Sot, gazetarja Anila Hoxha ka publikuar në rrjetet sociale një pjesë nga dosja ku duket një komunikim mes biznesmenit Pëllumb Gjoka dhe Behar Bajrit.

Ata duken të zemëruar pasi një drejtues policie ka nisur një grup vëzhgimi dhe në bisedë flasin për dikë më të lartë në radhët e policisë, të cilin siç duket e kanë në “radhët” e tyre.

Me një fjalor fyes ata planifikojnë ta largojnë nga Shkodra oficerin që i kishte shqetësuar.

“Ku ishim?

Ata dinë çdo gjë. Dinë se kur do lindë gruaja e kundërshtarit. Në cilin spital e ka shtruar dhe çfarë diagnoze ka. Ata gjurmojnë këdo që ju del kundër me një informacion 100, komentojnë prenë e radhës “i ka rënë nuri i vdekjes, është bërë i bukur”, ndërrojnë vrasjet si fanellat, flasin për shefa të kalbur të cilët i merr ne pyetje krimi. Ah po, konsiderojnë si zonë të sigurtë atentati dhe qytetin e nje ish deputeti, që është dora e tyre dhe nuk do ju hyje gjemb në këmbe.

Urime AMP, sot kishte arrestuar një polic 53 vjeç se ka bërë aksident dhe e ka nxjerrë me emër e mbiemër.

Mjaft me statistika!”, shkruan bashkangjitur pjesës së dosjes së publikuar gazetarja Anila Hoxha.

The post “Do ta fus në borxh, do ta…”, publikohen bisedat, si Behar Bajri dhe Pëllumb Gjoka kërcënonin shefin e policisë appeared first on Albeu.com.

“Ora News” ka mësuar se Musabelliu është larguar në drejtim të Gjermanisë, aty ku ka aplikuar dhe më pas fituar statusin e azilantit.

Shkak i ikjes së tij është bërë pikërisht konflikti i lindur në 2017 me biznesmenin Pëllumb Gjoka, të cilin e ka plagosur me një plumb në këmbë përballë restorant “Rozafa” në Tiranë.

Për këtë ngjarje Kleant Musabelliu, në atë kohë sherbente si punonjës i Shërbimit të Kontrollit të Burgjeve, është arrestuar nga policia dhe më pas dënuar nga gjykata e Tiranës, për akuzën e “Plagosjes së rëndë me kapërcim të kufijve të mbrojtjes së nevojshme”. Musabelliu u dënua vetëm me kohën e qëndrimit në paraburgim.

Ndërsa pas daljes nga burgu, Pëllumb Gjoka i ka dërguar njerëz duke e paralajmëruar se ishin në gjak dhe nuk e kishte falur për plagosjen që i kishte bërë. Në trysninë e kërcënimeve dhe ndjekjes për ta vrarë, Kleant Musabelliu, ka braktisur Shqipërinë duke u vendosur familjarisht në Gjermani. Por siç flitet edhe në bisedat e transkiptuara në apliacionet “Sky” dhe “Encro CHAT”, Pëllumb Gjoka nuk ka hequr dorë nga plani për të vrarë Musabelliun.

Sipas SPAK, për planin e vrasjes së Musabelliut Gjoka bisedon me Behar Bajrin dhe Ervis Martinaj. Ku pas diskutimeve për planin e pagesës, për një moment flitet dhe për një shkembim vrasjesh, ku Bajri do kryente vrasjen e Gjin Boriçit për llogari të Gjokës dhe Vis Martinaj.

Ndërsa Martinaj do realizonte më pas vrasjen e Kleant Musabelliut për llogari të Pëllumb Gjokës. Këto biseda thotë SPAK janë kryer gjatë vitit 2020 dhe planifikimi për të bërë vrasjen ka qënë Tirana.

Shkak i konfliktit mes Kleant Musabelliut dhe biznesmenit Pëllumb Gjoka, lindi për shkak të një sheri që kishte ndodhur mes fëmijëve në shkollë. Sheri i fëmijëve është transferuar tek prindërit, ku Gjoka ka thirur për sqarim tek ambjentet e “Rozafës” afët “Pazarit të Ri”, punonjësin e SHKB-së së Burgjeve, Kleant Musabelliun.

Palët në vend që të sqaroheshin janë konfliktuar më tej. Ku Pëllumb Gjoka dhe persona të tjerë rreth tij, kanë sulmuar me grushta Musabelliun. Ky i fundit ka nxjerë armën e shërbimit dhe ka qëlluar me një plumb në këmbë, Pëllumb Gjokën, duke e lënë të plagosur./ora

The post Ishte objektivi i Pëllumb Gjokës për t’u ekzekutuar, si përfitoi azil në Gjermani, Kleant Musabelliu appeared first on Albeu.com.