Sipas njoftimit, Melania Trump do të vërë theksin te roli i arsimit si një mjet për promovimin e tolerancës dhe paqes globale. Kjo do të jetë hera e parë që një Zonjë e Parë në detyrë e SHBA-së kryeson mbledhjen e organit 15-anëtarësh të Këshillit të Sigurimit.

Presidenti amerikan, Donald Trump, ka qenë kritik i ashpër ndaj Kombet e Bashkuara që nga mandati i tij i parë në Shtëpinë e Bardhë, duke e cilësuar organizatën me 198 vende anëtare si joefikase dhe në nevojë për reforma të thella.

Megjithatë, javën e kaluar Trump përdori një ton më pajtues gjatë mbledhjes së parë të “Këshillit të Paqes”, një nismë që, sipas tij, synon zgjidhjen e konflikteve në mbarë botën. Iniciativa nuk është përqafuar nga shumë liderë botërorë, mes shqetësimeve se ajo mund të jetë konceptuar për të zëvendësuar OKB-në.

“Mbi të gjitha, Këshilli i Paqes do të mbikëqyrë pothuajse Kombet e Bashkuara dhe do të sigurojë funksionimin e duhur të tyre”, deklaroi Trump më 19 shkurt.

“Ne do t’i forcojmë Kombet e Bashkuara. Do të sigurojmë që ambientet e tyre të jenë të mira… Do t’i ndihmojmë financiarisht dhe do të garantojmë që OKB-ja të jetë e qëndrueshme”, u shpreh presidenti amerikan.

The post Melania Trump do të kryesojë mbledhjen e Këshillit të Sigurimit të OKB-së appeared first on Albeu.com.

“Një gënjeshtër është zbuluar. Në vend që ta tërheqë atë, sistemi që mundësoi gjenocidin po sulmon lajmëtarin”, deklaroi Albanese. Sipas saj, Franca është e vetëdijshme se ka bërë një gabim, por “krenaria e pengon ta korrigjojë atë”, ndërsa pretendon se po kërkohen deklarata të saj të mëparshme për të gjetur çdo fjalë të papërshtatshme.

Reagimi i saj vjen pasi ministri i Jashtëm francez, Jean-Noël Barrot, bëri thirrje për dorëheqjen e saj nga posti i Raportueses Speciale të OKB-së.

Nga ana tjetër, Komisioni Evropian deklaroi se vendimi për të ardhmen e Albanese i takon OKB-së. Gjatë një konference për shtyp, një zëdhënës i Komisionit u shpreh se Bashkimi Evropian nuk do të komentojë më tej çështjen, por theksoi se BE-ja dënon të gjitha format e antisemitizmit.

Ai rikujtoi gjithashtu deklaratat e bëra nga Presidentja e Komisionit Evropian, Ursula von der Leyen, dhe Përfaqësuesja e Lartë për Politikën e Jashtme, Kaja Kallas, në Ditën Ndërkombëtare të Përkujtimit të Holokaustit, duke nënvizuar qëndrimin e BE-së kundër antisemitizmit.

“Ne i vërejmë thirrjet nga disa shtete anëtare për dorëheqjen e Albanese, por vendimi për të ardhmen e saj i takon OKB-së”, deklaroi zëdhënësi.

Çështja ka nxitur debat të gjerë diplomatik, ndërsa pritet të shihet nëse do të ketë zhvillime të mëtejshme në nivel të Kombeve të Bashkuara.

The post Ministri i Jashtëm francez kërkoi dorëheqjen e saj, reagon raportuesja speciale e OKB, Francesca Albanese: Franca ka bërë një gabim appeared first on Albeu.com.

Gjyqtarët e shënjestruar nga sanksionet e SHBA-së të enjten – Gotsa Lordkipanidze (Gjeorgji) dhe Erdenebalsuren Damdin (Mongoli) – kishin votuar më parë këtë javë kundër një kërkese izraelite për të mbyllur hetimin e GJND-së për krimet e luftës në Gaza.

Shtetet e Bashkuara kanë vendosur tashmë sanksione ndaj nëntë gjyqtarëve dhe prokurorëve të GJND-së për hetimet e tyre mbi krimet e dyshuara të luftës të kryera nga Izraeli.

“Njoftimi i djeshëm i sanksioneve të SHBA-së kundër dy gjyqtarëve të tjerë të GJND-së përbën një përshkallëzim të ri të hakmarrjes kundër institucioneve ndërkombëtare”, shkroi Komisioneri i Lartë i OKB-së për të Drejtat e Njeriut në platformën e mediave sociale X.

