“Lidhur me pyetjen tuaj, ju njoftojmë se me urdhër të Prokurorit të Shtetit, është ndaluar për 48 orë, një person me inicialet E.Sh., për shkak se i njëjti dyshohet për kryerjen e veprës penale ‘Ngacmimi’ nga neni 182 të Kodit Penal të Republikës së Kosovës.

Prokurori i shtetit është duke i ndërmarrë të gjitha masat dhe veprimet e nevojshme hetimore lidhur me këtë rast”, ka deklaruar Kaltrina Shala.

Ndërkohë, kujtojmë se në muajin mars, artisti i njohur shqiptar Gjesti, në konsultim me avokatët e tij, kishte dorëzuar kallëzim penal ndaj kompanisë “Onima”, stafit dhe bashkëpunëtorëve të saj.

Në një deklarim për media në atë kohë, këngëtari theksoi se kërkesa e tij ishte e qartë dhe lidhej vetëm me të drejtën e tij për të qenë i lirë në aspektin menaxherial dhe për të marrë paratë që i takonin nga marrëveshja me ONIMA.

“Kemi bërë kallëzim penal ndaj ‘Onima’. Nuk po lypi kurgjo ma shumë e as ma pak, veç me qenë i lirë dhe parët e mia”, u shpreh ai.

Prokuroria, sipas konfirmimit zyrtar, ka njoftuar se hetimet po vazhdojnë dhe se do të ndërmerren të gjitha veprimet e nevojshme procedurale për zbardhjen e plotë të rastit.

The post Një muaj më parë Gjesti i shkatërroi zyrat dhe i kërkoi paratë, arrestohet në Kosovë drejtori i kompanisë “Onima” appeared first on Albeu.com.

Sipas deklaratës së Gjestit, thelbi i konfliktit lidhet me një kontratë që pretendohet se është nënshkruar pa dijeninë dhe pa autorizimin e tij, e cila përfshin të drejtat e autorit për të gjithë repertorin e tij muzikor.

“Pa dijeninë dhe pa autorizimin tim kanë nënshkruar kontratë rreth të drejtave të autorit për të gjitha veprat e mia”, është shprehur ai, duke ngritur kështu dyshime serioze mbi mënyrën e menaxhimit të të drejtave artistike.

Këngëtari ka theksuar gjithashtu se do të jetë i hapur për transparencë, duke paralajmëruar dalje publike për mediat, ku së bashku me avokatin e tij do të sqarojë çdo detaj të kësaj çështjeje dhe do t’u përgjigjet pyetjeve të gazetarëve.

Ky zhvillim pritet të marrë vëmendje të madhe jo vetëm nga publiku, por edhe nga vetë industria muzikore, pasi prek një temë delikate siç janë të drejtat e autorit dhe raportet kontraktuale mes artistëve dhe kompanive menaxhuese.

The post Gjesti padit ‘Onima’: Kanë firmosur pa dijeninë time për të gjitha këngët appeared first on Albeu.com.

Shabani ka njoftuar se tashmë ka dorëzuar fakte pranë organeve të rendit dhe do të bashkëpunojë me avokatin për të paraqitur të tjera elemente që lidhen me përpjekje për përfitime financiare të paligjshme.

Në reagimin e tij, Shabani thekson se ngjarja ka shkaktuar dëme materiale dhe pasoja psikologjike për stafin, dhe pretendon se disa artistë kanë ndikuar në një fushatë publike që mund të ketë ushtruar presion mbi trupin gjykues dhe kompaninë.

Ai përmend emra të njohur të artistëve, duke përfshirë Zanfina Ismailin, Taynën, Yll Limanin, Vesa Lumën, Xheneta Fetahun, G Banin, Pleurat Zeksyla-n, Oriola Marashin dhe Besa Kokëdhimën, duke nënvizuar se çdo çështje do të trajtohet përmes institucioneve ligjore.

Si pasojë e kësaj situate, Xheneta Fetahu ka reaguar gjithashtu në rrjetet sociale duke shkruar: “Wow, na frikësove shumë. Me këtë dramë duket sikur po hapet gjyqi i shekullit, jo një storie në Instagram”.

“Mos u kurse – çoje deri në gjykata më të mëdha. Paguaj të paktën punëtorët se boll djersë hëngre”, theksoi mes tjerash.

The post Pas paralajmërimit, Xheneta i reagon pronarit të “Onima”: Na frikësove shumë, paguaj të paktën punëtorët appeared first on Albeu.com.