Me vendim të Këshillit të Ministrave, qeveria ka përcaktuar mekanizmin administrativ që i jep Autoritetit të Komunikimeve Elektronike dhe Postare (AKEP) kompetenca të drejtpërdrejta ndëshkuese ndaj subjekteve që nuk zbatojnë vendimet gjyqësore për mbrojtjen e viktimave nga dhuna digjitale.

Sipas vendimit, AKEP do të vendosë gjoba administrative nga 30 mijë deri në 500 mijë lekë për çdo 24 orë vonesë ndaj ofruesve të shërbimeve online që nuk heqin, bllokojnë ose fshijnë përmbajtje digjitale të përcaktuara si masa mbrojtëse nga gjykata.

Këtu përfshihen, ndër të tjera, imazhet intime të publikuara pa pëlqimin e viktimës, llogaritë apo fjalëkalimet e përdorura për përndjekje, si edhe profilet ose lidhjet elektronike të përdorura për ngacmim.

Gjobat e vendosura nga AKEP, përbëjnë titull ekzekutiv dhe derdhen në buxhetin e shtetit. Subjektet përgjegjëse përfitojnë një ulje automatike prej 15% të shumës së gjobës, nëse pagesa kryhet brenda 30 ditëve nga njoftimi i vendimit.

Ndërkohë, ligji parashikon të drejtën e ankimit brenda 45 ditëve në gjykatën administrative kompetente.

Përtej sanksioneve financiare, ligji zgjeron ndjeshëm juridiksionin territorial të autoriteteve shqiptare.

Masat mbrojtëse dhe administrative zbatohen në territorin e Republikës së Shqipërisë, por AKEP dhe autoriteti rregullator i medias audiovizive mund të urdhërojnë heqjen, bllokimin ose kufizimin e përmbajtjes digjitale pavarësisht vendndodhjes së serverit apo ofruesit të shërbimit.

Në raste të caktuara, gjykata civile mund të shkojë edhe më tej, duke urdhëruar ndalimin e kontaktit online dhe offline, si dhe sekuestrimin e çdo mjeti digjital të përdorur për ushtrimin e dhunës, për sa kohë që këto mjete ndodhen brenda territorit të vendit.

Procedurat, formatet e kërkesës dhe mënyra e njoftimit elektronik për këto masa do të miratohen me një vendim të përbashkët të Këshillit të Lartë Gjyqësor, autoritetit përgjegjës për drejtësinë dhe Autoritetit të Komunikimeve Elektronike dhe Postare, duke synuar standardizimin dhe përshpejtimin e ndërhyrjeve në mjedisin digjital./ Monitor

The post Ligji i ri me sanksione ndaj përmbajtjes së dëmshme online, gjoba ditore deri në 500 mijë lekë appeared first on Albeu.com.

Gjatë vitit 2024, sipas Eurostat, vetëm 16.3% e shqiptarëve (grupmosha 16-74 vjeçarë) kanë porositur mallra ose shërbime në internet, të fundit në Europë. Ndërsa në Holandë, në rajonin qendror të Utrecht, regjistrohet përqindja më e lartë në BE, ku 91.5% e njerëzve porosisnin online produkte apo shërbime gjatë 2024. Shqipëria renditet e fundit edhe sa i përket përdorimit të bankingut online, me vetëm 15.1% të popullsisë që përdori internetin për shërbime bankare në 2024, kundrejt mesatares së BE-së prej 67.2%. Përdorues ditorë të internetit përkufizohen si persona të moshës 16 deri në 74 vjeç që përdorin internetin në shtëpi, në punë ose gjetkë, për qëllime private apo profesionale, pavarësisht pajisjes apo llojit të lidhjes që përdorin.

Në vitin 2024, pothuajse 9 nga çdo 10 persona të moshës 16–74 vjeç në BE përdorën internetin çdo ditë. Në vitin 2024, 88.3% e njerëzve të moshës 16–74 vjeç në BE raportuan se përdornin internetin çdo ditë gjatë 3 muajve që paraprinë anketën e ICT*-së. Ky nivel ishte 2.4 pikë përqindjeje më i lartë se në vitin 2023 dhe 11.4 pikë më i lartë se në vitin 2019. Në vitet e fundit, sektori bankar i BE-së ka parë një rritje të ndjeshme të shërbimeve online. Konsumatorët tani vizitojnë degët lokale më rrallë ose fare, numri i degëve është tkurrur dhe transfertat online apo pagesat elektronike janë bërë normë.

