nokia Archives - Albeu.com

Nokia 3210 do të rikthehet? Ja çfarë po flitet rreth telefonit legjendar

D Marku — Tue, 02 Apr 2024 10:34:44 +0000

HMD mund të prezantojë një version të ri të telefonit Nokia 3210 në muajin maj.

Prodhuesi finlandez i celularëve njoftoi se një telefon i ri Nokia do të arrinte në muajin maj në Kongresin Botëror të Celularëve muajin e kaluar.

Marka ndau gjithashtu një imazh me piksel të një telefoni Nokia në një nuancë të verdhë me etiketën “Një ikonë kthehet këtë maj”.

Meqenëse postimi X u publikua në ditëlindjen e 25-të të Nokia 3210, ky model mendohet se do të rikthehet përsëri në treg.

An icon returns this May. #Nokiaphones

Be first to hear more: https://t.co/2P7IwyjzpA pic.twitter.com/lIRBu9YF7v

— HMD (@HMDdevices) March 18, 2024

The post Nokia 3210 do të rikthehet? Ja çfarë po flitet rreth telefonit legjendar appeared first on Albeu.com.

Gjërat që nuk i dinit për Nokia-n!

D Marku — Wed, 06 Mar 2024 18:57:42 +0000

Sa mirë e njihni vërtet Nokia-n? Epo, shumica prej nesh e dinë se ata prodhojnë telefona celularë dhe ndoshta se ata janë një kompani me bazë finlandeze.

Ka shumë informacione më interesante që ndoshta nuk i keni ditur për Nokia-n – hidhini një sy fakteve interesante që nuk i dinit për Nokia-n, të cilat i kemi mbledhur më poshtë:

Emri Nokia vjen nga lumi ‘Nokianvirta’ i cili rrjedh nëpër qytetin ‘Nokia’ në rajonin e Pirkanmaa.
Para se të fokusohej në produktet e telekomunikacionit, Nokia prodhonte goma, çizme gome dhe televizorë, ndër të tjera produkte!
Melodia me temë Nokia fillimisht u kompozua nga Francisco Tarrega, një kompozitor dhe kitarist spanjoll me ndikim i periudhës romantike.
Toni ‘special’ në telefonat Nokia kur merrni mesazhe SMS është në të vërtetë kodi Morse për ‘SMS’.
Thirrja e parë GSM në botë u bë në vitin 1991 në Helsinki përmes një rrjeti të furnizuar nga Nokia, nga kryeministri i atëhershëm i Finlandës, Harri Holkeri, duke përdorur një telefon Nokia.

The post Gjërat që nuk i dinit për Nokia-n! appeared first on Albeu.com.

Nokia do të shkurtojë rreth 14 mijë vende pune

E B — Thu, 19 Oct 2023 14:17:56 +0000

Gjiganti finlandez i telekomunikimeve, Nokia, do t’i shkurtojë mes 9.000 deri në 14.000 vende të punës deri në fund të vitit 2026, për t’i ulur shpenzimet.

Njoftimi është bërë pasi kompania ka regjistruar 20 për qind rënie në shitje në periudhën korrik- shtator.

Kompania ia ka atribuuar uljen, zvogëlimit të kërkesës për pajisje të gjeneratës së pestë të komunikimeve (5G) në tregjet e Amerikës Veriore.

Aktualisht kompania i ka 86.000 punëtorë në gjithë botën, por e ka shkurtuar numrin e stafit qysh prej vitit 2015.

Nokia ka thënë se dëshiron t’i ulë shpenzimet mes 800 milionë euro deri në 1.2 miliard euro deri më 2026.

Megjithatë, nuk ka treguar se cilët sektorë do të preken më shumë.

The post Nokia do të shkurtojë rreth 14 mijë vende pune appeared first on Albeu.com.

LISTA/ 10 telefonët mobile që bënë historinë që nga viti 1984 (FOTO LAJM)

E S — Thu, 11 Aug 2022 13:39:23 +0000

Që nga Motorola e viteve 80’ e më pas tek tulla Nokia 3310 deri tek Samsung Galaxy Note 7, këta janë telefonët me më influencë në histori.

Shumë prej tyre kanë lënë gjurmë për mirë në histori, e vetëm një për keq. Që nga telefoni i parë mobil, tek telefoni i parë me kapakë, tek telefoni i parë me ekran me prekje tek telefonët inteligjentë.

Kush janë telefonët që kanë lënë gjurmë që nga 1984?

MOTOROLA DYNATAC, 1984 Këtu filloi e gjitha. DynaTAC është telefoni i parë mobil i prodhuar ndonjëherë në 1984. Duheshin 10 orë për karikimin e tij dhe jetëgjatësia e baterisë ishte vetëm 30 minuta. Telefoni ruante 30 numra dhe kushtonte 4,000 dollarë ose 9,500 dollarë me paratë e ditëve të sotme.

MOTORLA STARTAC, 1996
Telefoni i parë me kapak ishte StarTAC, pikënisja e një revolucioni të ri i cili vijoi me telefonët me shinë. Kushtonte 1,000 dollarë dhe ishte një sukses i vërtetë.

