Studiuesit shtojnë se është gjithashtu e mundur të jesh “i shëndoshë, por në formë të mirë”, varësisht nga mënyra se si shpërndahet dhjami i trupit tuaj dhe sa mirë funksionon metabolizmi juaj.

Duke krahasuar kategori të ndryshme të indeksit të masës trupore (BMI), studiuesit arritën në disa përfundime të papritura:

1. Nënpeshë (BMI ≤ 18.5): Pjesëmarrësit përballeshin me një rrezik vdekjeje 2.7 herë më të madh krahasuar me grupin e referencës.

Pesha normale e ulët (BMI 18.5–20.0): Dy herë më shumë rrezik vdekjeje.

Pesha mesatare normale (BMI 20.0–22.5): rrezik 27% më i lartë vdekjeje.

2. Mbipesha (BMI 25–30): Nuk ka rrezik të shtuar krahasuar me ata në diapazonin e sipërm normal të BMI-së (22.5–25).

Obeziteti i Klasës I (BMI 30–35): Nuk ka rritje të ndjeshme të rrezikut.

Obeziteti i Klasës II (BMI 35–40): rrezik 23% më i lartë vdekjeje.

Këto gjetje sugjerojnë që njerëzit me mbipeshë të moderuar, mund të mos përballen me aq rrezik sa mendohej më parë, ndërsa njerëzit nën peshë mund të përballen me rreziqe shëndetësore që janë nënvlerësuar deri më tani.

Studimi nxjerr në pah konceptin e “obezitetit metabolikisht të shëndetshëm”. Individët në këtë grup, të cilët bien në kategoritë e mbipeshës ose obezitetit të ulët, mund të ruajnë shëndet të mirë metabolik, duke zvogëluar rrezikun e përgjithshëm të vdekjes së parakohshme.

Shpërndarja e yndyrës trupore ka rëndësi

Gjetjet i shtohen një numri gjithnjë e në rritje kërkimesh që sugjerojnë se vendi ku ruhet dhjami mund të jetë më i rëndësishëm sesa vetë pesha.

Një studim i kohëve të fundit i botuar në European Heart Journal zbuloi se dhjami visceral – dhjami i fshehur i ruajtur rreth organeve jetësore si mëlçia dhe zorrët – përshpejton plakjen e zemrës, madje edhe tek njerëzit që duken të dobët.

Në të kundërt, dhjami i ruajtur rreth vitheve dhe kofshëve (“trupat në formë dardhe”) mund të jetë mbrojtës, veçanërisht për gratë.

Burrat me trupa “në formë molle”, të cilët kanë më shumë dhjamë në bark, treguan shenja të plakjes më të shpejtë kardiovaskulare, gjë që sinjalizon një rrezik më të madh për sëmundje të zemrës.

Ndërsa rreziqet e obezitetit kanë qenë prej kohësh të njohura, studimi aktual sugjeron që të qenit nën peshë mund të mbartë një rrezik të barabartë ose edhe më të madh.

Studiuesit paralajmërojnë se shëndeti nuk përcaktohet vetëm nga pesha – faktorë të tillë si shpërndarja e yndyrës , shëndeti metabolik dhe sëmundjet themelore luajnë gjithashtu një rol.

The post Pesha e tepërt nuk është armiku kryesor i shëndetit, do të habiteni nga “kërcënimi” më i madh appeared first on Albeu.com.

“Epidemia” po godet veçanërisht vendet e varfra dhe shkalla po rritet tek fëmijët dhe adoleshentët se tek të rriturit, sipas studimit të kryer me OBSH. Studiuesit analizuan matjet e peshës dhe gjatësisë së më shumë se 220 milionë njerëzve në më shumë se 190 vende për të arritur vlerësimet.

Ata vlerësuan se 504 milionë gra të rritura dhe 374 milionë burra ishin obezë në vitin 2022. Studimi tha se shkalla e obezitetit ishte pothuajse trefishuar për burrat (14 përqind) që nga viti 1990 dhe më shumë se dyfishuar për gratë (18.5 përqind).

