Sipas informacioneve paraprake, incidenti ka ndodhur në afërsi të godinës së ish-shkollës 9-vjeçare “Bajram Curri”, e cila aktualisht është në proces rikonstruksioni nga një firmë ndërtimi.

Ngjarja ka ndodhur në momentin kur i mituri po përpiqej të merrte topin pranë kantierit të ndërtimit.

Në atë çast, nga kati i tretë i godinës janë hedhur materiale inerte, të cilat e kanë goditur nxënësin, duke i shkaktuar plagë dhe dëmtime që kanë kërkuar ndërhyrje të menjëhershme mjekësore.

Raportohet se në zonën e punimeve mungonin masat e duhura të sigurisë teknike dhe izolimi i plotë i kantierit, ç`ka ka rritur rrezikun për kalimtarët dhe veçanërisht për nxënësit.

I mituri është transportuar fillimisht në urgjencën e spitalit rajonal të Kukës, ku ka marrë ndihmën e parë mjekësore.

Për shkak të gjendjes shëndetësore dhe natyrës së dëmtimeve, ai është dërguar më pas me urgjencë drejt Spitali i Traumës në Tiranë për trajtim më të specializuar.

Ndërkohë, ngjarja nuk është raportuar zyrtarisht nga Policia e Kukës, duke ngritur pikëpyetje mbi transparencën dhe procedurat e ndjekura në raste të tilla.

Nga ana tjetër, Inspektoriati i Punës ka ndërhyrë menjëherë, duke bllokuar punimet në godinë dhe duke vendosur shiritat e sigurisë, për shkak të mungesës së kushteve teknike dhe masave mbrojtëse në kantier, raporton Top Channel.

The post Po luante me top në oborrin e shkollës, plagoset nxënësi në Kukës appeared first on Albeu.com.

Ngjarja e regjistruar ditën e djeshme në Argallasti në Pelion ka nxitur reagime të shumta nga shokët e klasës, të cilët e çuan atë te drejtori i shkollës.

Protothema.gr shkruan se reagime pati edhe nga prindërit e nxënësve, të cilët janë njoftuar për ngjarjen, çka solli edhe një mbledhje të këshillit të shkollës.

Megjithatë nxënësi është shprehur se është penduar për veprimin e tij, se nuk ka dashur të ofendojë simbolin e vendit dhe gjithçka është bërë me shaka.

The post Ngren flamurin shqiptar në oborrin e shkollës greke, nxënësin e dërgojnë te drejtori appeared first on Albeu.com.

Por pezullimi ka ardhur pasi mësuesi është ankuar për drejtoreshën për moskryerjen e detyrave funksionale. Drejtoresha e shkollës nuk lajmëroi ambulancën dhe institucionet për incidentin, pezulloi mësuesin që u ankua për të. Pretendimi i saj është se mësuesi ka ushtruar dhunë, por këtë gjë nuk e ka kallëzuar askund.

E gjithë ngjarja e ka zanafillën në datën 3 nëntor në shkollën “Meleq Gosnishti” në Patos.

Aleksandër Semanjaku mësues prej 45 vitesh në arsimin fillor, ankohet në emisionin Fiks Fare se drejtoresha e ka pezulluar nga detyra padrejtësisht.

“Në pushimin e gjatë një nxënës i klasës së 8-të i ka thyer krahun një nxënësi të klasës së 5-të, unë shtyva nxënësin e klasës së 8-të në mënyrë që t’i ndaja, më vonë më akuzuan për dhunë“, tregon mësuesi.

Me sy të përlotur ai thotë se nuk ka dhunuar kurrë një fëmijë dhe nuk ka marrë kurrë asnjë vërejtje në profesionin e tij. Por masa e pezullimit erdhi se mësuesi u ankua për drejtoreshën e shkollës, pasi kjo e fundit nuk mori asnjë masë për nxënësin e dëmtuar. Minimalisht nuk lajmëroi ambulancën dhe asnjë institucion.

