Forcat speciale të Policisë së Kosovës kanë përfunduar dy programe intensive trajnimi të fokusuara në shpëtimin dhe kërkimin në mjedise ujore, si dhe në teknikat e zhytjes.

Sipas një postimi në rrjetin social Facebook, aktivitetet u zhvilluan në Borsh të Shqipërisë gjatë javëve të korrikut, me pjesëmarrjen e 30 pjesëtarëve të njësiteve speciale të Departamentit të Njësive Speciale të Policisë së Kosovës.

Përmes këtyre ushtrimeve, forcat speciale kanë forcuar ndjeshëm aftësitë e tyre profesionale dhe kapacitetin operacional, duke u bërë më të përgatitura për të ndërhyrë me shpejtësi dhe efikasitet në rastet e emergjencave civile apo fatkeqësive natyrore.

Në njoftimin zyrtar, Policia e Kosovës rikonfirmoi angazhimin e saj për të avancuar vazhdimisht gatishmërinë në fushën e kërkim-shpëtimit, nëpërmjet trajnimeve të thelluara dhe përmirësimit të vazhdueshëm profesional, me synim forcimin e sigurisë dhe ofrimin e shërbimeve sa më cilësore për popullatën.

The post Stërvitje e avancuar për ekipet elitare të Policisë në operacionet ujore dhe nënujore appeared first on Albeu.com.

Pavarësisht se pagesa është e mirë, sërish ka mungesa.

I ftuar në Euronews, Celibashi bëri me dije se do të përpiqen të të marrin sërish në punë operatorët që kanë pasur një vit më parë.

Celibashi: Për rekrutimin e operatorëve nuk jemi të qetë sepse është e vështirë. Pavarësisht se pagesa për një ditë pune është relativisht e mirë, diku tek 100€ në ditë prapë ka mungesa. Ne do të synojmë të marrim ata operatorë që kemi pasur dhe një vit më parë.

Kryekomisioneri tregoi se në bazë të testimeve rezulton se nuk ka interes për t’u bërë pjesë e personelit./Albeu.com/

The post KQZ pa operatorë, Celibashi: Paguajmë mirë, por s’gjejmë dot punëtorë appeared first on Albeu.com.