Rusia po kryen një fushatë sulmesh, pothuajse të pandërprera, me dronë dhe raketa në këtë rajon ku gjenden portet jetike për tregtinë e Ukrainës dhe furnizimet me karburant, pasi Moska po kërcënon që ta shkëpusë “Ukrainën nga deti”.

Sulmet ajrore u përshkallëzuan edhe pse Shtetet e Bashkuara po udhëheqin një përpjekje diplomatike që synon dhënien fund të luftës, që po i afrohet përvjetorit të katërt.

Të shtunën negociatorët amerikanë pritet të takohen në Floridë me zyrtarët rusë, në përpjekjen e radhës diplomatike për fundin e luftës.

Sulmi i së shtunës ndaj portit të Pivdenit goditi rezervuarë, tha zëvendëskryeministri ukrainas, Oleksiy Kuleba, përmes Telegramit, një ditë pasi një sulm raketor në këtë port la të vrarë tetë persona dhe plagosi të paktën 30 të tjerë.

Të enjten dhe të premten, forcat ruse shënjestruan një urë mbi grykëderdhjen e lumit Dniestër pranë fshatit Majaki, në verilindje të Pivdenit, thanë zyrtarët ukrainas.

The post Rusia godet porte dhe ura në rajonin e Odesës appeared first on Albeu.com.

Ushtria ukrainase në fillim të qershorit dha sinjalin për kundërofensivën me synim rimarrjen e zonave të pushtuara ngaRusia. Qëllimi i deklaruar ishte edhe vendosja e Krimesë nën kontrollin e Ukrainës. Përmes gadishullit të Krimesë kalon edhe një pjesë e madhe e furnizimeve për trupat ruse në jug të Ukrainës. Vetëm në fillim të kësaj jave u dëmtua nga një sulm ura 19 km e gjatë që lidh tokën ruse me Krimenë.

Ndërkohë ushtria ukrainase ka konfirmuar një sulm ndaj Gadishullit të Krimesë, të aneksuar ngaRusia në vitin 2014. Sulmi të shtunën ka synuar të godasë “objektiva ushtarake” dhe është kryer nga forcat ushtarake ukrainase, thuhet nga qarqet ushtarake, sipas “tagesschau”. Nuk janë dhënë hollësi të tjera. Më parë guvernatori i emëruar nga Moska në Krime, Sergej Aksjonov kishte bërë të ditur, se përmes një sulmi me dronë nga Ukraina ka shpërthyer një depo municioni. Pas kësaj u mor vendimi për evakuimin e një rajoni në një qark prej pesë kilometrash. Sipas Aksjonov u ndërpre përkohësisht edhe lëvizja me trena.

The post Valë e re sulmesh ruse mbi Odesa appeared first on Albeu.com.

“Armiku sapo ka goditur Odesën dhe distriktin Odesa me dronet sulmuese”, thanë autoritetet lokale në një deklaratë në Facebook, duke iu referuar mjeteve ajrore pa pilot.

“Ka dëme”, thuhet në deklaratë pa dhënë detaje të mëtejshme.

Duke cituar kreun e administratës ushtarake të qarkut Odesa, Yuriy Kruk, deklarata tha se forcat e mbrojtjes ajrore të Ukrainës ishin në punë dhe paralajmëruan për një valë të dytë të mundshme sulmesh. /albeu.com

The post Forcat ruse godasin me dronë Odesan, priten sulme të tjera appeared first on Albeu.com.

Maksym Marchenko, një kolonel ukrainas, shkroi në Telegram duke thënë: “Një incident i rëndë ndodhi në një nga objektet energjetike të NPC Ukrenergo, i cili shkaktoi një zjarr. Për shkak të kësaj, rajoni i Odesa dhe qyteti i Odesa mbesin pa energji. Deri tani, pothuajse 500,000 abonentë nuk kanë energji elektrike.”

