Por duket se periudha e artë po mbaron për shefin e njohur si Salt Bae. Kasapi turk, u bë një sensacion në rrjet dhe lëvizja e tij e famshme i siguroi 52 milionë ndjekës në Instagram, por duket se në një nga tregjet më konkurruese të restoranteve në botë – New York City, nuk e pranoi. Atje ai nuk mundi ta mbante të hapur zinxhirin e restorantëve të tij.

Nusret Gökçe lindi në Paşalı, një fshat në provincën Erzurum të Turqisë, në vitin 1983, ku u detyrua të linte shkollën në moshën 12-vjeçare për të filluar të ndihmonte babain e tij, i cili punonte si minator. Pas një udhëtimi pune në Argjentinë, ai hapi restorantin e tij të parë në Stamboll në moshën 27-vjeçare, në të cilin ai pretendon se bëri 4,500 £ që në ditën e parë.

Me investime nga biznesmeni turk Ferit Sahenk, ai u zgjerua në Ankara, Dubai dhe Doha, duke krijuar zinxhirin e steakhouseve luksoze Nusr-Et. Gökçe, megjithatë, u bë i famshëm pasi një video e tij duke spërkatur kripë në mënyrë të veçantë u bë virale në janar 2017. Ishte kjo video që i dha kasapit turk pseudonimin Salt Bae, e me hashtagun e ti #SaltBae u bë trend në Twitter.

Sensacioni i ri i internetit tërhoqi vëmendjen e shumë të famshmëve, të cilët u mahnitën nga video dhe vendosën ta shihnin Gökçen në veprim. Leonardo Di Caprio vizitoi restorantin e tij në Dubai një muaj më vonë në shkurt 2017 dhe shefi i kuzhinës shpejtoi ta dokumentonte atë në mediat sociale. Një vit më pas ai hapi restorantin e tij të parë në SHBA. Në vitin 2022, ai kishte 22 restorante në vende të ndryshme nëpër botë, nga Nju Jorku në Londër, Dubai dhe vende të tjera ekzotike.

Shumë, në intervale, panë të vërtetën pas reputacionit të shefit të kuzhinës dhe stilit të gjallë të jetesës që ai shfaqte. Salt Bae Burger, i quajtur dikur restoranti më i keq në qytetin e Nju Jorkut, u mbyll disa ditë më parë dhe la pas një tabelë që thoshte se po zhvendoset në një vend të ri. Mbyllja e Salt Bae Burger është rezultat i ecurisë së vështirë të restorantit në New York City gjatë tre viteve të fundit.

Shumë kritikë po parashikojnë se Salt Bae do të zhduket nga skena e restoranteve.

The post Fundi i epokës së “Salt Bae”? Pas dështimit, Nusret mbyll restorantin në New York appeared first on Albeu.com.

Së fundmi, shefi i famshëm turk, i entuziazmuar ka postuar në “Instagram”, shumën e faturës  në restorantin e tij në Abu Dhabi e cila ka arritur në 161.550 euro , pra aq sa mund të kushtojë një apartament në zemër të Tiranës.

“Grabitje e hapur”, komenton një ndjekës.

Megjithatë, Nusret iu shmang pyetjes se kush e ka paguar faturën e kripur prej 161.550 euro për të ngrënë në restorantin e tij.

Përveç mezeve dhe biftekëve “të artë”, klienti hapi edhe dy shishe verë Petrus 2009 dhe pagoi 200 mijë dirhemë (52541 euro). Kjo verë në bodrum (nëse e gjeni) është 6000 euro shishe.

The post Publikohet fatura e “frikshme”/ Biftekët “e artë” të Nusretit më të shtrenjtë se një apartament në zemër të Tiranës appeared first on Albeu.com.

Por restortanin e Salt Bae, më së shumti e kanë vizituar pothuajse të gjithë yjet e futbollit.

Më poshtë MundoDeportivo ju sjell disa prej yjeve të futbollit duke darkuar me kuzhinierin Salt Bae. /albeu.com/

The post Nusret, parajsa e futbollistëve: Të gjithë ata që kanë ngrënë me Salt Bae (FOTO LAJM) appeared first on Albeu.com.

Mbrëmjen e djeshme reperja ka postuar disa video në InstaStory ku ka treguar se ka darkuar në restorantin e shefit të njohur si “Salt Bae”, Nusr’et. Shefi i kuzhinës dhe pronari i shumë restauranteve nëpër vendet e pasura të botës, Nusret Gokçe, është i njohur kudo. Loredana ka qenë klientja e tij së fundmi dhe këtë e ka zbuluar vetë kuzhinieri.

Në foton e publikuar nga Nusret, ai shihet në shoqërinë e Loredanës dhe reperit gjerman Reezy. Nusret njihet si kuzhinieri më i famshëm në botë dhe për çmimet marramendëse në restaurantet e tij.

The post Kuzhinieri më i famshëm në botë, Nusret publikon foto me këngëtaren shqiptare (FOTO LAJM) appeared first on Albeu.com.

Kuzhinieri i famshëm krahasoi stërvitjen dhe dietën me një gjurmë gishtash, duke thënë se të dyja duhet të përshtaten për secilin person.

Duke marrë parasysh që ai fitoi famë duke shërbyer biftekë – nuk është për t’u habitur që kjo pjatë është diçka që ai konsumon disa herë në ditë.

Para çdo stërvitje, Nusret pi dy gota ujë me temperaturë dhome dhe ha katër kajsi. Së bashku me gjithë atë, ai pi një kapuçino.

Për mëngjes ha 250 gram biftek me thjerrëza dhe fasule, ndërsa për drekë ha perime të ziera dhe, përsëri, 250 gram biftek.

