Operacioni “Global Chain”, i zhvilluar nga 8 deri më 12 qershor, bashkoi forcat e rendit nga 59 vende në Afrikë, Amerikë, Azi dhe Evropë, përfshirë edhe Shqipërinë.

Operacioni, i udhëhequr nga autoritetet në Austri dhe Rumani dhe i bashkë-koordinuar nga INTERPOL, Europol, Frontex dhe Ameripol, rezultoi në 334 arrestime për vepra penale të trafikimit të qenieve njerëzore dhe 690 arrestime për krime të lidhura me to.

Gjatë operacionit pesë-ditor, edhe autoritetet shqiptare morën pjesë në veprimet e koordinuara të kontrollit dhe shkëmbimit të informacionit, së bashku me policitë dhe strukturat kufitare të vendeve të tjera pjesëmarrëse.

Policia, autoritetet kufitare dhe njësitë e specializuara kundër trafikimit kryen kontrolle në pikat kufitare, aeroporte dhe qendra të tjera transporti, si dhe në zona të identifikuara si pika të nxehta të trafikimit nga hetimet.

Konkretisht, operacioni u përqendrua në luftën kundër trafikimit për shfrytëzim seksual, punë të detyruar, kriminalitet të detyruar dhe lypje të detyruar, me vëmendje të veçantë ndaj fëmijëve. Nga viktimat e identifikuara, 162 ishin të mitur, ndërsa shumica e viktimave ishin gra të trafikuara për shfrytëzim seksual.

Në aksion morën pjesë mbi 40 mijë efektivë të policisë, rojeve kufitare, inspektorateve të punës dhe autoriteteve doganore, të cilët kontrolluan mbi 565 mijë persona, 360 mijë dokumente identiteti, 140 mijë automjete, më shumë se 20 mijë lokacione dhe mbi 6 mijë fluturime e anije.

Viktimat e identifikuara në të gjithë botën

Ndërkohë që viktimat kishin origjinën nga 45 vende në rajone të shumta, shumica e tyre kishin origjinën nga Argjentina, Kolumbia, Venezuela, si dhe Moldavia dhe Nepali.

Shumë prej tyre u trafikuan përtej kufijve pasi u mashtruan, u detyruan ose u vunë në shënjestër për shkak të situatave të tyre të cenueshme.

Policia Federale e Brazilit shkatërroi një rrjet transnacional që trafikonte viktima në Kamboxhia, ku ato u detyruan të kryenin mashtrime online.

Autoritetet identifikuan 406 viktima (83 brazilianë dhe 323 shtetas të huaj) dhe lëshuan dy Njoftime të Kuqe dhe nëntë Njoftime Blu që synonin të dyshuarit e kërkuar dhe personat me interes.

Në Argjentinë, Policia Federale kreu dy bastisje, duke shpëtuar dy viktima fëmijësh boliviane të punës të shfrytëzuara në një dyqan ushqimor dhe duke arrestuar trafikantët. Hetimet zbuluan një rrjet më të madh të koordinuar shfrytëzimi në vende të shumta.

Autoritetet në Belgjikë arrestuan 17 të dyshuar, pasi shkatërruan një rrjet trafikimi që rekrutonte vajza të mitura nëpërmjet mediave sociale.

Të dyshuarit dyshohet se i mbanin viktimat robër, duke i detyruar ato të punonin në rrjete prostitucioni në të gjithë Belgjikën dhe Francën.

“Trafikimi i qenieve njerëzore mbetet një nga format më fitimprurëse dhe më të përhapura të krimit të organizuar në mbarë botën, duke gjeneruar qindra miliarda dollarë të ardhura të paligjshme çdo vit dhe duke shkaktuar dëme të rënda dhe të qëndrueshme për viktimat. Operacioni Global Chain pasqyron angazhimin tonë të përbashkët për të trajtuar këtë kërcënim përmes veprimeve të koordinuara dhe shumëagjencish.

Rezultatet tregojnë se çfarë mund të arrihet kur vendet punojnë së bashku për të shkatërruar rrjetet kriminale dhe për të forcuar bashkëpunimin midis rajoneve. Trafikantët e qenieve njerëzore shfrytëzojnë dobësitë përtej kufijve; përgjigjja jonë duhet të jetë po aq globale, e koordinuar dhe e pamëshirshme”, tha Sekretari i Përgjithshëm i INTERPOL-it, Valdecy Urquiza.

