AlbEu mëson se shkak për këtë është dështimi gjatë procesit të bashkimit të Albtelecom dhe kompanisë ONE, të cilat tashmë do të jenë nën ONE Albania. Kështu ishte plani, por deri më tani abonentët janë përballur me një dështim të plotë, ndërsa sistemi i kompanisë nuk funksionon që prej 1 prillit kur u tentua bashkimi teknik për herë të parë.

AlbEu mëson ekskluzivisht se ONE Albania do të tentojë edhe sot një bashkim tjetër dhe mbetet për t’u parë se cili do të jetë rezultati pas dështimeve të mëparshme.

Në lidhje me situatën e paprecedentë të krijuar reagoi dje edhe AKEP, i cili tha se po e ndjek me vëmendje gjithçka po ndodh.

Ky problem i madh ka ngjallur mjaft pakënaqësi edhe te abonentët, të cilët i janë sulur kompanisë me telefonata dhe komente në rrjetet sociale duke i fajësuar për paaftësi dhe papërgjegjshmëri.

Pse po ndodh kjo?

Pas blerjes së ONE dhe Albtelecom, kompania hungareze 4iG tentoi t’i bashkojë abonentët në një kompania siç është ONE Albania. Mirëpo kjo kërkon një njohuri të mirë të këtyre punëve dhe mbi të gjithë përgjegjëshmëri. AlbEu mëson se sistemi nuk është përgjigjur në momentin kur u tentua bashkimi dhe ndodhi situate me të cilën po përballen abonentët tani.

Pse ka dështuar?

Kompania njoftoi abonentët se më datë 1 prill të gjitha numrat Albtelecom do të kalonin në ONE Albania dhe kjo kërkon një process teknik të komplikuar për të mos shkaktuar dështime rrugës. Duket se ONE Albania ka tentuar të instalojë një sistem tjetër nga një vend i lindjes, gjë e cila ka bërë që të dështojë gjithçka.

Siç mëson AlbEu problemi ka nisur po ashtu edhe për faktin se është vërejtur një “crash” mes numrave të njëjtë që ishin në Albtelecom me prefix (067) me ata që janë në ONE Albania me prefiks (068).

E gjithë kjo rrëmuje me numrat dhe ndërprerje të shërbimit për abonentët është shoqëruar me akuza të forta nga vetë abonentët e Albtelecom dhe ata të ONE, të cilët tashmë kanë mbetur pa sinjal pavarësisht se kanë paguar

Lufta për abonentët

Në këto kushte, duket se kompania “Vodafone” është “hedhur në sulm” dhe po tenton që t’i marrë klientët. Siç mëson AlbEu.com, klientët e Albtelecom, janë kontaktuar nga kompania Vodafone me qëllim bartjen e numrit duke i ofruar edhe promocione “joshëse”.

Miërpo, kjo pratkikë është e ndaluar nga AKEP (Autoriteti i Komunikimeve Elektronike dhe Postare) pasi kompanitë nuk mund të telefonojnë klientët e një kompanie tjetër dhe t’i propozojnë bartjen e numrit.

Neni 14

Njoftimi

(ndryshuar pikat 2, 5, 7 dhe 9 me ligjin nr. 102/2012, datë 24.10.2012)

1. Cilido sipërmarrës që, për qëllime fitimi, parashikon të ofrojë një rrjet ose shërbim të komunikimeve elektronike, duhet të njoftojë AKEP-in përpara fillimit të funksionimit, ndryshimit ose ndërprerjes.