Bankingu në internet ul nevojën për degë fizike dhe kostot e lidhura me to. Për më tepër, ai shpesh ofron lehtësi më të madhe, duke mundësuar që transaksionet bankare dhe aktivitetet e tjera të kryhen në çdo kohë të ditës dhe nga pothuajse çdo vend. Në vitin 2024, 67.2% e popullsisë së BE-së të moshës 16 deri në 74 vjeç përdori internetin për banking gjatë 3 muajve që paraprinë anketën e ICT-së.

Mbi 90.0% e njerëzve në çdo rajon të Danimarkës, Holandës dhe Finlandës përdorën bankingun online. Në Belgjikë, Çeki, Irlandë, Suedi dhe vendet baltike, shumica e rajoneve regjistruan gjithashtu përqindje relativisht të larta (të paktën 80.0%); e njëjta situatë u vërejt edhe në Qipro.

Në vitin 2024, përqindjet më të ulëta të njerëzve që përdornin bankingun online u regjistruan në Bullgari, Rumani dhe Italinë jugore. Në këto zona ndikojnë disa faktorë: prania e lartë e zonave rurale, niveli i kufizuar i aftësive digjitale dhe një strukturë demografike më e moshuar që preferon pagesat me para në dorë. Shqipëria, me vetëm 15.1%, renditet edhe më poshtë se këto rajone./Monitor

The post Shqipëria, e fundit në Europë për porositë online dhe shërbimet bankare appeared first on Albeu.com.

Rreth 29 mijë student, kanë plotësuar formularin A1 dhe AiZ, prej 15 korrikut kanë nisur procedurat për aplikimin në Universitet, duke hedhur të dhënat në sistemin U-Albania.

Aplikimi do të kryhet mbi bazën e notës mesatare, sipas vendimit përkatës të Këshillit të Ministrave për kriterin e notës mesatare dhe kritereve të tjera të përcaktuara, duke zgjedhur deri në 10 (dhjetë) programe studimi nga lista e programeve të studimit që ofrohen.

Sipas vendimit të Ministrisë së Arsimit, pagesa e tarifës së aplikimit për në portal nuk ka ndryshuar, ajo do të jetë në vlerën 2000 (dy mijë) lekë dhe kryhet në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin U-Albania.

Edhe këtë vit, mesatarja që kanë propozuar Universitetet për kandidatit për studente, do të jetë 6.5.

Universiteti më i madh publik, ai i Tiranës, ka propozuar për vitin akademik 2024- 2025, 4577 kuota.

Pas përfundimit të aplikimeve në portalin U-Albania, do të shihet se sa kane preferuar të studiojnë në arsimin e lartë publik.

Për këtë vit të ri akademik, pranimi do të jetë me konkurs në 4 degë, Mjekësia, Sporti e Artet dhe Arkitektura.

The post Nis aplikimi online për studimet në Universitet, ja si funksionon appeared first on Albeu.com.

Maqedonia e Veriut dhe Shqipëria, kanë numrin më të lartë të të punësuarve online në raport me popullsinë se 9 vende të tjera të rajonit.

Gjithsesi të punësuarit online, zënë vetëm 1.1% të punësimit total të raportuar në vitin 2023 për moshat 15 vjeç plus nga INSTAT.

Gati 58% e të punësuarve online në rajon janë përkthyes të pavarur të regjistruar në Up-work, platforma që dominon punëdhënien në distancë në Rajon.

Të ardhurat nga puna online u rritën prej 3.2% mesatarisht më 2023 në krahasim me 2022, por përfitimet më të mëdha i kishin vendet me paga mesatare më të larta, duke zgjeruar më tej hendekun e pagave në të gjithë rajonin.

Upwork, Freelancer dhe Guru ishin platformat kryesore të punëdhënies në distancë në 9 vende të Ballkanit ku janë të punësuar 114,111 profesionistë të pavarur me 2023, prej të cilëve rreth 15 mijë ishin në Shqipëri.