Rreth 159 milionë fëmijë dhe adoleshentë jetonin me obezitet në vitin 2022, sipas studimit, nga rreth 31 milionë në 1990.

Mjekët e dinin se numrat e obezitetit po rriteshin me shpejtësi, por kjo shifër ishte pritur diku rreth vitit 2030. Profesor Majid Ezzati, i “Imperial College London”, tha:

“Është shumë shqetësuese që epidemia e obezitetit që ishte evidente tek të rriturit në pjesën më të madhe të botës në vitin 1990, tani pasqyrohet te fëmijët dhe adoleshentët e moshës shkollore.“Në të njëjtën kohë, qindra milionë janë ende të prekur nga kequshqyerja, veçanërisht në disa nga pjesët më të varfra të botës.

Francesco Branca, drejtoesha e të ushqyerit në OBSH, tha se rritja përtej një miliard njerëzish ka ardhur “shumë më herët nga sa është parashikuar”. Sëmundja kronike shoqërohet me një rrezik më të madh të vdekjes nga sëmundjet e zemrës, diabeti dhe disa lloje kanceri.

The post Shifra alarmante, obeziteti në botë tejkalon mbi 1 miliardë njerëz appeared first on Albeu.com.

Më tej, këto ndryshime të trurit mund të zgjasin edhe pasi njerëzit që konsiderohen obezë nga pikëpamja mjekësore humbin një sasi të konsiderueshme të peshës – ndoshta duke shpjeguar pse shumë njerëz shpesh rifitojnë kilogramët që humbin.

Siç përcaktohet nga mjekësia, njerëzit me obezitet kanë një indeks të masës trupore, ose BMI , mbi 30, ndërsa pesha normale është një BMI midis 18 dhe 25.
“Studimi është shumë rigoroz dhe mjaft gjithëpërfshirës,” tha Dr. I. Sadaf Farooqi, një profesor i metabolizmit dhe mjekësisë në Universitetin e Kembrixhit në MB.

“Mënyra se si ata e kanë dizajnuar studimin e tyre jep më shumë besim në gjetjet, duke i shtuar kërkimeve të mëparshme që zbuluan gjithashtu se obeziteti shkakton disa ndryshime në tru,” tha ajo.

Studimi, i botuar të hënën në Nature Metabolism, ishte një provë klinike e kontrolluar në të cilën 30 persona të konsideruar si obezë nga ana mjekësore dhe 30 njerëz me peshë normale u ushqyen me karbohidrate sheqeri (glukozë), yndyrna (lipide) ose ujë (si kontroll).

The post Ekspertët: Obeziteti ndryshon përgjithmonë trurin appeared first on Albeu.com.

Atlasi i Federatës Botërore të Obezitetit të vitit 2023 parashikon që 51 për qind e botës, ose më shumë se 4 miliardë njerëz, do të jenë obezë ose mbipeshë brenda 12 viteve të ardhshme.

Normat e obezitetit po rriten veçanërisht shpejt tek fëmijët dhe në vendet me të ardhura më të ulëta, zbuloi raporti.

Duke i përshkruar të dhënat si një paralajmërim të qartë, Louise Baur, presidente e Federatës Botërore të Obezitetit, tha se politikëbërësit duhet të vepronin tani për të parandaluar përkeqësimin e situatës.

“Është veçanërisht shqetësuese të shohësh se normat e obezitetit po rriten më shpejt tek fëmijët dhe adoleshentët”, tha ajo në një deklaratë.

“Qeveritë dhe politikëbërësit në mbarë botën duhet të bëjnë gjithçka që munden për të shmangur kalimin e kostove shëndetësore, sociale dhe ekonomike tek brezi i ri”, shtoi ajo.