Këto sanksione të SHBA-së lidhen me vendimin e GJND-së në nëntor 2024 për të lëshuar urdhër-arreste për kryeministrin izraelit Benjamin Netanyahu dhe ish-ministrin e Mbrojtjes Yoav Galland për krime lufte dhe krime kundër njerëzimit.

Sekretari i Shtetit i SHBA-së Marco Rubio theksoi në një deklaratë të enjten se gjyqtarët që u sanksionuan më së fundmi kishin votuar më parë këtë javë për të mbajtur në fuqi këto urdhër-arreste.

Uashingtoni vendosi gjithashtu sanksione në korrik ndaj Francesca Albanese, raportueses speciale të OKB-së për situatën e të drejtave të njeriut në territoret e pushtuara palestineze, e cila e ka akuzuar vazhdimisht Izraelin për gjenocid në Gaza.

“Sanksione të tilla kundër gjyqtarëve, si dhe kundër prokurorëve dhe ekspertëve të OKB-së, bien ndesh me sundimin e ligjit dhe administrimin e drejtësisë”, tha sot zyra e OKB-së për të drejtat e njeriut.

The post OKB përplaset ashpër me SHBA-në/ Uashingtoni përshkallëzon sanksionet ndaj gjyqtarëve të GJND-së për hetimet kundër Izraelit appeared first on Albeu.com.

Udhëheqësi izraelit po përballet me izolim në rritje ndërkombëtar për shkak të refuzimit të tij që të ndalë luftën në enklavën palestineze.

Credins Bank oferte per pajisje me POS
“Udhëheqësit perëndimorë mund të jenë dorëzuar nën presion”, tha ai në Asamblenë e Përgjithshme të OKB-së. “Por, unë ju garantoj një gjë: Izraeli nuk do të dorëzohet”, shtoi Netanyahu.

Fjalimin Netanyahu e nisi pasi dhjetëra delegatë nga disa shtete u larguan nga Asambleja e Përgjithshme e OKB-së në shenjë proteste.

Duke iu përgjigjur vendimeve të marra së fundi nga disa shtete për njohjen e shtetësisë palestineze, Netanyahu tha se “vendimet tuaja të turpshme do të nxisin terrorizmin kundër hebrenjve dhe kundër njerëzve të pafajshëm kudo”.

Teksa udhëheqësi izraelit mbante fjalim, në sallë u dëgjuan të bërtitura, ndërsa mbështetësit e tij e duartrokisnin.

Delegacioni i SHBA-së, shtet që e ka mbështetur Izraelin gjatë fushatës kundër Hamasit, qëndroi në sallë.

“Antisemitizmi nuk zhduket lehtë. Në fakt, nuk zhduket asnjëherë”, tha Netanyahu, i cili vazhdimisht ka akuzuar kritikët e tij për antisemitizëm.

Netanyahu po përballet me izolim ndërkombëtar, akuza për krime lufte dhe presion për përfundimin e luftës. Gjatë fjalimit, udhëheqësi izraelit tha se lufta mund të përfundojë menjëherë, nëse Hamasi pranon kushtet e Izraelit.

Siç ka bërë edhe në të kaluarën gjatë paraqitjeve në OKB, Netanyahu shfaqi edhe harta. Ai mbajti në duar një hartë, që përshkruante sfidat e Izraelit në rajon.

Qeveria izraelite ndërmori hapa në mënyrë që të sigurohej që personat që gjenden në Gazë të mund ta dëgjojnë fjalimin e Netanyahut, duke vendosur altoparlantë në kufijtë me këtë territor. Zyra e Netanyahut pretendoi se ushtria izraelite u kishte dërguar në telefona mobilë banorëve të Gazës fjalimin e Netanyahut.

Netanyahu tha se këto masa janë marrë në mënyrë që mesazhi i tij të mund të dëgjohet nga pengjet izraelite që po mbahen në Gazë. Ai madje iu drejtua pengjeve në hebraisht.

Lufta në Gazë nisi më 7 tetor, pasi Hamasi sulmoi jugun e Izraelit, duke vrarë afër 1.200 persona dhe duke rrëmbyer 251 të tjerë. Gjatë fjalimit në OKB, Netanyahu përmendi emrat e 20 pengjeve që besohet se ende janë gjallë dhe po mbahen në Gazë.

