Oliver Varhely Archives - Albeu.com

Çfarë u diskutua në takimin Osmani-Varhelyi?

E B — Tue, 16 Nov 2021 09:33:40 +0000

Ministri i Punëve të Jashtme, Bujar Osmani, në kuadër të vizitës së tij të punës në Bruksel, pati takim me Komisionerin e BE-së për Fqinjësi dhe Zgjerim, Oliver Varhelyi.

Në takim u diskutua perspektiva evropiane e Maqedonisë së Veriut, marrëdhëniet e mira fqinjësore, nismat rajonale dhe pritshmëritë për periudhën që vijon, në prag të Këshillave të dhjetorit, si mundësi për hap pozitiv në fazën e ardhshme në procesin tonë euro-integrues, njoftojnë nga MPJ.

Bashkëbiseduesit iu referuan gjetjeve të Raportit të këtij viti të Komisionit Evropian, përmes së cilit u përçua sinjal i fuqishëm dhe i qartë se kredibiliteti i politikës së zgjerimit vazhdon të mbetet investim kyç gjeostrategjik në paqen, stabilitetin, sigurinë dhe zhvillimin ekonomik në mbarë Evropën. Në takim u rikonfirmuan vlerësimet pozitive të KE-së për vendin për të gjithë parametrat, me çka vjen edhe thirrja e pahamendshme ndaj vendeve anëtare, pa prolongim të mëtejmë, të mbarojnë diskutimet për mbajtjen e Konferencës së parë Ndërqeveritare, e cila duhet të mbahet sa më shpejtë që është e mundur.

Gjatë takimit u bisedua edhe për zhvillimet e fundit të brendshme politike në vend, por edhe për përpjekjet për tejkalimin e dallimeve mes Bullgarisë dhe Maqedonisë së Veriut, si prioritet për ta zhbllokuar rrugën tonë drejt BE-së.

“Qeveria mbetet fuqishëm e përkushtuar në Agjendën e reformave dhe integrimit evropian, me impuls dhe proaktivitet shtesë në zhvillimin e marrëdhënieve të fqinjësisë së mirë, si një vlerë e shtuar kyçe në zhvillimin e stabilitetit rajonal. Politika e zgjerimit është mjeti më i mirë për nxitjen e reformave komplekse dhe konsolidimit demokratik, ndërsa fuqia e saj transformuese bazohet në kushtëzimin dhe vlerësimin objektiv të rezultateve në procesin përmes të cilit pasqyrohen vlerat e Bashkimit Evropian”, tha Osmani.

Gjatë takimit, Komisioneri, Varhelyi informoi për përpjekjet e Komisionit Evropian për ta ripërtrirë momentumin evropian në rajon, por edhe për zbatimin e Planit të Investimeve Ekonomike, i cili paraqet mbështetje të fortë të BE-së për forcimin ekonomik të vendeve të Ballkanit Perëndimor, avancim të bashkëpunimit rajonal dhe përforcimin e lidhjeve me BE-në.

Osmani gjatë ditës do të takohet edhe me Andreas Schieder, kryesues i Komisionit të Përbashkët Parlamentar ndërmjet Republikës së Maqedonisë së Veriut dhe Bashkimit Evropian; me Ilhan Kuçuk, Raportuesin për Maqedoninë e Veriut në Parlamentin Evropian si dhe me Këshilltarët për politikë të jashtme të Presidentit të Këshillit Evropian, Charles Michel dhe të Presidentes së Komisionit Evropian, Von der Layen./alsat

The post Çfarë u diskutua në takimin Osmani-Varhelyi? appeared first on Albeu.com.

Komisioneri për Zgjerim uron qeverinë e re: Mezi pres të punoj me ju për integrimin në BE

E B — Sat, 18 Sep 2021 09:21:35 +0000

Komisioneri për Zgjerimin e Bashkimit Europian, Oliver Varhelyi, përmes një postimi në Tëitter ka uruar Ramën dhe qeverinë e re për marrjen e detyrës.

“Urime Edi Rama dhe qeveria shqiptare për marrjen e detyrës. Pres me padurim të punoj me ju për integrimin në BE dhe vendosjen e Reformës së zbatimit të ligjit në krye të agjendës.

Dialogu konstruktiv politik dhe koordinimi i fortë janë kyçi për pranimin në BE.”, shkruan ai në postim./albeu.com

Congratulations @ediramaal & @AlbGov on taking office. I look forward to working with you & expect #EU integration & Rule of Law reforms to feature high on agenda. Constructive political dialogue & strong coordination key for #EU accession. #EUenlargement

— Oliver Varhelyi (@OliverVarhelyi) September 18, 2021

The post Komisioneri për Zgjerim uron qeverinë e re: Mezi pres të punoj me ju për integrimin në BE appeared first on Albeu.com.

