Në samitin e mbajtur në Pallatin e Kongreseve, kreu i qeverisë shqiptare ka takuar me radhë krerët e shteteve të rajonit, ku sërish ka marrë pjesë edhe Presidenti i Serbisë, Aleksandër Vuçiç, i cili ishte edhe në samitin për Ukrainën.

I pranishëm gjithashtu ka qenë edhe Komisioneri Zgjerimit, Oliver Varhelyi i cili në një moment ka ngatërruar rrugën, çka ka shkaktuar edhe të qeshura mes tij dhe kreut të qeverisë.

The post FOTO/ Varhelyi ngatërron rrugën, Rama shkrihet së qeshuri! Çfarë s’u pa nga pritja e liderëve appeared first on Albeu.com.

Varhelyi ndër të tjera tha se KE do të sjellë një plan të përshpejtuar për integrimin e Ballkanit në tregun ekonomik europian.

“Kjo tregon se BE tregon rezultate për punën e saj. Po sjellim financime të rëndësishme për sektorin privat për investuesit privat për të shndërruar ekonominë tuaja në mënyrë që të jenë edhe më tërheqëse për investimet. Kemi investuar 1 mld euro për të ndihmuar ato qytetarë të cenueshëm në mënyrë që të trajtonim rritje e skajshme të çmimeve.

Do jemi treguar të qartë që mbështetja jonë të të vazhdojë edhe për energjinë. Ofrimi i energjisë në mënyrë të qëndrueshme. Po mbështesim projekte në mënyrë të rinovueshme. Jemi gati të financojmë një terminal të ri për gazin e lëngshëm në Malin e Zi. Rajoni që të përfitojë nga këto investime duhet të integrohen ekonomikisht. Kemi bindjen e plotë se kemi edhe më shumë potencial. Rajoni do të mund të shtojë edhe 1/3 e PBB-së së vet.

Ne kemi folur për valët e mëparshme të zgjerimit se cila është mënyra më e mirë për t’u përgatitur për zgjerimin e integruar të rajonit. Ky plan do të ketë për synim edhe përshpejtimin të integrimit ekonomik dhe do të ketë mundësi për BP të integrohen në tregun e BE-së ende pa u bërë anëtare.

Europa është këtu për të kontribuar, por duhet që edhe rajoni të tregojë rezultatet e veta. Të ndihmojmë rajonin që të transformohet”,  tha Verhelyi.

Komisioneri gjithashtu komentoi situatën në veri të Kosovës, ku tha se Prishtina dhe Beogradi duhet t’i rikthehen dialogut dhe se  autorët e sulmit duhet të dalin para drejtësisë dhe se autoritete serbe duhet të bashkëpunojnë me BE-në.

“Mendoj se qëndrimi ynë ka qenë shumë i qartë. Së pari ne duhet të kemi një ulje të plotë të tensioneve mes Beogradit dhe Prishtinës. Të rikthehet dialogu dhe në këtë punë të jepen rezultate duke vënë në zbatim marrëveshjet e mëparshme përfshirë ata në Ohër. Autorët duhet të sillen para drejtësie, autoritete serb të bashkëpunojnë me BE-në në lodhje me këtë çështje”, tha Varhelyi.

The post Varhelyi nga Tirana: KE, plan të përshpejtuar për integrimin e Ballkanit në tregun ekonomik europian appeared first on Albeu.com.

“Pyetja ka qenë gjithmonë: A duam ta bëjmë? Dhe është hera e parë që dëgjoj nga Këshilli Evropian se ata duan ta bëjnë këtë – është një zhvillim i mirëpritur” tha Várhelyi për EURACTIV.

Komentet e tij erdhën pasi Presidenti i Këshillit Evropian Charles Michel në fillim të kësaj jave sugjeroi që Ballkani Perëndimor dhe vendet e tjera kandidate në BE, si dhe BE-ja duhet të jenë gati për zgjerim deri në vitin 2030.

I pyetur nëse objektivi i Michel 2030 do të ishte i realizueshëm, Várhelyi tha se “çdo gjë është e realizueshme, ajo që ne si BE duam të bëjmë”, por theksoi se nuk duhet të insistojmë në një afat kohor specifik.

“Nuk mendoj se është çështje datash. Është një çështje e vullnetit [politik] dhe një çështje e ofrimit.

2030 është sigurisht e realizueshme, por që kjo të ndodhë do të thotë që të gjithë ne – të gjitha institucionet e BE-së, të gjitha vendet anëtare dhe të gjitha vendet kandidate – do të duhet të dyfishojmë përpjekjet e tyre për të arritur atje”, tha ai.

