Egnatia duhet të fitojë në Slloveni, pasi vetëm ky rezultat do t’i mbante gjallë shpresat për të vazhduar rrugëtimin në Champions League.

Skuadra e drejtuar nga Nevil Dede ka udhëtuar drejt Sllovenisë pas barazimit 3-3 në Rrogozhinë dhe po zhvillon përgatitjet e fundit për përballjen me NK Celje. Ndeshja do të luhet nesër, duke nisur nga ora 20:15, në “Z’dezele Stadium”.

Gjashtë golat e shënuar në takimin e parë dhuruan një sfidë përgjithësisht spektakolare, ndaj pritet që edhe dueli i kthimit të ketë një rrjedhë të ngjashme. Kampionët e Shqipërisë do të luajnë gjithçka për gjithçka në këtë përballje.

Nëse rrogozhinasit triumfojnë në këtë duel, do të realizonin një tjetër hap të rëndësishëm në aventurën evropiane. Në skenarin më të favorshëm, edhe nëse rrugëtimi i tyre në Champions do të përfundonte, ata do të afroheshin ndjeshëm me grupet e Conference League.

The post Egnatia kërkon në Slloveni fitoren që e mban në garë për kualifikimin në Champions League appeared first on Albeu.com.

Sot, skuadra e Egnatias pret në shtëpi NK Celjen për ndeshjen e parë të raundit të dytë kualifikues të Ligës së Kampionëve. Takimi do të startojë në orën 21:00 në stadiumin “Arena Egnatia” në Rrogozhinë.

Në kampin e kampionëve shqiptarë, gjendja shpirtërore është optimiste dhe e karakterizuar nga një vullnet i fortë për të ofruar një paraqitje cilësore. Një rezultat favorizues do t’i jepte një dorë të madhe formacionit të drejtuar nga Nevil Dede përpara ndeshjes së kthimit në tokën sllovene.

Pavarësisht se në analizat paraprake, ekipi shqiptar nuk shihet si favorit për shkak të hendekut cilësor, rrogozhinasit janë të vendosur të prodhojnë një tjetër suprizë në këtë turne elitar. Kjo mbështetet edhe nga përvoja e raundit të parë, ku ata mposhtën Petrocubin e Moldavisë.

Sa i përket sfidës së kthimit, ajo është programuar për të martën e javës që vjen, më 28 korrik, në stadiumin “Stadion Z’dezele”, me fillim në orën 20:15.

The post Egnatia sfidon Celjen në Champions, kampionët shqiptarë synojnë një tjetër befas në Rrogozhinë appeared first on Albeu.com.

Me skuadrën e re, Tusha ka nënshkruar një marrëveshje 3-vjeçare, e cila do ta mbajë të lidhur me klubin deri në verën e vitit 2029. Për transferimin e tij, Celje ka paguar 250 mijë euro.

Gjatë karrierës së tij, 23-vjeçari e ka nisur rrugëtimin te Vardari. Më pas ai ka qenë pjesë e Denizlispor, Nieciecza, Ballkani dhe Dinamo City në Superioren e Shqipërisë.

Ndërkohë, NK Celje mund të vendoset përballë Egnatias në turin e dytë të UEFA Champions League. Një skenar i tillë bëhet realitet nëse rrogozhinasit arrijnë të eliminojnë moldavët e FC Petrocub në raundin e parë kualifikues.

The post ZYRTARE/ Veton Tusha largohet nga Drita, NK Celje paguan 250 mijë euro për ish-sulmuesin e Superiores appeared first on Albeu.com.

Klubi slloven bëri të ditur se ka gjetur akordin me kampionin e Kosovës për kalimin e anësorit 23-vjeçar, i cili ka vendosur firmën në një marrëveshje afatgjatë që zgjat deri më 30 qershor 2029.

Në njoftimin e tij, Celje vlerësoi paraqitjet që Tusha kishte bërë në duelet mes dy ekipeve në eliminatoret e Ligës së Konferencës, duke nënvizuar se shpejtësia dhe cilësitë e tij në fazën sulmuese i kishin shkaktuar shumë vështirësi prapavijës sllovene.

Gjatë sezoneve të fundit, Tusha ishte ndër figurat më të rëndësishme të Dritës dhe kontribuoi që skuadra nga Gjilani të shpallej kampione e Kosovës për të dytin sezon rresht.

Rrugëtimi i tij në futboll nisi në Kaçanik, ndërsa më pas vazhdoi te Vardari, përpara se të transferohej në Turqi. Me Denizlisporin, ai spikati që në moshë të re, duke u bërë golashënuesi më i mirë i Superligës turke në moshën 18-vjeçare.

Më pas ai pati një eksperiencë në Poloni te Termalica, por nuk arriti të debutonte dhe më vonë u kthye sërish në futbollin kosovar.

Me Ballkanin fitoi dy herë radhazi titullin e kampionit, ndërsa në karrierën e tij pati edhe një qëndrim të shkurtër te Dinamo City në Shqipëri.

Në dy edicionet e fundit me Dritën, Tusha realizoi 16 gola dhe dha gjashtë asistime, shifra që e shtynë Celjen të investojë për ta afruar në skuadër.

The post Celje prezanton Veton Tushën, kosovari firmos deri më 2029 appeared first on Albeu.com.