Në një intervistë me gazetaren Entjola Budo, Asllan Cenalia, thotë se vendimi ishte “vrasje për herë të dytë”, ndërsa thotë se vendimin do e bëjë rekurs në Gjykatën e Lartë.

“Vendimi është i papritur për mua si prind. Si punonjës policie nuk e prisja atë vendim, por shpresoj te drejtësia deri në fund. Vendimi është vrasje e dytë për mua, çfarë të them? Do vazhdojmë rrugët ligjore, jam punonjës policie, zbatimin e ligjit. Nuk ka më të rëndë se ajo që na ndodhi, por do mundohemi ta përballojmë. Do ta çojmë vendimin në Gjykatën e Lartë, shpresoj që do të vihet drejtësia në vend. Ia kam lënë drejtësisë, të bëjë punën e saj”, – u shpreh babai i policit të ndjerë.

Novruz Cenalia, u vra nga Azgan Mernica në 13 maj të vitit 2024, në fshatin Baltëz të Fierit, pas një sherri për motive të dobëta. Së fundmi, gjykata ka zbutur dënimin për autorin, nga burgim i përjetshëm në 35 vite heqje lirie.

The post Autorit që vrau policin në Fier iu hoq burgimi i përjetshëm, flet babai i viktimës: Drejtësia të vihet në vend appeared first on Albeu.com.

Ministri nënvizon se megjithëse nuk është njohur me arsyetimin e plotë të trupës gjyqësore, masa e dhënë, e cila është tejet e butë në raport me krimin e kryer, “është thellësisht shqetësuese”.

Reagimi i plotë:

Vendimi për zbutjen e dënimit ndaj autorit të vrasjes së një punonjësi të Policisë së Shtetit është thellësisht shqetësues. Edhe pse nuk jemi njohur ende me arsyetimin e plotë, vrasja e efektivit të ‘Shqiponjave’ Novruz Cenalia ishte një sulm i hapur ndaj vetë shtetit dhe rendit ligjor. Një akt i tillë nuk lëndon vetëm familjen e të ndjerit dhe dekurajon kolegët në uniformë, por rrezikon të japë një mesazh të gabuar për këdo që guxon t’i kundërvihet ligjit dhe shtetit të së drejtës. Respektojmë pavarësinë e gjyqësorit, por presim që drejtësia të jetë e fortë dhe në lartësinë e përgjegjësisë që ka ndaj qytetarëve dhe ndaj atyre që mbrojnë rendin çdo ditë. #LavdiDëshmorëvetëPolicisë🇦🇱

The post Autori i vrasjes së policit i shpëtoi burgut përjetë/ Ministri Lamallari: Sulm i hapur ndaj vetë shtetit dhe rendit ligjor appeared first on Albeu.com.

Ai është shpallur fajtor për kryerjen e veprave penale “Vrasja e punonjësve të Policisë së Shtetit”, “Mbajtja pa leje dhe prodhimi i armëve, armëve shpërthyese dhe i municionit” dhe “Drejtimi i automjeteve në mënyrë të parregullt”.

Azgan Mernica, ekzekutoi me plumb në kokë efektivin e “Shqiponjave”, Novruz Cenalia, ku krimi dyshohet se ka ndodhur pas një konflikti të çastit mes dy të rinjëve mesditën e 13 Majit të vitit të kaluar në fshatin Baltëz të Fierit.

Sipas organit të akuzës, shkaku i sherrit ka qenë futja e Azgan Mernicës me automjet me shpejtësi në kthesë dhe pa kontrolluar rrugën, duke rrezikuar jetën e banorëve të zonës.

“Nga hetimi dhe gjykimi , u provua tej çdo dyshimi të arsyeshëm se, në datë 13.05.2024, rreth orës 13:30, në fshatin Baltëz, Njësia Administrative Dërmenas, Bashkia Fier, i pandehuri Azgan Mërnica ka vrarë me armë zjarri punonjësin e Policisë së Shtetit Novruz Cenalia, i cili mbante veshur uniformën e Forcave Speciale “Shqiponja” që e bënte lehtësisht të shqueshme cilësinë e tij. Konflikti mes viktimës dhe të pandehurit ka lindur për shkak se ky i fundit, ndërsa drejtonte automjetin e tij, është futur në kthesë me shpejtësi, pa kontrolluar rrugën, duke përbërë rrezik për përdoruesit e rrugës.