Ndërkaq, si pasojë e ofensivës izraelite, në Gazë janë vrarë më shumë se 65.000 palestinezë, sipas Ministrisë së Shëndetësisë në këtë territor, shifra që konsiderohen të besueshme nga OKB-ja./REL

The post Netanyahu në OKB: Izraeli duhet të përfundojë punën kundër Hamasit appeared first on Albeu.com.

Gjatë fjalës së tij ai tha se njohja e shtetit palestinez është “çmenduri e pastër”, duke shtuar se njohja nga disa vende të tjera është “e turpshme”.

Teksa Netanyahu iu drejtua foltores, dhjetëra njerëz u larguan nga salla në Nju Jork në shenjë proteste, ndërsa disa duartrokitën. Ndërsa Netanyahu nga ana e tij tha se altoparlantët në Izrael po e transmetojnë fjalimin e tij në Gaza, raporton BBC.

Duke iu drejtuar drejtpërdrejt pengjeve që mbahen nga Hamasi, ai tha: “Ne nuk ju kemi harruar, as për një sekondë. Populli i Izraelit është me ju”.

Fjalimi i tij vjen ndërsa presidenti amerikan Donald Trump tha se nuk do të lejojë Izraelin të aneksojë Bregun Perëndimor të pushtuar nga Izraeli. Izraeli po përballet me presion global në rritje për t’i dhënë fund konfliktit dhe pushtimit të Bregut Perëndimor.

Duke folur në OKB të enjten, presidenti palestinez Mahmoud Abbas përsëriti refuzimin e tij për një rol qeverisës të ardhshëm për Hamasin në Gaza dhe kërkoi që ai të çarmatoset.

The post “Njohja e shtetit palestinez, akt i turpshëm”- Mesazhi i Netanyahut në OKB për pengjet izraelitë: Nuk ju kemi harruar asnjë sekondë appeared first on Albeu.com.

“Për ne, serbët, ajo nuk është thjesht një copë toke, por djep i shpirtit tonë dhe e ekzistencës sonë në këtë tokë”, tha Vuçiç.

Sipas tij, serbët në Kosovë po jetojnë në “kushte dramatike”.

“Atyre po u mohohen të drejtat themelore njerëzore: e drejta për jetë, për lëvizje, për arsim dhe për përkujdesje shëndetësore. Atyre u mohohet qasja në vendin e punës dhe në pronë”, pretendoi udhëheqësi serb. Që nga viti fillimi i vitit, Kosova ka nisur mbylljen e institucioneve të Serbisë në Kosovë, të cilat i konsideron paralele dhe të jashtëligjshme.

Këto veprime të autoriteteve kosovare kanë hasur në kundërshtim të komunitetit serb dhe janë përballur me kritika nga bashkësia ndërkombëtare, e cila i ka cilësuar si veprime të pakoordinuara. Gjatë fjalimit në Asamblenë e Përgjithshme të OKB-së, Vuçiç i bëri thirrje që komuniteti ndërkombëtar të “marrë hapa konkretë dhe të vendosur” për të ndalur, siç tha ai, dhunën në Kosovë.

Gjithashtu, udhëheqësi serb deklaroi se “Serbia beson në dialogun” që ndërmjetësohet nga Bashkimi Evropian. Kosova ka shpallur pavarësinë më 2008, të cilën Serbia refuzon që ta njohë. Mbi 100 shtete e kanë njohur pavarësinë e Kosovës përfshirë 22 nga 27 shtete të Bashkimit Evropian, ku Kosova dhe Serbia synojnë të anëtarësohen.

Dy shtetet zhvillojnë dialog për normalizimin e raporteve që nga viti 2011. Procesi, që lehtësohet nga BE-ja, ka prodhuar disa marrëveshje, por jo të gjitha janë zbatuar në terren. Tensionet mes Kosovës dhe Serbisë janë rritur viteve të fundit dhe që nga shtatori i vitit 2023, palët nuk kanë zhvilluar asnjë rund të dialogut në nivel politik, por vetëm runde në nivele të kryenegociatorëve.

Rundi i fundit i dialogut në nivel politik u mbajt disa ditë para sulmit të armatosur të 24 shtatorit në Banjskë të Zveçanit. Një grup i serbëve të armatosur sulmuan Policinë e Kosovës, duke vrarë një rreshter. Përgjegjësinë për sulmin e mori Millan Radoiçiç, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit.