Momenti i sikletshëm, avioni i ndërpret konferencën Ramës dhe Varhelyit (VIDEO)

admin — Wed, 05 May 2021 08:28:49 +0000

Komisioneri për Zgjerimin e BE-së Oliver Varhelyi ndodhet në Tiranë në kundër të një turi në Ballkan.

Me të zbritur në Rinas u mbajt konferenca e përbashkët me kryeministrin Edi Rama.

Në një moment zbriti në pistë një avion që e detyroi Ramën dhe Varhelyn të ndërpresin konferencën.

/albeu.com/

The post Momenti i sikletshëm, avioni i ndërpret konferencën Ramës dhe Varhelyit (VIDEO) appeared first on Albeu.com.

Rama konferencë me Komisionerin për Zgjerim: Zëri i arsyes në KE

admin — Wed, 05 May 2021 08:08:49 +0000

Konferencë e përbashkët me Komisionerin për Zgjerim, Oliver VARHELYI.

Në fjalën e tij nga Rinasi, Rama e falënderoi komisionerin Varhelyi, teksa e cilësoi atë si zërin e arsyes në Komisionin Evropian për të mos lënë jashtë Ballkanin Perëndimor në skemën e shpërndarjes së vaksinave anti-Covid.

“Sapo kemi përfunduar një takim shumë miqësor me komisionerin Varhelyi, i cili edhe njëherë tjetër ka provuar përkushtimin dhe mbështetjen jo vetëm për vendin tonë, por për të gjitha vendet e rajonit, duke qenë qysh në krye të herës zëri i arsyes në KE për të mos e lënë jashtë Ballkanin Perëndimor nga skema e shpërndarjes së vaksinave dhe ka arritur ta materializojë një punë të tij disa mujore, duke përcaktuar 651 mijë doza të vaksinës Pfizer të shpërndara proporcionalisht për vendet e rajonit. Prandaj, unë dua t’i shpreh mirënjohjen dhe dua ta falënderoj publikisht për këtë kontribut të jashtëzakonshëm në këtë kohë absolutisht të jashtëzakonshme. Nga ana tjetër, dua të nënvizoj faktin se falë komisionerit, në radhë të parë, Komision i Evropian u rikthye si motor i solidaritetit, jo vetëm për planet e rimëkëmbjes, por edhe për vaksinimin e vendeve evropiane, përfshirë në këtë rast 6 vendet e rajonit tonë.

The post Rama konferencë me Komisionerin për Zgjerim: Zëri i arsyes në KE appeared first on Albeu.com.

Komisioneri për Zgjerimin Varhelyi mbërrin sot në Tiranë

admin — Wed, 05 May 2021 07:04:47 +0000

Komisioneri për Zgjerimin Oliver Varhelyi viziton sot Shqipërinë.

Mësohet se në orën 9.30, në aeroportin “Nënë Tereza”, do të mbahet edhe një konferencë për mediat e kryeministrit Edi Rama dhe komisionerit për zgjerimin, Olivér Várhelyi.

Ditën e djeshme nga Shkupi, Komisioneri u shpreh sot nga Shkupi se BE-ja mund të çelë negociatat vetëm me Shqipërinë, nëse Maqedonia nuk e zgjidh ngërçin me Bullgarinë. Oliver Varhelyi vlerësoi se Tirana i ka plotësuar të gjitha kushtet për konferencën e parë ndërqeveritare.

“Duhet që të gjitha shtetet anëtare në tryezë të pajtohen për këtë, që do të thotë se duhet të gjejmë zgjidhje sa i përket Maqedonisë së Veriut.

Nëse është e mundur apo jo ndarja e dy shteteve, ky proces bazohet në meritë. Nëse i shohim arritjet e Shqipërisë, vlerësoj se ata kanë përmbushur të gjitha kushtet. Pra, nëse nuk ka zgjidhje sa i përket Maqedonisë së Veriut, mund të vijë momenti që ne ta konsiderojmë këtë opsion.

Shpresoj se nuk do të ndodh një gjë e tillë, ne patëm një bisedë shumë të rëndësishme me kryeministrin (Zaev) dhe ramë dakord që duhet të bëjmë progres dhe këtë duhet ta bëjmë për të dyja shtetet” tha Oliver Varhelyi.

The post Komisioneri për Zgjerimin Varhelyi mbërrin sot në Tiranë appeared first on Albeu.com.