Viktima i ka tërhequr vëmendjen të pandehurit për këtë veprim, shkak për të cilin i pandehuri ka ndaluar automjetin e tij, ka zbritur prej tij me çantën ku kishte armën e zjarrit dhe ndërsa shkonte drejt viktimës, i cili nuk kishte dalë nga mjeti i tij, ka nxjerrë armën e zjarrit dhe e ka mbushur atë dhe më tej situata ka përshkallëzuar ku i pandehuri Azgan Mërnica duke përdorur armën e zjarrit të llojit pistoletë ka shtënë drejt fytyrës së viktimës Nevruz Cenalia duke i shkaktuar atij vdekjen e menjëhershme”, – thuhej në njoftimin e Prokurorisë.

Sherri dyshohet se ka nisur për kalimin e një rruge të ngushtë në fshatin Baltëz, ku jetonte viktima, ndërsa autori i cili jetonte në fshatin pranë, Sulaj, kalonte shpesh.

Azgan Mërnica, e ka qëlluar me plumb në kokë efektivin, i cili ishte i veshur me uniformë, pasi ishte nisur për të marrë shërbimin.

Autori ndodhej me një automjet tip “Audi” bashkë me nënën e tij, Ajete Mërnica, teksa pas krimit është arratisur, ndërsa automjetin e kishte lënë tek shtëpia e dajës, rreth 4 km larg vendit të krimit.

Prej dy ditësh, Azgan Mërnica ishte në kërkim, teksa Policia kishte ofruar edhe 30 mijë euro shpërblim për këdo që jepte informacion të vlefshëm për kapjen e tij. Ai u vetëdorëzua pas negociatave me Policinë, teksa fshihej në fshatin Dërmenas.

The post Vrau efektivin e “Shqiponjave” Novruz Cenalia, dënohet me burgim të përjetshëm Azgan Mërnica appeared first on Albeu.com.

Ngjarja e rëndë ndodhi në fshatin Baltëz. Sipas informacioneve Novruz Cenaliaj 28 vjeç, veshur me uniformën e policit pati një konflikt të momentit me Azgan Mernicën.

Gjatë konfrontimit, 23 vjeçari e ka qëlluar me një plumb pas koke efektivin duke i shkaktuar vdekjen.

Ditën e djeshme ai dha dëshminë e tij lidhur me ngjarjen dhe pranoi se është autori i krimit.

Mërnica: Isha duke ikur nga qyteti në fshat. Kisha marrë makinën e dajës. Do shkoja te daja dhe do lija nënën time aty. Isha me shpejtësi dhe u shkëmbeva me policin, i cili po shkonte nga fshati në qytet. Gati sa nuk u përplasa me të dhe ai më bëri me shenjë që të ndaloja. Zbritëm nga makina dhe bëmë llafe. Ai më tha ku shkon me këtë shpejtësi dhe më ofendoi. Kur ma bëri me dorë mua mu duk sikur më shau. Unë u nxeha. Në momentin që u kthye nga makina unë nxora pistoletën dhe e qëllova me një plumb pas koke. Pastaj ika te daja dhe lashë makinën aty. Më pas u largova në këmbë në kanale. Kam lëvizur në këto kanale për 48 orë duke u fshehur. Po më hahej dhe bukë pasi kisha dy ditë pa ngrënë. Ika te shpija e dajës dhe këta kishin njoftuar policinë sepse kishin frikë se po më vriste RENEA. Pastaj më morën policët dhe më çuan në drejtori.

Arratia e te riut mori fund mbrëmjen e 13 majit, kur pas dy ditësh kërkime në disa zona të Fierit nga policia dhe forcat RENEA, ai u vetdorëzua në polici nga familjarët.

Këto janë momentet e filmuara nga vetë familjarët e të riut, që tregojnë 23-vjeçarin duke hipur në një makinë me disa të afërm dhe me një prej efektivëve që bëri negociatorin.

Azgan Mërnica është shfaqur i qetë dhe madje i buzëqeshur, ndërsa familjarët i jepnin kurajo.

“Hajde zoti para”.

Por jo vetëm kaq: në sy të policisë, familjarët i treguan se ata do t’i garantonin gjithcka edhe duke qenë pas hekurave.

