Velço po udhëtonte me motor kur një grup personash fillimisht e ka fyer dhe më pas e ka kanosur. Oficeri ka zbritur nga motori dhe mes tij dhe personave të përfshirë ka nisur një konflikt fizik.

Shkaqet dhe rrethanat e ngjarjes nuk janë sqaruar ende. Të dhënat paraprake tregojnë se mund të ketë qenë një përplasje e çastit dhe jo një sulm i organizuar.

Pas marrjes së njoftimit, forca të shumta policie zhvilluan kontrolle në të gjithë qytetin e Sarandës, ndërsa aksioni vijoi deri në orët e para të mëngjesit.

U kontrolluan banesa, lokale dhe hapësira publike, ndërsa disa persona u shoqëruan dhe u morën në pyetje.

Deri tani nuk ka të dhëna për kapjen e autorëve të dyshuar. Puna për zbardhjen e rastit po vijon.

The post EMRI/ Dhunohet oficeri i policisë në Sarandë, u përlesh me një grup personash teksa udhëtonte me motor appeared first on Albeu.com.