Janë marrë masat emergjente për eliminimin e pasojave të incidenteve dhe rifillimin e funksionimit të sistemit energjetik.

“Me kërkesën tonë, Ministri i Energjisë dhe kreu i Ukrenergo u dërguan urgjentisht në Odessa. Së bashku me ta, ata tashmë kanë mbajtur një takim urgjent të shtabit operativ për eliminimin e aksidentit dhe furnizimin me energji elektrike për konsumatorët,” kreu i tha administrata rajonale e qarkut Odesa./albeu.com

The post Gjysmë milioni banorë mbesin pa energji elektrike, në Odesa appeared first on Albeu.com.

Kryeministri Denys Shmyhal tha në faqen e tij në Telegram se situata është komplekse, shkalla e aksidentit është e konsiderueshmedhe është e pamundur të rivendoset shpejt furnizimi me energji elektrike, veçanërisht në infrastrukturën kritik”.

Ndërprerjet ishin raportuar më herët të shtunën.

Shmyhal tha se ata po punonin për të rregulluar “infrastrukturën kritike”, veçanërisht pasi Ukraina është në mes të një dimri të ftohtë që do të thotë se ngrohja është thelbësore.

Një këshill i posaçëm ka urdhëruar që gjeneratorët të sillen në zonë dhe një turbinë me gaz e dhënë nga SHBA do të dërgohet në qytetin jugor.

The post Dëmtohet nënstacioni i tensionit të lartë në Odesa, raportohen ndërprerje të energjisë appeared first on Albeu.com.

Agjencia ka thënë se vendimi i saj e njeh “vlerën e jashtëzakonshme” të kësaj zone.

Mirëpo Rusia e ka kritikuar këtë vendim, duke thënë se është “i motivuar politikisht”.

E njohur si perla e Detit të Zi, Odesa është bombarduar disa herë nga Rusia, prej nisjes së luftës në Ukrainë.

Vitin e kaluar, banorët kanë tentuar të mbrojnë monumentet e qytetit dhe disa ndërtesa, duke i mbuluar me thasë.

Duke folur pas votimit, shefja e UNESCO-s, Audrey Azoulay, ka thënë se shpallja e qytetit si zonë e Trashëgimisë Botërore është hap i rëndësishëm.

Ajo ka thënë se vendimi nënkupton që të gjitha vendet anëtare të konventës, përfshirë Rusinë, kanë obligim “që të mos e shkatërrojnë me qëllim” këtë zonë.

Disa pjesë të Odesas janë shpallur në listën e Trashëgimisë Botërore në rrezik, çka do të thotë se UNESCO i jep qytetit qasje në ndihmë teknike dhe financiare.

Presidenti ukrainas, Volodymyr Zelensky, e ka mirëpritur këtë vendim, duke thënë se është “mirënjohës ndaj partnerëve që na kanë ndihmuar në mbrojtjen e kësaj perle nga sulmet e pushtuesit rus”.

Rusia, e cila ka tentuar vazhdimisht që të shtyjë votimin, e ka akuzuar Ukrainën për “shkatërrim” të monumenteve të veta.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./rel/

The post Odesa shpallet zonë e rrezikuar e Trashëgimisë Botërore appeared first on Albeu.com.

Një ndërtesë u godit, tha në Telegram guvernatori rajonal i Odesës, Maksym Marchenko, duke paralajmëruar për kërcënimin e një “breshërie masive raketore në të gjithë territorin e Ukrainës”.

Deklarata e Marchenkos vjen mes raporteve të mediave për shpërthime në pjesë të tjera të Ukrainës dhe guvernatorët rajonalë që u bëjnë thirrje banorëve të qëndrojnë në strehimoret e bombave, ndërsa kërcënimi i sulmeve me raketa vazhdon.

Shpërthimi i së enjtes pason breshërinë e madhe të sulmeve ruse të martën që rezultoi gjithashtu në një sulm raketor që goditi Poloninë.