Ne fillim të afërmit e të riut nuk kanë qenë bashkëpunues me policinë për ta bindur autorin të vetëdorëzohej, por pasi RENEA lokalizoi zonën ku ndodhej ai, i kërkuan familjarëve edhe njëherë të ndërhynin për dorëzimin në të kundërt ata do të vepronin sipas ligjit përsakohë ai kishte edhe armën e krimit me vete.

Fill pas kësaj, Azgan Mërnica u gjet në fshatin Dërmenas ku babai i tij dhe një nga efektivët, e bindën të riun të dilte vetë.

28-vjeçari Novruz Cenalia u vra me një plumb në kokë më 13 maj 2024 në fshatin Baltëz të Fierit. Ai ishte nisur për të shkuar në punë, por u përfshi në një debat me Azgan Mërnicën, për radhën e kalimit me makinë në një rrugë të ngushtë. Në këtë moment, 23-vjeçari nxori pistoletën që e mbante me vete dhe me një plumb në kokë la të vdekur në vend efektivin.

Ndaj tij rëndojnë akuzat e  ‘Vrasjes së punonjësve të policisë së shtetit’ dhe ‘Mbajtja pa leje e armëve’./albeu.com

The post Vrau policin me plumb pas koke, Azagn Mërnica del sot para Gjykatës appeared first on Albeu.com.

Nënkryetarja e Kuvendit, Ermonela Felaj, njëherësh deputete e PS, duke ju referuar Strukturës së Armatosur për Mbrojtjen e Votës të PD në zgjedhjet e vitit 2021 ka kërkuar nga SPAK që të nisë një hetim, pasi kjo strukturë ka prodhuar disa ngjarje kriminale.

Azgan Mërnica autori i vrasjes së efektivit Cenalia ka qenë pjesë e Strukturave të Armatosura të PD në vitin 2021, ndërsa ka pozuar edhe krah deputetit demokrat Luan Baçi.

Gjithashtu në foto është edhe vëllai i tij, Kiri Mërnica i cili tashmë ndodhet në burg, i dënuar me 19 vite për vrasje. Po ashtu felaj solli në kujtesë edhe ngjarjen e 21 prillit të vitit 2021 ku në mes të Elbasanit u vra mjeku Pjerin Xhuvani nga ana e Arbër Paplekajt i cili ishte pjesë e Strukturave të Armatosura të mbrojtjes së votës së PD.

“Ka të dhëna nga media, që janë konfirmuar edhe përmes qëndrimeve që kanë mbajtur kolegë deputetë që këta njerëz janë përdorur nga politike në zgjedhjet e 2021. U krijuan të ashtuquajtura struktura të votës për të cilat disa kolegë të opozitës thanë se kemi marrë njerëz profesionistë për të mbrojtur votën. Ngjarja në Elbasan, ngjarja në Fier… Është dhe dikush tjetër që është duke vuajtur dënimin me burg për mbrojtjen e votës në qarkun e Fierit”, tha Felaj.

E zhgënjyer Felaj u shpreh dhe nga reagimet e deputetëve të opozitës sa i përket vrasjes së policit.

“Unë besoj se edhe politika duhet të gjejë një përgjegjësi të vetën, sepse mënyra sesi ne sillemi e artikulohemi sesi kërkojmë të bëjmë për vete qytetarë, duke harruar se policët janë punonjës shteti, në funksion të institucioneve të shtetit e jo në funksion të politikanëve. Të heqim dorë nga mentalitetet e të shkuarës. E thashë, deputetë tanët këtu kanë mbajtur deklarata zhgënjyese as nuk kanë ngushëlluar për humbjen e një jete të re të një punonjësi me uniformë, as nuk janë distancuar nga personi në fjalë as nuk i kërkuan që të dorëzohej, e për më tepër i kanë bërë këto deklarata teksa mbahej protesta para bashkisë Tiranë“, shtoi deputetja./albeu.com 

The post Azgan Mërnica pjesë e strukturës për mbrojtjen e votës së PD në 2021, Felaj: SPAK të hetojë, kolegët e opozitës na zhgënjyen appeared first on Albeu.com.

Kreu i Shtetit dërgoi një kurorë në homazhet e lamtumirës që u zhvilluan sot në qytetin e Fierit.

“Në këto çaste të vështira shpreh mbështetjen time për ju, të afërmit, miqtë dhe kolegët e Novruzit”, – shkruan Presidenti Begaj në mesazhin e ngushëllimit.

