Për çështjen e sigurisë ka folur edhe ministri i Punëve të Brendshme, Oliver Spasovski, i cili tha se gjendja për momentin është stabile dhe e sigurt.  Në intervistë për “Zërin e Amerikës“, Spasovski thekson se shërbimet dhe agjencitë e sigurisë në vend po ndërmarrin masa për parandalim të çfarëdo lloj prishje të sigurisë.

“Fakt është se ngjarjet gjeopolitike globale kanë ndikim serioz ndaj gjendjeve, kryesisht në sferën e sigurisë. Pikërisht për këtë arsye, jo vetëm MPB-ja, por të gjithë shërbimet dhe agjencitë e sigurisë të Republikës së Maqedonisë së Veriut po ndërmarrin gjithçka në bazë ditore që të mundemi ta mirëmbajmë gjendjen të sigurtë dhe stabile dhe, gjithsesi, në pajtueshmëri të gjithë asaj që mund të ketë implikime të parandalojmë çfarëdo lloj prishje të sigurisë. Për momentin, gjendja është e sigurtë, stabile, nuk kemi kurrfarë indikacione për prishje të mundshme”, tha ai.

Sipas tij, aktivitetet që po ndërmerren në bazë ditore, po japin rezultate në drejtim të përmirësimit të sigurisë. Ai theksoi se anëtarësimi në NATO ka një efekt pozitiv në sigurinë në vend, sepse jemi pjesë e aleancës më të madhe ushtarako-politike, me partnerë të fortë me të cilët punojmë së bashku për të ruajtur sigurinë tonë, rajonale dhe globale

The post Konflikti në Lindje të Mesme dhe situata në veri të Kosovës, ministri i Brendshëm i RMV: Gjendja e sigurisë është stabile appeared first on Albeu.com.

Ministri Oliver Spasovski, njoftoi se për momentin nuk mund të jep asnjë informacion deri ku janë hetimet, por se opinioni do të njoftohet në kohë për të gjitha.

“Hetimet bëhen në institucione, e jo në media dhe opinion. Për momentin nuk mund të japë detaje. Është mirë të ndiqen informacionet që vijnë nga institucionet relevante. Tani ka shumë informata por edhe dezinformata”, tha Spasovski.

Ai shtoi se aktualisht është duke u hetuar një grup dhe kur të sigurohen provat e nevojshme do të bëhet kallëzim penal.

“Sa i përket hetimit është një grup, për të cilin po kryhen një sërë veprimesh hetimore, kjo është gjithçka që mund të thuhet tani për tani. Kur të kemi më shumë prova, do të bëhet kallëzim penal. Ky është aplikimi i pestë deri më tani. Tre janë në Shkup, një në Kavadar dhe një në Dellçevë. Kur të përfundojnë veprimet hetimore do të njoftohet opinioni”, tha Spasovski

The post Spasovski për kërcënimet me bomba: Po punon një grup, kur të sigurohen provat do të ketë kallëzime penale appeared first on Albeu.com.

“Një nga prioritet kryesore të udhëheqësisë së MPB-së ishte të vendosemi mirë në nivel strategjik për ta rritur sigurinë. Prandaj, sot i kemi rezultatet më të mira në 30 vitet e fundit në shumë segmente të ministrisë, mbi të gjitha në pjesën e krimit të organizuar dhe korrupsionit, tregtisë së paligjshme dhe kontrabandës me drogë dhe armë, në pjesën e sigurisë në trafik dhe luftës kundër korrupsionit. Ky është motiv për të gjithë ne për të vazhduar në këtë punë me më shumë përkushtim”, tha Oliver Spasovski, Ministër i Punëve të Brendshme

Që të kemi rezultate të këtilla, duhet të kemi policë të motivuar, deklaroi Spasovski. Por, me këtë nuk pajtohet kryetari i Sindikatës së Pavarur të Policisë. Edhe të punësuarit në shërbimet administrative pranë MPB-së e shqyrtojnë mundësinë që t’i bashkëngjiten grevës së Drejtorisë së Librave Amë, duke e ndërprerë fotografimin për pasaporta dhe letërnjoftime. Goce Dellçev thotë se kushtet për forcat e sigurisë në vend e kanë prekur kulmin.

