Të dhënat e siguruara përmes dokumenteve zyrtare zbulojnë se në aplikimin e bërë nga kompania që ka firmosur kontratën me KESH është vetëm emri ‘Excelerate Energy’, por në fakt, në brendësi të ofertës rezultojnë në total tre shoqëri, dy prej të cilave janë të regjistruara në shtetin parajsë fiskale.

Në ofertën që i është dorëzuar KESH-it, rezulton se aplikimi është bërë nga firma prestigjioze ‘Excelerate Energy’, oferta shoqërohet dhe me logon e saj, por kur lexon brenda dokumenteve, në certifikatën e regjistrimit shihet se është dhënë akti i regjistrimit të një tjetër firme: ‘Excelerate Global Operations LLC’, ndërsa personi që ka firmosur ofertën është Daniel Bustos shefi i njësisë tregtare i një tjetër ‘Excelerate’, asaj ‘Limited Partnership’.

Të dyja kompanitë, si ‘Excelerate Global Operations’ ashtu edhe ‘Excelerate Energy Limited  Partnership’ rezultojnë me seli në Delaware, shtet që njihet si parajsë fiskale dhe ruan anonimatin e emrave të pronarëve të kompanive që regjistrohen atje.

Truku është i thjeshtë. Në dokumentet që duhen firmosur, emri i ‘Exelerate Energy Limited Partnership’, për efekt titulli shkurtohet në Exelerate, dhe kujtdo i krijohet ideja se kemi të bëjmë me ‘Exelerate Energy’, kompania e madhe amerikane e kuotuar në bursë. Por në realitet nuk është kështu, pasi nëse bën një kërkim në faqen e internetit të ‘Excelerate Energy’, kjo firmë serioze nuk ka asnjë projekt në zhvillim në Shqipëri dhe as ka patur ndonjëherë.

Pavarësisht të gjitha këtyre problematikave ligjore, oferta për dy asetet gjeneruese termike u pranua menjëherë nga KESH, dhe më datën 4 Prill 2022, Korporata lidh kontratën 2 vjeçare me ‘Exelerate Global Operations LLC’, që është njëra nga dy Exelerate off-shore, dhe pse oferta ishte e firmosur nga përgjegjësi tregtar i ‘Exelerate Energy Limited Partnership’.

Këtu jemi ne rastin tipik të një zinxhiri kompanish offshore, të cilat funksionojnë për dy qëllime: fshehjen e pronarëve, dhe për të krijuar një sistem guackë, që nuk është gjë tjetër, veçse një nevojë për të mbuluar gjurmët.

Një firmë hap një degë tjetër që i zotëron aksionet, më pas hap një tjetër filial dhe e regjistron në një tjetër shtet, pastaj një tjetër pronar mund të zotërojë atë kompani në një shtet tjetër i cili ia jep te drejtat një kompanie të katërt që e zotëron përfituesi i firmës së parë dhe kështu me radhë, mbi 10, 20 apo dhe qindra firma. Ato kanë vetëm emrin dhe përdoren për të bërë lëvizje të shpejta të parave që të humbin gjurmët dhe përfituesit duke e bërë shumë të vështire për t’u investiguar si nga media dhe nga drejtësia.

Fillimisht ‘Exelerate Energy Limited Partnership’, themelon në Tiranë kompaninë e re ‘Exelerate Albania Holding’. Më pas, kjo e fundit, bashkëpunon me ‘Renco SPA’ duke krijuar një tjetër kompani, sërish në Tiranë, me emrin ‘Exelerate-Renco FPB’. Bazuar në kontratën e nënshkruar nga palët, kjo ishte një manovër kirurgjikale juridike, që ia delegon përgjegjësinë kompanisë së re që do të krijohet për të zbatuar kontratën, duke përjashtuar nga çdo përgjegjësi të gjitha kompanitë e përfshira më parë ne këtë proces.

Ardhja e anijeve ne Vlorë, u bë nga ‘Exelerate Global Operations’, e cila pasi i bleu 15 milion dollarë, i dha me qira 2 vjeçare për 45 milion dollarë plus 23 milion dollarë të tjera për mirëmbajtjen e tyre (68 milion dollarë në total), duke shtuar dozën e skandalit.