Gjithashtu, Kreu i Shtetit e dënon aktin kriminal, duke shprehur bindjen se institucionet përkatëse do të vënë përpara përgjegjësisë autorin e kësaj ngjarjeje tragjike, i cili i mori jetën të riut me uniformë.

Mesazhi i ngushëllimit:

“Të dashur familjarë!

Jam thellësisht i tronditur për ndarjen nga jeta të djalit tuaj, punonjësit të Policisë së Shtetit, Novruz Cenalia.

Asgjë nuk e lehtëson dhembjen që po përjetoni, por më lejoni që në këto çaste të vështira të shpreh mbështetjen time për ju, të afërmit, miqtë dhe kolegët e Novruzit.

E dënoj me forcë këtë akt kriminal dhe shpreh bindjen se institucionet përkatëse do të vënë përpara drejtësisë autorin e kësaj ngjarjeje tragjike.

Ju lutem, pranoni ngushëllimet e mia të sinqerta”.

The post Presidenti Begaj shpreh ngushëllime ndaj familjarëve të policit të vrarë Novruz Cenalia appeared first on Albeu.com.

Në hollin e Teatrit Bylis në Fier, është vendosur arkmorti me trupin e pa jetë të efektivit të policisë, ku do të kryhen homazhe nga familjarë, kolegë, qytetarë dhe autoritete për t’i dhënë lamtumirën e fundit.

Më pas arkmorti me trupin e tij, do të përcillet në banesën e fundit në varrezat e fshatit Baltëz.

Efektivi i policisë Novruz Cenalia, u vra dy ditë më parë në fshatin Baltëz pas një konflikti të çastit me 23-vjeçarin Azgan Mernica, i cili pas kryerjes se kësaj vrasje është në arrati.

Prej dy ditësh forcat e policisë, forcat speciale RENEA, kanë vijuar kërkimet për gjetjen e autorit, duke u shtrirë në disa qytete të jugut të vendit.

The post U vra dy ditë më parë, 28-vjeçari Novruz Cenalia përcillet sot në banesën e fundit, mbahen homazhe në nder të tij appeared first on Albeu.com.

Policia e Shtetit dhe RENEA vijojnë intensivisht aksionin për gjetjen e 23-vjeçarit, i cili është i armatosur.

Azgan Mernica qëlloi Cenalian me plumb në kokë pas një konflikti të çastit për vendin e makinës. Pasi e qëlloi autori mori makinën, e la te shtëpia e dajës dhe u arratis në këmbë nëpër ara. Sakaq, pasditen e sotme policia ka zgjeruar kërkimet për autorin pasi dyshohet se është larguar në drejtim të Gjirokastrës apo Tepelenës.

Burime të policise së Fierit bëjnë me dije se një person i ngjashëm me autorin është parë në Gjirokaster. Policia po verifikon informacion e marrë dhe për këtë ka lajmëruar policinë e Gjirokastrës.

Gjithashtu Policia ngre dyshimet se Mërnica mund të tentojë të kalojë kufirin e të arratiset drejt Greqisë. Ndërkohë kontrollet vijojnë ne fshatin Pojan. Kontrolle po bëhen po bëhen edhe në stane e tunele në Tepelenë.

Janë  shoqëruar mbi 10 persona për tu pyetur për ngjarjen. Mes tyre janë edhe prindërit e autorit të dyshuar, Petrit dhe Ajete Mernica. Kjo e fundit ishte dëshmitare e krimit, pasi ishte në makinë me të birin kur ndodhi ngjarja.

Ajete Mërnica është shprehur se gjithçka ka ndodhur shumë shpejt. Ka parë djalin të zbresë nga makina dhe të konfliktohet me policin.

Aty ka dëgjuar një të shtënë arme, dhe më pas djali i saj ka hyrë në makinë dhe kanë ikur në drejtim të banesës së vëllai të Ajete Mernicës. Ajo ka deshmuar se i biri iku me vrap pa i thënë se ku do shkonte.

Ngjarja e rëndë ndodhi, pak pas mesditës së të hënës, në fshatin Baltëz të Fierit, ku 28-vjeçari Novruz Cenalia mbeti i vrarë me armë zjarri, teksa ishte i veshur me uniformë policie, pasi po shkonte të merrte detyrën.

Ndërsa autori i dyshuar u largua me shpejtësi me një audi ngjyrë blu, të cilën e braktisi në afërsi të shtëpisë së një familjari për tu larguar në këmbë drejt fshatit Havaleas dhe më pas në Apoloni.

