Ngjarja ka ndodhur mbrëmjen e djeshme, më 17 maj në rrugën “Majke Tereze” në Ulqin.

“Mbrëmë rreth orës 21:00 në një restorant në rrugën “Majke Tereze” në Ulqin, ai i ka ndërhyrë në policit OB Ulqin Lj.H., i cili ka kryer aktin zyrtar të kontrollit të vendbanimit dhe punës së të huajve. Fillimisht ai refuzoi të jepte identifikimin dhe më pas e kërcënoi”, shkruajnë mediat vendase.

The post Pengoi oficerin e policisë në ushtrimin e detyrës në Ulqin, jepet dënimi për 44-vjeçarin shqiptar appeared first on Albeu.com.

Oficeri i policisë së Komisariatit të Sarandës, Klement Bello, 63 vjeç, është aksidentuar rëndë pasi ka rënë në gropën e ashensorit të pallatit ku banonte. Mesa duket ka qenë një defekt në ashensor, që ka mundësuar hapjen e portës por pa qenë ashensori në vend. Pa e pasur mendjen, sapo është hapur porta, 63 vjeçari ka tentuar të futet brenda dhe për rrjedhojë ka rënë në gropë në një lartësi rreth 6 metra.

Është transportuar me urgjencë në spitalin e Sarandës ku ka marrë ndihmën e parë. Sipas bluzave të bardha për shkak të frakturës në kokë dhe dëmtimit në mushkri ai është nisur me helikopter drejt spitalit të Traumës në Tiranë. Ndërsa raportohet se gjendja ishte e qëndrueshme dhe i dëmtuari ishte në gjendje të stabilizuar.

The post Bie në gropën e ashensorit, plagoset rëndë oficeri i policisë në Sarandë appeared first on Albeu.com.

Pas një kohe të shkurtër si polic i Shqiponjave në Tiranë, oficeri, i frymëzuar për rendin dhe sigurinë e jetës së qytetarëve, konkurroi dhe u bë pjesë e repartit elitar RENEA, por karriera e tij nuk zgjati shumë.

Dy operacione të njëpasnjëshme, ku ai pa një realitet të ndryshëm nga pasioni për ligjin, si dhe dyshimet se efektivët tradhtohen nga brenda radhëve, e çuan drejt dorëheqjes së parevokueshme nga Policia e Shtetit.

Ishte viti 2020, kur RENEA u urdhërua të kontrollonte befasisht bizneset e Ervis Martinajt, në atë kohë një emër i pandëshkueshëm dhe i fuqishëm.

A. T., e kishin mësuar se, kur RENEA hyn për kontrolle dhe për kapjen e personave të rrezikshëm, parimi i sigurisë, që zbatohet, është shtrirja barkas dhe prangosja e kujtdo. Ky ishte standardi, që po ndiqte atë ditë polici i ri, kur i armatosur dhe me maskë rasti e solli që ai të urdhëronte të ulej në tokë vetë Ervis Martinajn.

Kur efektivi i specialëve u ndesh me kundërshti, reagoi, duke e shtrirë me forcë dhe në një moment shokët e tij panë, kur në aksion e sipër e qëlloi me shuplakë të njohurin si mbreti i lojërave të fatit, por ajo që pa A. T., pak minuta më vonë e shembi profesionalisht.

Ai vërejti disa eprorë të tij, duke ngushëlluar Ervis Martinajn, duke e qetësuar me fjalët: “Mos u mërzit”.

Nën anonimitet, miqtë e A. T., oficerë në RENEA, flasin për INA MEDIA-n mbi pikën e thyerjes së ish-policit, që tani shërben si profesor në një fakultet.

“Pas këtij momenti, ne vazhduam kontrollet, por e vërejtëm kolegun të shtangur nga skena me eprorët. Na mblodhi më pas dhe deklaroi: “Do ta lë policinë. Kjo polici nuk është ajo që unë doja”.

Mes policëve të repartit special kishte kohë që gumëzhinin thashethemet, nëse tradhtoheshin apo jo nga vetë radhët e tyre apo nga kush.

Me dyshimet se u dekonspiruan, aksionet e dështuara ndër vite e kthyen RENEA-n pa të kërkuarit Gëzim Çela, ish-oficer policie, i dyshuar si trafikant, Talo Çela, Klement Balili dhe Ervis Martinaj.

Një nga efektivët veteranë në RENEA shton: “Hera e parë, kur mbërritëm për kontroll blic në Fushë Kuqe, ishte pas një informacioni se aty ishte rrahur një kryetar bashkie nga veriu i vendit. Ai kishte luajtur bixhoz dhe kishte humbur shumë. U bë briefing dhe u nisëm. I neutralizuam dhe i mbajtëm shtrirë edhe klientët.

Aty gjetëm makina luksoze dhe çelësat në kuadër. Më vonë mësuam se aty kishin qenë Bajrat dhe ishin larguar, pa mbërritur ne.

E kuptuam që dikush kishte njoftuar dhe të gjithë kishin ikur. Ervis Martinajn e çuam në policinë lokale bashkë me mjetin e blinduar dhe më pas ai doli”, kujton ngjarjen e para tre viteve oficeri.

