12 vjet më parë, një nga ngjarjet që u mbajt për javë me radhë në qendër të mediave ndërkombëtare ishte një video që tregonte se kryeministri i Anglisë David Cameron harroi në pub vajzën e tij 8-vjeçare.

Të gjitha mediat, përfshi dhe televizionin publik BBC News e raportoi si lajm, duke zbatuar të gjitha standardet mediatike.

Video mbulonte imazhet dalluese të vajzës, tregonte ngjarjen dhe itinerarin si ndodhi dhe merrte ekspertë të cilët jepnin statistika sa të shpeshta ishin këto raste mes prindërve.

Në fund ishte kontaktuar dhe çifti Cameron të cilët thanë “se u ndjemë të lehtësuar që e gjetëm e që kjo mund t’i ndodhë kujtdo”.

Paralelisht një debat shumë i madh u shtrua për diskutim: A mundet që një fëmijë 8-vjeçar të vihet për 1 muaj në qendër të raportimeve vetëm se babai i saj është kryeministër?

Përse nuk ishin subjekt i raportimeve të ngjashme mijëra fëmijë që u ka ndodhur e njëjta gjë? Përse duhet të rrezikohen trauma psikologjike te një minoren dhe të cënohej privatësia se si një familje kalon pasditen e saj?

Këto pyetje u rrëzuan me të tjera pyetje: A përbën interes për publikun fakti që kryeministri harron në pub fëmijën e tij?

A kemi të bëjmë me një kryeministër të papërgjegjshëm në qeverisje, kur ai është i tillë në jetën familjare?

Kjo ngjarje mu kujtua nga ajo që po ndodh orët e fundit me investigimin që transmetoi dje emisioni Piranjat. Kryetarja e komanduar e Bashkisë Tiranë, bashkëshorti dhe fëmija e saj, përdorin 3 automjete dhe 3 shoferë të paguar me paratë publike për nevoja personale. E vënë përballë këtij fakti, në vend që të kërkojë ndjesë apo të japë një sqarim njerëzor mbi rrethanat familjare që e kanë detyruar të bëjë këtë abuzim, znj. Ristani nis të fyejë gazetarin!

Asnjë ndryshim për nga niveli i arrogancës me parardhësin e saj, asnjë përgjegjësi-përkundrazi, bën deklarata që nxisin gjuhë urrejtje ndaj gazetarëve dhe misionit të tyre.

Edhe pas transmetimit të emisionit nuk kishte reflektim, por kërcënim për hetime penale se i është përndjekur dhe cënuar jeta private e fëmijës.

Nëse znj. Ristani do të ishte e shqetësuar për fëmijën, nuk do të përdorte atë gjuhë përpara kamerave se do të ç’eduktonte fillimisht fëmijën e saj.

Nëse do të ishte vërtet e shqetësuar për të, nuk do t’i mësonte se si vidhet dhe abuzohet me fondet e shtetit që minoren.

Por tema këtu nuk është morali që tenton të na komunikojë ajo, e as morali që duhet t’i bëjmë ne një nëne, qoftë dhe kur është kryetare bashkie.

Pika kryesore këtu është se me fondet publike fëmija i saj shoqërohet në shkollë, bashkëshorti në punë dhe vetë ajo në palestër.

Pra logjika e kësaj familje është që fëmijës nuk ka përse t’i shkelet privatësia se mamaja e tij ka post publik, por mund të përfitojë nga benefitet e pushtetit dhe t’i falet çdo abuzim sepse është minoren!

Me sa pashë, Piranjat kishin zbatuar çdo standard etike. Çdo fjalë në tekst ishte e faktuar me pamje dhe dokumenta, ishin pyetur të dyja palët, znj.

Ristani dhe bashkëshorti dhe ishin shmangur pamjet që tregonin shoqërimin e fëmijës. Personalisht po të isha në vend të znj. Ristani në deklaratë do të nxisja këto standarde gazetarie.