Pas kulmit që shënoi punësimi online gjatë dhe pas pandemisë, në vitin 2023 në shumicën e vendeve të rajonit u ul në të gjitha platformat dhe vendet. Tkurrjen më të ulët e kishte Shqipëria (me 11%) dhe më të lartën, Rumania, ku rreth 40% e përkthyesve e lanë punën online.

Oferta e fuqisë punëtore është tkurrur me një mesatare të konsiderueshme 52.5% në Freelancer, ndërsa Upwork regjistroi një rënie më të vogël prej 10.4% në nivel rajonal.

Guru ishte e vetmja platformë që pa rritje, megjithëse në një masë modeste prej 1.2%. Matja e fundit gjeti disa ndryshime në mënyrën se si punonjësit online ishin shpërndarë sipas profesionit, ku u identifikuan dy tendenca.

E para, ka pasur një rritje mjaft të madhe në përqindjen e zhvillimit të softuerit dhe teknologjisë (në 3.2pp); Shërbimet profesionale ishin i vetmi profesion tjetër që pati një rritje të lehtë, ndërkohë të gjitha të tjerat u tkurrën.

Rënia ishte e ngjashme në tre fusha, “radhitje të dhënash”, “kreativiteti dhe multimedia”, dhe “marketingu (mesatarisht me 0.6 pike%), ndërsa “shkrimi dhe përkthimi” që regjistroi një rënie më të theksuar në 1.8 pike%.

Në vitin 2024 kanë spikatur dy tipare në tregun online të punës në rajon. E para, tkurrja e tregut të punës dhe rritja modeste e të ardhurave.

Analistët e Gigmetar referojnë se këto ndryshime kanë ndodhur si rrjedhojë e pasigurisë së biznesit nga sfidat e shumta globale, të tilla si ndikimi i inteligjencës artificiale , politikat ekonomike kufizuese, luftërat në Lindjen e Mesme dhe Ukrainë, efektet e vazhdueshme të pandemisë Covid-19, ndryshimet klimatike dhe krizës ekonomike./Monitor

The post Efektet e pandemisë së COVID/ Shifrat e 2023, rreth 15 mijë persona të punësuar online në Shqipëri appeared first on Albeu.com.

Drejtoria e Përgjithshme e Doganave përmes një njoftimi për mediat njofton rritjen e numrit të shërbimeve online, ku nga 34 që ofroheshin deri më sot, ato shkojnë në 39-të.

Shërbimet e reja online që do të ofrohen nga Drejtoria e Përgjithshme e Doganave janë:

Aplikim për Autorizim për Administrim të ambienteve të Magazinimit të Përkohshëm

Kërkesë për miratim të Autorizimit për përdorimin proçedurës së deklarimit të thjeshtëzuar

Kërkesë për shtesa/ndryshime në Autorizimin e Magazinimit të Përkohshëm

Kërkesë për transferim Agjenti doganor nga një Agjenci Doganore në një tjetër

Kërkesë për transferimin e të drejtave dhe detyrimeve nga një mbajtës tek një tjetër të autorizimit për RLP me përjashtim të pjesshëm

Njoftimi i plotë:

Në zbatim të Urdhrit të Kryeministrit, Nr. 153 Prot., datë 25.11.2019 “Për marrjen e masave dhe rregullimin e dispozitave ligjore për aplikimin e shërbimeve vetëm online nga data 01.01.2020”, një pjesë e aplikimeve për vendime të favorshme (autorizime, leje dhe licensa) realizohen vetëm online përmes portalit e-Albania.

Aktualisht, Drejtoria e Përgjithshme e Doganave ka 34 shërbime që mundësohen online.

Ndërkohë bazuar në Urdhërin Nr. 31, datë 14.06.2021 “Mbi shtimin e numrit të shërbimeve online në portalin e-Albania”, qytetarët dhe bizneset mund të aplikojnë online nëpërmjet portalit eAlbania edhe për 5 shërbime të tjera, duke e çuar në 39 numrin e shërbimeve online:

1.Aplikim për Autorizim për Administrim të ambienteve të Magazinimit të Përkohshëm
https://e-albania.al/eAlbaniaServices/DPD/15089/DPD_15089_n4_s3_web.aspx
https://app.e-albania.al/eAlbaniaServices/DPD/15089/DPD_15089_n4_s3_app.aspx

