Pamje të publikuara në rrjetet sociale tregojnë 23-vjeçarin duke hedhur një karrige drejt një grupi pushuesish, e cila më pas goditi një grua, duke shkaktuar përplasje dhe kaos në zonën e pishinës në San Antonio.

Sipas Daily Mail, gruaja e goditur po përpiqej të ndërhynte për të ndalur një përleshje mes miqve të Harratt dhe një grupi tjetër pushuesish. Incidenti u filmua dhe u bë viral në rrjetet sociale.

Një dëshmitar, Brandon Watkins, tregoi në Facebook se një grup djemsh po silleshin në mënyrë të papërshtatshme, duke spërkatur me ujë dhe hedhur topa mbi pushuesit, gjë që përshkallëzoi situatën në përleshje fizike.

Harratt reagoi duke thënë se nuk kishte synuar ta godiste gruan, por e kishte hedhur karrigen në hakmarrje, pasi ajo e kishte sulmuar më parë. Ai përshkroi gjithashtu një tjetër të përfshirë në incident si “ngacmues dhe i frikshëm”.

Një tjetër dëshmitar, Kyle Crawford, deklaroi se ai dhe miqtë e tij ndërhynë pasi Harratt dhe shokët e tij po silleshin keq me një grup grash, madje po gjuanin me topa të vegjël turistë të tjerë.

Klubi i Oldhamit reagoi përmes një deklarate zyrtare, duke thënë se ka nisur një “hetim të plotë” dhe se “dënon fuqimisht çdo formë dhune”. Deri në përfundimin e hetimeve, klubi nuk do të bëjë komente të tjera.

The post Vjen reagimi i klubit të lojtarit anglez që goditi një grua me karrige gjatë një përleshje appeared first on Albeu.com.

Videoja, e cila është bërë virale në rrjete sociale, tregon momentin kur karrigia e hedhur nga Harratt godet një grua në fytyrë, duke e rrëzuar përtokë.

Incidenti ndodhi pranë hotelit Marco Polo në San Antonio, ku Harratt dhe grupi i tij përfunduan në konflikt me pushues të tjerë britanikë.

Njëri prej tyre, Brandon Watkins, rrëfeu në Facebook se gjithçka nisi pasi grupi i Harratt u soll në mënyrë provokuese, duke spërkatur dhe ofenduar të tjerët rreth pishinës.

Sipas tij, kur situata u përshkallëzua, Harratt dhe shokët e tij filluan të hedhin karrige, çka rezultoi në lëndimin e gruas që përpiqej të ndalonte përplasjen.

Videoja u shpërnda në rrjetet sociale, përfshirë nga vetë Harratt, i cili ndau edhe fotografi nga pushimet e tij në ishullin spanjoll.

Ngjarja vjen vetëm tri javë pasi ai shënoi golin e fitores për Oldham në finalen e play-off-it në Wembley kundër Southend United, duke i rikthyer ekipit vendin në League Two.

Incidenti ka shkaktuar reagime të ashpra nga tifozët, disa prej të cilëve kërkojnë largimin e menjëhershëm të Harratt nga klubi.

“Nuk mund t’i hedhësh karrige grave, Kian. S’ka justifikim”, shkroi një tifoz, ndërsa një tjetër shtoi: “Turp – nuk ka vend për këtë sjellje në publik, e lëre më për një sportist profesionist”.

Nëna e futbollistit, Kathleen Duncan, konfirmoi për mediat se ishte në dijeni të videos, por nuk dëshiroi të komentonte më shumë. Ajo shtoi se djali i saj ishte ende me pushime dhe kishte anuluar kthimin në Leeds, por pritet të kthehet brenda ditës.

Klubi Oldham Athletic ende nuk ka komentuar publikisht, ndërsa pritet një qëndrim zyrtar pas kthimit të lojtarit në Angli.

The post VIDEO / Futbollisti anglez përfshihet në përleshje të turpshme në Ibiza, godet gruan me karrige appeared first on Albeu.com.