Organizatorët janë duke i përfunduar planet e sigurisë për Olimpiadën e parë në kryeqytetin francez pas një shekulli, në një kohë shqetësimesh për sulme të mundshme.

Ministria e Brendshme e Francës tha të premten se kërkesa për ndihmë të sigurisë nga jashtë u bë në janar. Ajo i ka kërkuar gati 2.185 oficerë për të ndihmuar rreth sigurisë gjatë Lojërave dhe për ta “përforcuar bashkëpunimin ndërkombëtar”, tha ajo.

“Kjo është një qasje klasike e vendeve nikoqire për organizimin e ngjarjeve të mëdha ndërkombëtare”, tha Ministria.

Ajo nënvizoi se Franca i kishte dërguar 200 xhandarë në Katar për Kupën e Botës në futboll më 2022, si dhe i kishte mirëpritur 160 oficerë nga forcat evropiane të sigurisë për Kupën e Botës në ragbi, të cilat i organizoi Franca vitin e kaluar.

Ndaras, Ministria e Mbrojtjes e Francës u ka kërkuar vendeve të huaja një “numër të vogël” ushtaresh, të cilët mund të ndihmjnë me detyra “shumë specifike” gjatë Lojërave, tha koloneli Pierre Gaudilliere, i cili është zëdhënës i Shtabit të Përgjithshëm.

Ministri i Mbrojtjes i Polonisë, Wladyslaw Kosiniak-Kamysz, tha se vendi i tij do të dërgojë ushtarë në Olimpiadën e Parisit.

Siguria është sfida më e madhe për autoritetet franceze gjatë Olimpiadës së Parisit, i cili është një qytet që është goditur vazhdimisht nga sulme vdekjeprurëse nga ekstremistët islamikë dhe i cili i pret hic më pak se 15 milionë vizitorë nga 26 korriku deri më 11 gusht.

Qeveria e Francës e ka ngritur vigjilencën e sigurisë në shkallën më të lartë, pas sulmit vdekjeprurës në një sall koncertesh në Rusi, për të cilin e mori përgjegjësinë Shteti Islamik.

Më shumë se 140 njerëz u vranë nga disa burra të cilët shtinë me armë zjarri ndaj pjesëmarrësve në koncert dhe pastaj ia vunë zjarrin ndërtesës më 22 mars.

The post Franca kërkon ndihmë ushtarake e policore nga jashtë për sigurinë gjatë Olimpiadës appeared first on Albeu.com.

Gjendja e emergjencës hyn në fuqi nga e hëna e 12 korrikut dhe do të zgjasë deri në 22 gusht, cka do të thotë se gjithë Olimpiada e programuar për tu zhvilluar nga 23 korriku e deri në 8 gusht do të zhvillohet nën regjimin e gjendjes së emergjencës. Suga deklaroi se masat janë të nevojshme për të parandaluar përhapjen e rasteve të reje në të gjithë vendin. Në fokusin kryesor të gjendjes së emergjencës është mbyllja e bareve, restoranteve dhe karokeve që shërbejnë pije alkolike.

Vetëm dy javë më parë organizatorët e Lojërave dhe Komiteti Olimpik Ndërkombëtar vendosën se impiantet eapo vendet ku dotë zhvillohen manifestimet sportive të mbushen vetëm me 50 % të kapacitetit dhe në cdo rast të mos kalohet numri i 10 mijë personave, por gjendja e emergjencës i shtyn të rishohin edhe një herë planet, teksa bëhet gjithnjë e më e forta hipoteza që garat të zhvillohen me dyer të mbyllura për publikun.

Të mërkurën kryeqyteti japonez shënoi 920 raste të reja, në krahasim me 714 të një jave më parë, dhe kjo ishte dita e 18 radhazi i rritjes së përjavshme dhe njëkohësisht dita më më shumë infektime që nga 13 maji. Tifozët nga jashtë vendit ju është ndaluar prej muajsh pjesëmarrja në Olimpiadë, pasi infektimet janë në fazë ekspansioni dhe situata është serioze, konfirmoi Shigero Omi, këshilltar i rëndësishëm shëndestësor i qeverisë./ss/

The post Tokyo, Olimpiada në gjendje emergjence appeared first on Albeu.com.