“Sapo u ankova për drejtoreshën , ajo më pezulloi me arsyetimin se kam dhunuar“, thotë mësuesi.

Ballafaqimi mes mësuesit dhe drejtoreshës së shkollës bëhet në zyrën e saj, ku kjo e fundit herë thotë ke ushtruar dhunë herë nuk ke ushtruar, dhe pas bisedave ka një vendim pezullimi në të cilin thuhet se pezullimi erdhi se u ankua një prind.

Ndërkohë në takimin që mësuesi bëri me drejtoreshën e Zyrës Vendore Arsimore Patos, Zamira Velçani , kjo e fundit ishte e qartë se mësuesi u pezullua për hakmarrje nga drejtoresha. Ajo i thotë se ankesa e tij kundrejt drejtoreshës ishte strumbullari i pezullimit.

Por ndryshe sillen drejtueset kur shkojnë gazetarët E Fiksit. Drejtoresha e shkollës , Entela Kënaçi nuk pranon që mësuesi ka ushtruar dhunë, ajo thotë se e pezulloi mësuesin pasi pa faktet por nuk tregon çfarë faktesh.

Ajo pranon se nuk ka lajmëruar asnjë institucion për situatën në shkollë.

Drejtoresha e ZVA-këtë herë është e qartë, ajo thotë unë nuk kamë parë dokumentet dhe nuk e njoh situatën, ndaj kërkon një shkresë zyrtare, ndryshe nga biseda me mësuesin ku fajësonte këtë të fundit për ankesën ndaj drejtoreshës.

Ndërkohë drejtoresha e DRAP, Flutura Meçaj, edhe pse kjo situatë kishte 10 ditë që kishte ndodhur, nuk dinte që ka një mësues të pezulluar. Meçaj premton për gazetarët se do ngrihet një grup pune që do sqarojë të gjitha veprimet e drejtoreshës.

The post Çudira shqiptare! Nxënësi i thyen krahun me karrige, drejtoresha pezullon mësuesin appeared first on Albeu.com.

Bëhet e ditur se ndaj 16-vjeçarit G.P janë ngritur dy akuza, ajo e “plagosjes së rëndë me dashje” dhe “Goditjet për shkak të detyrës”.

Njoftimi:

Në vijim të informacionit të dhënë paraditen e sotme, sipas të cilit në ambientet e gjimnazit “Hydajet Lezha”, një 16-vjeçar kishte goditur me send të fortë (karrige), mësuesen M. P., ju informojmë se:

Në praninë e psikologut, prindit dhe mbrojtësit ligjor, specialistët për Hetimin e Krimeve të Drejtorisë Vendore të Policisë Lezhë, bënë arrestimin e shtetasit G. P., 16 vjeç, banues në Lezhë, për veprat penale “Plagosja e rëndë me dashje” dhe “Goditjet për shkak të detyrës”.

Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

Kujtojmë se ngjarja e rëndë ndodhi në gjimnazin “Hydajet Lezha”. Sipas nxënësve të tjerë shkak për sherrin e ndodhur ëhstë bërë fakti se mësuesja i ka përmendur nxënësit babain që i ka ndërruar jetë.

Ndërkohë që menjëherë aps ngjarjes mësuesit e tjerë kanë bojkotuar mësimin si shenjë solidariteti me kolegen e tyre.

The post “Për eshtrat e babait …”, arrestohet 16-vjeçari që goditi mësuesen me karrige, dy akuzat që janë ngritur ndaj tij appeared first on Albeu.com.

Sipas mediave të huaja, Stefanie Kelsey, 35, u dënua për abuzim seksual dhe shfrytëzim seksual. Abuzimi dyshohet se ka ndodhur gjatë marsit të vitit të kalaur, teksa mësuesja kishte kryer seks me studentin, i cili në atë kohë ishte 14 dhe 15 vjeç në shtëpinë e saj, pro edhe në një parking publik.