Pavarësisht kontrolleve edhe me dron, policia nuk ka ende asnjë gjurmë të tij, ndërkohë që ofron 30 mijë euro shpërblim për çdo informacion të vlefshëm që do të çojë në kapjen e autorit./albeu.com

The post Azgan Mërnica ende në arrati, vrasësi i policit dyshohet se është parë në Gjirokastër, mund të dalë jashtë Shqipërisë appeared first on Albeu.com.

RENEA dhe policia, kanë bindjen se ai fshihet në zonën e Apolonisë së Fierit dhe Havaleas.

Ndërkohë, burime bëjnë me dije se i ati i autorit është dënuar me 20 vite burg, për vrasjen e kunatit.

Ndërkohë, vëllai i tij është dënuar me 19 vite burg për vrasje.

Vëllai tjetër është në burg në Gjermani.

Autori e ka armën e krimit me vete, teksa mësohet ai ka kaluar në zonën e Apolonisë.

Aktualisht, janë duke u kryer kontrolle dhe banesa në Apoloni.

The post Vrau efektivin Novruz Cenalia, Asllan Mernica me rrezikshmëri të lartë, krimet e familjarëve appeared first on Albeu.com.

Babai i të ndjerit, fatkeqësisht mori lajmin tragjik të vrasjes së djalit efektivit të “Shqiponjave”, Novruz Cenalia, gjatë kohës që ndodhej në punë.

28-vjeçari, jeta e të cilit u ndërpre tragjikisht mesditën e së hënës në fshatin Baltëz të Fierit, do të përcillet paraditen e nesërme drejt banesës së fundit.

Por shkaqet për vrasjen e tij me një plumb në kokë në mes të rrugës, janë ende të paqarta.

Shumë pikëpyetje ka për vdekjen e efektivit të “Shqiponjave”, i cili të hënën po shkonte për në punë, kur u qëllua për vdekje me pistoletë nga Azgan Mërnica.

Ky i fundit, vetëm 23-vjeç, u arratis menjëherë pas krimit. Pavarësisht kontrollove të shumta në disa fshatra të Fierit ku dyshohet se ai fshihet, deri në këto momente arrestimi i tij nuk është bërë ende i mundur.

Duket se edhe thirrjet publike si ajo e ministrit të Brendshëm, Taulant Balla një ditë më parë për t’u vetëdorëzuar, kanë rënë në vesh të shurdhët.

Autoritetet hetimore mësohet se kanë sekuestruar kamerat në zonë, në përpjekje për të zbuluar dinamikën e qartë të gjithçka ndodhi një ditë më parë, që çoi në ekzekutimin e Novruzit.

Me dhjetëra persona, kryesisht familjarë e të afërm të autorit të ngjarjes, janë marrë në pyetje.

Nuk dihet nëse ata kanë dhënë informacione të vlefshme për policinë. Policia ka vënë edhe një shpërblim prej 30 mijë eurosh, për këdo që do të japë informacione që do të çojnë në arrestimin e autorit të dyshuar.

Sa i përket arsyeve, pistat janë disa. Policia zyrtarisht insiston se ngjarja ka ndodhur për shkak të një konflikti të çastit. Por, pistë tjetër mbeten dhe ngjarje të shkuara e për pasojë, vrasja mund të ketë ardhur në shenjë hakmarrje apo gjakmarrje.

Si autori i dyshuar, ashtu sikurse viktima rezultojnë të dy me origjinë nga Hasi. Babai i viktimës, efektiv prej vitesh në radhët e policisë para viteve 2000, raportohet të ketë qëlluar për vdekje një person me rrezikshmëri të lartë, gjatë një operacioni policor.

Teksa vetë 23-vjeçari Azgan Mërnica nuk rezulton me precedentë penalë, vëllai i tij ndodhet aktualisht në burg, i akuzuar për vrasje.

Mbetet për t’u sqaruar se cila është arsyeja që 23-vjeçari i mori jetën efektivit Cenalia. Ishte një sherr banal i çastit që e çoi të hapte zjarr në drejtim të uniformës së policisë? Apo ngjarjet e së shkuarës e çuan të qëllonte në shenjë hakmarrje?

The post Momenti rrëqethës kur babai polic, mësoi për vrasjen e djalit të tij Novrus Cenalia appeared first on Albeu.com.