Raporti zbuloi se obeziteti i fëmijërisë mund të dyfishohet më shumë nga nivelet e vitit 2020, në 208 milionë djem dhe 175 milionë vajza deri në vitin 2035.

Kostoja për shoqërinë është e rëndësishme si rezultat i kushteve shëndetësore të lidhura me mbipeshën, tha federata: Më shumë se 4 trilion dollarë në vit deri në vitin 2035, ose 3 për qind e PBB-së globale.

Megjithatë, autorët thanë se nuk po fajësonin individët, por bënin thirrje për një fokus në faktorët shoqërorë, mjedisorë dhe biologjikë të përfshirë në kushte.

Raporti përdor indeksin e masës trupore (BMI) për vlerësimet e tij, një numër i llogaritur duke pjesëtuar peshën e një personi në kilogram me gjatësinë e tij në metra në katror. Në përputhje me udhëzimet e Organizatës Botërore të Shëndetësisë, një rezultat BMI mbi 25 është mbipeshë dhe mbi 30 është i obez.

Në vitin 2020, 2.6 miliardë njerëz binin në këto kategori, ose 38 për qind e popullsisë së botës.

Raporti zbuloi gjithashtu se pothuajse të gjitha vendet që pritet të shohin rritjen më të madhe të obezitetit në vitet e ardhshme janë vendet me të ardhura të ulëta ose mesatare në Azi dhe Afrikë.

Të dhënat do t’u paraqiten politikëbërësve të Kombeve të Bashkuara dhe vendeve anëtare javën e ardhshme. /albeu.com

The post Raporti: Më shumë se gjysma e botës do të jetë mbipeshë ose obeze deri në vitin 2035 appeared first on Albeu.com.

Ju duhet të merrni aq kalori sa digjni. Një balancë përshembull është 2000-3000 kalori.

Faktorët e riskut që çojnë në obezitet:

Çrregulimet në nivelin e tretjes: Pas moshës 50 vjec edhe zorra fillon të uli peristaltikën, mund të depozitojë në pjesën anësore të saj mbetje të depozituar dhe humb funskionin e saj.

Çrregullimet në funskionimin e mëlçisë: Nqs marrim mediakemnte të ndryshme për një kohë të gjatë. Mëlçia duhet detoksifikuar, pasi është laburatori që kryen shumë proçese dhe mes të tjerash dhe menaxhimin e energjisë së trupit. Prandaj keqtrajtimi i këtij organi ndikon në çregullimin e metabolizmit.

Çrregullimet e teroides: Tiroidja është i vetmi organ që bën jo vetëm prodhimin ejodit por menaxhon energjinë trupore. Bën shpërndarjen e energjisë dhe djegien e kalorive.

Jeta sedentare: Është për të ardhur keq që edhe fëmijet e vegjël duke luajtur me lojrat e tyre që janë të ulur në karrige duke ndjekur nëpër ekranë duke punuar me telefonin, fillojë të dhjamosen. Një këshillë për prindërit, ata detyrimisht duhet që fëmijët e tyre t’i bëjën të jenë aktiv, energjik, me trup elastik dhe jo të qullosur që në moshat fëmijënore./albeu.com/

The post Mjeku popullor, Ylli Merja: Këto janë gabimet që ju bëjnë të shtoni peshë appeared first on Albeu.com.

KUJDES! A e dini sa mund të rezistojë në frigorifer qumështi dhe produktet e tij, shuani çdo dyshim

Kush lufton për të ulur peshën, e di mirë sa e mundimshme është që të heqësh kilogramët e tepëra: Sporti është rraskapitës dhe dietat shpesh kanë sukses afatshkurtër.

Sapo i ke ulur disa kilogram duke mos ngrënë, ato kthehen sërish pas pak kohe.

Mbipesha e madhe, pra obeziteti, ndikon mbi cilësinë e jetës dhe shkurton jetëgjatësinë e të prekurve.