Várhelyi njoftoi se në tetor, kur Komisioni Evropian pritet të paraqesë raportet e tij vjetore të progresit për të gjitha vendet në procesin e anëtarësimit të bllokut, ekzekutivi i BE-së do të dalë me “propozime thelbësore”. “Ne jemi gati të dalim përpara edhe me propozime të guximshme – të reja – dhe me ide të reja”, tha Várhelyi.

The post Varhelyi: Në tetor propozime të guximshme për zgjerimin e BE-së appeared first on Albeu.com.

Schinas thekson se nëse Shqipëria pengon Belerin të marrë detyrën e kryebashkiakut, do të ketë pasoja lidhur me procesit të anëtarësimit, shkruan Kathimerini.

Ndër të tjera, në letrën që është dërguar më 19 korrik thuhet se arrestimi i Belerit një ditë para votimeve, interpretohet si frikësim (intimidim) i votuesve, dhe se mbajtja në burg është shkelje e procesit të rregullt ligjor.

Schoinas thekson se “trajtimi i Belerit nga autoritetet shqiptare përbën shkelje të prezumimit të pafajësisë dhe pengesë të një përfaqësuesi të zgjedhur në mënyrë demokratike, i cili është anëtar i minoritetit etnik grek të Shqipërisë”.

Sipas Schoinas, përderisa çështja lidhet me rezolutën e BE të 2022 për Shqipërinë, në lidhje me pronat e minoritarëve etnikë grekë, nuk është e mjaftueshme vetëm të ndiqen zhvillimet, por duhen marrë masa.

The post Zyrtari grek, letër Oliver Varhelyi: Shqipëria duhet të përballet me pasoja në integrimin në BE, nëse pengon Belerin të marrë detyrën appeared first on Albeu.com.

Kryeministri Edi Rama do të presë liderët e rajonit dhe komisionerin e BE për zgjerimin dhe fqinjësinë, Oliver Varhelyi në Vilën 30.

Nga Kosova nuk do të jetë kryeministri Kurti apo ndonjë përfaqësues tjetër.

Në këtë takim do të diskutohet rreth procesit të Berlinit dhe takimit të radhës që do të mbahet në tetor në Tiranë.

Po në vilën qeveritare ku po mbahet mbledhja, në orën 13:00 do të ketë dhe një drekë mes tyre.

Në këtë takim nuk është planifikuar të ketë asnjë deklaratë apo konferencë, duke qenë se është informal.

The post Dreka brenda Vilës 30, zbardhen detaje nga takimit i Ramës me liderët e Ballkanit dhe Varhelyin appeared first on Albeu.com.

“Deeskalimi duhet të vazhdojë, zgjedhjet e reja komunale duhet të organizohen pa vonesa dhe Marrëveshjet nga dialogu duhet të zbatohen përfshirë krijimin e Asociacionit  të komunave me shumicë serbe”,ka shkruar në Twitter, Varhelyi.

The post Varhelyi kërkon zgjedhje në veri të Kosovës appeared first on Albeu.com.

Ai tha se të dyja palët duhet t’i zbatojnë pa kushte marrëveshjet e dakorduara.

“Është bërë progres në vitin e kaluar. Tash është esenciale që të dyja palët t’i zbatojnë të gjitha obligimet pa vonesa, sepse duhet ta shfrytëzojmë momentumin. Të ecim para me zbatimin e marrëveshjes sa më parë dhe të zbatohen pa kushte”, tha ai, duke përmendur edhe konkluzat e Këshillit Europian.

“Ne nga ana jonë jemi të gatshëm për të ofruar programin e investimeve, nga i cili do të përfitojnë të gjithë përmes një dialogu të suksesshëm”.

Ai tha se në takim pati një diskutim të mirë dhe të frytshëm dhe se i kanë prekur të gjitha elementet e progresit që i ka arritur Kosova në të kaluarën.

“Një porosi e qartë që gjithmonë vjen nga Kosova është se është shumë e përkushtuar sa i përket përafrimit në BE. E keni treguar këtë jo vetëm në fjalë, duke na bashkuar neve të gjithëve edhe sa i përket agresionit të Rusisë ndaj Ukrainës. Marrë parasysh sanksionet dhe rreshtimin. Kjo gjë çmohet”.

Duke marrë parasysh sfidat gjeopolitike, Varhelyi tha se ka edhe “lajme të mira”.

“Nga vitit 2024 qytetarët e Kosovës do të lëvizin lirshëm. Kemi diskutuar edhe çështjen e reformavae. Ky është qëllimi i kësaj vizite”, tha ai, duke shtuar se Kosova duhet të përmirësojë edhe zbatimin e kornizës ligjore.

Ndërkaq, për aspektin gjyqësor ai pati disa kritika.