2.Kërkesë për miratim të Autorizimit për përdorimin proçedurës së deklarimit të thjeshtëzuar
https://e-albania.al/eAlbaniaServices/DPD/15090/DPD_15090_n4_s3_web.aspx
https://app.e-albania.al/eAlbaniaServices/DPD/15090/DPD_15090_n4_s3_app.aspx
3.Kërkesë për shtesa/ndryshime në Autorizimin e Magazinimit të Përkohshëm
https://e-albania.al/eAlbaniaServices/DPD/15092/DPD_15092_n4_s3_web.aspx
https://app.e-albania.al/eAlbaniaServices/DPD/15092/DPD_15092_n4_s3_app.aspx
4.Kërkesë për transferim Agjenti doganor nga një Agjenci Doganore në një tjetër
https://e-albania.al/eAlbaniaServices/DPD/15094/DPD_15094_n4_s3_web.aspx
https://app.e-albania.al/eAlbaniaServices/DPD/15094/DPD_15094_n4_s3_app.aspx

5. Kërkesë për transferimin e të drejtave dhe detyrimeve nga një mbajtës tek një tjetër të autorizimit për RLP me përjashtim të pjesshëm

https://e-albania.al/eAlbaniaServices/DPD/15096/DPD_15096_n4_s3_web.aspx  
https://app.e-albania.al/eAlbaniaServices/DPD/15096/DPD_15096_n4_s3_app.aspx

The post 5 shërbimet doganore që do të kryhen online appeared first on Albeu.com.

Sekuestrohen në cilësinë e provës materiale, 4 celularë që shërbenin për këtë veprimtari të paligjshme.

Specialistët e Seksionit për Hetimin e Krimeve të Komisariatit të Policisë Nr. 6, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, pas një pune të mirëfilltë hetimore, kanë finalizuar operacionin policor të koduar “Just”

Në kuadër të këtij operacioni u arrestuan shtetasit E. M., 35 vjeç, A. K., 31 vjeç, A. Xh., 29 vjeç, dhe E. K., 32 vjeç, të gjithë banues në Tiranë.

Gjatë kontrolleve të ushtruara në një lokal në Vaqarr, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.

Gjatë operacionit u sekuestruan në cilësinë e provës materiale, 4 celularë që shërbenin për këtë veprimtari të paligjshme.

Materialet procedurale i kaluan Prokurorisë, për veprime të mëtejshme.

The post Tiranë/ Vinin baste sportive nëpërmjet telefonave, në pranga katër persona! Çfarë gjeti policia appeared first on Albeu.com.

Duke konfirmuar rastet e abuzimeve, thirrja që bëhet për individët me llogari bankare është që asnjëherë të mos shpërndajnë të dhënat e tyre bankare përmes mesazheve, edhe pse mashtruesi mund të prezantohet si punonjës i bankës.

“Risitë shoqërohen edhe me rreziqe të reja, siç janë për shembull mashtrimet online apo ai që njihet në gjuhën financiare si phishing – një mënyrë e vjedhjes së identitetit që kryhet përmes dhënies vullnetare, por të pa informuar të të dhënave personale, si p.sh. numrat dhe fjalëkalimet e llogarive bankare, të cilat mund të përdoren më pas nga keqbërës për qëllime vjedhjeje. Pikërisht për të adresuar këto problematika, por edhe mbi shumë të tjera që lidhen me kulturën, Banka e Shqipërisë ka miratuar dhe po zbaton një strategji për edukimin dhe përfshirjen financiare, e cila përfshin sigurisht dhe fëmijët e të rinjtë”,  tha Guvernatori i Bankës së Shqipërisë, Gent Sejko.

“Raste ka pasur, siç ka në të gjithë botën, por fatmirësisht kanë qenë të limituara në shuma të vogla dhe çdo rast që ka rritje të tyre, ne mundohemi të ndërgjegjësojmë individët sesi duhet të veprojnë dhe të mos bien pre e këtyre mashtrimeve. Gjithmonë duhet të kenë në konsideratë që banka asnjëherë nuk kërkon me telefon të dhënat e tyre sensitive, si numri i kartës apo kodet e tjera. Çdo gjë nëse kërkohet, kërkohet nëpërmjet takimit fizik. Duhet të jenë shumë të kujdesshëm në ruajtjen e të dhënave sensitive sepse mund të bien pre e mashtrimeve”, tha Bledar Shella, kryetar i Shoqatës Shqiptare të Bankave.