Çështja është se zyrtarët këtu te ne nuk duan që gazetaria të ketë standarde, sepse kur nuk ka standarde, pushteti e kontrollon më mirë.

Në vitet 50’ në Angli, stafi i kryeministrit Clement Attlee e tregonte si anekdodë kur pyetej se cila ishte frika më e madhe e tij, “Gazetat në mëngjes- thonin”.

Ndaj ky është dallimi mes medias së lirë dhe asaj të kapur: kur media është e lirë të rrëzon nga pushteti, e kur kapet të mban. Kush del nga kjo radhë sulmohet me çdo formë, ndonjëherë drejtpërdrejt nga pushteti e ndonjëherë duke përdorur vetë gazetarët.

The post Arroganca e zonjës Ristani dhe dëshira e zyrtarëve për një gazetari pa standarde appeared first on Albeu.com.

Kështu ka ndodhur me koncesionin e pullave fiskale që u dha gjatë qeverisë Berisha dhe u rrit gjatë qeverive të Ramës, ndërsa çmimi i tyre ka qenë 10 herë më shumë se në BE.

“Kanë qenë 4 kontrata koncesionare në fushën fiksale dhënë nga qeveria Berisha. PS mori angazhimin për t’i hequr. Pullat fiskale ofroheshin nga shteti më parë, por u dha me koncesion dhe çmimi për cigaren, apo verën u katërfishuan. Nga viti 2012 deri në vitin 2023 janë mbledhur rreth 100 milionë euro përmes tarifës që ka vendosur kompania koncesionare nga pullat fiskale, por nuk kemi asnjë analizë se sa është ulur evazioni në fushën e kontrabandës së mallrave me akcizë dhe sa është rritur akciza nga ky koncesion. Ajo që dihet është se qytetarët shqiptarë kanë paguar mallra më të shtrenjtë dhe buxheti i shtetit ka marrë tarifa normale, njëlloj si në kohën kur e kishte shteti dhe fitimi ka shkuar për kompaninë private, rreth 7.4 milionë euro.

Kompania e mori këtë kontratë pa garë në kohën e qeverisë Berisha. Kompania është e regjistruar në Zvicër, ku ka juridiksion që ofron anonimatin e pronarëve.

Me detyrimin për të deklaruar pronarët përfitues janë dy shtetas zvicerianë si përfitues fundorë të kompanisë SICPA. Por duhet të jetë një biznesmen shqiptar, por nuk e kemi të dokumentuar. Qeveria e PS mori angazhimin për të zhbërë 4 koncesionet, por sot ato janë shtyrë në vite dhe janë rritur të ardhurat, kontrata për pullat në 2023 mbaroi por u shty edhe një vit, dhe më pas u mor vendimi që do t’i kthehej shtetit. Tashmë do t’i bëjë Shtypshkronja e Letrave me Vlerë.

Tani me një VKM kanë gjetur një kompani në Emiratet e bashkuara Arabe që i ka 51 për qind dhe 49 për qind i ka SICPA që bazën e ka sërish në Zvicër dhe aty del një shqiptar.

Çmimi mesatar në BE ka qenë 3 euro për 1000 pulla fiskale, në Shqipëri ka qenë 22-23 euro në varësi të produktit, pra 10 herë më shumë. Qeveria vendosi të ulë çmimin me 5 euro por sërish, por tani jemi 8 herë më shumë se mesatarja e vendeve të BE-së. Këto para për mallrat e akcizës i paguajnë qytetarët shqiptarë. Tani po t’i kishte Shtypëshkronja e Letrave me Vlerë këto para do t’i merrte shteti, por ajo thotë pse t’i marr unë, por po i ndaj me këtë kompaninë private përgjysmë”- tha Xama.

The post Xama: Koncesioni i pullave fiskale mblodhi 100 milionë euro, çmimi 10 herë më i shtrenjtë se në vendet e BE-së appeared first on Albeu.com.

Xama shpjegoi rritjen e menjëhershme të kompanisë, e cila ka realizuar rreth 30 milionë euro xhiro dhe 4.5 milionë euro fitim, ndërkohë që një prej klientëve të saj kryesor është kompania ONE.

