Ministria ka mbyllur hotelin dhe restorantin “Liqeni i Dukagjinit”, i ndërtuar në zonën e mbrojtur të Liqenit të Radoniqit. Pas këtij vendimi, aktivisti i Lëvizjes Vetëvendosje, Avni Zogiani, ka ngritur dyshime për mënyrën se si objekti është ndërtuar, shfrytëzuar dhe vënë në funksion.

Në një shkrim të publikuar prej tij, Zogiani thotë se bëhet fjalë për pronë publike, e cila i është dhënë me qira një operatori. Sipas tij, rasti përfshin një varg shkeljesh të mundshme të dispozitave ligjore.

Zogiani pretendon se objekti është ndërtuar mbi bazën e një “Pëlqimi” të dhënë nga Arben Çitaku, ish-sekretar i Ministrisë së Mjedisit.

“Ky Pëlqim është tërësisht joligjor, sepse pëlqime të tilla për shfrytëzim nuk jep MMPH”, shkruan ai.

Ai vë në pikëpyetje edhe vetë përmbajtjen e dokumentit. Sipas tij, edhe pse aty KRU “Radoniqi” autorizohej për shfrytëzim, dokumenti nuk lejonte kalimin e kësaj të drejte te një palë e tretë pa miratimin paraprak të ministrisë.

Po ashtu, Zogiani thotë se ky pëlqim bie ndesh me Ligjin për Ujërat dhe me Vendimin e Qeverisë për Radoniqin të vitit 2013. Sipas interpretimit të tij, vendimi ndalon veprimtaritë hoteliere dhe turistike në këtë hapësirë, e cila ka statusin e zonës sanitare dhe shërben si burim i ujit të pijshëm.

Një nga shqetësimet e ngritura prej tij ka të bëjë me përdorimin për të cilin ishte parashikuar fillimisht objekti.

Sipas Zogianit, ndërtesa, e ngritur gjatë viteve ’70 dhe e cila më pas është shembur e ndërtuar sërish, kishte destinacion ekskluzivisht administrativ. Për këtë arsye, ai pretendon se nuk duhej të përdorej për funksione të tjera.

Ai thotë gjithashtu se objekti duhej të kalonte nëpër procedurën e legalizimit, por kjo, sipas tij, nuk ka ndodhur.

Zogiani përmend ndër të tjera edhe mungesën e pëlqimit dhe lejes ujore, si dhe mungesën e autorizimit për transferimin e objektit te një palë e tretë.

Ai thekson se, edhe në bazë të pëlqimit të kontestuar për shfrytëzim, operatori kishte detyrimin të trajtonte ujërat e shkarkuara. Pretendimi i tij është se ky detyrim nuk është përmbushur.

“Janë edhe dhjetëra shkelje tjera që bëhen me teknike, por sot nuk po ju ngarkoj me shumë!”, shkruan Zogiani, duke lënë të kuptohet se për këtë çështje mund të ketë edhe shkelje të tjera, të cilat nuk i ka shtjelluar në shkrimin e tij.

The post Mbyllja nga ministria, Zogiani vë në dyshim ligjshmërinë e objektit në Radoniq appeared first on Albeu.com.

IKMT në vijim të punës së saj, ndërhyri pak ditë më parë në një objekt tre katësh në zonën e Radhimës, i cili u shemb me tritol.

Për demolimin e këtij objekti janë hapur 410 furnela, janë shtrirë 1,100 metra linearë fitil detonant dhe është planifikuar vendosja e 32 kilogramëve lëndë plasëse.

Ndërkohë që për mbarëvajtjen e procesit në kulmin e sezonit turistik, shpërthimi u krye në orët e para të mëngjesit ku në aksin Vlorë-Orikum qarkullimi u ndërpre, si dhe furnizimi me energji elektrike u ndërpre 15 minuta përpara shpërthimit.