2.Njoftimi i sipërmarrësit bëhet me shkrim, sipas rregullave të miratuara nga AKEP-i, dhe duhet të përmbajë informacionin e mëposhtëm:

1. a) emrin dhe adresën e ofruesit;
2. b) të dhënat e regjistrimit ligjor të sipërmarrësit;
3. c) personat e kontaktit të sipërmarrësit;

ç) përshkrimin e shkurtër të rrjetit ose shërbimit;

1. d) datën kur është parashikuar fillimi i ofrimit, і ndryshimit ose veprimtarisë.
2. Njoftimi shoqërohet me deklaratën se:
3. a) informacioni është i saktë;
4. b) sipërmarrësi do t’i zbatojë detyrimet ligjore.
5. Sipërmarrësit (operatorët dhe ofruesit e shërbimit) janë të detyruar të raportojnë në AKEP të gjitha ndryshimet në informacionin e paraqitur gjatë njoftimit, brenda 30 ditëve nga ndodhja e tyre.

Në redaskinë e AlbEu kanë mbërritur një numër i madh ankesash në lidhje me ndërprerjen e shërbimit nga kompania ONE Albania fill pas fillimit të procesit të bashkimit të kompanive. /AlbEu.com

The post Nga dështimi në dështim, ONE Albania tenton sot sërish bashkimin pas kaosit të ditëve të fundit, a do t’ja dalin? appeared first on Albeu.com.

E gjithë kjo situatë kaotike ka ndodhur për shkak të dështimit të procesit të bashkimit të Albtelecom dhe ONE nën logon ONE Albania.

Kompania ONE Albania njoftoi abonentët se do të bënin bashkimin më datë 1 prill, por asgjë nuk funksionoi dhe abonentët u përballën me ndërperje të sinjalit duke u sulur më pas në rrjetet sociale të kompanisë pasi edhe shërbimin e klientit nuk mund ta kontaktonin për shkak të ndërprerjes së sinjalit.

AlbEu më herët raportoi se dështimi ka ndodhur për shkak se sistemi operativ që po përdor ONE Albania nuk po funksionon duke i lënë në baltë abonentët e saj.

Në lidhje me situatën e krijuar, ka reaguar edhe Autoriteti i Komunikimeve Elektronike dhe Postare (AKEP) duke kërkuar nga abonentët që të tregohen të kujdesshëm ndaj njoftimeve personale që u dërgon kompania ONE Albania. AKEP shton se janë duke e ndjekur këtë procedurë të dështuar të bashkimit të kompanive.

Ndërkohë që ONE Albania është duke humbur mijëra abonentët çdo orë që kalon, duket se është sulur edhe Vodafone Albania për të marrë sa më shumë klientë përmes një praktike të ndaluar nga AKEP disa vite më parë.

AlbEu mëson se abonentët e ONE Albania janë duke u kontaktuar nga Vodafone Albania duke iu kërkuar atyre bartjen e numrit në këtë kompani. AKEP duhet të ndjekë edhe këtë veprim të ndaluar të Vodafone Albania, e cila po shfrytëzon rastin për të përfituar sa më shumë në një situatë ku ata që dëmtohen të parët janë përdoruesit e telefonisë celulare.

Reagimi i AKEP

Autoriteti i Komunikimeve Elektronike dhe Postare (AKEP) është informuar nga operatori One Albania sh.a. për procesin teknik të migrimit të numrave celularë nga rrjeti i Albtelecom në rrjetin e sipërmarrësit One Albania sh.a. i cili do të kryhet në datën 1 Prill 2023, ora 01:00 e mëngjesit.

Për t’u njohur me problematikat e mundshme teknike të procesit dhe për t’i kapërcyer ato, AKEP fton pajtimtarët dhe publikun e gjerë të jenë të vëmendshëm kundrejt njoftimeve individuale të dërguara nga shoqëria One Albania sh.a nëpërmjet mjeteve të qëndrueshme (sms, email, etj.). dhe ndaj lajmërimeve të shoqërisë në ëebsite-n dhe rrjetet e saj sociale, si dhe në median audiovizuale. /AlbEu.com

ONE Albania kaos me abonentet

The post ONE Albania me qasje prej të falimentuari, kaosi me abonentët, reagon AKEP appeared first on Albeu.com.