“Kompania ONE është nga klientët kryesorë të Gogel, në pronësi të Arbër Veliajt.

SPAK në dosjen hetimore që ka ndaj Erion Veliajt, po heton edhe konfliktin e interesit që mund të ketë mes ONE dhe Gogel dhe dy kontratave publike që ka marrë ONE nga Bashkia e Tiranës, njëra për monitorimin online të trafikut dhe tjetra për fibrat optike. ONE është kompani e regjistruar në Bullgari me pronarë përfitues hungarezë.

Na bën përshtypje gjithmonë që historitë e suksesit janë ato të njerëzve që lidhen me politikanët dhe rrethin e tyre të afërt.

Gogel në vitin 2011 kishte xhiro modeste vjetore 100 mijë euro me fitim 10 mijë euro. Më pas, shitet te vëllai i Veliaj, Arbër Veliaj dhe në 2014 shohim rritje të menjëhershme, xhiro mesatare 3 milionë euro. Në vitin e fundit, 2023, xhiro ka shkuar 8 milionë euro.

Në vitin 2022 Arbër Veliaj ka themeluar tjetër kompani Gogel Holding që ofron shërbime për Gogel shpk. Nëse llogarisim xhiron vjetore, arrijnë të ardhura 30 milionë euro dhe fitim 4.5 milionë euro”, tha ndër të tjera Xama.

Ndërkohë gazetarja Klodiana Lala, deklaroi se kompania e Arbër Veliajt është nën hetim nga SPAK dhe po vijojnë të kryhen verifikime.

“Kompania ONE ka fituar disa tendera në Bashkinë e Tiranës. Janë dy procedura tenderuese, që janë duke u parë për shkak të lidhjes së dyshuar klienteliste. Pra një ka të bëjë me monitorimin e trafikut dhe tjetra me fibrat optike. Është marrëdhënie direkte me Bashkinë e Tiranës.

Kompanitë e Arbër Veliajt janë të gjitha nën hetim. Është dhënë urdhri për marrjen e celularit. Po shihen të gjitha transaksionet që ka patur me të gjithë kompanitë, jo vetëm me ONE, përfshirë me kompanitë e kunatës së tij, Ajola Xoxa, sepse ka patur transaksione dhe marrëdhënie financiare. Po zhvillohet ky hetim dhe duhet parë ecuria. Arbër Veliaj u është nënshtruar të gjithë procedurave ligjore, kontrolli, sekuestrimi e me rradhë, lë të kuptohet se po kontrollohet aktiviteti financiar i tij”, tha ndër të tjera Lala.

The post SPAK heton kompanitë e Arbër Veliajt, Ola Xama: Xhiro 30 mln euro, arriti sukses të madh pasi u bë i vëllai kryebashkiak appeared first on Albeu.com.

Kujtojmë se gazetarja Xama, u shënjestrua drejtpërdrejt nga Veliaj pak kohë më parë, duke u etiketuar si “vrasëse me pagesë”, çka nxiti reagimin e disa organizatave të mediave.

“Erion Veliaj është një zyrtar publik, dhe si i tillë e ka ditur që prej marrjes së detyrës që do apo nuk do ai, do të bëhet pjesë e debateve publike në media sa i takon llogaridhënies në raport me detyrën dhe pasurinë e tij.
Prokuroria e Posaçme njoftoi ditën e premte se është duke hetuar pasurinë e tij dhe të familjarëve të tij, fakt që e ka pranuar publikisht dhe kryetari i Bashkisë së Tiranës.
Nisur nga këto të dhëna, ditën e hënë në emisionin “Të Paekspozuarit” kam raportuar mbi pasurinë e deklaruar të z.Veliaj dhe bashkëshortes së tij, deklarata që janë publike.
Duke qënë se hetimet kanë përfshirë dhe vëllain e z.Veliaj, kam raportuar se si kishte blerë 10% të aksioneve në një kompani për 100 euro dhe pas ardhjes pushtet të Erion Veliajt, firmat e tij kanë krijuar afërsisht 30 milion euro të ardhura dhe 4.5 milion euro fitime.

