Një shtetas nga Gjeorgjia u mbyt dje në Liqenin e Ohrit, në afërsi të Pestanit, bëri të ditur sot SPB Ohër.

Njoftimi për një burrë të nxjerrë nga ujërat pranë Pestanit mbërriti në SPB Ohër dje, në orën 14:32. Ekipi i Shërbimeve të Emergjencës Mjekësore ndërhyri duke tentuar ta ringjallte, por pak më vonë konstatoi vdekjen e tij.

Nga të dhënat e bëra publike rezulton se në trupin e viktimës nuk janë vërejtur dëmtime të dukshme.

Veprimet fillestare hetimore identifikuan viktimën si B.D., 46 vjeç, nga Gjeorgjia. Pas inspektimit, me urdhër të prokurorit publik, trupi u dërgua për autopsi.

Ndërkohë, Policia Shtetërore e Ohrit mori këtë mëngjes, në orën 5:45, një tjetër denoncim, këtë herë për zhdukjen e një 15-vjeçareje nga Ohri.

Zhdukja u raportua nga babai i saj 57-vjeçar, N.J., i cili deklaroi se vajza e mitur, K.J., ishte larguar nga banesa dje rreth orës 16:00. Policia Shtetërore e Ohrit njoftoi se po ndërmerren masa për ta gjetur atë.

The post Turisti gjeorgjian humb jetën në Liqenin e Ohrit appeared first on Albeu.com.

Njohja si pjesë e Trashëgimisë Botërore të UNESCO-s luan një rol të rëndësishëm në promovimin ndërkombëtar të Ohrit dhe Strugës. Sipas profesorit universitar Sasho Korunovski, këto dy qytete njihen globalisht për ndërthurjen e liqenit, natyrës, historisë dhe qytetit të vjetër të Ohrit. Ai thekson se statusi i UNESCO-s i shton destinacionit prestigj dhe besueshmëri, ndërsa për turistët e huaj ky status përbën një brend të rëndësishëm.

“Ohri meriton shumë më shumë nga ajo që ne sot e japim, sepse deklarata që Ohri për shkak të trashëgimisë kulturore dhe natyrore nuk sjellë turistë është totalisht gabim, përkundrazi sepse Ohri është top destinacion pikërisht për shkak të Trashëgimisë kulturore dhe natyrore kryesisht tek turistët e huaj por edhe tek turistët vendas”, u shpreh Sasho Korunovski – profesor universitar.

Kryetari i Komunës së Ohrit, Kirill Pecakov, vlerëson se janë shënuar hapa përpara në përmbushjen e kushteve të UNESCO-s dhe në ruajtjen e statusit të rajonit.

“Ka lëvizje dhe mes punëve që lëvizje është edhe ajo dhe janë evidentuar në vetë raportin, kur flasim për raportin ajo qe është e rëndësishme për ata në shumë pika më parë kanë qenë të parëndësishme ndërsa tani në tre ose katër pika e notojnë punën mes Maqedonisë dhe Shqipërisë në nivel shumë të lartë, ata kërkojnë të formohet një trup punues që do të funksionojë do të dorëzojnë raporte dhe do të kujdesen për masat dhe rekomandimet”, theksoi Kiril Pecakov – kryetar i Komunës së Ohrit.

Në seancën e 48-të të Komitetit të Trashëgimisë Botërore, të mbajtur në Busan të Koresë së Jugut, UNESCO vendosi të mos e përfshijë rajonin e Ohrit në Listën e Trashëgimisë Botërore në Rrezik. Sipas raportimeve për vendimin e korrikut 2026, Maqedonisë së Veriut i është lënë afat deri në vitin 2030 për të zbatuar masat e kërkuara. Raporti i radhës mbi progresin pritet të dorëzohet në fillim të shkurtit 2027./TV21/

The post Statusi i UNESCO-s forcon njohjen ndërkombëtare të Ohrit dhe Strugës, masat duhet të zbatohen deri më 2030 appeared first on Albeu.com.

Shqipëria dhe Maqedonia e Veriut do të kenë edhe pesë vjet kohë për të përmbushur masat e kërkuara për mbrojtjen e Rajonit Natyror dhe Kulturor të Ohrit. Me këtë vendim, Komiteti i Trashëgimisë Botërore i UNESCO-s shmangu për momentin futjen e zonës në Listën e Trashëgimisë Botërore në Rrezik.

Megjithatë, UNESCO nënvizon se procesi i degradimit të vlerave të jashtëzakonshme universale të rajonit vazhdon dhe nuk është ndalur.