“Në MPB ende ka të punësuarit në shërbime administrative të cilat marrin rrogë prej 20, 21, 22 mijë denarëve. Ndoshta është joserioze që këtë po e them para opinionit publik, ndoshta do të më akuzojnë në rrjetet sociale, pasi qytetarët nuk e dinë gjendjen reale, nuk e dinë lartësinë e rrogave që i marrin të punësuarit në polici”, tha Goce Dellçev, Sindikata e Pavarur e Policisë.

Dellçevi paralajmëroi se protestës së nesërme të Lidhjes së Sindikatave do t’i bashkohen edhe të punësuarit në polici./TV 21

The post Në MPB të RMV marrin rrogë edhe nga 20.000 denarë! Administrata shqyrton mundësinë për grevë? appeared first on Albeu.com.

Dorëheqja e tij ishte e paralajmëruar, pasi kujtojmë se më parë ishte shprehur se nuk e shihte veten në ekipin e ri të kryetarit të partisë, Dimitar Kovaçevskit.

“Këtë mëngjes dërgova dorëheqjen time nga funksioni i nënkryetarit të LSDM e cila do të shqyrtohet në seancë sonte në Bordin qendror të partisë, ku gjithsesi edhe unë do të marrë pjesë. Vlerësoj se kryetari i ri i LSDM duhet të zgjedh ekip të ri. Unë 28 vjet kam investuar në parti, ndërsa a do të mbetem edhe më tej ministër për punë të brendshme do të dihet pas 1 janarit”, tha Spasovski.

Pritet që në seancën e Bordit Qendror të konfirmohet kryetari i ri i partisë si mandatarë i ardhshëm për krijimin e kabinetit të ri qeveritar.

Këtë gjë e pret edhe kreu i shtetit Stevo Pendarovski, për t’ia dorëzuar mandatin. Njëkohësisht do të zgjedhen edhe nënkryetarët e ri, sekretari i përgjithshëm dhe ata që do të jenë pjesë e Bordit ekzekutiv të LSDM.

Jozyrtarisht bëhet me dije se nga katër nënkryetarët do të mbetet vetëm Fatmir Bytyqi. Pas dorëheqjes së sotme të Spasovskit, nga posti i nënkryetarit largohen edhe Milla Carovska dhe Venko Filipçe.

“Propozimi për udhëheqësi të re do të gjendet para anëtarëve të Bordit qendror dhe në këtë moment është e pahijshme të flasim për emra konkret para se të sjellin vendim përfundimtarë anëtarët e Bordit qendror për zgjedhjen e udhëheqësisë së re. Përveç pikës për zgjedhjen e udhëheqësisë së re, në rend të ditës është edhe autorizimi i kryetarit të partisë Dimitar Kovaçevski për mandatar për krijimin e Qeverisë së re nga ana e Bordit qendror”, tha Stefan Vasev nga LSDM./albeu.com/

The post Udhëheqja e re në LSDM, edhe Spasovski jep dorëheqjen appeared first on Albeu.com.

Sipas burimeve nga LSDM, bëhet me dije se në pushtet nga kjo forcë politike do të mbeten vetëm zv/kryeministri për Çështje Ekonomike, Fatmir Bytyqi, ministri i Drejtësisë Bojan Mariqiç dhe ministri i Punëve të Brendshme Oliver Spasovski.

Kjo nënkupton që përveç largimit tashmë të paralajmëruar të ministres së Mbrojtjes, Radmilla Shekerinska, nga posti të largohet edhe ministrja e Arsimit dhe Shkencës, Milla Carovska.

Nga përbërja aktuale e LSDM-së në ekzekutiv pritet të largohet edhe zv/kryeministri për Luftë Kundër Korrupsionit, Ljupço Nikollovski./albeu.com/

The post Sa ministra të LSDM pritet të mbeten në Qeverinë e re? appeared first on Albeu.com.

Pas tragjedisë së tmerrshme në Bullgari, ku mbetën të vrarë 46 shtetas të Maqedonisë së Veriut, mes të cilëve 12 fëmijë, ministri i Punëve të Jashtme, Bujar Osmani, ministri i Punëve të Brendshme, Oliver Spasovski dhe ministri i Transportit dhe Lidhjeve, Blagoj Boçvarski, janë duke mbajtur një konferencë të përbashkët për shtyp.

The post Konferencë e përbashkët nga Bujar Osmani dhe Oliver Spasovski (VIDEO) appeared first on Albeu.com.