Të dhënat tregojnë se shqiptarët janë më të ndërgjegjësuar që kursimet apo veprimet e tyre të kalojnë përmes sistemit bankar, megjithatë, niveli nuk është ende i kënaqshëm, krahasuar me vendet e tjera.

“Paratë e shqiptarëve të jenë përmes sistemit bankar sepse aty janë më të sigurta se sa t’i kenë cash apo të mbrojtura në shtëpinë e tyre. Ndërkohë që sistemi bankar shqiptar është shumë i sigurtë dhe ne kemi opsione të ndryshme për rritjen e kthimit në depozita, në rastin e investimit në obligacione. Nga të gjithë indikatorët që ne shikojmë, janë në rrityje të ndjeshme, si pjesa e popullatës me llogari bankare,m ashtu edhe numri i transfertave që kanë një rritje të ndjeshme vit pas viti, numri i kartave bankare si karta krediti dhe debiti, numri I pagesave me POS, por do të thoja që jenmi ende larg me mesataren e rajonit dhe aq më tepër me mesataren evriopiane”, tha Shella.

Vitin e shkuar numri i llogarive në sektorin bankar u rrit me 4.2% krahasuar me një vit më parë, numri i pagesave me kartë me 35% dhe numri i veprimeve bankare në distancë me 22.1%.

The post Kujdes nga mashtrimi financiar! Ekspertët: Mos i jepni të dhënat bankare online, mund të përdoren për vjedhje appeared first on Albeu.com.

premtja pasoi të enjten, që ishte festa zyrtare e Ditës së Verës.

Pas katër ditë pushimi, institucionet zyrtare do të jenë në shërbim të publikut dhe bizneseve ditën e hënë.

Ndërkohë që shumë shërbime në fakt janë bërë online, duke minimizuar kontaktin fizik dhe radhët, sërish numri i të punësuarve në sektorin shtetëror erdhi në rritje.

Sipas të dhënave të INSTAT, në tremujorin e fundit në institucionet shtetërore kishte 182 mijë të punësuar, ose rreth 2400 persona më shumë se në tremujorin e mëparshëm.

Ndërsa në krahasim me tremujorin e katërt 2022, numri i tyre ka mbetur pothuajse i pandryshuar.

Në krahasim me pesë vjet më parë, janë rreth 9 mijë persona më shumë që punojnë në administratë.

Në total mbi 730,6 mijë të punësuar në tremujorin e fundit të vitit 2024, kanë paguar sigurime shoqërore.

Në sektorin privat ku u numëruan 549,288 të punësuar me sigurime, ose 2 % më shumë se e njëjta periudhë e vitit 2022.

Në tremujorin e katërt 2023 në raport më 3-mujorin e tretë të vitit, të punësuarit me sigurime u reduktuan me 6700 persona ose me 1 për qind.

Kjo për shkak se në tremujorin e tretë të vitit, aktiviteti ekonomik në vend ishte në kulmin e tij prej sezonit turistik.

Të punësuarit në sigurime po vijnë në rritje, por ritmet janë të ulëta në krahasim me treguesit e tjerë ekonomik.

Nga viti 2019 më 2023 të deklaruarit me sigurime janë 49 mijë më shumë, ose me rritje 7%, por ndërkohë gjatë kësaj periudhe ekonomia është zgjeruar me mbi 14%.

Rritja e ekonomisë teorikisht do të thotë më shumë vende pune, por në rastin e Shqipërisë këto dy tregues nuk kanë shkuar në raporte të drejta me njëri-tjetrin.

Gjatë periudhës së tranzicionit, rritja ekonomike nuk ka qenë gjenerator i madh i punësimit.

Teksa ekonomia e vendit po rritet me ritme më të shpejta se dekada që lamë pas, janë duke u bërë hapa të ngadalta në drejtim të informalitetit në tregun e punës dhe informalitetit në përgjithësi.

Forca e punës është drejt shterimit prej rënies së lindjeve dhe emigracionit të lartë, ndaj reduktimi i informalitetit mbetet burimi kryesor për të gjeneruar të ardhura për skemën e pensioneve në të ardhmen, të cilat janë të domosdoshme për një armatë pensionistësh në rritje.