Rusia ka nisur pushtimin në shkallë të gjerë të Ukrainës në fund të shkurtit.

Perëndimi e ka dënuar ashpër sulmin dhe ka ndërmarrë sanksione të ashpra kundër Rusisë.

Ukrainën, në anën tjetër, është duke e ndihmuar me armatim.

Të martën ka pasur raporte se dy raketa të prodhimit rus kanë rënë në Poloni – vend anëtar i NATO-s – duke shkaktuar vdekjen e dy personave.

Këto raporte janë duke u hetuar.

The post Nuk ndalet Rusia, raketat godasin rajonin e Odesa në Ukrainë appeared first on Albeu.com.

Vizita e Presidentit ukrainas Volodymyr Zelenskyy në njërin nga portet e rajonit të Odesës vjen ndërsa punëtorët filluan punën në terminalet e eksportimit të grurit të domosdoshëm për miliona njerëz në mbarë botën që vuajnë nga uria.

“Kjo është anija e parë që po ngarkohet që nga fillimi i luftës. Kjo anije turke nënkupton se porti filloi punën”, tha zoti Zelenskyy në një nga portet kryesore të Ukrainës në Detin e Zi.

Vizita e zotit Zelenskyy me ambasadorët e vendeve të grupit të shatëshes në Ukrainë dhe përfaqësues të Kombeve të Bashkuara dhe Turqisë në Odesa është një përpjekje e Kievit për t’i treguar botës se janë pothuajse gati të rifillojnë të eksportojnë miliona tonë drithë në botë, pas marrëveshjes me Rusinë, Turqinë dhe Kombet e Bashkuara javën që shkoi për krijimin e korridoreve që mundësojnë kalimin e sigurt të anijeve.

Megjithatë ekzistojnë shqetësime për sigurinë e ekipeve të transportit detar, gjë që ka çuar në një fillim të ngadaltë dhe të kujdesshëm të zbatimit të marrëveshjes.

“Shpresojmë që të gjitha palët e përfshira të mbajnë premtimet dhe garancitë e tyre. Shpresojmë që si anijet ashtu edhe njerëzit të jenë të sigurt. Njerëzit e përfshirë po rrezikojnë jetët e tyre, sepse rezultati i procesit është i panjohur dhe e dimë se me kë kemi të bëjmë, Rusinë”, tha zoti Zelenskyy.

Një javë pas nënshkrimit të marrëveshjes ende asnjë sasi gruri nuk është nisur nga portet. Por palët po përballen me trysninë e kohës, pasi marrëveshja është e vlefshme vetëm për 120 ditë.

Ambasadorja e Britanisë në Ukrainë, Melkinda Simmons, falenderoi Kievin për përpjekjet e tij që të zbatojë mbarrëveshjen, ndërsa i bëri thirrje Rusisë që të veprojë në të njëjtën mënyrë.

“Së bashku me të gjithë të tjerët, presim që Rusia të luajë rolin e saj për t’u siguruar se marrëveshja do të zbatohet”, tha ajo në një konferencë shtypi.

Larisa Galadza, ambasadorja kanadeze në Ukrainë tha se në këtë vizitë pa se anijet janë të ngarkuara dhe gati për t’u nisur.

“Siç mund t’i shihni, anijet janë këtu, të ngarkuara dhe gati për t’u nisur. Anije të tjera kanë filluar të ngarkohen sot. Pra, ne i bëjmë thirrje Rusisë që të pajtohet me hapjen e korridoreve të duhura për dërgimin e grurit”, tha ajo.

Kjo marrëveshje është përparimi i parë diplomatik në konflikt, ndërsa çmimet e grurit në Azi ranë këtë javë për shkak të pritjeve për furnizime më të larta. Por luftime te ashpra e bëjnë procesin jashtëzakonisht të vështirë.

Javën që shkoi raketat ruse goditën portin jugor në Odesa, duke kërcënuar marrëveshjen që ishte nënshkruar një ditë para sulmit.