Në përvjetorin e dytë të sulmit, për të cilin Prishtina e fajëson Beogradin, autoritetet në Kosovë kërkuan ekstradimin e Radoiçiqit dhe të përfshirëve të tjerë në Banjskë. Vitin e kaluar, Kosova ngriti aktakuzë kundër 45 të dyshuarve për sulmin në Banjskë, ndërsa vetëm tre nga këta të akuzuar janë duke u gjykuar në Prishtinë, pasi të tjerët janë të paarritshëm për autoritetet kosovare. Që të tre i mohojnë akuzat.

Gjatë fjalimit në OKB, Vuçiq theksoi se stabiliteti rajonal është me rëndësi të madhe për Serbinë dhe se Serbia, si garantuese e Marrëveshjes së Dejtonit, e cila u nënshkrua para 30 vjetësh, gjithmonë do të punojë për zbatimin e saj të plotë dhe respektimin e të drejtave të tre popujve në Bosnjë dhe Hercegovinë.

“Veprimet njëanshme dhe keqpërdorimi i autoritetit, në kundërshtim me marrëveshjen, nuk kontribuojnë në paqe dhe sjellin tensione të reja”, deklaroi udhëheqësi serb.

Ai shtoi se Serbia do të përdorë të gjitha mjetet diplomatike për të parandaluar veprimet njëanshme në Bosnjë dhe Hercegovinë. Gjithashtu, Vuçiq theksoi se prej 30 vjetësh, në Kombet e Bashkuara dhe kudo tjetër, “po zhvillohet një fushatë e rreme kundër Serbisë dhe Republikës Sërpska, entitetit në Bosnje e Hercegovinë.

“Në të gjithë botën, pafundësisht mund të keni dëgjuar, siç do të thoshin ‘nga burime të mirinformuara’, se ishte çështje kohe kur Serbia do të sulmonte dikë në rajon dhe se Republika Sërpska dhe udhëheqja e saj do të cenonin integritetin territorial të Bosnjës”, tha Vuçiç, duke shtuar se gjithë këtë kohë, kjo ka qenë një gënjeshtër.

Qeveria në Beograd mbështet Millorad Dodikun, ish-presidentin e Republikës Sërpka, të cilit Komisioni Qendror Zgjedhor i Bosnjës dhe Hercegovinës i hoqi mandatin e presidentit të entitetit, pas një vendimi të formës së prerë të Gjykatës së Bosnjës, për mosrespektim të vendimeve të përfaqësuesit të Lartë të komunitetit ndërkombëtar në këtë shtet.

Vetë Vuçiç takohet shpesh me Dodikun, i cili është mysafir i shpeshtë në manifestimet shtetërore që organizohen në Serbi. Vuçiç e shfrytëzoi fjalimin e tij në OKB për të komentuar edhe për protestat antiqeveritare që po zgjasin tash e disa muaj në Serbi, përmes së cilave po kërkohet shpallja e zgjedhjeve të jashtëzakonshme parlamentare, kërkesë që autoritetet refuzojnë.

Protestat udhëhiqen nga studentët, të cilët për muaj të tërë kanë bllokuar fakultetet, duke kërkuar përgjegjësi për vdekjen e 16 personave nga shembja e strehës prej betoni në stacionin hekurudhor në Novi Sad më 2024.

“Pavarësisht dhunës së treguar nga demonstruesit, ne përpiqemi të gjejmë një pjesë të rëndësishme të fajit te vetja jonë dhe te ne që drejtojmë vendin. Desha të dëgjoj dhe të kuptoj mesazhin e protestuesve, dhe prandaj edhe nga këtu u ofroj dialog, sepse nuk ka alternativë tjetër”, tha Vuçiç.

Ai shtoi se ofron dialog dhe diskutim të pakushtëzuar mbi të gjitha çështjet e rëndësishme për shoqërinë tonë për njerëzit që mendojnë ndryshe.

“Dhe jam absolutisht i sigurt se gjatë periudhës së ardhshme do të tejkalojmë të gjitha vështirësitë e muajve të kaluar”, tha Vuçiç.

Gjatë protestave antiqeveritare, në disa raste ka pasur përplasje midis policisë dhe demonstruesve. Pjesëmarrësit në protestat antiqeveritare dhe opozita kanë akuzuar policinë për përdorim të tepruar të forcës, akuzë që autoritetet i mohojnë.

Nga Bashkimi Evropian, ku Serbia synon të bëhet anëtare, disa herë është bërë thirrje për uljen e tensioneve. Situata në Gaza dhe zgjidhja e konflikteve me Izraelin kanë zënë një pjesë të rëndësishme të zyrtarëve gjatë fjalimeve në OKB. Në fjalimin e tij, Vuçiç tha shkurt se palestinezët dhe izraelitët janë miq të Serbisë.