Vitet e fundit, shoqatat e biznesit në Shqipëri, ekspertët, madje edhe Dhoma Amerikane e Tregtisë, kanë bërë thirrje, që kontratat të lidhen me garë. Në rastin e kontratës së anijeve gjenerator, jo vetëm që gara është lënë e hapur për vetëm tre ditë, duke shkelur ligjin, por mënyra se si aktorët e përfshirë kanë vepruar, le vend për dyshime të arsyeshme të një skeme korruptive.

The post “Excelerate Energy”, kompania që prodhon energji në Shqipëri është regjistruar në offshore appeared first on Albeu.com.

Shifrat bëhen të ditura në sistemin e të dhënave të Eurostat për transfertat personale dhe janë përpunuar nga Monitor.

Nga këto, 8.2 milionë euro janë transferta që janë dërguar drejt Shqipërisë dhe 2.3 milionë euro janë dërguar nga Shqipëria drejt vendeve offshore.

Niveli më i lartë është shënuar në vitin 2020, me 3.8 milionë transferta hyrëse dhe 0.5 milionë euro transferta dalëse.

Në vitin 2021, transfertat hyrëse ishin 1.3 milionë euro, niveli më i lartë pas vitit 2020, Ndërsa dërgesat drejt qendrave financiare ishin 0.7 milionë uro, që është niveli më i lartë që nga viti 2017, kur raportohen të dhënat.

Sipas përkufizimit global, “Një qendër financiare offshore (përtej detit), e njohur ndryshe si OFC, përkufizohet si një vend ose juridiksion që vë në dispozicion shërbimet financiare për jorezidentët me qëllim të anashkalimit të aspekteve të vendit ose juridiksionit të jorezidentit. Këto qendra financiare përgjithësisht përdoren si vendndodhje për kompanitë mbajtëse të aseteve për të kryer shmangien e taksave. Shumë shpesh, ato përdoren në mënyrë të paligjshme për evazion fiskal”.

Eurostat liston si qendra financiare offshore vendet e mëposhtme: “Andorra, Antigua and Barbuda, Anguilla, Aruba, Barbados, Bahrain, Bermuda, Bahamas, Belize, Cook Islands, Curaçao, Cayman Islands, Dominica, Grenada, Guernsey, Gibraltar, Hong Kong, Isle of Man, Jersey, St Kitts and Nevis, Lebanon, Saint Lucia, Liechtenstein, Liberia, Marshall Islands, Montserrat, Mauritius, Nauru, Niue, Panama, Philippines, Seychelles, Singapore, Sint Maarten, Turks and Caicos Islands, Saint Vincent and the Grenadines, Virgin Islands (British), Virgin Islands (U.S.), Vanuatu, Samoa”.

Skema si përdoren vendet offshore për të bërë evazion dhe paguar ryshfetet

Ekspertët kanë pohuar për “Monitor” se transaksionet me vendet e ashtuquajtura offshore janë të zakonshme, sidomos për kompanitë e mëdha që fitojnë tendera me vlerë të lartë dhe koncesione dhe nuk kanë si të justifikojnë shpenzimet, nga njëra anë, dhe duhet të paguajnë dhe ryshfet nga ana tjetër.

Për të justifikuar rritjen e kostove dhe pagesat e ryshfetit përdoret trekëndëshi vend importues- offshore dhe destinsacioni final (Shqipëria). Psh, një produkti, që blihet realisht në vendin importues për 1000 euro/njësi, i bëhet dalje me faturë për në një nga vendet ofsshore me 1500 euro/njësi. Në këtë mënyrë kosto e produktit u rrit me 50%, ndërsa transferohen 500 euro në offshore, të cilat janë pa taksa dhe përdoren për të paguar korrupsionin. Në këtë mënyrë, përmes trekëndëshit me offshore rritet vlera e sipërmarrjes, fryhen shpenzimet dhe paguhet ryshfeti.

Kjo skemë mund të përdoret dhe në ndërtim, duke futur aksionerë përmes vendeve offshore, apo në sektorë të tjerë.

Eurostat në fakt raporton vetëm transfertat personale që bëhen drejt dhe nga vendet offshore, por rritja e shifrave vitet e fundit tregon se ky mekanizëm po përdoret gjithnjë e më shumë. Maqedonia Veriut, psh i ka zero transfertat personale në hyrje e dalje nga vendet offshore, ndërsa ato përdoren në Serbi dhe shumë pak në Mal të Zi.

Monitor

The post Shqipëria ka kryer 10.5 milionë euro transfertat me vendet offshore që nga viti 2017; Trekëndëshi që përdoret për të paguar ryshfetet appeared first on Albeu.com.