Mjekët nga Osijeku, Mario Curkoviq dhe Drazhen Gorjanski janë duke folur për suksesin që kanë pasur në ndihmën që i kanë dhënë 130 personave me mbipeshë, që të ulin dukshëm peshën që kanë.

Këta dy mjekë nuk përdorin ndonjë terapi ose ndonjë dietë, por i trajtojnë pacientët me mënyra të ndryshme, sepse Curkoviq dhe Gorjanski mendojnë se dhjamosja është një sëmundje komplekse, por e shërueshme.

Metodën që përdorin mjekët e quajnë “POST”, programin osijekas për uljen e peshës, (Program Osjeckog Smanjivanja Tezine). Ata nuk e kanë pritur as vetë suksesin që ka pasur terapija e mënyrës së sjelljes.

Psikologjia e njeriut është e vështirë të kuptohet, thekson Goranjski.

Dhe meqenëse ajo është komplekse, edhe tek dhjamosja luajnë rol shumë faktorë.

Prandaj obeziteti duhet trajtuar si një sëmundje që përfshin shumë disiplina.

“Si shumë sëmundje të tjera edhe dhjamosja ka shumë shkaqe, trajtime, dhe shërime”, thotë mjeku.

“Në trupin tonë ekziston një sistem i ruajtjes së peshës konstante, sistemi homeostatik. Ai mbështetet tek komunikimi midis sistemit të tretjes dhe qendrave të trurit që janë përgjegjëse për urinë, ngopjen dhe shijimin.”

Pjesa më e madhe e njerëzve hanë normalisht, kur u vjen uri. Dhe hanë atë gjë që u pëlqen, duke mos shtuar në peshë.

“Sidoqoftë, me mënyrën e sotme të jetesës, ofrohet një ofertë e madhe ushqimesh të pashëndetshme dhe hahet më shpesh duke shkaktuar dëmtim të komunikimit midis sistemit të tretjes dhe trurit,” thotë Gorjanski.

Vendosja sërish në ekuilibër të këtij komunikimi është synim i terapisë POST.

“Nëpërmjet trajnimit të autogjeneve, meditimit, shërimit të sistemit të tretjes dhe agjërimit me raste, ne ripërtërijmë faktikisht si sistemin e tretjes ashtu edhe sistemin homeostatik si dhe komunikimin midis tyre,” thotë mjeku.

“Ideja kryesore është që në trupin tonë të rivendosen sërish funktionet normale.”

Largimi i miteve të dhjamosjes

Gjatë zhvillimit të terapisë të dy mjekëve u është dashur të merren me shumë mite mbi dhjamosjen, për shembull që pesha mund  të ulet me dietë të kombinuar me lëvizje, sipas motos “eat less – move more”. Sporti dhe lëvizjet janë të shëndetshme dhe të bëjnë mirë, megjithatë asnjë nga pacientët nuk shpenzon shumë për terapinë. Mjekët nuk i bëjnë pacientët të numërojnë kaloritë apo të mbajnë dieta të forta.

Tek terapia e tyre synimi është më shumë që me kalimin e kohës të çmësohet zakoni i urisë. Terapia e kthen mbrapsht ngacmimin që shkaktohet nga uria, deri sa truri nxitet prej tij vetëm kur trupi ka vërtet nevojë për ushqim, pra kur e merr uria.

“Njeriu mund ta organizojë vetë trajnimin e trupit,” thotë Curkoviq, “synimi ynë është shërimi i trurit dhe jo humbja e kilogramëve”. Nëse rregullimi funksionon, atëherë ndodh ulja e kg., pra arrihet suksesi: “Nëse reduktohet marrja e kalorive, atëherë arrihen rezultatet në uljen e peshës.”

Të mësosh të dëgjosh trupin

Programi përmban kurse që zhvillohen një here në javë për gjashtë muaj rresht. Pacientët humbasin gjatë kësaj periudhe 15 deri 20 kilogram. Ndonjë ka arritur madje të ulë 40 kilogram.