“Të dy janë miqtë tanë dhe as nuk dua të marr anën e dikujt duke folur për të mirët dhe të këqijtë vetëm për të fituar ndonjë pikë politike”, tha ai.

Si president i Serbisë, ai e ofroi Beogradin si vend për dialog për të gjitha palët e përfshira në konflikt. Një pjesë e fjalimit të Vuçiqit iu kushtua edhe Charlie Kirk, aktivistit konservator që u vra. Kirk, 31-vjeçar, ishte aleat i ngushtë i presidentit amerikan, Donald Trump.

“Ai u vra në mënyrë çnjerëzore vetëm sepse idetë e tij nuk i pëlqenin vrasësit”, tha udhëheqësi serb.

Seanca e Asamblesë së Përgjithshme të Kombeve të Bashkuara zhvillohet 80 vjet pas themelimit të kësaj organizate ndërkombëtare, që bashkon 193 shtete të botës. Ministri i Jashtëm i Serbisë, Marko Gjuriq, tha se Serbia ka dorëzuar një notë proteste OKB-së për pjesëmarrjen e presidentes së Kosovës, Vjosa Osmani, në ndërtesën e Kombeve të Bashkuara.

Pas fjalimit në Asamblenë e Përgjithshme, Vuçiq u tha gazetarëve se Osmani mund të hyjë në sallën kryesore të Asamblesë së Përgjithshme vetëm në rast të një vizite turistike dhe vlerësoi se kjo do të mbetet kështu për shumë vite. Osmani po qëndron në OKB, ku po zhvillon takime me zyrtarë nga vende të ndryshme, përfshirë zyrtarë të lartë amerikanë./REL

The post Provokimi i Vuçiç në OKB: Kosova është pjesë e pandashme e Serbisë appeared first on Albeu.com.

Trump më tej solli në vëmendje faktin që disa vende të fuqishme, si Britania, Franca, Kanadaja, Portugalia, etj., kanë njohur shtetin palestinez ditët e fundit.

Sipas tij, kjo përbën një “shpërblim” për mizoritë e kryera nga grupi i Hamasit.

“Njohja e një shteti palestinez, në këtë moment, është një shpërblim për Hamasin dhe aktet e tij barbare,” tha ai.

Në vend që t’i jepet hapësirë kërkesave të Hamasit, Trump tha se ata që dëshirojnë paqe duhet të bashkohen në një mesazh të vetëm, lirimi i pengjeve tani.

The post Trump kritika aleatëve në OKB: Njohja e shtetit palestinez është shpërblim për Hamasin! appeared first on Albeu.com.

Në fjalën e tij, Kreu i Shtetit u bëri thirrje vendeve anëtare që të shfrytëzojnë kohën e mbetur deri në vitin 2030 për të arritur Objektivat e Zhvillimit të Qëndrueshëm.

Kreu i shtetit nënvizoi se, pavarësisht angazhimeve të ndërmarra që nga Konferenca e Pekinit e vitit 1995, progresi në barazinë gjinore mbetet i ngadalshëm, madje në disa fusha është shënuar regres.

“Ky takim duhet të shërbejë si një pikë kthese, duke kaluar nga retorika në veprim. Ne duhet të mobilizojmë burime financiare, të forcojmë kornizat e llogaridhënies dhe të investojmë në veprime të matshme e transformuese”, tha ai.

Duke ndarë përvojën shqiptare me liderët botërorë, Presidenti përmendi reformat ligjore, institucionale dhe shoqërore të ndërmarra në vend, rritjen e buxhetit dhe fondeve për barazinë gjinore, si edhe fuqizimin e rolit të vajzave dhe grave në vendimmarrje.

Sipas tij, këto hapa kanë bërë që barazia gjinore të kthehet në një element thelbësor të shoqërisë shqiptare.

Presidenti Begaj theksoi gjithashtu se Shqipëria është zotuar për dy veprime prioritare në kuadër të Agjendës së Veprimit Pekin+30: eliminimin e dhunës ndaj grave dhe zgjerimin e buxhetimit të përgjegjshëm ndaj gjinisë.

“Barazia gjinore është faktor kyç për zhvillimin e qëndrueshëm, kohezionin shoqëror dhe prosperitetin e përbashkët”, u shpreh Presidenti Begaj.

