Në Ballkanin Perëndimor, rritja e temperaturave dhe rënia e reshjeve kanë filluar të ndikojnë tek punëtorët. Shqipëria do të jetë më e dëmtuara në këtë proces vlerëson Organizata Ndërkombëtare e Punës (ILO).

Stresi nga nxehtësia do të ndikojë dukshëm vendet e Ballkanit Perëndimor, ku Shqipëria vlerësohet të jetë me e goditura në Rajon sa i takon produktivitetit të punës.

Skenarët e rreziqeve nga ndryshimi i klimës tregojnë se në Shqipëri, parashikohet të humbasin 0.07 për qind të orëve të punës në vitin 2030, ekuivalente me rreth 700 vende pune me kohë të plotë.

Stresi nga nxehtësia rrit rrezikun e aksidenteve në vendin e punës, me vdekje që shpesh ndodhin gjatë ditëve të para në një punë të re.

Temperaturat e larta kontribuojnë në rritjen e mungesave në punë, për shkak të sëmundjeve të lidhura me nxehtësinë, duke ulur më tej produktivitetin e punëtorëve.

Ndikimi i drejtpërdrejtë i fatkeqësive natyrore në vendet e punës në Ballkanin Perëndimor, u dëshmua gjatë përmbytjeve të vitit 2014.

Dëmtimet në infrastrukturën ekonomike dhe të transportit që çuan në humbjen e vendeve të punës për 33,500 punonjës në Bosnjë dhe Hercegovinë, si dhe humbjen e përkohshme të 51,800 vendeve të punës u dëmtuan përkohësisht në Serbi.

Përmbytjet e tetorit 2024 në Bosnjë dhe Hercegovinë zhvendosen 1,100 familje, duke shkatërruar 800 shtëpi dhe duke ndikuar rëndë në bujqësi dhe biznese të vogla.

Banka Botërore duke analizuar këto zhvillime referoi se ndikimet negative të rreziqeve natyrore në produktivitetin e punës, të ardhurat dhe asetet mund t’i shtyjnë njerëzit në varfëri.

Humbjet për shkak të ngjarjeve ekstreme të motit bien kryesisht mbi familjet e varfra.

Nga ana tjetër, njerëzit e varfër kanë qasje të kufizuar në kursime, kredi dhe sigurime për t’i ndihmuar ata të menaxhojnë humbjet e të ardhurave ose aseteve.

Ndërsa të dhënat aktuale mbi dëmet dhe humbjet në rajon kanë tendencë të përqendrohen në ndikimet e fatkeqësive në asetet dhe infrastrukturën publike, humbjet për shkak të ngjarjeve ekstreme të motit bien kryesisht mbi familjet e varfra./MONITOR

The post Stres nga nxehtësia/ Punonjësit shqiptarë më të cenuarit në Rajon nga ndryshimet klimaterike appeared first on Albeu.com.

Fillimisht përpara 1 muaji shkriu koka, më pas njëra nga këmbët lëvizi nga busti, këmba tjetër ndryshoi formën, ndërsa karrigia u fundos në tokë.

Memoriali qëndron në vendin e Kampit Barker në Uashington DC, një kamp refugjatësh i kohës së Luftës Civile që strehonte afrikano-amerikanët e dikurshëm, ndërsa tani në të ndodhet një shkolle fillore.

Statuja u vendos jashtë shkollës fillore Garrison, si pjesë e serisë së Monumenteve prej dylli.

Monumenti është më shumë se një statujë dylli, është gjithashtu një qiri dhe kjo nuk është hera e parë që ka probleme me shkrirjen.

Statuja u instalua në të njëjtin vend, shtatorin e kaluar, por versioni i parë i monumentit prej dylli përmbante mbi 100 fitila që u ndezën para kohe, duke shkrirë një pjesë të konsiderueshme të instalimit.

Uashington DC është nën një alarm të nxehti dhe temperaturat e larta pritet të vazhdojnë gjatë gjithë kësaj jave.

The post Abraham Lincoln shkrin nga i nxehti, temperaturat e larta shkrin shëmbëlltyrë dylli të Presidentit appeared first on Albeu.com.

Djersa është e dobishme pasi trupi juaj ftohet vetë, por kur bllokohet nën lëkurë mund të shkaktojë probleme.

Djersitja e tepërt, përveçse është e bezdisshme, mund të rrisë shanset për shfaqjen e skuqjes së nxehtësisë.

Kjo, e kombinuar me faktorë të tjerë rëndues si puçrrat dhe acarimi nga depilimi, mund të bëjë vërtet kërdi në lëkurën tuaj gjatë verës.

Si duket një skuqje nga nxehtësia?

Kur ka shumë nxehtësi dhe lagështi, gjëndrat e djersës mund të bllokohen. Në thelb, ju djersitni aq shumë sa lëkura juaj nuk mund të “marrë frymë”. Kështu zhvillohet një gjendje inflamatore e cila duket si njolla të vogla të kuqe ose gunga.

Këto zakonisht zhvillohen papritur, më së shumti disa orë pas episodit të djersitjes që i shkaktoi.