Në vitin 2022, punësimi informal në sektorin jobujqësor është 28,2%, duke shënuar një rritje me 1,2 pikë përqindje krahasuar me vitin 2021, raportoi iNSTAT.

Burimet nga tregu pohojnë se informaliteti në tregun e punës, u favorizua nga rritja tre herë rresht brenda vitit e pagës minimale.

Shqipëria po shkon drejt një tranzicioni demografik. Deri në vitin 2070, pesha e të moshuarve pritet të arrijë në 40 për qind të popullsisë në krahasim me vetëm 17 për qind sot.

Në të njëjtën periudhë popullsia e në moshë pune (25-64), parashikohet të bjerë nga 54 aktualisht në 41 për qind më 2070.

Në rishikimin e fundit të Marrëveshjes me Shqipërinë Fondi Monetar vë në dukje se, gjeneratat e ardhshme të pensionistëve shqiptare rrezikojnë varfërinë, për shkak se nuk përmbushin kriteret për përfitimin e pensionit të plotë.

Informaliteti në tregun e punës sot, do të shfaqet me pasoja negative në të ardhmen afatgjatë. FMN referoi se në qershor 2022 rreth 1.7 milionë njerëz ne Shqipëri ishin të moshës 15-64 vjeç, prej të cilëve rreth 38 për qind po kontribuonin tek skema e pensioneve dhe pjesa tjetër 60 për qind, nuk ishin as kontribuues dhe as pensionistë dhe rreth 4 për qind ishin pensionistë.

The post Administrata ofron shërbimet online dhe bën shumë pushime, si ka ndryshuar numri i të punësuarve në shtet appeared first on Albeu.com.

Kuptuam qe kemi të bëjmë me rastin tipik të një shantazhuesi nga të shumtët që janë çdo ditë prezent ne rrjetet sociale. Me mënyra thuajse të njejta, ata kërkojnë të përfitojnë nga femrat duke i vënë nën presion me foto dhe video të përvetësuara nga profilet e tyre personale.

Nisur nga insistimi i gruas se re, qe është nene e një fëmije te vogël, e kontaktuan menjëherë për te kuptuar me mire arsyet e këtyre shantazheve, nga një person qe sipas saj ishte fare i panjohur.

Qe ne nisje te bisedës, vumë re diçka. Profili fals me emrin dhe fotot e saj, i cili administrohej nga shantazhuesi, kishte marre menjëherë nje numër te madh shikimesh. Kjo nisur edhe nga tekstet ngacmuese qe bënte ai duke u hequr si gruaja e re.

Dhe pasi e kishte bere viral profilin e ri me fotot e vajzës, ai e ka kontaktuar vete, duke pretenduar se dikush po përdorte imazhin e saj.

Pra maniaku po hiqej si hero, kur ne fakt personi qe kërkonte ta dëmtonte 23 vjeçare, ishte ai vete.

Dhe kur vajza kërkon te flasë me te, ai refuzon menjëherë.

Kjo nuk zgjat shume dhe maniaku del nga roli i heroit, duke zbuluar qëllimin e vërtete qe ka ndaj vajzës.

Këto qe lexuam nuk lënë shume vend për te kuptuar nivelin e psikopatisë se këtij individi. Prandaj menduam se duhej ndërhyre sa me shpejt, për t’i dhënë fund kësaj maskarade me jetën e një gruaje e cila nuk kishte asnjë lidhje me këtë pervers ende te panjohur për ne.

Por me përpara duhet te hynim ne rrjetet sociale te gruas, e cila nga ana e saj nuk hezitoi te na jepte aksesin.

Dhe nga ky moment, lojën e nisur nga ai, do ta drejtonim ne.

Kemi komunikuar për dite te tera me te, me ne fund, maniaku ka pranuar te na japë një numër telefoni.

Pasi e kemi porositur vajzën qe te jete shume e kujdesshme, ajo do te bënte telefonatën e pare me shantazhuesin enigmatik.

Gruaja ndërhyn duke i kujtuar se ka impenjime te tjera ne jete, por aty, maniaku jo vetëm nuk ndalet, por kalon ne kërkesa specifike.