Takimi i këtij viti në kuadër të Asamblesë së Përgjithshme kishte në fokus rikonfirmimin e angazhimeve, sigurimin e burimeve dhe përshpejtimin e zbatimit të Deklaratës së Pekinit dhe Platformës për Veprim, duke synuar reflektimin mbi arritjet dhe sfidat që vazhdojnë të shoqërojnë barazinë gjinore në nivel global.

The post Presidenti Begaj në Asamblenë e Përgjithshme të OKB-së: Barazia gjinore, prioritet i Shqipërisë appeared first on Albeu.com.

Presidenti palestinez Abbas, i cili do të shfaqet nëpërmjet videokonferencës pasi i është ndaluar hyrja në SHBA, foli të dielën për “një hap drejt një paqeje të drejtë dhe të qëndrueshme”.

Kush pritet ta njohë shtetin palestinez sot?

Mbretëria e Bashkuar, Australia, Kanadaja dhe Portugalia e njohën zyrtarisht shtetin palestinez të dielën.

Në konferencën e OKB-së, të bashkëorganizuar nga Presidenti francez Macron dhe Princi i Kurorës Saudite Mohammed bin Salman më vonë sot, pritet që vendet e tjera ta njohin zyrtarisht shtetin palestinez. Këto vende janë: Francë, Luksemburg, Andorra, San Marino, Maltë dhe Belgjikë.

Më shumë se tre të katërtat e 193 anëtarëve të OKB-së e kanë njohur tashmë shtetin palestinez. Midis atyre që nuk e kanë njohur janë SHBA-të, Izraeli, Italia dhe Gjermania.

Kryeministri i Zelandës së Re, Christopher Luxon, tha se po e shqyrtonin këtë mundësi, por një vendim nuk do të shpallet para kësaj jave.

The post Samiti në OKB, ja gjashtë vendet që do ta njohin Palestinën ditën e sotme appeared first on Albeu.com.

Raporti, i publikuar nga Komisioni Ndërkombëtar i Pavarur i Hetimeve argumenton se katër nga pesë veprimet që përbëjnë gjenocid sipas Konventës së vitit 1948 janë kryer që nga fillimi i luftës me Hamasin në tetor 2023.

Këto përfshijnë vrasjen e anëtarëve të një grupi, përmes sulmeve ndaj civilëve dhe objekteve të mbrojtura, shkaktimin e dëmeve serioze fizike dhe mendore, përfshirë zhvendosje të detyruar dhe keqtrajtim të të ndaluarve, vendosjen e kushteve të jetesës që synojnë zhdukjen e grupit, përmes bllokimit të ndihmave, sulmeve ndaj infrastrukturës thelbësore dhe urisë së qëllimshme si dhe ndërmarrjen e masave për të parandaluar lindjet, përfshirë shkatërrimin e klinikës më të madhe të fertilitetit në Gaza.

Komisioni thekson se “qëllimi gjenocidal është përfundimi i vetëm i arsyeshëm” që mund të nxirret nga sjellja e përsëritur e forcave izraelite dhe deklaratat publike të udhëheqësve të lartë, përfshirë kryeministrin Benjamin Netanyahu, presidentin Isaac Herzog dhe ish-ministrin e Mbrojtjes Yoav Gallant.

Qeveria izraelite i ka hedhur poshtë akuzat, duke i cilësuar si “të shtrembëruara dhe gënjeshtra”.

Ministria e Jashtme izraelite i akuzoi anëtarët e komisionit se veprojnë si përfaqësues të Hamasit dhe se janë bazuar në gënjeshtra të fabrikuara që tashmë janë hedhur poshtë gjerësisht.

Raporti thekson se shteti i Izraelit mban përgjegjësi ligjore për dështimin në parandalimin e gjenocidit, për kryerjen e tij dhe për mosndëshkimin e autorëve.

Presidenti Begaj në Hungari: Mbështetje e plotë për anëtarësimin e Shqipërisë në BE
Komisioni paralajmëron se të gjitha shtetet anëtare të Konventës për Parandalimin dhe Ndëshkimin e Gjenocidit kanë detyrimin të ndërhyjnë për ta ndaluar duke shtuar se mosveprimi mund të përbëjë bashkëfajësi.

Sipas të dhënave të Ministrisë së Shëndetësisë në Gaza, e kontrolluar nga Hamasi, më shumë se 64,900 palestinezë janë vrarë që nga tetori 2023, ndërsa 90% e ndërtesave janë dëmtuar ose shkatërruar.

The post “GENOCID NË GAZA”/ OKB: Janë konfirmuar 4 nga 5 krimet përbërëse të gjenocidit nga Izraeli appeared first on Albeu.com.