Mjekët theksojnë se sasia e kilogramëve të ulura nga dikush nuk është tregues për efektivitetin e metodës së tyre. E rëndësishme është vetëm vendosja e ekuilibrit në komunikimin midis stomakut dhe trurit.

130 pacientët që kanë përdorur terapinë POST, pajtohen me sigurinë që kanë mjekët për vlerat shkencore të metodës së tyre. Të dy mjekët janë duke punuar aktualisht për një studim shkencor.

Krahasime me programe të tjera mbi terapinë e sjelljejes

Në SHBA është krijuar gjatë pandemisë së Coronës një program i ngjashëm terapie, që quhet Trevose Behavior Modification Program (TBMP). Ky program ka pasur rezultate edhe më të mira se sa POST, thonë mjekët kroatë. Megjithatë ky program ka përjashtuar pacientët që nuk kanë pasur humbje të dukshme peshe në gjashtë javët e para të fazës së provës. “Kjo është sikur një kirug të operonte vetëm rastet ku e di që do të ketë sukses,” thotë Curkoviq. “Ne “operojmë” këdo që ka nevojë për ndihmë.”

Gorjanski thotë se TBMP vlerësohet si programi më i suksesshëm në botë për uljen e peshës, por pjesëmarrësit nuk pasqyrojnë mesataren reale të popullsisë. Kurse pjesëmarrësit e POST, janë një grup “krejtësisht demokratik”. Kush e ka arritur moshën madhore dhe do të ulë peshën, është mirëpritur “pavarësisht nga mosha, gjinia ose gjendja fizike.”

Grupi i synuar jo vetëm obezët

Në fakt pjesëmrrësit e POST janë një grup heterogjen. Aty ka njerëz me obezitet ekstrem, me mbipeshë jo të madhe ose me diabet, që duhet të kujdesen për ushqimin. Prandaj të dy mjekët kanë zhvilluar një seri të gjerë mjetesh që mund të përdoren nga pacientët. Pjesëmarrësit marrin pjesë në ato gjëra që u duhen personalisht. “Disave nuk u pëlqen trajnimi autogjen, disave u pëlqen. Ata nuk kanë nevojë të përdorin çdo gjë, sepse mund të zgjedhin çfarë është e përshtatshme për ta,” thotë Curkoviq. “E rëndësishme është që nuk ka kufizime në lidhje me ushqimin.”

Ata mund të hanë Kulen, një lloj sallami, që është specialitet nga rajoni i Sllavonisë, ose proshutë të thatë, thotë mjeku. Por: “Ne nuk mund t’u themi njerëzve nga Sllavonia që të mos hanë Kulen!”, thotë Curkoviq.

Urinë e madhe të dy mjekët e krahasojnë me varësinë që krijohet nga droga: “Ushqimi mund të bëhet ves”, thotë Gorjanski. “Por është e komplikuar: Pacientët tanë mësojnë çfarë është vesi dhe si të çlirohen prej tij. Deri tani nuk është parë të krijohet varësi nga lakra, por varësia nga sheqeri është një problem serioz. Një person që është krejt i shëndetshëm dhe fillon të konsumojë sasi të mëdha sheqeri, mund të krijojë një ves si personi që fillon të konsumojë alkool.”

Krah studimit shkencor Curkoviq dhe Gorjanski janë duke punuar edhe për një libër. “Ne kemi dëshmuar, që funksionon. Nuk do ishte mirë të mos i ndajmë me të tjerët këto dije, për të ndimhuar njerëz të tjerë,” thotë Curkoviq.

Por pse nuk janë ende të zakonshme terapitë e sjelljes për të luftuar dhjamosjen?

“Askush nuk fiton para me këtë mënyrë të uljes së peshës. Sepse nuk përmban medikamente, që duhen marrë vazhdimisht ose preparate speciale. Askush nuk fiton para me njerëzit që kanë hequr dhjamin,” thotë mjeku.

