Sipas tij, tarifat që aplikohen nga kompanitë janë më të shtrenjtat në rajon, ndërsa cilësia e sinjalit dhe e internetit nuk është në përputhje me çmimet e larta.

“Çmimet e kompanive në vendin tonë janë më të lartat në rajon. Matjet janë bërë në raport me ofertat që ato ofrojnë për konsumatorët. Ndërkohë, sinjali dhe cilësia e internetit nuk janë në nivelin e duhur,” – u shpreh Duraj.

Ai theksoi se interneti është një mjet i domosdoshëm për shumë qytetarë, si për ata që janë në marrëdhënie pune, ashtu edhe për ata që e përdorin për argëtim. Por pavarësisht kërkesës së lartë, cilësia e shërbimit mbetet e diskutueshme.

The post “Çmimet e operatorëve celularë në Shqipëri, më të lartat në rajon”, avokati Duraj: Kanë probleme me sinjalin në disa pjesë të vendit appeared first on Albeu.com.

Numri i shtretërve ndërkohë, është duke u shtuar çdo ditë.

“Duket se do të kemi një sezon të mbarë, pritet të kemi 15-20% më shumë rezervime. Jemi në kushte komode, sepse qyteti i Vlorës tashmë i përmbush tani standardet për të qenë qytet turistik. Po shtohen subjekte të reja, duke shtuar numrin e shtretërve. Rezervimet vazhdojnë thuajse çdo ditë nga e gjithë Evropa dhe më larg”, u shpreh kreu i shoqatës së operatorëve turistikë, Vasil Bedinaj.

Sfidë mbetet fuqia punëtore dhe Bedinaj thotë se zgjidhje është tregu i huaj dhe rritja e pagave dy deri në tre herë. Prenotimet për këtë vit tregojnë që që nga prilli hotelet do jetë plot.

Italianët janë ata që zënë vendin e parë ne prenotime por ka një rritje te pushuesve edhe nga Norvegjia.

The post 20% më shumë prenotime në Vlorë, operatorët turistikë thonë se këtë vit janë shtuar edhe hotelet appeared first on Albeu.com.

Kriza e rënies së pasagjerëve nisi që në vitin 2020 me pandeminë e Covid-19, ndërsa vijon të thellohet për shkak të emigracionit të lartë të popullsisë.

Sipas të dhënave të Bashkisë së Tiranës për periudhën janar-qershor 2021 numri i pasagjerëve që përdorin transportin publik është 49% më pak se e njëjta periudhë e 2019-s. Për 6 mujorin e parë të 2021 rreth 50% e pasagjerëve përdorën abone, ndërsa pjesa tjetër udhëtuan me bileta dhe libreza. Në 2019 rreth 63% e pasagjerëve të linjave urbane përdorën abone, 37% përdorën bileta dhe libreza.

Operatorët kryesorë të linjave urbane në kryeqytet thanë për Monitor se aktualisht numri i pasagjerëve është 40% më pak se viti 2019, që konsiderohet periudha para krizës. Për shkak të rënies së pasagjerëve kompanitë e këtij sektori po funksionojnë me flotë të reduktuar autobusash.

“Me nisjen e fillimit të shkollës numri i pasagjerëve pati një rritje, krahasuar me muajt e verës ku frekuentimi ishte më i ulët. Por frekuentimi vijon të mos jetë në nivelet e parakrizës. Arsyeja e uljes së numrit të pasagjerëve është emigracioni i popullsisë, kryesisht të rinjve”, pohon drejtori i linjës së transportit urban Kombinat-Kinostudio-Tufinë, Kostandin Foni.

Për t’i ardhur në ndihmë sektorit për shkak të shtrenjtimit të çmimit të naftës qeveria miratoi vendimin për rimbursimin me 100 lekë për litër për naftën e shpenzuar për muajt gusht-shtator-tetor. Kjo është paketa e dytë antikrizë në ndihmë të sektorit. E njëjta paketë u përdor për rimbursimin e naftës për muajt mars-prill-maj. Ndërsa për muajt qershor dhe korrik transporti urban në tërësi vuajti shtrenjtimin e kostove nga rritja e çmimit të naftës. Operatorët në Tiranë paralajmëruar ndërprerjen e abonesë nëse nga qeveria nuk merreshin masa.

Tashmë sipas vendimit “Për përcaktimin e procedurave, të dokumentacionit dhe të masës së kompensimit për shoqëritë e transportit të linjave qytetase, rrethqytetase dhe ndërqytetase, pjesë e paketës antikrizë, faza II”, operatorët prej muajit shtator kanë të drejtë të aplikojnë për rimbursimin e naftës. Aplikimet do të pranohet deri në muajin dhjetor 2022.

Kompanitë kryesore të transportit urban në Tiranë pohojnë se vendimi u lehtëson kostot, pasi e çon çmimin e naftës në nivelin e 130 lekë për litër, aq sa e  blinin në 2021. Por për ta subvencionet disamujore, vlerësohen të pamjaftueshme, pasi ndihma reale ndaj sektorit do të ishte duke pasur subvencionim të vazhdueshëm, me qëllim që të mos përsëritet e njëjta situatës si në muajt e verës. /MONITOR

The post Transporti urban në Tiranë vijon me rënien e pasagjerëve; Operatorët: Deri 40% më pak se 2019 appeared first on Albeu.com.