The post Nga rrahja e ish-kryebashkiakut te makinat luksoze/ Historia e policit të RENEA-s që qëlloi me shpullë Evis Martinajn! appeared first on Albeu.com.

Kjo e fundit ka përfunduar në komisariat ku është marrë edhe në pyetje.

EuroNews shkruan se Prokuroria ka administruar edhe dëshminë e një vajze e cila shfaqet në pamjet filmike të sekuestruara e nën shoqërinë e Martinajt dhe agjentit Jeton Lami.

Ende nuk dihet dëshmia e saj përpara grupit hetimor.

Vajza është shfaqur në dy filmimet e vetme që ka administruar prokuroria, pamje që tregojnë për herë të fundit të gjallë Martinajn.

Ajo bashkë me biznesmenin e efektivin Jeton Lami kanë shkuar në një hotel në Durrës, rreth orës 21:15 të datës 5 gusht me një mjet të llojit “Audi A8”. Martinaj e vajza kanë zbritur e janë futur në hotel, ndërsa Lami është larguar për tu kthyer e për t’i marrë të nesërmen në mëngjes, me një tjetër makinë.

Martinaj, vajza, Lami e një tjetër person që ndodhej me këtë të fundit janë larguar nga hoteli mëngjesin e 6 gushtit.

The post Doli në pamjet e fundit filmike të Ervis Martinajt, e reja përfundon në prokurori, merret në pyetje appeared first on Albeu.com.

Kështu e nis një artikull gazeta britanike “Metro” duke iu referuar Paul Carney që është dhe oficeri i urdhërit.

“Ka ardhur koha të përgatisni familjarët për mundësinë e dërgimit në Lindje”, mësohet t’u ketë thënë ai ushtarëve britanikë.

“Dua që të gjithë të kontrollojmë se jemi fizikisht të aftë për operacione. Dhe është gjithashtu e rëndësishme që të përgatisim të dashurit dhe familjet, të cilët shpesh kanë rolin më të vështirë në mungesën tonë”, u shpreh ai.

“Ne po mobilizojmë ushtrinë për të ndihmuar në parandalimin e luftës në Europë duke qenë gati për të luftuar dhe për të fituar përkrah aleatëve dhe partnerëve tanë të NATO-s. Ky është momenti për të mbrojtur vlerat demokratike që na përcaktojnë, për të ndihmuar aleatët tanë të guximshëm ukrainas në luftën e tyre të guximshme dhe të qëndrojmë me miqtë tanë dhe partnerët tanë për të ndihmuar në ruajtjen e paqes në të gjithë pjesën tjetër të Europës”, shprehet ai./albeu.com

The post Oficeri i lartë britanik thirrje ushtarëve: Bëhuni gati për luftë me Rusinë appeared first on Albeu.com.

Sipas prokurorit federal, oficeri rezervë nga vendi Erkrath i ka dhënë shërbimit sekret rus GRU informacione mbi rezervistët gjermanë dhe bashkëpunimin civilo-ushtarak në situata krize midis 2014 dhe 2020. Bëhet fjalë edhe për efektet e sanksioneve të vendosura ndaj Rusisë në vitin 2014 si dhe tubacionin Nord Stream 2 në Detin Baltik.

Kontaktet private

Përveç kësaj, i akuzuari thuhet se u ka dhënë rusëve detajet e kontakteve private të anëtarëve të lartë të Bundeswehrit dhe përfaqësuesve të biznesit. Politika e sigurisë dhe e mbrojtjes së SHBA-së dhe aleatëve të saj perëndimorë është një çështje tjetër që përmendet. Sipas aktakuzës, dokumentet dhe informacionet kanë ardhur pjesërisht nga burime publike, por edhe nga burime jopublike.

Në rezervën e Bundeswehrit, nënkoloneli ishte në një komandë ndërlidhëse të qarkut si nënkryetar. Në dy biseda informative, ai në masë të madhe ka pranuar se ka dhënë informacione, tha një zëdhënëse e gjykatës, kur u pyet nga DPA. Zyra e prokurorit federal dyshon si motiv simpatinë për Rusinë. Në hetimet e deritanishme nuk ka të dhëna për pagesa me para të shërbimeve. Por i akuzuari kishte shpresuar për avantazhe të tilla si ftesa për konferencat e sigurisë në Rusi – ftesa të tilla edhe ka pasur.

Rekrutimi nga “atashetë ushtarakë”

Siç thuhet në aktakuzën prej 107 faqesh, shërbimi i kundërzbulimit ushtarak (MAD) ishte informuar për oficerin rezervë në vitin 2018. Sipas revistës Der Spiegel, ai u rekrutua nga dy punonjës të shërbimit sekret, që zyrtarisht ishin atashe ushtarakë në ambasadën ruse.

Gjykata ka caktuar 20 ditë seanca për këtë çështje, deri në mes të dhjetorit 2022./DW

The post Oficeri gjerman del në gjyq, dyshohet se është spiun i Rusisë appeared first on Albeu.com.