Pas analizave të realizuara për kontrollin e cilësisë, NPK “Sharri” Tetovë njofton se uji në Poroj, Xhepçisht, Reçicë të Madhe dhe Reçicë të Vogël, në segmentin nga varrezat e fshatit Reçicë e Vogël deri në Reçicë të Madhe, nuk i përmbush kriteret për t’u përdorur si ujë i pijshëm.

Për këtë arsye, përdorimi i ujit për pije ndalohet deri në një njoftim të ri nga institucionet kompetente.

NPK “Sharri” sqaron se nuk ka përgjegjësi për furnizimin me ujë të këtyre fshatrave, pasi ato nuk janë të lidhura me sistemin e ujësjellësit të qytetit të Tetovës, i cili administrohet nga kjo ndërmarrje. Menaxhimi dhe furnizimi me ujë i këtyre vendbanimeve janë në kompetencë të strukturave përkatëse lokale.

Megjithatë, duke marrë parasysh rëndësinë e situatës dhe nevojën për mbrojtjen e shëndetit publik, banorët këshillohen ta respektojnë ndalesën dhe të mos e përdorin ujin për konsum, derisa të dalin rezultate që vërtetojnë sigurinë e tij për pije.

Për informacione të mëtejshme, NPK “Sharri” u bën thirrje banorëve t’u drejtohen institucioneve dhe bashkësive lokale përgjegjëse për këto sisteme ujësjellësi.

The post NPK “Sharri” pezullon përdorimin e ujit të pijshëm në Poroj, Xhepçisht dhe Reçicë appeared first on Albeu.com.

NPK “Sharri” ka bërë të ditur se uji që furnizon qytetin e Tetovës është i sigurt për konsum.

Analizat e realizuara nga Instituti i Shëndetit Publik – Qendra për Shëndet Publik Tetovë kanë vërtetuar në laborator se uji i rrjetit të furnizimit të qytetit përmbush kriteret e kërkuara të cilësisë dhe mund të pihet.

Sipas rezultateve të testimeve, si parametrat mikrobiologjikë, ashtu edhe ata fiziko-kimikë, janë brenda kufijve të lejuar nga standardet për ujin e pijshëm.

NPK “Sharri” Tetovë njofton se do të vijojë kontrollin e pandërprerë të cilësisë së ujit, si dhe angazhimin për t’u garantuar të gjithë qytetarëve furnizim të sigurt dhe cilësor.

Ndërmarrja i ka falënderuar qytetarët për mirëkuptimin dhe besimin e treguar.

The post Konfirmohet cilësia e ujit të pijshëm në Tetovë appeared first on Albeu.com.

Valon Zeqiri, drejtori i Ndërmarrjes Publike Komunale “Sharri”, njoftoi sot se uji në Tetovë është i sigurt për konsum, duke i ftuar banorët ta përdorin pa shqetësim.

Ai sqaroi se testimet e cilësisë kryhen rregullisht çdo ditë, një praktikë kjo e përforcuar pas incidentit të ndotjes në Gostivar.

Rezultatet më të fundit, të cilat dolën vetëm një orë më parë, i cilësoi si më të qartat deri tani, duke konfirmuar pastërtinë e ujit.

Zeqiri theksoi se autoritetet kanë forcuar mbikëqyrjen dhe se cilido që paraqet kërcënim për rrjetin e furnizimit do të përballet me sanksione.

The post Valon Zeqiri: Uji i Tetovës i sigurt për t’u pirë, analizat ditore e vërtetojnë appeared first on Albeu.com.