Kjo situatë për këtë mësues është e përsëritur, gati 1 vit më parë ka bërë po të njëjtën gjë me një tjetër nxënëse, por situata ka kaluar në heshtje.

Emisioni Fiks Fare, solli dëshminë e një mësuesi të shkollës ,i cili tregoi se është bërë objekt sulmesh nga drejtoresha e shkollës vetëm sepse e denoncoi rastin, pasi edhe ky rast do kalonte në heshtje si rasti i parë.

Ermali thotë se pas kësaj situate, drejtoresha e shkollës e ka vlerësuar dosjen e tij me “dobët”, ndërkohë që për 10 vite e njëjta dosje është vlerësuar me “shumë mirë”.

Jo vetëm aq, por mësuesi i cili i shkruajti nxënëses dhe mori nga shkolla paralajmërim për heqje nga puna për shkelje etike, po ashtu u pezullua pas nisjes së procesit hetimor është vlerësuar me “mjaftueshëm” .

Ermali thotë se e kanë mbështetur të gjithë mësuesit e shkollës, të cilët kanë bërë dhe një peticion për drejtoreshën. Por nuk po merret asnjë masë, madje mësuesi në hetim dhe i pezulluar vjen në shkollë dhe është përfshirë edhe në përgatitjet për nisjen e vitit të ri akademik.

Drejtoresha e shkollës në takim me gazetarët i gënjeu këta të fundit, duke thënë se mësuesi nuk ka marrë pjesë në mbledhje, madje ajo tha se për mësuesin që shkruajti në “Facebook” edhe herën e parë e ka paralajmëruar me heqje nga puna.

Ndërkohë për vlerësimin e mësuesit në dosje “dobët” pranon se ka gabuar, duke u shfajësuar se ka qenë në momente tensioni dhe inati, duke anashkaluar profesionalizmin.

Mësuesi që i shkruajti në “Facebook”, nxënëses pranon se e bëri këtë gjë në një moment dobësie dhe nuk e arsyeton dot veprimin e tij.

Mësuesi pranon se ka shkuar në shkollë dhe është përfshirë në proces, ndërkohë që drejtoresha e mohon.

Për herën e parë që i dha një numër një nxënëse me anë të Facebook-ut thotë se drejtoresha ka bërë një procesverbal.

Ndërkohë që drejtoresha kërkon të shfajësohet dhe të thotë se gjithmonë ka vënë në dijeni zyrën vendore arsimore, kjo e fundit e mohon këtë gjë.
Zyra Vendore Arsimore Elbasan në një përgjigje për emisionin Fiks Fare thotë se nuk ka pasur asnjëherë dijeni më parë për situatë të njëjtë me mësuesin duke hedhur kështu poshtë atë që deklaroi drejtoresha. ZVA Elbasan po ashtu mohon të ketë dijeni që mësuesi ka shkuar në shkollë.

Ky institucion sqaron se mësuesi nuk duhet të hyjë në ambientet e shkollës deri në vendimin e prokurorisë.

The post Mësuesi në Elbasan i kërkon nxënëses numrin e telefonit në FB/ Edhe pse i pezulluar, shkon në shkollë appeared first on Albeu.com.

Trajneri i Spanjës ka zbuluar numrin e tij të telefonit, i cili tani është në dispozicion për të gjithë tifozët e futbollit Iberik  për një iniciativë reklamuese e promovuar nga kompania Finetwork.

Enrique do të thërrasë vetëm një fatlum, i cili do të jetë në gjendje të fluturojë së bashku me një shoqërues për ndeshjen e Ligës së Kombeve kundër Italisë, të planifikuar në Milano më 6 tetor.

Muajin e kaluar, Luis Enrique kishte deklaruar në një konferencë për shtyp se të gjithë gazetarët kanë numrin e tij të telefonit, por askush nuk e ka telefonuar kurrë për të marrë informacion mbi ekipin kombëtar.

Me këtë justifikim dhe, meqenëse Finetwork është Partner e Sponsor i “La Rojas”, Finetwork ndau numrin e telefonit të trajnerit, i cili do t’i përgjigjet thirrjes së vetëm një personi me fat. Fituesi i kësaj eksperience të madhe të futbollit do të ketë një përvojë të madhe. Kompania ftoi të gjithë të interesuarit për të marrë pjesë në këtë nismë dhe kanë kohë nga 27 shtatori deri më 5 tetor për të përjetuar këtë ngjarje futbollistike në një mënyrë unike.

Spanja do të luajë Final Four të Ligës së Kombeve në tetor, së bashku me Italinë, Belgjikën dhe Francën.

Itali-Spanjë do të luhet më 6 tetor në San Siro, ndërsa ditën tjetër, në stadiumin Juventus, Belgjika dhe Franca do të dalin në fushë. Finalja do të luhet më 10 tetor në orën 20:45. /Ora News/

The post Luis Enrique zbulon numrin e tij të telefonit, çdo tifoz mund ta telefonojë (FOTO LAJM) appeared first on Albeu.com.