Pasdite, ai konsumon ekspres me kos rrushi, dhe për darkë ha sërish biftek, këtë herë me sallatë panxhar.

Restoranti i ri i kuzhinierit të famshëm Nusret është kritikuar për çmime shumë të larta

Nusret, i njohur më mirë si Salt Bae, ka qenë në qendër të vëmendjes së mediave dhe publikut britanik kohët e fundit për shkak të çmimeve të kripura në restorantin e tij të ri në Londër.

Kujtojmë që restorantet e tij, kanë çmime mjaft të larta, ndonjëherë edhe të tepruara me shërbimet që ofrojnë, çka ka bërë që klientë të ndryshëm edhe të ankohen./albeu.com

The post Nusret jep leksione, kuzhinieri nis e tregon si e mban trupin në formë dhe dy ushqimet e domozdoshme (VIDEO) appeared first on Albeu.com.

“Është thjesht një hamburger i mbështjellë me folje ngjyrë ari, e që më të mirë janë ata të Prishtinës që kushtojnë vetëm një euro”, thotë Elita që si duket s’i ka pëlqyer edhe aq shumë.

E pyetur nga ndjekësit ajo ka zbuluar edhe çmimin e tij duke treguar se kushton plot 65 euro. Në Instastory Elita ka shpërndarë faturën e plotë, që në total i ka kushtuar 293 euro.Epo nuk është histori e pa dëgjuar kjo, sidmos me shqiptarët që janë të parët që zgjedhin vendet luksoze dhe gjithashtu të parët që ankohen për shifrat në faturë.

The post Më thuaj që je shqiptar, pa më thënë që je shqiptar: Elita Rudi shkon te “Nusreti” dhe ankohet për faturën appeared first on Albeu.com.

Ai po gatuan biftekun e famshëm me ar të Nusret për 500 Euro më pak.

Reakless Steak and Lobster House në Portsmouth u ofron klientëve biftekun më trend në Instagram për 500 euro më pak. Pronari Scott Mattheës mendon se Salt Bae duhet të ketë një fitim të madh nga biftekët, edhe pse ato kanë shije të njëjtë me të tijët.

“Shumë vende nuk do ta bëjnë këtë sepse kushton tre herë koston e mishit për ta lyer atë me ar, ne vendosim 20 deri në 25 gjethe në secilën. Për të, kjo do të jetë rreth 500 euro fitim në secilin biftek. E di që Londra është pak më e shtrenjtë, por 500 euro më shumë për një biftek? është saktësisht e njëjta gjë këtu – ata përdorin të njëjtin lloj të nënprodukteve të mishit nga ku marrim tonat. Ne ndjekim gjithçka në trend dhe e vendosim direkt në menunë tonë”, tha 35 vjeçari./albeu.com

The post Minus 500 Euro, restoranti britanik i hap “luftë” Nusret për biftekun me ar appeared first on Albeu.com.

Nusret duket se është në telashe. Kuzhinieri i njohur është paditur nga punonjësit e restorantit të tij në New York. Pesë punonjës të skarës pretendojnë se nuk kanë marrë pagesat për orët shtesë të punës, raporton CNBC.

Er sel Ok, Muhammet Yilmaz, Emre Isler, Eyyup Yeniceri dhe Ibrahim Gecit jetonin në Turqi para se zinxhiri i steakhouse “Nusr-Et” ti rekrutonte dhe t’i sillte në SHBA midis 2018 dhe 2019, thuhej në padi.

Ata punonin në role jo -menaxheriale si furrë gatimi, duke gatuar mish në kuzhina, por zinxhiri i klasifikoi ata si menaxherë, gjë që i përjashtoi ata nga puna jashtë orarit, sipas padisë.

Insider ka kontaktuar me Christy Reuter, një avokat për Gökçe, për koment. Reuter nuk e komentoi menjëherë çështjen në CNBC, por tha se ajo do të njoftonte Gökçe për kërkesën e padisë.

Burrave, të cilëve u është dashur të “punojnë orë të rënda në pozicione jo menaxheriale në restorante”, kanë marrë një pagë javore prej 1,125 dollarë, thuhet në padi. Ata punuan 72 orë ose më shumë në javë pa pagesë jashtë orarit, tha padia.

Padia pretendon se kjo shkelte Aktin e Standardeve të Punës, i cili thotë se punonjësit kanë të drejtë të paguhen jashtë orarit pasi punojnë 40 orë në një javë. Pagesa jashtë orarit duhet të jetë e barabartë me 1 1/2 herë të pagës për orë, sipas aktit.

The post “Punojmë jashtë orarit dhe s’na paguan”, Nusret paditet nga punonjësit appeared first on Albeu.com.

Franca u eliminua nga ‘Euro 2020’ në 1/8 e finales duke humbur nga Zvicra pas ekzekutimit të penalltive.

Ishte pikërisht ylli i Paris Saint-Germainit njeriu tragjik i Les Bleus pasi e humbi penalltinë vendimtare i kushtoi me eliminim përfaqësueses së tij.

Dhe meqenëse turneu ka marrë fund, Mbappe është nisur drejt Greqisë për të pushuar. Atje ndodhet edhe ylli tjetër francez, Karim Benzema.

Me këtë rast, Kylian e ka vizituar njërin prej restoranteve të shumta të kuzhinierit të famshëm, Nusret Gokce.

I njohur për mënyrën e vecantë të përgatitjes së mishit dhe kriposjes, ‘Salt Bae’ i ka dhënë disa instruksione Mbappes për prerjen e mishit dhe hedhjen e kripës. /Telegrafi/

The post Mbappe po pushon në Mykonos, Nusret i mëson prerjen e mishit dhe kriposjen e veçantë (VIDEO) appeared first on Albeu.com.