Në përgjithësi, është e lehtë të kemi skuqje të nxehtësisë në vendet ku lëkura jonë paloset, si sqetullat. Të gjithë djersitemi në vapë, por duhet t’i kushtoni vëmendje më të madhe foshnjave, të cilat kanë më shumë palosje trupore.

Ju mund të tundoheni të gërvishtni lëkurën tuaj sepse ajo kruhet, por mos e bëni këtë. Gërvishtja mund ta lërë lëkurën të pambrojtur ndaj baktereve dhe të rrisë rrezikun e infeksionit.

Si ta largoni atë

Mënyra më e mirë për të hequr qafe skuqjen sa më shpejt të jetë e mundur është të shmangni ekspozimin ndaj nxehtësisë në mënyrë që të mos djersiteni më. Nëse mundeni, lëvizni në një ambient me ajër të kondicionuar, bëni një dush të freskët ose vendosni kompresa të ftohta.

Kërkoni ndihmë mjekësore, veçanërisht nëse keni kruajtje të rëndë, pasi mjeku juaj mund të përshkruajë antihistamine që do të ofrojnë lehtësim të menjëhershëm nga simptomat shqetësuese.

Përveç kësaj, është shumë e rëndësishme të qëndroni të hidratuar dhe të zgjidhni rrobat e duhura me pëlhurat e duhura, veçanërisht nëse ushtroheni, ose për të parandaluar gjendjen ose për të mos e përkeqësuar atë.

The post Si të trajtoni djegien nga dielli appeared first on Albeu.com.

Kur temperatura e ambientit tejkalon kufijtë e caktuar të toleruar nga trupi i njeriut, në sinergji me disa faktorë të tjerë (lagështia, apnea, etj.) krijohen kushte patologjike me shkallë të ndryshme të ashpërsisë.

Domethënë fillojnë të shfaqen çrregullime të ndryshme funksionale, si dhe dukuri të lehta ose të rënda morbide.

Çfarë duhet të bëni:

• Shmangni ekspozimin në diell dhe qëndroni në vende me hije dhe të freskëta. Në rast të ekspozimit të detyruar në diell, duhet të përdoret një kapelë dhe syze të errëta. Veshja preferohet të përbëhet nga rroba të holla, të bollshme, me ngjyra të lehta, kryesisht prej pambuku.
• Shmangni, sa më shumë që të jetë e mundur, lodhjen fizike dhe punën gjatë orëve të nxehta të ditës.
• Pini shumë ujë të freskët ose lëngje. Shmangni pijet me sheqer, të gazuara.
• Hani ushqime të lehta, pa yndyrë, të kripura, të ndara në vakte të vogla të shpeshta. Shmangni pijet alkoolike.
• Banjot e shpeshta të ftohta, vendosja e kompresave të ftohta.
• Ata që marrin ilaçe dhe veçanërisht ata që marrin diuretikë, qetësues, antihipertensivë, antihistaminë, bio-frenues, etj, duhet të jenë në kontakt të vazhdueshëm me mjekët e tyre kurues në mënyrë që të marrin udhëzimet e duhura.
• Gjithashtu, ata që vuajnë nga sëmundjet e sistemit kardiovaskular, nervor qendror dhe të frymëmarrjes, diabetikët, pacientët me veshka, alkoolistët dhe ata që vuajnë nga të gjitha llojet e sëmundjeve të rënda duhet të jenë në kontakt të vazhdueshëm me mjekët e tyre./albeu.com

The post Si të mbroheni nga nxehtësia? appeared first on Albeu.com.

Sipas ekspertëve, stresi bëhet edhe më intensiv kur personi ndjen presionin për të dalë për t’u argëtuar dhe për të kaluar një kohë të mirë. Presioni i individit për të marrë pjesë në aktivitete të ndryshme, ndikon drejtpërdrejt në psikologjinë.

Kur personi gjithashtu sheh të tjerët të kalojnë një kohë të mirë nën diell, ndihet keq.

Automatikisht vjen mendimi: “Unë duhet ta shfrytëzoj më mirë kohën time, pa më ikur pushimet kot”.

Por nuk është e vetmja gjë që ndikon.

Moti gjithashtu luan një rol shumë të rëndësishëm. Kur është nxehtë, reagimi i trupit është si të kesh një sulm paniku. Rezultati; Personi mendon se vuan nga stresi intensiv kur në të vërtetë nuk është e vërtetë. Simptoma të tilla si djersitja, të fikët, të përzierat dhe rrahje të shpeshta të zemrës mund të vijnë nga nxehtësia.

Përveç stresit, diçka që rritet edhe gjatë verës është depresioni. Sipas hulumtimeve, fillimi i simptomave vërehet ndërsa gjatësia e ditës rritet. Gjatë dimrit, moti i mjegullt mund të shkaktojë një ulje të serotoninës dhe ndryshimi i klimës mund të shkaktojë paqëndrueshmëri në nivelet e melatoninës, e cila luan një rol të rëndësishëm në rregullimin e duhur të gjumit.

Pra, nëse keni një ndjenjë ankthi kohët e fundit ose jeni thjesht në humor të keq, ndërsa të gjithë të tjerët janë diku jashtë, përpiquni të veproni si ata dhe do të ndiheni më mirë./albeu.com

The post Pse ndjehemi më të stresuar në verë, sipas ekspertëve? appeared first on Albeu.com.