Tëmreti shkatërrues me më shumë se 1200 të vdekur  në Turqi dhe Siri, goditi dhjetë qytete në rajonin Kahramanmara të Turqisë, përfshirë Hatajin, ku shumë ndërtesa u shembën, por një familje pati fat.

Sapo u kuptua se mes të bllokuarve në pallat kishte edhe katër fëmijë, u organizua një operacion i tërë për shpëtimin e tyre me qytetarët e goditur nga tërmeti të pranishëm që nxitonin të kontribuonin dhe të tjerët nuk mund të mbanin lotët duke u lutur që gjithçka të shkonte mirë.

Duke gërmuar me duar  mes rrënojave, qytetarët arritën të shpëtonin fëmijët mes lotëve dhe brohoritjeve, duke i dhënë fund ankthit të tyre pas 3 orësh. Sipas mediave turke, katër fëmijët që u nxorrën nga rrënojat e pallatit janë në gjendje të mirë shëndetësore.

https://www.youtube.com/watch?v=VEJ4TrCvNac&t=4s

Ndërsa, në lagjen Payas të Hatajit, ekipet e shpëtimit kanë nxjerrë 11 persona nga një godinë trekatëshe që u shemb nga tërmeti, ndërsa gjetën edhe trupat e katër personave të tjerë.

/Albeu.com/

The post VIDEO/ Qytetarët gërmojnë me duar mes rrënojave, ndodh mrekullia, nxirren të gjallë 4 fëmijë appeared first on Albeu.com.