Asnjë gjë jashtë asaj që është publike në bilancet e deklaruara të kompanive, dhe pa i bërë gjyqin askujt, por vetëm duke shtruar për diskutim çështjen: si ka mundësi që në Shqipëri kanë biznese të suksesshme vetëm familjarët e njerzve në pushtet?
Përgjigjja nuk vonoi, por erdhi përmes një faqeje online të cilën e kam paditur civilisht për shpifje, ku unë akuzohem se kam marrë para nga qeveria.

Sa herë që raportoj çështje të cilat nuk i pëlqejnë kryetarit ose drejtorëve të bashkisë, kjo faqe bashkë me disa portale të tjerë nisin sulmin.

Të jetë rastësi, apo mos ka ardhur koha që drejtorët e bashkisë Tiranë dhe vetë kryetari i saj të hetohen për shantazh ndaj gazetarëve?Dhe m.q.s. ka dy vjet që e kanë bërë si refren se unë kam marrë fonde publike, i ftoj në gjykatë të më sjellin një dokument që e provon këtë. Për të tjerat, “pushka top”, le të vazhdojnë se as nuk kam bërë e as nuk kam marrë ndonjë gjë që më bën pis. Llumi ku jeni zhytur nuk lahet dot duke më hedhur baltë mua.”

The post Gazetarja Ola Xama denoncon: Ja si më shantazhon Erion Veliaj sa herë flas për çështje që nuk i pëlqejnë! appeared first on Albeu.com.

Ka disa javë që dëgjoj shifra tmerrësisht të ulta se sa ka dalë popullsia e Shqipërisë pas përfundimit të Censit të fundit. Vlerat e ulta raportohen si nga punonjës pranë Institutit të Statistikave, si nga ekspertë e profesorë, si nga përfaqësues të partive politike.

Një ditë më parë INSTAT bëri një deklaratë për shtyp ku njoftoi se të dhënat e Censit do të publikohen në muajin qershor, pa dhënë asnjë shifër paraprake. Madje për t’i vënë pikën se qershori nuk mund të konsiderohet larg, drejtuesja e INSTAT sqaroi se në të njëjtën periudhë janë publikuar dhe rezultatet e Censeve të tjera.

Në fakt kjo është një gjysëm e vërtetë, pasi rezultatet paraprake, se sa shqiptarë ishin, sa banesa, numri mesatar i antarëve të familjeve, arsimimi dhe besimi fetar i tyre për Censin 2011, janë publikuar në 22 janar 2011. 5 ditë pas përfundimit të anketës Post Cens që bën pastrimin e gabimeve.

Të dhënat përfundimtare janë publikuar më vonë, por ajo që intereson sot është numri i popullsisë, numri i banesave dhe numri i antarëve të familjes në nivel vendi, qarku dhe bashkie?!

Të dhënat duhet të ishin publikuar më shpejt po të llogariten shpenzimet për Censin, ku regjistrimi u bë elektronik, dhe duke patur parasysh zhvillimin e tij me 3 vjet vonesë, në kundërshtim dhe me afatet që lejon Kushtetuta (sanksionohet numërimi i popullsisë njëherë në 10 vjet dhe shtyrja e Censit është shkelje më vete).

Sot kemi dëgjuar akuza se ka përpjekje për manipulimin e rezultateve për të nxjerrë numrin e popullsisë në rritje, ndaj për hir të integritetit të procesit, INSTAT do të bënte mirë që të publikonte të dhënat paraprake.

Pastaj nëse ka vërtet tentativa për ndryshimin e rezultatit, Shqipëria do të bëhet vendi i parë në botë që do të ketë në burg punonjës të administratës që kanë hyrë për të mos rrëzuar propagandën e qeverisë! Në shtete dhe sisteme të tjera, rastet e burgosjeve janë kur kundërshtohet propaganda e qeverisë. Po të arrish që për punë PR dhe imazhi të bësh shkelje penale, i bie të kesh shkuar shumë larg…!

