E ftuar në emisionin “Të Paekspozuarit” në MCN TV, Kryemadhi i cilësoi akuzat si shpifje dhe falsifikime, për të cilat deklaroi se do të depozitojë kallëzim penal “për shpifje dhe shantazh”.

E pyetur nëse disponon llogari bankare jashtë vendit, Kryemadhi tha se të gjithë paratë e saj dhe të familjes, gjenden në bankën Credins në Shqipëri.

Pjesë nga biseda:

Klodian Tomorri: Pse nuk e keni bërë kallëzimin për shpifje?

Monika Kryemadhi: Do e punojë unë këtë gjë, sepse unë nuk bëj padi copy paste. Do i marr unë emailin Top Channel. Po të jesh pa tru, sigurisht që të përdor Endri Fuga.

Ylli Rakipi: Thua që e ka bërë direkt Endri Fuga këtë punë?

Monika Kryemadhi: Direkt Edi Rama.

Ylli Rakipi: Po ti the njëherë ma ka bërë Veliaj…

Klodian Tomorri: Çfarë informacionesh keni që është përdorur Tal Hanan?

Monika Kryemadhi: Unë nuk flas kot, do t’ja ndjejmë zërin edhe Tal Hanan.

Ylli Rakipi: A keni ju llogari bankare jashtë vendit dhe në offshore?

Monika Kryemadhi: Jo nuk kam asnjë llogari bankare jashtë vendit dhe asnjë biznes. Unë dhe familja i kemi të gjithë llogaritë në bankën Credins. Aty më futet rroga…

Ylli Rakipi: Po kështu të varfër dilni të gjithë ju…

Monika Kryemadhi: Unë nuk jam e varfër zoti Rakipi. Kam një pallat, të ndërtuar me firmën e të treve këta…

Ylli Rakipi: Thoni që këto janë të falsifikuara, a jeni interesuar se kush i ka falsifikuar?

Monika Kryemadhi: Do ta gjejmë edhe këtë.

The post A keni llogari bankare jashtë vendit? Kryemadhi tregon ku i mban paratë appeared first on Albeu.com.

Janë dhe Carlo Ancelotti dhe Pep Guardiola në listën e “Pandora Papers”, hetimi i publikuar të dielën nga gazetarët investigativë të “International Consortium”, pas analizës që i kanë bërë plot 11.9 milionë dokumenteve, me prejardhje nga 14 shoqëri shërbimesh financiare.

Një hetim që ka zbuluar 29 mijë shoqëri off-shore, pra me qendër ne të ashtuquajturat “parajsa fiskale” për të evituar detyrimet tatimore. Në listën ku nuk mungojnë emrat e bujshëm duke nisur nga kryeministra apo ish kryeministra si Tony Blair e Strauss-Khan, presidentë, aristokratë e yje të sportit e spektaklit si Shakira apo Claudia Schiffer, teksa figurojnë edhe emrat e dy trajnerëve.

Sipas mediave spanjolle, Ancelotti, i cili është nën hetim në Spanjë për taksat e tij në 2013 dhe në 2015, në koincidencë me etapën e tij të parë te Reali i Madridit, ka përdorur një shoqëri në Virgin Islands për të menaxhuar të ardhurat nga të drejtat e imazhit, diçka mbi të cilën po hetojnë organet fiskale iberike.

Guardiola ndërkohë është në listë për një llogari rrjedhëse në Andorra nga 2003 deri në 2012, por trajneri më pas ka përfituar nga një amnisti fiskale e qeverisë Rajoy për të rregulluar pozicionin e tij./albeu.com

The post  “Pandora Papers” prek edhe botën e Futbollit, kush janë dy trajnerët e njohur të lidhur me skandalin? appeared first on Albeu.com.