olimpiada Archives - Albeu.com

15-vjeçari nga Cërriku rrëmben medaljen e artë në Olimpiadën Ndërkombëtare STEM

admin — Tue, 07 Jul 2026 20:52:17 +0000

Arsimi shqiptar ka regjistruar një tjetër rezultat të rëndësishëm në skenën ndërkombëtare. Loris Qose, nxënës i shkollës 9-vjeçare “7 Marsi” në Cërrik, është nderuar me medaljen e artë në Finalen e Madhe të International STEM Olympiad, ku konkurruan përfaqësues nga 56 shtete.

15-vjeçari nuk është i panjohur për sukseset. Më parë, Loris Qose kishte zënë vendin e parë në Matematikë dhe vendin e tretë në Kimi në “Neo Science Olympiad”, të mbajtur në Orlando, SHBA, ku përfaqësoi Shqipërinë dhe u shpërblye me medalje ari në Matematikë dhe medalje bronzi në Kimi.

Në një reagim të bërë në rrjetet sociale, Loris tha se medalja e artë në STEM është fryt i punës, angazhimit dhe sakrificës së tij, duke shtuar se ndihet krenar që e ngriti edhe një herë flamurin shqiptar në arenën ndërkombëtare. Ai shprehu mirënjohje për mësuesen e tij, Flutura Hoxholli, si edhe për të gjithë ata që e kanë mbështetur gjatë këtij rrugëtimi drejt suksesit.

The post 15-vjeçari nga Cërriku rrëmben medaljen e artë në Olimpiadën Ndërkombëtare STEM appeared first on Albeu.com.

Smajlaj mbyll aventurën në Olimpiadë, ja çfarë vendi u rendit atleti shqiptar

E B — Sat, 31 Jul 2021 11:56:31 +0000

Një tjetër sportist shqiptar largohet nga Olimpiada e Tokios, kësaj rradhe bëhet fjalë për Izmir Smajlajn i cili nuk u kualifikua dot për në finale në kërcim së gjati.
Atleti u rendit në vendin e 9 në Baterinë A dhe i 17 në renditjen e përgjithshme.

Shkodrani kërceu 7,81 në provën e tij të parë, në provën e dytë 7,86, ndërsa në provën e tretë dhe të fundit bëri faull.

Izmir Smajlaj ka zbvilluar një Olimpiadë më të mirë kësaj here në Tokio sesa në Rio në vitin 2016, ku nuk shkoi më tej se 7,72 metrave, por tepër larg rekordit të tij prej 8,11 metra.

The post Smajlaj mbyll aventurën në Olimpiadë, ja çfarë vendi u rendit atleti shqiptar appeared first on Albeu.com.

Ligjvënësit amerikanë kërkojnë që Olimpiada më 2022 të mos mbahet në Pekin

E B — Sat, 24 Jul 2021 12:12:03 +0000

Një grup i ligjvënësve amerikanë, i ka bërë thirrje Komitetit Ndërkombëtar Olimpik, që të shtyjë Lojërat Olimpike Dimërore të vitit 2022 dhe të ndërrojë vendin e organizimit, nëse Kina nuk iu jep fund “abuzimeve më të drejta të njeriut”, ndaj ujgurëve dhe grupeve tjera myslimane që janë minoritete.

Ligjvënësit kanë thënë në letrën dërguar udhëheqësit të Komitetit Olimpik, Thomas Bach, se asnjë Olimpiadë nuk duhet të mbahet në një shtet, qeveria e të cilit “po kryen gjenocid dhe krime kundër njerëzimit”.

Ligjvënësit kanë thënë po ashtu se mbajtja e Olimpiadës në Pekin do të reflektonte keq në organizim dhe shtyrja nga shkurti i 2022-ës, ashtu sikurse lokacioni, do të jenë në interesin më të mirë të atletëve.

“Për neve është e padrejtë që Komiteti Ndërkombëtar Olimpik t’i shtyjë atletët që të sakrifikojnë ndërgjegjen e tyre për të arritur qëllimet e tyre në gara, ose anasjelltas”, kanë thënë ata.

Letra është nënshkruar nga ligjvënësit: Jeff Merkley, Jim McGovern, Marco Rubio dhe Chris Smith.

Komiteti Ndërkombëtar Olimpik ka aftësi të shtyjë Lojërat për një periudhë kohore, kanë thënë ligjvënësit, duke përmendur shtyrjen e Lojërave Olimpike Verore 2020, të cilat kanë nisur në Japoni.

Ato janë shtyrë nga viti i kaluar, për shkak të pandemisë së koronavirusit.

Mirëpo Komiteti Ndërkombëtar Olimpik ka thënë më herët se nuk është “superfuqi qeveritare” që mund të zgjidhë çështjet politike në Kinë.

Kina është kritikuar në nivel ndërkombëtar për ndalim të më shumë se 1 milion ujgurëve dhe minoriteteve tjera myslimane, për punë të detyrueshme dhe abuzime tjera në provincën Ksinjiang.

Departamenti amerikan i Shtetit kanë thënë se këto veprime përbëjnë gjenocid dhe krim kundër njerëzimit.

Kina mohon çfarëdo keqbërje, duke thënë se kampet janë “qendra edukuese”, me qëllim të pastrimit të njerëzve nga terrorizmi./REL

The post Ligjvënësit amerikanë kërkojnë që Olimpiada më 2022 të mos mbahet në Pekin appeared first on Albeu.com.