*Titulli është i redaksisë.

The post Rrezikohet manipulimi, INSTAT të nxjerrë të rezultatet e Censusit appeared first on Albeu.com.

Sipas Xamës dikush që investohet te një shoqëri i di të dhënat financiare deri në qindarka.

Gazetarja shkruan se kur paratë xhirohen, por shumica dalin jashtë dhe shkojnë te pronarët realë, është vështirë t’i memorizosh.

Ja statusi i Ola Xames:

Me sa dëgjova deri tani nga intervista, m’u krijua bindja se Mirel Mertiri është ‘presta nome’ te kontratat e inceneratorëve, sepse nuk kishte fiksuar mirë shifrat e parave që ishin arkëtuar nga kompanitë.

Dikush që investohet te një shoqëri, i di të dhenat financiare deri në qindarka.

Kur paratë xhirohen, por shumica dalin jashtë dhe shkojnë te pronarët realë, është vështirë t’i memorizosh.

Këta te kontrata e Tiranës paskan shpalosur një art të ri për mënyrën e shpërndarjes së kuotave dhe të drëjtave të pronësisë, që nuk është parë ndonjëherë të ndonjë skeme mashtrimi.

Kemi pronarë ‘presta nome’ disa italianë që përdoren të mos dalë emri i Zotos e Mërtirit, pasi ata rezultojnë në dy kontrata të tjera inceneratorësh.

Mërtiri dhe Zoto përfitojnë të paktën 40 milion euro që i nxjerrin jashtë firmës, dhe i çojnë te disa individë që deri me sot janë mister, por duhet të jenë zyrtarë të rëndësishëm.

Pra, kemi tre shkallë pronarësh që paguhen: italianët për letrat, Zoto-Mërtiri për punët e pista dhe letrat, zyrtarët për vendimet dhe firmosjen!

The post Ola Xama: Mërtiri dhe Zoto çojnë të paktën 40 milion euro te zyrtarë të rëndësishëm appeared first on Albeu.com.

Xama, e cila herë pas here ka denoncuar aferën korruptive, thotë në një postim në “Facebook se duke filluar nga dita e sotme shqiptarëve do iu kursehen rreth 15 milionë euro në vit të cilat merreshin nga persona të shpallur në kërkim nga drejtësia shqiptare, Klodian Zoto dhe Mirel Mërtiri.

Më tej ajo e cilëson sekuestrimin si një nga ngjarjet më të rëndësishme të vitit, teksa shton se tashmë ndërpiten edhe burimet e disa mediave që shpallnin armik këdo që fliste pro interest publik.

“Pas kesaj ngjarje dhe integriteti i hetimeve te SPAK qe vendosej ne pikepyetje nga opinioni publik duke bere analogji me Fierin dhe Elbasanin bie.

Kjo eshte nje nga ngjarjet me te rendesishme te vitit. Kushdo qe mund te thote se nuk ka cfare sekuestrohet, apo ajo qe u be nuk zhbehet e shume gjera te tjera, i them qe eshte gabim.

Nga sot shqiptareve do iu kursehen te pakten 15 milion euro ne vit qe merreshin nga disa njerez qe jane ne kerkim nga drejtesia. 13 milion euro qe paguheshin nga bashkia Tirane dhe 2 te tjera nga Durresi dhe Kavaja. Disa milion euro po u kursehen edhe operatoreve private qe ishin te detyruar te depozitonin mbetjet ne kete landfill.

Pas kesaj ngjarje dhe integriteti i hetimeve te SPAK qe vendosej ne pikepyetje nga opinioni publik duke bere analogji me Fierin dhe Elbasanin bie.

Edhe burimit te parave qe financonin disa media qe shanin dhe shpallnin armik kedo qe fliste pro interesit publik, tashme po i priten fijet”, shkruan Xama.

