Nga postimet në rrjetet sociale u vu re se ishin të pranishëm disa prej ish-banorëve të “Big Brother VIP”, me të cilët Monika ka bërë një rrugëtim me ta.

Por gjithashtu u vunë re edhe disa mungesa, pasi në festë nuk ishte Donald Veshaj, Ilir Shaqiri, Sabiani, Fifi dhe Big Mama.

Për mospraninë e tij në ditëlindjen e Monikës, Sabiani tha në një intervistë në “Wake Up” se nuk ishte ftuar. “Nuk më ka ftuar, nuk e di pse. Po të më kishte ftuar, do kisha ikur”, shtoi këngëtari i njohur.

Ndërkohë mëngjesin e sotëm ishte në studion e “Wake Up” vetë Monika Lubonja, e cila ka komentuar mungesën e këtyre personazheve të njohur në ditëlindjen e saj.

“Nuk kam pasur ndonjë bisedë më Sabianin, jemi takuar te ditëlindja e Big Mamës. Ishte Fifi ajo që kërkoi që të takoja Sabianin. Me thënë të drejtën, njeriun që nuk e prisja që të thoshte “tradhtare”, sikur u hodhi një mesazh njerëzve në shtëpi, ishte Sabiani.

Nuk doja ta bëja pjesë. Fjala tradhtare më ka mërzitur më shumë se çdo gjë tjetër brenda BB VIP. Nuk pimë një kafe, as një bisedë, e lashë me atë idenë që krijoi për mua.

Iliri ishte në Itali. Donaldi është ftuar, por ishte në një koncert, ashtu si Fifi dhe Big-u. Fifi ka ardhur në orën 1 e ca dhe unë po mbyllja ambientin dhe u ndamë nëpër pub-e. Nuk mbaroi aty festa, nuk kam fjetur gjithë natën.

Sabiani nuk erdhi të më sqaronte publikisht këtë, as personalisht. Se ne ishim të afërt, më thoshte je motra ime. Të më ftonte në kafe e të më thoshte “Monikë nuk e kisha për ty”. Unë jam njeri që fal shumë, por kur dikush më fyen realisht e kam pak të vështirë”, u shpreh ish-banorja e shtëpisë më të famshme në Shqipëri.

The post Sabiani tha se nuk e ftoi në ditëlindje, Monika Lubonja zbulon arsyen: Nuk e prisja nga ai… appeared first on Albeu.com.