The post Goditja globale ndaj trafikimit të qenieve njerëzore/ Shqipëria pjesë e operacionit “Global Chain”, mbi 1 mijë arrestime në 59 vende appeared first on Albeu.com.

Prokuroria ka bërë të ditur se, në zbatim të urdhrit të Gjykatës Themelore në Prishtinë, janë ushtruar kontrolle në gjithsej 21 lokacione.

Sipas njoftimit, gjatë kontrollit janë sekuestruar 15 mijë euro, 5 vetura, 5 autobot për transport të derivateve, 2 armë zjarri, 54 fishekë, pajisje elektronike, dokumente të ndryshme dhe prova të tjera relevante për rastin, si dhe 301 euro në kartëmonedha prej 2 eurosh, për të cilat dyshohet se janë të falsifikuara.

“Në këtë operacionin policor kanë marrë pjesë njësitë relevante të Policisë, Doganës dhe ATK-ja. Hetimet e përbashkëta kanë çuar në arrestimin e F.M., F.M., M.M., S.K., N.B., D.M., A.M., N.M., dhe G.Q., të cilët dyshohen për kryerjen e veprave penale: Shpëlarje e parave, Kontrabandimi I mallrave në bashkëkryerje; Pjesëmarrja ose organizimi i grupit kriminal të organizuar; Dokumentet e rrejshme lidhur me tatimin dhe Shmangie nga tatami”, thuhet në njoftim.

Në përfundim të njoftimit theksohet se aksioni është realizuar në kuadër të veprimeve procedurale hetimore. Pas mbledhjes së informacioneve dhe sigurimit të provave, është krijuar dyshimi i arsyeshëm se të arrestuarit kanë funksionuar si grup i strukturuar kriminal, duke paraqitur dokumente të rreme që lidhen me tatimet dhe duke kryer shitje e transaksione fiktive të derivateve të naftës.

Më herët gjatë ditës, KosovaPress raportoi se Prokuroria Speciale, së bashku me Doganën e Kosovës dhe Policinë e Kosovës, kishin ndërmarrë një aksion të gjerë, në kuadër të të cilit u kryen bastisje në disa lokacione.

Nga ky aksion, Dogana e Kosovës, përkatësisht drejtoria e hetimeve në doganë, në bashkëpunim me Policinë e Kosovës, ka nisur hetime mbi dyshimet për shmangie tatimore dhe futje të ujit në vend të naftës (përzierje).

Burime të KosovaPress bëjnë të ditur se dokumentet për mospagesë tatami janë fshehur në tetë shtëpi private. Po ashtu, ka nisur procesi i verifikimit të personave që ndodhen në këto tetë lokacione.

Nga aksioni i sotëm pritet të ketë edhe arrestime.

Një prej pikave ku është kryer bastisje ka qenë edhe rruga “Rrustem Statovci” në Prishtinë, ku ekipi i KosovaPress ka filmuar pjesëtarë të Njësisë Speciale. Megjithatë, Policia e Kosovës nuk e ka konfirmuar nëse këto bastisje lidhen me praninë e Njësisë Speciale në “Rrustem Statovci” në Prishtinë.

The post Aksioni për abuzimet me naftën, arrestohen 9 persona appeared first on Albeu.com.

Në konferencën e përbashkët për shtyp nga Bari, një prej prokurorëve italianë antimafie në Bari deklaroi se ky grup ka kryer edhe vrasje, ndërkohë analizoi sjelljen e tyre si një mafie por që ka brenda edhe elementë familjarë dhe kulturorë shqiptar.

Sipas tij, grupet shqiptare kriminale që operojnë jashtë territorit shqiptar, kanë marrë një rol lidershipi dhe tashmë në Itali ka filluar procesi i delokalizimit të tyre.