Ngjarja u zbulua disam uaj më vonë, pasi prindërit e adoleshentit mësuan çfarë po ndodhte me djali ne tyre.

Ata thanë se Kelsey ishte një mësuese e arsimit special në shkollën e mesme, e cila ndodhet në Lake View.

The post Kreu marrdhënie me adoleshentin, dënohet me 10 vite burg mësuesja appeared first on Albeu.com.

Në një konferencë shtypi të hënën, policia në Virxhinia tha se fëmija e kishte future pistoletën në çantën e shpinës, shkruan BBC. 

Fëmija qëlloi qëllimisht mësuesen e tij, Abigail ‘Abby’ Zwerner, gjatë orës së mësimit të premten.

Policia thotë se ajo arriti të shoqëronte studentët e saj drejt sigurisë përpara se të thërriste për ndihmë për veten.

Zwerner, 25 vjeç, ndodhet në spital në një gjendje të qëndrueshme.

Policia në Newport News, një qytet me 180,000 banorë në veri-perëndim të Virginia Beach, tha se ata folën me mësuesin më herët të hënën.

“Ajo është një hero”, tha shefi i policisë Steve Drew, duke shtuar se zonja Zwerner e ka pyetur vazhdimisht për mirëqenien e nxënësve të saj që ishin në klasë në momentin e të shtënave.

Policia mori një telefonatë për një mësues që u qëllua rreth orës 14:00 me orën lokale (19:00 GMT) të premten në shkollën fillore Richneck. Kur hynë në klasë, gjetën një nxënës 6-vjeçar të frenuar nga një punonjës i shkollës.

Shefi Drew tha se fëmija qëlloi me një plumb në drejtim të mësueses të tij. Ai shtoi se “të shtënat nuk ishin të rastësishme, ishin të qëllimshme” dhe se ndodhi teksa zonja Zwerner po jepte një mësim./Albeu.com/.

The post Mori armën e nënës dhe e futi në çantën e shkollës, 6-vjeçari plagos qëllimisht mësuesen appeared first on Albeu.com.

Përleshja ka ndodhur si pasojë e një mosmarrëveshje mes tyre.

Lajmin për Telegrafin e ka konfirmuar zëdhënësi i Policisë së Kosovës për rajonin e Gjilanit, Ismet Hashanit.

“Rasti është i vërtetë ka ndodhur në një shkollë të mesme në Gjilan dhe prokurori është njoftuar, për rastin, ku janë intervistuar edhe mësuesi dhe nxënësi. Përleshja erdhi si pasojë e një mosmarrëveshje mes nxënësit dhe mësuesit”, tha Hashani.

Ai tutje bëri të ditur se rasti është hetuar në Policinë e Gjilanit dhe do të shkojë në Gjykatë, me procedurë të rregullt për lëndim të lehtë trupor./albeu.com

The post Plas sherri në shkollën kosovare, mësuesi përleshet me nxënësin appeared first on Albeu.com.

Me këtë rast hetuesit policor kanë arritur të ndalojnë të dyshimtin dhe ti sekuestrojnë ne cilësinë e provave materiale armën: Një Pistoletë dhe një karikator.

Bëhet fjalë për nxënësin me inicialet E.N, i datëlindjes 2006 m/sh/k, ka njoftuar policia, transmeton Express.

“I dyshuari i mitur është intervistuar ne prani te avokatit mbrojtës ,në lidhje me rastin u informua prokurori kujdestar i cili urdhëroj që rasti të hetohet në procedurë të rregull”, thuhet tutje në njoftimin e policisë.

Policia ka publikuar pamje të armës së sekuestruar:/Express

The post Nxënësi i shkollës fillore shkon me armë zjarri në shkollë, Policia e Kosovës publikon pamje (FOTO LAJM) appeared first on Albeu.com.