NOKIA COMMUNICATOR, 1996
Telefoni i parë inteligjentë ishte Nokia Communicator. Kishte 8 megabajt memorie të brendshme ku vetëm 4 megabajt mund të përdoreshin.
Dizajni ishte i atillë për të akomoduar një tastierë dhe mund të shfletonte në ueb, të dërgonte e-mail dhe të menaxhonte informacionin.
E vetmja gjë që nuk kishte ishin aplikacionet. Telefoni peshonte 400 gram.

NOKIA 6120, 2000
I përshkruar si telefoni AK-47, Nokia 6210 ishte një prej telefonëve më të përdorur dhe sot e kësaj dite vijon të përdoret. Telefoni mbante baterinë për 9 ditë me radhë.

NOKIA 3310, 2000
Telefoni nisi rrugëtimin si Nokia 3210 por 3310 solli dy veçori të reja: Xpress-On dhe një modalitet Silent.
Gjithashtu ishte telefoni i parë që mund të kombinonte 3 SMS në një të vetëm si dhe sillte lojën shumë pëlqyer Snake II dhe Space Impact.

TREO 180, 2002
I mbajtur mend si Palm Treo, telefoni me sistemin operativ Palm OS filloi si Handspring Treo 180.
Telefoni ishte me kapakë dhe kishte ekran me prekje. Madje kishte aplikacione të ngjashme me ato që njohim sot.
Palm Treo u zëvendësua në 2009 nga Palm Pre.

MOTOROLA RAZR, 2004
Razr ishte telefoni i fundit me kapakë që palosen i cili shndërroi telefonët nga thjeshtë mjete pune dhe komunikimi edhe në aksesorë mode.
Jo vetëm që ishte më i hollë por edhe më fantastik se ç ’kishim parë deri atë kohë. Ekran me ngjyra dhe kapakë prej metali. Madje edhe një portë miniUSB për karikim dhe muzikë.

BLACKBERRY CURVE, 2007
Dy telefonë inteligjentë të rëndësishëm debutuan në 2007-ën. I pari ishte BlackBerry Curve 8300 dhe kishte një tastierë të plotë QWERTY, një kamër e një mori funksionalitetesh që shumë përdorues nuk i gëzonin atë kohë.
Telefoni i dytë i rëndësishëm? iPhone.

IPHONE, 2007
Padyshim një prej telefonëve më të rëndësishëm të dekadës së fundit ishte iPhone.
Ky telefoni revolucionar hodhi tutje çdo gjë që kishin telefonët e atyre viteve duke sjellur ekranet me prekje si ardhmja.
Dhe ashtu ndodhi, ekranet me prekje sot janë e ardhmja dhe revolucioni i iPhone ngjiti Apple në majat e suksesit.

SAMSUNG GALAXY NOTE 7, 2016
Janë të paktë telefonët famëkeq dhe Note 7 ishte një prej tyre. Kompania shtyu drejt limiteve dizajnin e një phableti i cili kishte ekran të lakuar, skaner irisi, rezistencë ndaj ujit e madje edhe një stylus.
Por gjërat nuk shkuan ashtu siç Samsung e kishte parashikuar. Note 7-ta do të mbahet mend gjithnjë si telefoni shpërthyes i Samsung.

The post LISTA/ 10 telefonët mobile që bënë historinë që nga viti 1984 (FOTO LAJM) appeared first on Albeu.com.

Rritje e shitjeve me 200% e telefonave NOKIA, arsyeja përse po shiten në mase këto kohë

E B — Mon, 14 Feb 2022 11:13:07 +0000

Kompania izraelite e specializuar në prodhimin e telefonave celularë Nokia ka deklaruar se ka pasur një rritje prej 200 për qind në shitjet e telefonave të modelit të vjetër gjatë javës së fundit, pasi njerëzit nuk duan t’i përgjohen celularët me softuer të sofistikuar.

Ky mobilizim erdhi pasi ata u njoftuan se policia po vëzhgonte një numër të madh qytetarësh.

Telefonat celularë të thjeshtë ose ata që nuk bëjnë pjesë në atë që quhet telefona inteligjentë, kanë qasje të kufizuar në internet dhe aplikacionet si WhatsApp, Telegram, fakt që i bën më të sigurt nga përgjimet.

Telefonat celularë të zyrtarëve të lartë, aktivistëve, gazetarëve, si dhe anëtarëve të familjes dhe këshilltarëve të ish-kryeministrit izraelit, Benjamin Netanyahu ishin monitoruar gjithashtu nga policia. Si rrjedhojë brenda një jave u shitën 4000 modele të vjetra të Nokias.

כבר שנים שכולם שואלים איך אני מסתדר בלי סמארטפון – היום כולם מבינים שאני מסתדר מצוין! pic.twitter.com/nC5HFOTDkv

— אביגדור ליברמן (@AvigdorLiberman) February 7, 2022

The post Rritje e shitjeve me 200% e telefonave NOKIA, arsyeja përse po shiten në mase këto kohë appeared first on Albeu.com.