“Piranjat” të moderuar nga Arilena Ara dhe Florian Binaj në Abc kanë sjellë një vëzhgim mbi këtë temë.

Pak para rënies së komunizmit Shqipëria iu prezantua Evropës në një mënyrë jo fort galante.

Mesazhi i shqiptarëve “E duam Shqipërinë si gjithë Evropa” ishte i qartë.

Por përgjigjja e Evropës ishte e thjeshtë, t’i japim ndihma që të rrinë në Shqipëri dhe mos kalojnë më detin.

Por rezultati nuk ishte ai që pritej. Atëherë Evropa ndërroi strategji dhe në vend të ushqimeve vendosi t’i jepte Shqipërisë fonde financiare.

Në 20 vitet e fundit ndihmat në BE dhe SHBA janë me qindra mijëra euro me qëllim përmirësimin e jetës së shqiptarëve.

Por a është përmirësuar jeta e shqiptarëve?

Pothuajse në çdo progres raport të BE-së një fjali është gjithmonë e pranishme “Nevoja e luftës ndaj korrupsionit dhe keqmenaxhimi i fondeve publike.”

Si menaxhohen paratë e taksapaguesve, ku shkojnë dhe sa efektive janë qindra miliona eurot e evropianëve?

“Piranjat” ka bërë një vëzhgim të tenderave të BE-së të fituara nga organizata shqiptare të specializuara.

“Euro Partner Development” dhe “Eco Partners for Sustainable Development” janë dy organizata që veprojnë prej disa vitesh në Shqipëri dhe menaxhojnë projekte me vlerë mbi 5 milionë euro.

Por çfarë kanë të përbashkët këto dy organizata?

Ndiqni videon nga “Piranjat”/Abcnews.al/

The post Vëzhgimi, si menaxhohen fondet e BE-së nga OJF-të shqiptare? appeared first on Albeu.com.

Pikë kyçe e këtij projektligji është rritja e transparencës së këtij sektori që sipas ministres heq rrezikun që mund të ketë në të ardhmen për pastrimin e parave. Ajo shpjegoi se kjo do të bëhet duke vendosur detyrime për regjistrimin e të dhënave, që është edhe kusht i Moneyval për Shqipërinë.

“Me ndihmën e BE në korrik të vitit 2019, këshilli i ministrave miratoi udhërfyesin për një mjedis për shoqërinë civile për krijimin e një kuadri ligjor. Një nga masat kryesore që kishim parashikuar u realizua. Besoj se kemi bërë më të mirën dhe sot ndihem mirë që do prezantoj një projektligj që lehtëson procedurat për shoqërinë civile.

Jemi përpjekur dhe ia kemi dalë të jemi gjithëpërfshirës në hartimin e këtij draft. Mbi 70% e komenteve dhe sugjerimeve janë reflektuar në përmbajtjen e tij dhe kjo ka sjellë një rritje të ndjeshme të përmbajtjes së këtij projektligji. Kushdo që ka punuar edhe një ditë në këtë fushë e di vështirësinë që ka regjistrimi i një organizate.

Ne rrisim transparencën e këtij sektori dhe heqim një rrezik që mund të ketë në të ardhmen për pastrimin e parave. Vendosen detyrime për regjistrim të të dhënave që janë të nevojshme për transparencën e këtij sektori. Çdo vendim duhet tët merrej nga Gjykata e Tiranës në lidhje me kryerjen e veprimeve në regjistrin e organizatave jo fitimprurëse. Tashmë do I kalojnë kancelarit të Tiranës.

Të nderuar deputetë miratimi i këtij projektligj do sjellë ndryshim rrënjësor sa i takon transparencës dhe lehtësimit të procedurave. Për gjykatën e rrethit gjyqësor Tiranë përmbushen edhe një nga rekomandimet e Moneyval për transparencë”, deklaroi Gjonaj./albeu.com

The post Qeveria gati ndryshimin e ligjit për OJF-të, Gjonaj: Rritja e transparencës ul rrezikun e pastrimit të parave appeared first on Albeu.com.