The post Vuani nga obeziteti, sporti është rraskapitës dhe dietat nuk i mbani dot? “Receta” që japin dy mjekë të njohur kroat appeared first on Albeu.com.

Rezultatet vijnë nga një studim që shqyrtoi efektin e dietës në sëmundjen e mëlçisë yndyrore joalkoolike.

Kjo sëmundje shpesh shoqërohet me obezitet, diabetin e tipit 2, presionin e lartë të gjakut dhe çrregullimet e lipideve.

Nëse nuk trajtohet, mbart rrezik për cirrozë të mëlçisë dhe mund të jetë kërcënuese për jetën. Në hulumtimin e ri, studiuesit shikuan se si ushqimet e pasura me proteina ndikojnë në sasinë e yndyrës së mëlçisë tek njerëzit obezë me sëmundje të mëlçisë yndyrore jo-alkoolike.

“Nëse rezultatet vazhdojnë të konfirmohen në studime më të mëdha, rekomandimi për rritjen e marrjes së proteinave të kombinuara me një dietë të shëndetshme me pak yndyrë mund të gjejë rrugën e saj në mjekësi si pjesë e një trajtimi efektiv për mëlçinë e dhjamosur” , thotë Andreas Pfeiffer.

Studiuesit besojnë se efekti pozitiv i kësaj diete qëndron kryesisht në faktin se marrja, ruajtja dhe sinteza e yndyrës është e shtypur. Kjo tregohet nga analizat gjenetike të gjera të mostrave të mëlçisë të kryera më pas nga profesori Stephan Herzig dhe ekipi i tij në qendrën kërkimore Helmholtz Zentrum München.

Bazuar në këto analiza, shumë gjene përgjegjës për thithjen, ruajtjen dhe sintezën e yndyrës në mëlçi ishin më pak aktive pas dietës me proteina të lartë në krahasim me dietën me pak yndyrë.

The post Studimi: Ushqimet që reduktojnë me 40 përqind yndyrën në mëlçi appeared first on Albeu.com.

Që nga fillimi i pandemisë e deri më sot, dihet se mosha dhe obeziteti shoqërohen me pasoja të rënda negative te pacientët me COVID-19. Megjithatë, ajo që nuk është sqaruar ende është nëse mosha dhe obeziteti janë faktorë rreziku për simptoma të lehta, por më të rënda të koronavirusit, raporton alebu.com.

Në një studim të ri të botuar në “Influenza and Other Respiratory Viruses”, shkencëtarët thonë se të qenit mbipeshë dhe obez mund të ndikojë në të vërtetë simptomat te pacientët me një infeksion të lehtë koronavirus.

Studiuesit regjistruan 522 pjesëmarrës nga qershori 2020 deri në janar 2021, nga të cilët 470 (85.1%) ishin pozitivë për SARS-CoV-2. Nga këta, 261 (55.5%) ishin të rritur mbi 18 vjeç, 61 (13%) ishin adoleshentë 12-17 vjeç dhe 148 fëmijë (31.5%) nën 12 vjeç. Fëmijët u zbuluan se kishin më pak simptoma që zgjasin më pak ditë sesa adoleshentët dhe të rriturit, raporton albeu.com

Gjithashtu, 300 (63.8%) e pjesëmarrësve u klasifikuan si mbipeshë ose obezë, sipas Indeksit të Masës Trupore (BMI). Këta njerëz vuanin më shumë simptoma sesa njerëzit me peshë normale, të cilat kishin kollë dhe gulçim. Gjithashtu, njerëzit mbipeshë ose obezë kishin më shumë gjasa të ishin simptomatikë të COVID-19 dhe të ruanin simptomat e frymëmarrjes për një periudhë më të gjatë kohore se të tjerët.

