Ja shpjegimi se pse disa fëmijë i mundon matematika

D Marku — Thu, 01 Feb 2024 12:43:32 +0000

Një “ndjenjë e brendshme” e varfër për numrat, mund të jetë një shenjë e aftësisë së kufizuar për mësimin e matematikës.

Hulumtuesit kishin 71 nxënës të klasës së nëntë, të përcjellë në një studim 10-vjeçar të arritjeve në matematikë, të cilët kryen detyrat, të cilat matën ndjenjën e tyre të lindur për numrat, si p.sh. t’ia qëllojnë se sa pika ishin në një faqe pa pasur kohë t’i numërojnë ato.

Hulumtuesit po ashtu i kanë ndarë nxënësit në katër grupe: ata të cilët shfaqën paaftësi për mësimin e matematikës përgjatë kohëzgjatjes prej një dekade studimi, ata të cilët u renditën nën mesatare, mesatarë ose mbi mesatare në arritjet e matematikës.

Studentët me paaftësi për mësimin e matematikës, në mënyrë të konsiderueshme gabuan në vlerësimin se sa pika ishin në faqe.

Pse disa fëmijë e kanë më vështirë se të tjerët ta mësojnë matematikën

“Disa fëmijë kanë një ndjenjë intuitive shumë të pasaktë për numrat dhe ne besojmë se këta fëmijë kanë aftësi të kufizuara të të mësuarit të matematikës, të paktën pjesërisht, për shkak të mungesës së këtë lloji të ndjenjës intuitive për numrat,” tha Michele Mazzocco, drejtor i Projektit për Zhvillim të aftësive të matematikës në Institutin Kennedy Krieger.

Megjithëse janë të mirë në lëndët tjera, mbi 14 për qind e shkollarëve kanë telashe të vazhdueshme me matematikë. Shkaqet mund të jenë të shumta, përfshirë çështjet si hapësira, kujtesa gjatë punës, ose “ndjenja për numrat”, e cila përfshin aftësinë për t’u përafruar (njoftuar) me numrat.

Një porosi kyçe për prindërit dhe mësuesit është që fëmijët ndryshojnë, sa i përket saktësisë në ndjenjën intuitive për numrat.

Ne mund të presim nga secili fëmijë t’ i perceptojë numrat me saktësi afërsisht të krahasueshme, po ky supozim do të ishte i rremë. Disa nxënës mund të kenë nevojë për më shumë ushtrime për të zhvilluar këtë ndjenjë për numrat, vërejti Mazzocco.

“Në të njëjtën kohë, nëse një fëmijë ka vështirësi me matematikën në shkollë, ne nuk duhet të supozojmë se kjo vështirësi është e lidhur me ndjenjën e dobët për numrat: kjo është vetëm njëra nga mundësitë”, shtoi ajo.

The post Ja shpjegimi se pse disa fëmijë i mundon matematika appeared first on Albeu.com.

Këta janë numrat me fat dhe ata që sjellin “ters”

admin — Wed, 19 May 2021 08:26:48 +0000

Numrat simbolizojnë shpresën e njerëzve për të zgjatur momentet e lumtura sa më shumë të jetë e mundur. Sipas numerologjisë, çdo simbol mbart një lloj energjie dhe përfaqëson diçka, prandaj ne jemi gjithmonë në kërkim të atyre numrave të konsideruara me fat, që përfaqësojnë “balancën”, “ekuilibrin” dhe “mbarësinë”.

Cilat janë këto sipas numerologjisë kineze?

Numri 1 konsiderohet si numër neutral dhe përfaqëson të qënit i vetëm (single). Jo më kot dita e beqarëve në botë festohet në 11/11. Gjërat teke shmangen në takime apo dhurata që bëhen për martesa/fejesa pasi simboli i tij shkon kundër bashkimit.

Numri 2 është shumë pozitiv. Zakonisht, kur njerëzit blejnë diçka për shtëpinë e re përpiqen t’i blejnë në pako (2 copë) për balancë dhe mbarësi. Nga ana tjetër, në rrethana të trishta njerëzit përpiqen ta shmangin si numër nga frika se mos ngjarja përsëritet 2 herë.

Numri 3 konsiderohet si numër pa fat në marrëdhënie. Në gjuhën kineze, numri “3” tingëllon si fjala “i veçuar” prandaj konsiderohet fat i keq nëse përfshihet në dasma apo përgjithësisht në dashuri.

Edhe numri 4 konsiderohet si jo dhe aq fatsjellës në numerologjinë kineze. Njësoj si 13 për Perëndimin. Në gjuhën e tyre 4 tingëllon si fjala “vdekje”. Kinezët përpiqen ta shmangin sa më shumë të jetë e mundur pasi e lidhin me rrethana jo të këndshme.

Pesa konsiderohet si numër negativ. Në gjuhën kineze ky numër tingëllon si “asgjë” apo “jo-ekzistente” prandaj s’është fare popullor.

Ndryshe nga të tjerat, 6 është numër me fat. Përfaqëson një rrugë të mbarë apo të qënit në një drejtim të mirë. Kur një biznes kërkon sukses në vendin e punës dhe harmoni, përpiqet ta integrojë sa më shumë të jetë e mundur këtë numër.

Konsiderohet negati sidomos kur vjen puna tek lidhjet. Martesat nuk ndodhin kurrë në datën 7 apo në korrik, pasi lidhen me “përfundimin e gjërave” prandaj njerëzit zgjedhin të mos i nisin ngjarjet e rëndësishme në këtë kohë të vitit.

Ekstremisht numër me fat! Përfaqëson prosperitetin dhe përmbushjen. Numri 88 është shumë i famshëm në kulturën kineze për shkak të energjisë që mbart dhe simbolit të ngjashëm me lumturinë e dyfishtë.

Edhe 9-ta është ekstremisht numër me fat. Ka një simbolikë shumë të veçantë, zakonisht në art. Përfaqëson të qënit i plotësuar dhe pafundësinë.

The post Këta janë numrat me fat dhe ata që sjellin “ters” appeared first on Albeu.com.

numrat Archives - Albeu.com

Ja shpjegimi se pse disa fëmijë i mundon matematika

Këta janë numrat me fat dhe ata që sjellin “ters”