Policia thote se është bërë i mundur ndalimi i shtetasit Oltion Shehu 49-vjeç, lindur në Tepelenë.

Ky shtetas ishte shpallur në kërkim pasi Gjykata Themelore e Gjakovës, në shkurt të vitit 2025, i kishte caktuar masën e sigurisë “Arrest në burg” për veprën penale “Kultivimi i bimëve narkotike”.

Policia bën me dije se Interpol Tirana po vijon bashkëpunimin me autoritetet kosovare për përfundimin e procedurave ligjore që do të çojnë në ekstradimin e 49-vjeçarit drejt Kosovës.

Njoftimi:
Policia e Shtetit/Finalizohet operacioni policor i koduar “Operacionalja 69”.

Kapet në Tiranë, nga Drejtoria e Forcës së Posaçme Operacionale, një shtetas shqiptar, i akuzuar për kultivim të bimëve narkotike në Kosovë.

Si rezultat i shkëmbimit të informacionit dhe partneritetit të ngushtë me agjencitë ligjzbatuese në Kosovë, shërbimet e Drejtorisë së Forcës së Posaçme Operacionale të Drejtorisë së Përgjithshme të Policisë së Shtetit, kapën në Tiranë, në kuadër të operacionit “Operacionalja 69”, shtetasin O. Sh., 49 vjeç, të lindur në Tepelenë.

Ai ishte shpallur në kërkim, sepse Gjykata Themelore e Gjakovës, në muajin shkurt, 2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”.

Interpol Tirana vijon bashkëpunimin me agjencitë ligjzbatuese në Kosovë, për të finalizuar procedurën për ekstradimin e 49-vjeçarit.

The post Arrestohet në Tiranë për llogari të Kosovës 49-vjeçari nga Tepelena (EMRI+VIDEO) appeared first on Albeu.com.