të jetë sfida e fundit në lidhje me shëndetin”, deklaroi aktorja.

“Gjunjëzohem para dashurisë tuaj t’pastër. Ashtu qysh premtova, unë po kthena. Shihemi së shpejti…”, përfundoi Matoshi.

Ajo gjithashtu falënderoi të gjithë personat të cilët i qëndruan afër kësaj sfide si dhe mesazheve dhe telefonave të shumta nga njerëzit.

The post Adriana Matoshi fitoi sfidën me tumorin: Falënderoj Zotin që pranoi lutjet tona, po kthehem me fitoren e tretë appeared first on Albeu.com.

Bazuar në këshillat aktuale mjekësore, ajo nuk ka gjasa të kthehet në detyrat publike deri pas Pashkëve. Ëilliam pritet të shtyjë disa angazhime për të qenë në krah të Kate dhe për të mbështetur familjen e tyre. Princi dhe Princesha e Uellsit janë prindër të Princit George, 10 vjeç, Princeshës Charlotte, 8 vjeç dhe Princit Louis, 5 vjeç. Kuptohet se dy udhëtimet e ardhshme të planifikuara ndërkombëtare janë shtyrë.

The post Kate Middleton i nënshtrohet një operimi. Detaje për gjendjen shëndetësore të princeshës! appeared first on Albeu.com.

Ndërhyrja u krye në Spitalin Universitar Puerta de Hierro në Majadahonda dhe përfundoi rreth orës 11:30, siç raporton “MARCA”.

Prognoza e presidentit të Realit është e mirë, ai është në gjendje stabile shëndetësore dhe në orët e ardshme do të mund të largohet nga qendra mjekësore. Natyrisht Florentino Perez do të ketë nevojë për disa ditë pushim para se të mund të kthehet në punë./ h.ll/albeu.com

The post Operohet Florentino Perez, mësohet gjendja shëndetësore e presidentit të Real Madrid appeared first on Albeu.com.

Vendimi i tij për t’u operuar nxiti shumë reagimi dhe mbrojtësi dha disa komente lidhur me këtë për të shmangur thashethemet.

Dua ta bëj të qartë arsyer pse erdha deri te ky vendim, për të shmangur spekulimet. E dua vendin tim dhe e dua klubin tim. Pas shumë konsultave me profesionistë të ndryshëm, ne vendosëm se është më së miri të operohem”, ka shkruar Araujo në rrjetet sociale.

“Nuk ka të bëj me të zgjedhurit e njërës skuadër para tjetrës, por për shëndetin tim dhe të kthehem në 100% sa më shpejtë të jetë e mundur. Personalisht, këto janë kohë të vështira dhe dua t’i falënderoj të gjithë për mbështetjen që më kanë dhënë. Me besim dhe punë të fortë, unë do të bëj më të mirën për t’u kthyer në skuadër sa më shpejtë të jetë e mundur”, shtoi mbrojtësi.

Araujo do të humb Kupën e Botës dhe mund edhe të ketë luajtur ndeshjen e fundit për vitin 2022./albeu.com

The post Do t’i nënshtrohet operimit duke humbur edhe “Kupën e Botës”, Araujo sqaron pse mori këtë vendim appeared first on Albeu.com.

Araujo pësoi një dëmtim pikërisht në grumbullim me kombëtaren dhe për pasojë do të duhet t’i nënshtrohen operimit.

Uruguajani pas një një bisede me Xavin dhe dr. Ricard Pruna, pranoi  të  bëjë këtë ndërhyrje që pritet ta lërë jashtë Kupës së Botës.

Sipas mediave spanjolle, lojtari do të jetë jashtë fushave për 2-3 muaj./albeu.com

The post Araujo vendos t’i nënshtrohet operimit, humb edhe Kupën e Botës appeared first on Albeu.com.

Foshnja 15-muajsh iu nënshtrua një operacioni për ndarjen e gishtit të këmbës në 2017, pasi po përballej me një problem që në lindje, por komplikime u shfaqën pas ndërhyrjes kirurgjikale, të cilat rezultuan në amputimin e dy gishtave.

Çështja mbërriti në Gjykatë, pas ankimimit të familjes së foshnjes, ku flitej për “amputim të padrejtë”, duke theksuar se ky zhvillim “e dënoi fëmijën të mos kryente shumë funksione në jetën e tij të përditshme”.

Në kërkesën e tij, kirurgu mohoi akuzën e lëndimit trupor nga pakujdesia dhe argumentoi, ndër të tjera, se komplikimet që kishin ndodhur nuk mund të shmangeshin.

Ai është shpallur fajtor për shkak të lëndimit trupor nga pakujdesia, me konstatim lehtësues, ndërsa kundër dënimit ka bërë ankesë./albeu.com

The post Mjeku mori përsipër ta operonte, kirurgu grek i preu dy gishta foshnjës 15-muajsh, dënohet me burg appeared first on Albeu.com.

Bëhet me dije se Florenzi, nga dëmtimi që pësoi ditën e djeshme ndaj Bologna, do të operohet.

Nga vizitat e fundit të bëri nga mjekët, rezulton se Florenzi ka pësuar një dëmtim te menisku i gjurit të djathtë dhe kështu do të operohet nesër./ h.ll/albeu.com

The post Lajm i keq për Milanin, nëser do të operohet mbrojtësi appeared first on Albeu.com.

Keni pyetur ndonjëherë se cilat procedura janë më të rrezikshme?

Kirurgët plastikë zbulojnë vendin më të rrezikshëm për të bërë operacion plastik.

Dhe ato janë të pasmet!

Ekspertët kanë rënë dakord që zhvendosja yndyrës gluteale, është aktualisht procedura më e rrezikshme e kirurgjisë plastike. Sipas kirurgut plastik, Samuel Lin, MD, “vdekja mund të ndodhë aq shpesh sa një në 2351 BBL (Brazilian butt lift).”

Sidoqoftë, vërehet se BBL mbetet jashtëzakonisht një ndërhyrje popullor dhe më shumë se 21,000 opreracione të tilla janë kryer nga kirurgë të certifikuar në SHBA në vitin 2020.

Kur yndyra injektohet në vithe, ndonjëherë mund të hyjë në enët më të mëdha të gjakut në zonën gluteale. “Yndyra më pas përfundon në mushkëri, gjë që mund të shkaktojë probleme me frymëmarrjen dhe, në raste të rënda, vdekje”, thotë Ourian.

Komplikacioni quhet “emboli dhjamore pulmonare”.

Vetëm për shkak se BBL është një procedurë e rrezikshme nuk do të thotë se nuk mund të ekzekutohet në mënyrë të sigurt.

Eshtë e rëndësishme që një kirurg që kryen një BBL të ketë përvojë në procedurë dhe të trajnohet në teknikat më të sigurta.

Ata njerëz me një histori të konsumimit të duhanit ose mpiksjes së gjakut mund të mos jenë kandidatë të mirë për procedurën. Nëse mjeku juaj thotë se jeni në rrezik të lartë, është më mirë ta dëgjoni.

The post Paralajmërojnë kirurgët: Ky është vendi më i rrezikshëm për të kryer operacione plastike appeared first on Albeu.com.