Pas vazhdimeve dhe një sfide që mbeti e hapur deri në çastet e fundit, Argjentina triumfoi 3-1 ndaj Zvicrës dhe siguroi një vend në gjysmëfinale të Kupës së Botës 2026.

Golave të argjentinasve iu vunë firmat Alexis Mac Allister, Julian Alvarez dhe Lautaro Martinez, ndërsa për Zvicrën realizoi vetëm Dan Ndoye. Që nga minuta e 72-të, helvetët mbetën me 10 lojtarë pas përjashtimit të Breel Embolos me kartonin e dytë të verdhë.

Sipas vlerësimit të Sofascore, lojtari më i spikatur i takimit ishte Lionel Messi, i cili mori notën 8.9. Edhe pse nuk shënoi, kapiteni i Argjentinës kontribuoi me një asist dhe ishte pika kryesore e aksioneve sulmuese të skuadrës së Lionel Scalonit.

Te fituesit, paraqitje të vlerësuara mirë patën edhe Alexis Mac Allister dhe Julian Alvarez, të cilët u notuan me 7.6 pas golave dhe lojës së tyre pozitive.

Nga ana e Zvicrës, nota më e lartë shkoi për Granit Xhakën. Mesfushori u vlerësua me 7.4, falë një performance të qëndrueshme dhe përkushtimit të treguar gjatë gjithë përballjes.

Ndeshjen më të vështirë e pati Breel Embolo. Sulmuesi zviceran u ndëshkua me karton të kuq në pjesën e dytë dhe u vlerësua me notën 5.9, që ishte më e ulëta mes të gjithë futbollistëve që morën minuta në këtë duel.

Notat e lojtarëve të Argjentinës dhe Zvicrës

The post Vlerësimet e ndeshjes Argjentinë 3-1 Zvicër: Messi spikat për kampionët, Xhaka më i dalluari te zviceranët appeared first on Albeu.com.