Studiuesit vlerësuan gjetjet duke parë gjendjen shëndetësore të të rriturve, adoleshentëve dhe fëmijëve që u diagnostikuan me virusin SARS-CoV-2 pa u shtruar në spital. Prandaj, u zbulua se adoleshentët dhe të rriturit që ishin mbipeshë ose obezë përjetuan më shumë simptoma, dhe veçanërisht simptoma të frymëmarrjes si kolla dhe gulçim, krahasuar me pacientët e tjerë./albeu.com

The post Dy faktorët që përkeqësojnë simptomat e Covid-19 appeared first on Albeu.com.

Ky tregues matet me Indeksin e Masës Trupore (BMI), që shpreh raportin e pesshës në kg ndaj gjatësisë në metër katror (kg/m2). Niveli mbi 30 konsiderohet obez, 25-29.9 mbipeshë, nga 18.5-24.9 është normal dhe nën 18.4 nën peshë.

Sipas të dhënave të tjera të Eurostat, Shqipëria renditet e treta në Europë, për nivelin e lartë të obezitetit të grave, pas Irlandës (28.1% e popullsisë) dhe Maltës (24.5). Pas nesh renditet Turqia (23.1%).

Nga vendet e rajonit të dhënat janë vetëm për Serbinë, ku përqindja e grave që konsiderohet obeze është 11.8%.
Nivelin më të ulët të obezitetit në Europë te gratë e kanë rumunët (8.3%) dhe italianët (11.4%).
Mesatarja e Bashkimit Europian është 14.1%.

Burrat më pak obezë në Shqipëri, ndryshe nga Europa

Sipas Eurostat, në të gjitha Shtetet Anëtare të BE, një pjesë më e lartë e burrave sesa gratë ishin mbipeshë në 2019, me diferencat më të mëdha të regjistruara në Luksemburg (59% e burrave kundrejt 38% e grave), Çeki (70% vs 51%) dhe Qipro ( 59% kundrejt 41%).

Në Shqipëri, obeziteti te burrat është më i ulët sesa te gratë. Sipas INSTAT 18.1% e meshkujve e kishin treguesin BMI mbi 30, duke u renditur në vendin e 13. Obeziteti më i lartë në Europë te meshkujt është në maltë (29.7%), Irlandë (24.5%), Hungari (23.7%).
Mesatarja e bashkimit Europian është 15.5%.

Ashtu si te gratë, niveli më i ulët i obezitetit është në Rumani (9.9%) dhe Itali (11.6%).

Qytetet më “elegante” dhe më të “shëndosha”

Sipas INSTAT, qytetet shqiptare ku gratë kanë nivelin më të lartë të BMI janë Elbasani (20.5%), Berati (20.3%), ndërsa më i ulëti është në Kukës (12.2%)

Për burrat, rekordin e mban Berati (20.8%), i ndjekur nga Fieri me 17.5% dhe Durrësi (17.2%).

Burrat fillojnë e shëndoshen pas moshës 50 vjeç, ku niveli i obezitetit arrin 31.5% për grupmoshën 50-59 vjeç, nga 13.4% për 15-49 vjeç. Edhe për gratë obeziteti kërcen pas kësaj moshe, duke arritur në 45.6% për grupmoshën 50-59 vjeç, nga 16.4% për 15-49 vjeç.

Të dhënat e INSTAT tregojnë për një lidhje mes nivelit arsimor dhe obezitetit. Sa më i ulët është niveli arsimor, aq më e lartë tendenca për të qenë më i shëndoshë, si për burrat ashtu dhe për gratë.

Dieta e pakontrolluar dhe mungesa e aktivitetit fizik po i çon shqiptarët me shpejtësi drejt obezitetit. Kjo situatë bëhet shkak, ndër të tjera, ndaj ekspozimit kundrejt sëmundjeve vdekjeprurëse./Monitor

The post Shqipëria e treta në Europë për nivelin e lartë të obezitetit të grave appeared first on Albeu.com.