Ambasadorja amerikane në Ukrainë, Bridget Brink tha se shpreson që më vonë të premten të hapet rruga për dërgesën e parë.

Ndërsa bllokimi i drithërave të Ukrainës, një nga eksportuesit më të mëdhenj në botë, ka çuar në rritjen e çmimeve të ushqimit në mbarë botën, reduktimet e gazit rus kanë shkaktuar rritje të çmimeve të energjisë në Evropë dhe frikë për mungesa të mëdha gjatë dimrit.

Synimi është që gjatë katër muajve të ardhshëm të nisen rreth 20 milionë tonë drithë nga portet e Ukrainës, duke ndihmuar miliona njerëz të varfër në mbarë botën të përallen me urinë.

The post Presidenti Zelensky viziton portin e Odesës, inspekton anijet e grurit appeared first on Albeu.com.

Sulmet erdhën vetëm një ditë pasi Kievi dhe Moska nënshkruan një marrëveshje për të lejuar eksportet e grurit nga portet ukrainase të Detit të Zi, duke shkaktuar zemërim dhe shqetësim për të ardhmen e një marrëveshjeje që synon të lehtësojë krizën globale të ushqimit të shkaktuar nga lufta.

“Plani B përfshin rrugë, hekurudha dhe lumenj dhe dërgimin e maunave dhe rregullimin e sistemeve hekurudhore në mënyrë që ato të lidhen me sistemet në Europë, për të filluar sa më shpejt eksporti i grurit,” tha Power.

Rreth 20 milionë tone grurë dhe misër janë bllokuar në portin e Odesës. Ajo tha se shpresonte që marrëveshja e grurit të jetë funksionale pavarësisht lëvizjes së Rusisë për t’i “kthyer menjëherë shpinën” marrëveshjes duke sulmuar Odesën – portin kryesor të përmendur në marrëveshje.

Javën e kaluar, SHBA njoftoi një ndihmë humanitare shtesë prej 1.3 miliardë dollarësh për Bririn e Afrikës, i cili po përjeton nivele të paprecedentë thatësire në Etiopi, Kenia dhe Somali.

“Më shumë se gjysma e grurit në vendin e Somalisë vjen nga Ukraina, dhe gruri është bllokuar në portin e Odesa”, tha Power.

The post “Një plan B” për eksportin e grurit, SHBA bashkëpunon me Ukrainën pas sulmeve në Odesa appeared first on Albeu.com.

Zëdhënësi i administratës ushtarake të Odesa-s, Serhiy Bratchuk, tha në një postim në Telegram se qyteti ishte shënjestruar nga shtatë raketa lundrimi “Kalibr” të lëshuara nga Deti i Zi.

Gjashtë nga raketat ruse iu shmangën mbrojtjes ajrore të Ukrainës dhe goditën zonat me një “popullsi civile”, tha Bratchuk.

Tre shtëpi dhe të paktën dy ndërtesa të tjera u shkatërruan në sulm, me dëme të raportuara në disa struktura të tjera, shtoi ai.

Beteja për jugun: Zyrtarët ukrainas thonë se një rrjedhë e qëndrueshme e pajisjeve ushtarake ruse po lëviz në perëndim nga Mariupol drejt pjesëve të tjera të Ukrainës jugore, ku forcat ukrainase janë në ofensivë. Sipas zyrtarëve ukrainas, një kolonë prej deri në 100 njësi të pajisjeve ushtarake kaloi përmes Mariupol në drejtim të Zaporizhzhia të shtunën. Disa analistë të pavarur besojnë se kjo është për të mbështetur forcat ruse në Kherson që janë sulmuar nga armët ukrainase me rreze të gjatë./albeu.com

The post Zyrtari ukrainas: Raketat ruse godasin Odesën gjatë natës, disa të lënduar appeared first on Albeu.com.