The post Inceneratori i Tiranës nën sekuestro, gazetarja Xama: Nga sot shqiptarëve u kursehen 15 milionë euro në vit appeared first on Albeu.com.

Federata Europiane e Gazetarëve, EFJ, Qendra Europiane për Lirinë e Shtypit dhe Medias, ECPMF, dhe Safe Journalist Network i kërkuan Veliajt që të ndalë sulmet ndaj gazetarëve profesionistë dhe të respektojë punën e tyre.

Shkrimi me titull “Projekti i inceneratorit të Tiranës u propozua nga Erion Veliaj, thotë SPAK” me autore gazetaren Ola Xama u publikua nga BIRN më 13 korrik dhe bazohej në të dhënat e siguruara nga dosja që Prokuroria e Posaçme ka dorëzuar në Kuvendin e Shqipërisë si pjesë e kërkesës për arrestim të ish-zv.kryeministrit Arben Ahmetaj.

Veliaj nuk iu përgjigj fillimisht një kërkese për koment, por një ditë pas publikimit i shkroi Xamës në aplikacionin Whatsapp, duke pretenduar se kishte ngatërruar faktet dhe e quajti atë “militante”. Veliaj pretendoi se propozimi i tij për PPP në trajtimin e mbetjeve nuk ishte i njëjti me projektin që u miratua dhe që po hetohet aktualisht nga SPAK.

Në një seri mesazhesh, Veliaj i shkroi gjithashtu Xamës se ajo “nuk ishte gazetare, por një killer me pagesë”. Në të njëjtën kohë, një numër mediash u angazhuan në një fushatë denigruese kundër Xamës, duke përdorur të njëjtat shprehje si Z.Veliaj.

“Të quash një gazetar ‘killer me pagesë’ është një akuzë e rëndë që mund të çojë në ngacmime në internet dhe madje edhe kërcënime fizike. Përdorimi i fjalëve të tilla rrezikon seriozisht Ola Xamën dhe dekurajon atë dhe gazetarët e tjerë që të kryejnë punën e tyre në interes të publikut,” deklaroi Ricardo Gutierrez, sekretar i Përgjithshëm i EFJ.

“I kam kërkuar disa herë në të shkuarën zotit Veliaj që të mos frikësojë dhe denigrojë gazetarët dhe qytetarët shqiptarë që guxojnë ta kërkojnë llogari. Këtë herë do t’i drejtohem në shqip. Ndoshta ai do të dëgjojë më shumë? Z. Veliaj, MJAFT MË,” shtoi Gutierrez.

Në një reagim në Twitter, edhe Qendra Europiane për Lirinë e Shtypit dhe Medias ndau të njëjtin shqetësim me Federatën Europiane të Gazetarëve.

“@erionveliaj është i njohur në mesin e organizatave të medias për sulme të rregullta ndaj gazetarëve profesionistë dhe të pavarur dhe aktivistëve. Ne i bëjmë thirrje Veliajt që të ndalë sulmet ndaj gazetarëve, t’u ofrojë atyre akses në informacion dhe të respektojë punën e tyre,” shkroi ECPMF.

Safe Journalist Network e denoncoi gjithashtu “sulmin shqetësues verbal” të Veliajt ndaj gazetares Ola Xama dhe i bëri thirrje atij që të kërkonte falje.

“Ky reagim agresiv jo vetëm që rrezikon sigurinë personale të zonjës Xama, por gjithashtu përbën një precedent kërcënues për gazetarët e tjerë në Shqipëri, veçanërisht ata të përfshirë në gazetarinë investigative,” tha Blerjana Bino, hulumtuese e Safe Journalist Network në Shqipëri.

“Ajo përbën një përpjekje për të mbytur gazetarinë e pavarur dhe kritike dhe për t’iu shmangur llogaridhënies dhe kryeneçësisë publike,” shtoi ajo./birn/

The post Organizatat e lirisë se medias dënojnë sulmin ndaj gazetares Ola Xama appeared first on Albeu.com.