Prokurori italian: Grupet kriminal operojnë përtej territorit shqiptar dhe kanë marrë rol lidershipi. Në kuadër të këtij roli lidershipi ka nisur procesi i delokalizimit të krimit shqiptar. Është fjala për një grupi të strukturar kriminal që operon në Shqipëri. Ky grup ka kryer vrasje në Itali. Kemi dhe këtu mafie, që lidhet me kodet e tyre edhe si sillen. Edhe lidhje familjare edhe lidhje kriminale, besim, nder. Interesant në këtë hetim, që ai që akuzohet për këtë vrasje e justifikon këtë ekzekutim duke thënë sepse nuk është zbatuar rregullat e një kontrate por të një familjeje, kemi një transferim edhe çështje kulturore, tradita, marrëdhënie raporti i një lloj matrice mafioze dhe mënyra që pë4rdorin. Këto të dhëna kanë të bëjnë me modernen, me njohur shumë të mira teknologjike, edhe investimet që bëjnë, me procese spekulative dhe transferojnë në Shqipëri fitimin e paligjshëm. Ka pasur fillimisht edhe përfshirje të një prokurorie të një qyteti tjetër. Model sinergjik që bëmë së bashku dhe bëmë lidhjen si funksiononte dhe arritëm të kuptonim me këtë fenomen. Vetëm së bashku kuptojmë fenomenin.

The post Goditja e përbashkët Shqipëri-Itali ndaj grupit të Igli Kamberit, flet prokurori italian i antimafies: Kanë kryer dhe vrasje! Grupet shqiptare kanë marrë rol lidershipi appeared first on Albeu.com.

Ndërkohë, në pranga kanë përfunduar në 10 persona, tetë të tjerë janë arrestuar më herët.

Për pasojë, tetë persona janë ende të shpallur në kërkim dhe p punohet për arrestimine tyre.

The post Zbardhen detaje nga operacioni anti-drogë në Elbasan/ Arrestohen 10 persona, tetë të tjerë në kërkim appeared first on Albeu.com.

Gazetarja Klodiana Lala, raporton se janë shpallur në kërkim pronarët e Call Center-it, ndërsa gjatë kontrollit janë gjetur shumë kompjutera, telefonë, dokumente me të dhëna operatorësh, si dhe të dhëna në lidhje me viktimat e huaja që kanë rënë pre e mashtrimeve.

Sa i përket punonjësit të policisë së shoqëruar, mësohet se ai ishte punonjës në komisariatin nr. 1 në kryeqytet.

Atij i është marrë telefoni si dhe është kryer kontroll në banesën e tij.

The post Operacioni i SPAK ndaj Call Centerave/ Shpallen në kërkim pronarët, kontrolle edhe në banesën e efektivit të shoqëruar appeared first on Albeu.com.

Ndërkohë, uniformat blu kanë shpallur në kërkim 16 persona të tjerë.

Burime bëjnë më dije se ky grup kriminal ishte përfshirë në shitjen dhe shpërndarjen e lëndëve narkotike kanabis dhe kokainë.

Të akuzuarit dyshohet se furnizonin me drogë disa zona të ndryshme të Tiranës, por shpërndanin gjithashtu drogë dhe në afërsi të shkollave.

Në cilësinë e provës materiale janë sekuestruar doza narkotike. Hetimi ndaj tyre ka nisur përpara disa muajve dhe është procedim i nisur në kuadër të goditjeve të mëparshme, ku në përgjime dhe zbërthime të mesazheve janë zbuluar dhe personat e arrestuar dhe të shpallurit në kërkim si të përfshirë në këtë aktivitet kriminal.

The post Operacioni antidrogë në Tiranë, 15 persona të arrestuar, 16 të tjerë në kërkim appeared first on Albeu.com.

Sipas informacioneve në media, SPAK, pretendon se përpos vrasjes së Gentian Qarrit, ka zbardhur dhe një tjetër ngjarje të rëndë në Vlorë, siç është vrasja e Bledar Birçajt.

Sipas raportimeve vrasjet janë zbardhur përmes bisedave në aplikacionin “Sky”, ndërsa në lidhje me këto të fundit janë lëshuar disa urdhër arreste mes të cilëve, Ines Hajrulla dhe Ervis Matodashajt, Flodian Plaku, Rezart Kuçi dhe Hamëz Demushi.

Vrasja e Bledar Burçajt

Bledar Birçaj u vra më 11 Maj 2021 në një atentat të mirëorganizuar në automjetin e tij “BMW” X5 në vendin e quajtur “Bishti i Kalldrëmit”.

Në drejtim të automjetit është qëlluar mbi 10 herë. Vrasja e Bledar Birçaj ka mbetur ende pa autor, ndërsa pista kryesore e hetimit atëherë u tha se ishin konfliktet e mundshme të tij në Spanjë, prej nga ishte kthyer një muaj para se të ekzekutohej.