Komiteti i Trashëgimisë Botërore e mori vendimin në sesionin e tij të 48-të, pasi shqyrtoi raportin për gjendjen e ruajtjes së Rajonit Natyror dhe Kulturor të Ohrit.

Inxhinieri dhe ambientalisti Arian Merolli vlerëson se entuziazmi i treguar nga zëvendëskryeministri në mbledhjen online të Komitetit të Trashëgimisë Botërore, pasi Rajoni i Ohrit nuk u përfshi në Listën e Trashëgimisë Botërore në Rrezik, ishte i gabuar.

Merolli shprehet: “Zëvendëskryeministri ishte shumë i gëzuar që Rajoni i Ohrit nuk u fut në Listën e Trashëgimisë Botërore në Rrezik. Mua kjo më habiti, sepse do të ishte më mirë të ishte futur në atë listë. Kjo do të rriste presionin e UNESCO-s dhe të institucioneve ndërkombëtare mbi qeverinë për të marrë masa konkrete për mbrojtjen e rajonit”.

Ai paralajmëron se, pa vullnet politik, periudha pesëvjeçare e përcaktuar nga UNESCO mund të përfundojë pa rezultate.

“Pas pesë vitesh kjo qeveri mund të mos jetë më në pushtet dhe mund të thotë: ‘Punë e madhe, nuk jemi më ne’. Prandaj nuk i shqetëson fakti që u dha një afat pesëvjeçar. Shqetësimi im është nëse ata e dinë çfarë duhet të bëjnë gjatë këtyre pesë viteve. Unë besoj se nuk e dinë”, vijon Merolli.

Sipas inxhinierit Arian Merolli, strategjia e përgatitur me kërkesën e UNESCO-s për menaxhimin dhe rivitalizimin e Liqenit të Ohrit duhet të plotësohet nga një plan i hollësishëm zbatimi, ku të përcaktohen afatet dhe buxhetet. Ai vëren se Maqedonia e Veriut ka ecur më tej në këtë proces, pasi e ka kaluar strategjinë në mbledhjen e qeverisë dhe ka ngritur një grup ndërinstitucional që do të merret me zbatimin e saj. Në këtë drejtim, Shqipëria vazhdon të mbetet prapa.

The post UNESCO: Vlerat e zonës së Ohrit vijojnë të degradohen appeared first on Albeu.com.

Kryetari i Komunës së Ohrit, Kiril Pecakov, mirëpriti vendimin e Komitetit të Trashëgimisë Botërore të UNESCO-s, i cili jo vetëm që shmangu përfshirjen e Rajonit të Ohrit në Listën e trashëgimisë në rrezik, por gjithashtu dha një zgjatje të afatit deri më 1 shkurt 2031 për zbatimin e rekomandimeve.

Sipas tij, ky rezultat është fryt i një bashkëveprimi të ngushtë midis autoriteteve vendore dhe atyre qendrore, institucioneve përkatëse dhe të gjithë palëve të angazhuara. Pecakov e cilësoi vendimin si një mundësi të çmuar që mbart njëkohësisht përgjegjësi të thellë.

Kreu i komunës siguroi se në vijim do të ketë një përshkallëzim të përpjekjeve për të vënë në jetë masat mbrojtëse të trashëgimisë kulturore dhe natyrore. Ndër synimet kryesore, ai veçoi përmbushjen e projekteve madhore ekologjike, një planifikim më rigoroz urbanistik, fuqizimin e mekanizmave për mbrojtjen e ambientit dhe zbatimin e plotë të udhëzimeve të UNESCO-s.

Pecakov nënvizoi se ruajtja e Rajonit të Ohrit është një detyrë që u takon të gjithëve: qeverisjes vendore dhe qendrore, institucioneve dhe vetë qytetarëve. Ai u shpreh optimist se me një koordinim të shkëlqyer, angazhim të palëkundur dhe partneritet me Republikën e Shqipërisë, do të ndërmerren të gjitha hapat e domosdoshëm për një mbrojtje të qëndrueshme të kësaj pasurie botërore natyrore dhe kulturore.

The post Pecakov: Angazhim i shtuar për mbrojtjen e Rajonit të Ohrit pas vendimit të UNESCO-s appeared first on Albeu.com.

Rajoni i Ohrit nuk do të përfshihet në Listën e Trashëgimisë Botërore në Rrezik, pas një rezolute të Komitetit të Trashëgimisë Botërore të UNESCO-s. Ky vendim e mban zonën të regjistruar si një pasuri kulturore dhe natyrore me rëndësi universale, duke i dhënë mundësi shtetit që të përmirësojë standardet e ruajtjes.