Dhe pas refuzimit kategorik te zonjës, ai e bën kërkesën duke e shantazhuar ne formën me te ulet te mundshme. Dhe pas këtyre kërcënimeve prej një maniaku te sëmure, biseda mes te dyve mbyllet serish me kërkesën për video dhe me friken se mos gruaja i ben keq.

Por kur kishim menduar se jemi afruar kaq pranë shantazhuesit, gruan e re e tradhtojnë nervat dhe shkarkon ndaj tij te gjithë zemërimin e mbledhur për dite me radhe. Pas gjithë asaj bisede te tendosur, ajo del nga skenari dhe nis nje debat te nxehte me te.

Pas këtij debati plot fyerje dhe kërcënime, dukej se ishim kthyer edhe njëherë ne piken e nisjes. Por një as nen mënge e kishim. Sepse ne momentin e bisedes qe gruaja kishte bere me perpara me video, ajo ka arritur te kape një foto te shantazhuesit.

Te këtij personi dmth. Dhe tani ishte radha jone. Kishim numrin e telefonit, rrjetet sociale dhe fytyrën e këtij maniaku. Meqë me profilin e gruas te re ishim djegur përfundimisht, na duhej te provonim me një tjetër femër, e cila kësaj radhe ishte njëra prej kolegeve tona. Dhe meqë tashme kishim edhe instagramin e tij, i bejme nje ftese, me shpresën se do te na kontaktoje.

Dhe nuk u zhgënjyem. Maniaku i dogji te gjitha etapat, duke na shkruajtur menjëherë.

Sado optimizëm qe kishim, mendonim se do te kalonte kohe derisa te fitonim besimin e tij, por duket se ai nuk kishte shume kohe për te humbur, pavarësisht dyshimeve.

Shkurt atë qe i bën çdo dite te tjerëve, ky person e shet sikur e ka pësuar ne kurriz. Dhe me e bukura është se pas disa komunikimeve, ai nis ti tregoje mikes se re. Historinë qe i kishte ndodhur dhe qe ne e kishim dokumentuar. Problemi është se nuk ka kuptuar se herën e pare, ashtu edhe te dytën, po komunikon me Piranjat.

Sidoqoftë, rendësi ka qe po fitojmë besimin e tij.

Mendojmë se tashme është pune orësh qe te arrijmë tek maniaku, prandaj i japim gatishmëri për takimin

Ju mendoni se u mbyll këtu? Jo, sepse duke e ditur mire se çfarë kishte bere vetëm pak dite përpara me zonjën qe shantazhonte, trembej se pas kësaj vajze ishte pikërisht viktima e tij e mëparshme.

E pas këtij hezitimi te pare, na shkruan duke na vene një kusht.

Dhe ne nuk ia prishim aspak, por i dërgojmë te dhënat e koleges tone. Lere parkingun se e paguajmë ne, por bën mire qe po ha, se nuk i dihet asnjëherë. Do te jete dite e gjate.

Ndërsa është rrugës, maniaku, nis te mendoje seriozisht për vajzën qe do te takoje. Ne fakt edhe ne nuk na gënjeu. Erdhi ne takim.

The post Zbulohet edhe shantazhuesi enigmatik, që kërkonte s*ks online appeared first on Albeu.com.

Ndryshe nga më parë, projektligji i miratuar për Lojërat e Fatit detyron subjketet të ruajnë të dhënat e klientëve të tyre për çfarëdolloj shume të luajtur brenda një periudhe tre vjeçare, ndërsa më herët ligji synonte regjistrimin e individëve që merrnin pjesë në baste me vlera 100 mijë lekë ose më tepër.

Ndryshimet fiskale dhe mospagimi i 15% të tatimit mbi fitimin do të sjellë krijimin e një fondi të posaçëm dhe detyrime monetare fikse për kompanitë që licensohen për aktivitetin e lojërave të fatit, sipas draftit të ri të hedhur për konsultim publik.

Organizatorët e kategorive “Kazino”, “Kazino në hotele me 5 yje” dhe “Resort kazino”, brenda 31 marsit të vitit pasardhës derdhin në llogari të Fondit të Posaçëm shumën 0.4 për qind të xhiros vjetore.

Mekanizma të ngjashëm ligjorë në tregun e lojërave të fatit ndiqen edhe nga vende të Bashkimit Evropian.

The post Bastet online drejt hapjes, qeveria jep “dritën jeshile” appeared first on Albeu.com.