Emri i tij nuk është një emër i panjohur për policinë, pasi në vitin 2011 është arrestuar në Vlorë si i dyshuar për vrasje duke iu vendosur masa e arrestit me burg me afat 45 ditë. Birçaj sakaq rezultonte edhe pronar i një biznesi në Vlorë.

Një tjetër ngjarje ku ka qenë subjekt institucioneve ligjzbatuese është ajo e vitit 2010, kur Birçaj së bashku me vëllanë e tij kanë dhunuar juristin e Zyrës Vendore të Regjistrimit të Pasurive të Paluajtshme.

The post Pas Gentian Qarrit, SPAK zbardh edhe vrasjen e Bledar Birçajt në Vlorë, detajet appeared first on Albeu.com.

Gazetarja Klodiana Lala, raporton se në banesat e kontrolluara janë gjetur fishekë dhe shumë telefona.
Ndërkohë urdhër-arreste janë lëshuar për Ines Hajrulla dhe krahun e tij të djathtë Ervis Matodoshaj.

Deri tani, mësohet se të dy këta emra të njohur të botës së krimit nuk kanë arretur të vihen në pranga.

Burime nga Prokuroria e Posaçme, bëjnë me dije se jo vetëm nga zbërthimi i “Sky ECC”, por dhe nga dëshmia të dy këto persona akuzohen se kanë organizuar dhe realizuar vrasjen e Gentian Qarrit në shkurt të vitit 2021.

Ndërkohë, personi i tretë ndaj të cilit është ngritur një akuzë e re, është Flodian Plaku, i cili tashmë akuzohet edhe për trafik ndërkombëtar kokaine.

Aktualisht, ai ndodhet në paraburgim të sigurisë së lartë dhe po gjykohet për vrasjen e Gentjan Bejtjas.

Janë lëshuar urdhër arreste për katër persona të tjerë. Njërit prej tyre i është komunikuar akuza pasi ndodhet në paraburgim, ndërsa dy të tjerë rezultojnë të arrestuar në Itali dhe i fundit në Janinë.

Inez Hajrulla, është një emër i cilësuar si kontigjent kriminal për Policinë, i cili i ka shpëtuar dy atenteve, fillimisht në vitin 2017 dhe më pas në 2019.

The post SPAK godet grupin kriminal të Ines Hajrulla/ Çfarë u gjet gjatë kontrolleve? “I forti” i Vlorës dhe krahu i tij i djathtë, ende të lirë appeared first on Albeu.com.

Prokuroria e Posaçme Kundër Korrupsionit dhe Krimit të Organizuar, ka lëshuar shtatë urdhër-arreste në kuadër të një hetimi për krime të rënda.

Gazetarja Klodiana Lala, raporton se mes personave për të cilët është lëshuar urdhër-arrest janë edhe Flodian Plaku dhe Ervis Matodoshaj.

Nga personat e përfshirë në këtë operacion, dy prej tyre rezultojnë të arrestuar më herët në Itali, ndërsa një tjetër është ndaluar në Janinë të Greqisë.

Burime bëjnë me dije se operacioni ka ardur si pasojë e zbardhjes së një vrasjeje.

The post Operacioni i RENEAS në Vlorë/ SPAK zbardh një vrasje, lëshon 7 urdhër-arreste për krime të rënda (EMRAT) appeared first on Albeu.com.

Në pranga janë vënë 8 persona, ndërsa dy të tjerë janë në kërkim.

Personat e arrestuar:

Remir Gjoligaj

Endri Gjata

David Qerimi

Elis Merkaj

Rentjan Peposhi

Odeas Kuqi

Gjashtë prej 8 të arrestuarve nga SPAK gjatë operacionit që u zhvillua në Tiranë për goditjen e Call Center-ave që mashtronin qytetarë italianë për investime në kriptovaluta të ndryshme.

“Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime.

Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar”, thuhet në reagim.

Njoftimi:

Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale tw menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Tower”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Downtown One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.

Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas tw tjerw, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

The post Operacioni kundër Call Center/ 8 të arrestuar, SPAK: Personat e kapur në flagrancë transportuan gjatë natës materiale në ambient tjetër, tentuan të… (EMRAT) appeared first on Albeu.com.