Vendimi shoqërohet me një afat shtesë prej pesë vitesh, gjatë të cilit pritet zbatimi i plotë i direktivave për mbrojtjen e trashëgimisë natyrore dhe kulturore të kësaj zone.

Në emër të shtetit, ambasadori Igor Nikolov, i cili drejtonte delegacionin në këtë forum, siguroi se ekziston një angazhim i plotë për të ndjekur udhëzimet dhe për të garantuar integritetin e vlerave të jashtëzakonshme të Rajonit të Ohrit.

Nikolov e cilësoi rezolutën si një shenjë besimi ndaj përpjekjeve të bëra deri tani, por edhe si një thirrje për veprime të mëtejshme konkrete. Ai përmendi si prioritare forcimin e mekanizmave institucionalë, adresimin e problematikës së ndërtimeve pa leje, si dhe masat për konservimin dhe restaurimin e Studençishko Blatos. Një aspekt tjetër i rëndësishëm, theksoi ai, mbetet bashkërendimi i veprimeve me Shqipërinë për administrimin e kësaj pasurie ndërkufitare.

The post Pezullohet vendimi i UNESCO-s për përfshirjen e Rajonit të Ohrit në listën e rrezikut, shteti ka afat pesë vjet për masat mbrojtëse appeared first on Albeu.com.

Nga nesër e deri më 31 gusht, në Ohër do të ketë patrullime të përbashkëta mes policëve serbë dhe efektivëve të policisë së RMV-së, në kuadër të angazhimeve të përbashkëta për sezonin veror turistik.

Lajmi është bërë i ditur nga SPB Ohër, pas zhvillimit të një takimi pune me Ministrinë e Brendshme të Maqedonisë dhe përfaqësues të policisë nga Ministria e Brendshme e Republikës së Serbisë.

Në deklaratë theksohet se patrullat e përziera synojnë të shtojnë sigurinë si për qytetarët, ashtu edhe për turistët serbë, të cilët i kalojnë pushimet e tyre vjetore në Ohër në numër të madh. Sipas njoftimit, gjatë këtyre patrullimeve, oficerët e policisë serbe do të zbatojnë legjislacionin kombëtar të Republikës së Maqedonisë, nuk do të jenë të armatosur dhe do të ofrojnë mbështetje për policët maqedonas. Po ashtu, para nisjes zyrtare të detyrës nesër, ata janë njoftuar me dispozitat e ligjeve maqedonase për punët e brendshme dhe për policinë.

The post Policët serbë do të patrullojnë në Ohër deri më 31 gusht appeared first on Albeu.com.

Para anëtarëve të Qendrës së Trashëgimisë Botërore, Këshillit Ndërkombëtar për Monumentet dhe Lokalitetet dhe Unionit Ndërkombëtar për Mbrojtjen e Natyrës, si dhe ekipit Koordinues Kombëtar nga Maqedonia, Pecakov theksoi përkushtimin e fuqishëm të Komunës së Ohrit për ruajtjen e të trashëgimisë natyrore në rajonin e Ohrit.

“I kam informuar në detaje për të gjithë hapat që po ndërmarrim si Vetëqeverisje Lokale dhe afatet kohore për zbatimin e tyre. Jemi fuqishëm të përkushtuar dhe nuk devijojmë në zbatimin e rregullave tashmë të përcaktuara për ruajtjen e statusit të UNESCO-s”, thotë Pecakov.

The post Misioni monitorues i UNESCO-s po vlerëson Ohrin appeared first on Albeu.com.

Takimi për “Ballkanin e Hapur” pritet të mbahet gjatë ditës së nesërme.

Kreu i qeverisë ka publikuar një foto ku shfaqet me kryeministrin e Malit të Zi, Dritan Abazoviç dhe me ambasadorin e Shteteve të Bashkuara në Serbi, Chris Hill.

“Kënaqësi marrja e kafes së sapombërritjes në Ohër, me kryeministrin, Dritan Abazovič, i cili sot fut zyrtarisht Malin e Zi në Ballkanin e Hapur, si edhe me ambasadorin e Shteteve të Bashkuara në Serbi, Chris Hill, i cili është një mik i kahershëm i Shqipërisë e shqiptarëve, po edhe një mbështetës i vendosur i Ballkanit të Hapur”, shkruan Rama./albeu.com/

The post “Ballkani i Hapur”, Rama mbërrin në Ohër, takohet me Abazoviç dhe ambasadorin e SHBA në Serbi appeared first on Albeu.com.