“Në aspektin e luftimit të korrupsionit nevojitet një vullnet i fortë për të adresuar rastet e nivelit të korrupsionit të lartë dhe duhet të nxirren disa vendime të duhura nga gjykatat edhe për të bërë konfiskime. Natyrisht që të kemi angazhimin e sundimit të ligjit. Kemi zotimin e Qeverisë, presim që politikat e dizajnuara të bëhen në zbatim. Kosova është në fazë të hershme, por ka ndërmarrë edhe disa operacione të suksesshme”.

Po ashtu, komisioneri europian përmendi edhe çështjen e mediave.

“Presioni duhet të ndalet ndaj mediave”.

Në anën tjetër, presidentja Osmani tha se sundimi i ligjit nuk është vetëm prioritet në letër për institucionet e Kosovës, por tha se është prioritet për gjithë popullin e Kosovës dhe “si i tillë mbetet në krye të angazhimit tim”.

Ajo bëri të ditur se janë dhënë 6.5 mln euro shtesë në mbështetje për përpjekjet e Kosovës për sundim të ligjit.

“Do të vazhdojmë bashkëpunimin tonë të ngushtë dhe për projektet që do të afrojnë më tej Kosovën drejt aty ku e kemi vendin, pra në BE”./express

The post Varhelyi pas takimit me Osmanin: Marrëveshja me Serbinë të zbatohet pa kushte appeared first on Albeu.com.

Varhelyi do t’i fillojë takimet në Presidencë, ku do të pritet nga e para e vendit, Vjosa Osmani në orën 09:00, pas së cilit do të japin edhe deklarata për media.

Më pas, komisionari do të takojë kryeministrin Albin Kurti në orën 10:05, ndërsa një orë më vonë do të pritet nga kryeparlamentari Glauk Konjufca.

Varhelyi do të takohet edhe me opozitën dhe përfaqësuesit e shoqërisë civile.“Këto takime do të jenë një mundësi për të rishikuar marrëdhëniet BE-Kosovë dhe për të diskutuar zhvillimet e fundit si dhe reformat kyçe, duke përfshirë fushën e reformës në drejtësi, tranzicionit të energjisë dhe luftës kundër krimit të organizuar dhe korrupsionit”, thuhet në njoftimin e KE.

Kosova dhe BE-ja nënshkruan Marrëveshjen e Stabilizim Asociimit (MSA), e cila është në fuqi që nga 1 prill 2016.

Ndërsa në dhjetor të vitit të kaluar, Kosova ka dorëzuar aplikimin për anëtarësim në Bashkimin Evropian.

Komisioni do të raportojë sërish për progresin e Kosovës në rrugën e saj evropiane në Paketën e zgjerimit 2023, e cila do të dalë në vjeshtë.

The post Varhelyi nesër në Kosovë, publikohet agjenda appeared first on Albeu.com.

Gjatë debatit për zgjerimin, që u mbajt më 14 shkurt në PE, derisa mikrofoni i tij ishte ende i ndezur, Varhelyi iu drejtua shefit të kabinetit të tij në gjuhën e tij amtare hungareze me pyetjen: “edhe sa idiotë kanë mbetur?”. Kjo pyetje i referohej numrit të përfaqësuesve që do t’i bënin pyetje lidhur me ndikmin e Rusisë në Ballkan.

After Commissioner @OliverVarhelyi replies to questions by MEPs, he takes his seat, you can clearly hear him saying: “How many other idiots are still there?” pic.twitter.com/TR8xwwc4V0

— Sándor Rónai (@sandor_ronai) February 14, 2023

“Unë sinqerisht shpreh keqardhje për keqkuptimin rreth një komenti që kam bërë gjatë debatit në seancë plenare të Parlamentit Evropian. Ky ka qënë një diskutim privat në hungarisht mes meje dhe shefit të kabinetit tim për një çështje krejt tjetër. Kjo është nxjerrë jashtë kontekstit dhe unë kërkoj falje për çfarëdo keqkuptimi”, ka thënë Varhelyi.

Deputeti nga Hungaria në parlamentin Evropian, Sandor Ronal ka shkruar menjëherë në rrjetet sociale se komisioneri ka fyer deputetët dhe tërë Parlamentin Evropian dhe se ai duhet të japë dorëheqje.

Deputeti nga Kroacia, Tomislav Sokol, i cili ka bërë pyetjen pas së cilës Varhelyi ka bërë këto komente, tha se ai pret “së paku kërkim falje publike ndaj tij dhe Parlamentit Evropian”. Sipas Sokol, edhe më e rëndësishme se kërkimfalja është që “komisioneri Varhelyi të jetë i paanshëm në raportet me Serbinë dhe presidentin Vuçiq”.

