Në një intervistë për NBC, Zelensky tha se djali i saj tani mendon vetëm për artet marciale dhe si të përdorë një pushkë.

“Shpresoj që djali im ta rikthejë fëmijërinë. Para luftës ka shkuar në folklor, ka luajtur piano, ka mësuar anglisht… Pas pushtimit, ai padyshim që dëshiron të jetë ushtar”, tha bashkëshortja e Volodymyr Zelenskyt.

Zonja e Parë dhe presidenti kanë dy fëmijë – një djalë nëntë vjeçar dhe një vajzë 18-vjeçare. Gjatë vizitës së saj, Zelensky foli edhe për problemet e fëmijëve dhe prindërve të tjerë në Ukrainë. Gjatë fjalimit 15-minutësh në Kongresin Amerikan, ajo tregoi foto dhe video të fëmijëve të vrarë dhe të plagosur ukrainas.

Gjatë vizitës së saj në SHBA, Zelensky u takua me presidentin amerikan, Joe Biden dhe Zonjën e Parë, Jill Biden, si dhe me Sekretarin e Shtetit, Anthony Blinken./albeu.com

The post Lufta, Zonja e Parë e Ukrainës jep mesazhin prekës: Djali im 9-vjeçar dëshiron të bëhet ushtar (VIDEO) appeared first on Albeu.com.

Duke iu drejtuar një asambleje të Organizatës Botërore të Shëndetësisë me video, ajo foli për përpjekjet që po bëhen për të trajtuar ndikimin psikologjik të luftës.

Zelenska, e cila ishte fshehur në një vend të pazbuluar për siguri pas fillimit të pushtimit rus, u kthye në publik kohët e fundit kur mori pjesë në funeralin e presidentit të parë të Ukrainës, Leonid Kravchuk, në Kiev së bashku me bashkëshortin e saj, presidentin aktual Volodymyr Zelensky.

Që atëherë të dy u shfaqën në një intervistë të përbashkët televizive gjatë së cilës Zelenska foli për ndarjen prej tij.

Të hënën, në fjalimin e saj video në OBSH, ajo tha: “Asnjë nga ukrainasit, as i rritur dhe as fëmijë, nuk mund të jetë i sigurt se ata do të zgjohen nesër, se raketa nuk do të fluturojë në shtëpinë e tij. Mjeku nuk mund të jetë i sigurt se ambulanca e tij nuk do të bombardohet gjatë rrugës për tek pacienti.”, tha Olena./albeu.com

The post Zonja e parë e Ukrainës: Lufta ka plagë jo vetëm fizike, por edhe mendore appeared first on Albeu.com.

“Në fillim nuk kishte kohë për emocione. Ishte e nevojshme të kujdeseshim për fëmijët, gjendjet e tyre emocionale. Kështu që unë u përpoqa të jem e buzëqeshur, energjike,”-tha nëna e dy fëmijëve dhe gruaja e presidentit Volodymyr Zelensky për Vogue.
Kur fëmijët e saj, 17-vjeçarja Oleksandra dhe 9-vjeçari Kyrylo, kërkojnë të takojnë babanë e tyre, ajo ka një përgjigje të thjeshtë për ta: Së shpejti!

“Në ato ditët e para shpresoja se mund të ishim në gjendje të qëndronim me të. Por zyra e presidentit ishte bërë një objekt ushtarak dhe fëmijët e mi dhe unë ishim të ndaluar të qëndronim atje. Ne u urdhëruam të lëviznim në një vend të sigurt – nëse, në Ukrainë, është e mundur të gjejmë një vend të sigurt tani… Që atëherë, ne kemi komunikuar me Volodimirin vetëm me telefon,”-tregoi 44-vjeçarja.

Ajo kujton se një u zgjua në errësirën para agimit, duke mos e kuptuar se ishte një shpërthim, ndërsa i shoqi i tha vetëm një fjalë: Filloi!

“Nuk do të thosha se kisha panik. Ndoshta konfuzion. Pyeta ‘Çfarë duhet të bëjmë me fëmijët?”‘, ndërsa burri im më tha vetëm “Prisni! Unë do t’ju njoftoj. Për çdo rast, mblidhni gjërat thelbësore dhe dokumentet.” Dhe ai u largua nga shtëpia.”

Që nga fillimi i luftës, Zonja e Parë ka përdorur mediat sociale – duke përfshirë aplikacionin Telegram – për t’u lidhur me ukrainasit e tjerë dhe me pjesën tjetër të botës dhe për të përforcuar realitetin e shkatërrimit në terren, duke përfshirë fëmijët që vriten.

Po ashtu, ajo u shpreh se ka komunikuar me të vetëm me telefon dhe se presidenti jeton në zyrën e tij bashkë me ekipin.

“E kam ditur gjithmonë se ai ishte dhe do të ishte një mbështetje e besueshme për mua. Më pas ai u bë një baba i mrekullueshëm dhe mbështetje për familjen tonë. Ai nuk ka ndryshuar. Thjesht më shumë njerëz e panë me sytë e mi,” – shtoi ajo.

The post Intervista e Zonjës së Parë të Ukrainës: Çfarë tha bashkëshorti kur filloi lufta (FOTO LAJM) appeared first on Albeu.com.

44-vjeçarja ka vendosur që të qëndrojë në Ukrainë së bashku me dy fëmijët e saj Aleksandra, 17 vjeçe dhe Kiril, 9 vjeç. Ata janë të strehuar në një vend sekret nga ku Olena vazhdon që të mbështesë bashkëshortin dhe popullin e saj.

Që nga dita e parë që ka nisur pushtimi i Rusisë ndaj Ukrainës, 44-vjeçarja mbështet vendin e saj duke bërë postime në rrjetet sociale. Zonja e Parë e Ukrainës tregon se çfarë po ndodh aktualisht atje.

“Unë jam Olena Zelensky, jam gruaja e presidentit ukrainas, Volodymyr Zelensky. Ne u martuam në 2003-shin. Vajza jonë lindi në 2004 dhe djali në 2013. Unë jam një shkrimtare dhe një arkitekte. Dhe jam nën kërcënimin e vdekjes nga zoti Putin”, është një postim i saj i bërë së fundmi.

Në postime të tjera, Olena tregon se si e mbështet popullin e saj: “Unë nuk do lë të më zërë paniku ose të shpërthej në lot. Do jem e qetë dhe e sigurt.

Fëmijët më shikojnë dhe unë do të qëndroj pranë tyre dhe pranë burrit tim. Por edhe pranë jush. Ju dua dhe dua Ukrainën”.

“Të dashur ukrainas! Unë ju shikoj të gjithëve. Në TV, në rrugë, në internet. Unë shoh postimet dhe videot e juaja. Dhe e dini çfarë? Jeni të mrekullueshëm. Jam krenare që jetoj me ju në të njëjtin vend”, shkruan Zonja e Parë duke qëndruar pranë popullit të saj.

The post “Nuk dua të shpërthej në lot”, Zonja e Parë e Ukrainës: Jam nën kërcënimin e vdekjes nga Putin appeared first on Albeu.com.