Sipas IKMT, ky objekt buzë detit rezulton pa lejen përkatëse.

The post Shembet një objekt tre katësh në Vlorë, iu vendos 32 kg lëndë plasëse (VIDEO) appeared first on Albeu.com.

Dhe siç rezulton, objekti që u pa nuk ishte UFO, shkruan yahoonews.

Rezulton se imazhi i LRO-së tregon satelitin artificial i njohur ndryshe si Danuri, i cili po udhëtonte në orbita pothuaje paralele me LRO-në , sipas një deklarate të NASA-s.

Ndryshe, Danuri nisi misionin në gusht të vitit 2022, duke u bërë kështu misioni i parë i Koresë së Jugut në Hënë.

Sateliti hyri në orbitën hënore në dhjetor të vitit 2022 dhe është projektuar për të ndihmuar në planifikimin e misioneve të ardhshme në polet hënore.

Sipas NASA-s, shkencëtarët në Qendrën e Fluturimit Hapësinor Goodard, kishin nevojë për kohë që të kapnin një paraqitje të shkurtër të Danurit.

Arsyeja pse ky satelit shfaqet si një copëz e vogël e paidentifikuar, është sepse koha e ekspozimit të kamerës së LRO-së ishte jashtëzakonisht e shkurtër.

Bëhet e ditur se LRO identifikon edhe mbetjte e uljeve hënore të rrëzuara në një përpjekje për të përmirësuar sistemet e pozicionimit të zbarkuesve të ardhshëm

The post NASA “kap objektin që lëvizte me shpejtësi rreth hënës” – zbulojnë se për çfarë bëhet fjalë appeared first on Albeu.com.

Gjatë orbitës në hapësirë, objekti dërgoi një rreze të fuqishme rrezatimi që u bë e dukshme nga Toka për 1 minutë, çdo 20 minuta në orë, duke e bërë atë në një nga burimet më të ndritshme të radios në qiell.

Studiuesit, të udhëhequr nga astrofizikantja Natasha Hurley-Ëalker e Universitetit Curtin të Australisë dhe Qendra Ndërkombëtare për Kërkimet e Astronomisë në Radio (ICRAR), e cila bëri publikimin përkatës në revistën Nature, e bënë zbulimin me teleskopin MËA në Australinë Perëndimore.

Misteri filloi në vitin 2021, kur Hurley-Walker dhe kolegët e saj zbuluan një puls radio që përsëritej ngadalë, në disa të dhëna arkivore të vitit 2018. Siç tha Hurley-Ëalker, “objekti u shfaq dhe u zhduk gjatë rrjedhës së disa orëve të vëzhgimeve tona. Ishte diçka krejtësisht e papritur. Ishte e çuditshme për një astronom, sepse nuk ka asnjë objekt qiellor që të bëjë një gjë të tillë. Dhe në fakt është me të vërtetë mjaft afër nesh, në një distancë prej rreth 4000 vite dritë larg galaktikës pra në “oborrin e shtëpisë”.

Astrofizikantja Gemma Anderson tha se diçka që shkëlqen për një minutë, çdo disa minuta është diçka vërtet e çuditshme. Objekti misterioz është tepër i ndritshëm dhe më i vogël se Dielli, duke lëshuar valë radio shumë të polarizuara, gjë që tregon se ka një fushë magnetike shumë të fortë, tha ajo.

Një shpjegim i mundshëm, sipas shkencëtarëve që e gjetën, është se ai është një yll neutron ose një yll xhuxh i bardhë me një fushë magnetike jashtëzakonisht të fortë. Studiues të tjerë besojnë se “profili” i tij përputhet me atë të një “magnastroje shumë të gjatë”, një ylli neutron që rrotullohet ngadalë që ishte parashikuar teorikisht, por kurrë më parë.

The post Misteri që po habit shkencëtarët, një objekt në qiell ndriçon çdo 20 minuta appeared first on Albeu.com.