Zëdhënësi i Komisionit Evropian, Eric Mamer, i pyetur nga gazetarët se çfarë ka ndërmarrë presidentja e Komisionit Evropian Ursula von der Leyen pas këtij incidenti, tha se “ajo pret nga të gjithë anëtarët e Komisionit Evropian që të tregojnë respekt ndaj të gjitha institucioneve të BE-së dhe të evitojnë sjelljet të cilat mund të shihen si mungesë respekti”.

Për një kohë të gjatë, Parlamenti Evropian e ka në shënjestër komisionerin për Zgjerim dhe Fqinjësi Varhelyi, të cilin e ka kritikuar me dyshime se është “tepër i afërt” me presidentin e Serbisë Aleksandar Vuçiq dhe me liderin e serbëve në Bosnjë e Hercegovinë, Milorad Dodik.

Madje, përmes një Resolute, Parlamenti Evropian ka kërkuar nga Komisioni që të kryejë hetime të brendshme për sjelljen e tij.

Anëtarë të PE-së dyshojnë se Varhelyi ka ndërhyrë për të anashkaluar shkeljen e vlerave demokratike dhe sundimit të ligjit në disa vende që aspirojnë anëtarësimin në BE, sidmos Serbinë.

“Parlamenti Evropian mbetet thellësisht i shqetësuar për raportet se komisioneri për Fqinjësi dhe Zgjerim me qëllim bën përpjeklje që të anashkalohet dhe ulet rëndësia qëndrore e reformave demokratike dhe sundimi i ligjit në vendet që janë në proces të anëtërësimit“, thuhet në atë tekst.

Por Komisioni Evropian është shprehur se “nuk sheh arsye për masa të tilla”./rel

The post Quajti idiotë disa eurodeputetë, Varhelyi shprehet i keqardhur: Fjalët e mia janë nxjerrë nga konteksti appeared first on Albeu.com.

Komisioneri i Zgjerimit, Várhelyi, ka pohuar shqetësimin që Komisioni Europian ka në lidhje me zbatimin e MSA dhe standardeve të Bashkimit Europian.

Letra thekson se të gjitha prokurimet apo koncesionet, përfshirë dhe marrëveshjet mes shteteve apo palëve të treta duhet të ngrihen mbi parimet e transparencës, garës, trajtimit të barabartë dhe jo diskriminimit.

Letra e Komisionerit

“Komisioni Evropian i kushton rëndësi të madhe përputhshmërisë me MSA-në dhe standardeve të BE-së. Kur bëhet fjalë për marrëveshjet ndërkombëtare me vendet e treta, qëndrimi i Bashkimi Evropian është i qartë dhe ai është thënë vazhdimisht, duke përfshirë edhe Këshillin e Stabilizim Asociimit që u zhvillua në Mars 2021.

Të gjitha instrumentet ligjore dhe financiare të përdorura në fushën e prokurimeve publike dhe koncesioneve, duke përfshirë edhe marrëveshjet e lidhura me vendet e treta për zbatimin e projekteve të përbashkëta, duhet të jenë në përputhje me parimet e transparencës, konkurrencës, trajtimit të barabartë dhe mosdiskriminimit. Komisioni është në konsultime të vazhdueshme me përfaqësuesit e qeverisë për prioritetet e investimeve. Sigurisht që ne i kemi ndjekur nga afër zhvillimet në lidhje me Projekti i Portit të Durrësit. Sipas vendimit të Këshillit të Ministrave, aktivitetet e Portit të Durrësit janë planifikuar të zhvendosen në Porto Romano. Si rezultat i modifikimit në projekt dhe ndryshimi të përdorimit të Portit të Durrësit, Komisioni anuloi grantin e mbetur për investimin në këtë projekt specifik.

Komisioni është i gatshëm të mbështesë dhe të akomodojë projekte të mëtejshme investimi në lidhje me projektin e ri komercial të zhvillimit të Porto Romanos nëse kërkohet. Është objektivi ynë i përbashkët për të mbështesin zhvillimin ekonomik të Shqipërisë”, thuhet në përgjigjen për Alibeajn.

Sipas PD, në garën për projektin e madh 2 mld euro qeveria shqiptare as ka hapur një garë ndërkombëtare dhe nuk ka respektuar asnjë nga parimet e MSA. Gjatë debatit të gjatë publik në parlament PD akuzoi qeverinë se e kishte paracaktuar fituesin dhe se nuk kishte ndjekur asnjë nga rregullat dhe pikat e përcaktuara në parimet e MSA për një konkurim të ndershëm dhe barabartë mes kompanive, duke e paracaktuar fituesin./Albeu.com/

The post Porti i ri në Durrës, Varhelyi i përgjigjet Alibeajt: Prokurimet dhe koncesionet duhet të ngrihen mbi parimet e transparencës appeared first on Albeu.com.