Së fundmi, Kertalli ka qenë pjesë e kastit të filmit më të ri shqiptar “Njerëz dhe fate”, ku mbante rolin e një vajze të quajtur Ana.

E pyetur nga moderatorja se sa është paguar, ajo zbuloi vlerën marramendëse që ka marr nga ky projekt.

Një pjesë nga intervista:

Esteri: Sa je paguar.

Hilda: Vlera më e madhe që kam marr në këtë film ka qenë eksperienca që fitova. Është një vlerë marramendëse dhe mendoj se në çdo punë vlera më e madhe është eksperienca që fiton dhe jo pagesa.

The post Modelja e njohur zbulon detaje nga filmi “Njerëz dhe Fate”: Vlera më e madhe ishte… appeared first on Albeu.com.

Gjatë bisedës teksa aktori foli për jetën e tij profesionale, nuk mund të mos përmendej seriali aq shumë i dashur dhe i kërkuar “Njerëz dhe Fate”. Lajmi se ky serial do të rikthehej me seri të reja padyshim gëzon të gjithë artdashësit.

Arben Derhemi e cilësoi “Njerëz dhe Fate” si sfidën e jetës së tij.

“Po mos ta merrja unë këtë hap nuk do të bëhej e mundur”, tha ai. Arbeni, i cili ka patur personazhin e Florit te “Njerëz dhe Fate” tha se dhe vazhdimi, sikurse pritet, do të jetë shumë i suksesshëm dhe se ngjarjet do të jenë edhe më të forta se në seritë e para.

Ai zbuloi se kasti i aktorëve do të jetë 80% i atyre që kanë qenë, duke filluar nga vetë ai, Robert Ndrenika, Alfred Trebicka, Eni Jani, Pavlina Mani e cila do të jetë sa në Amerikë aty ku ajo jeton, sa në Shqipëri, “Do ta ndërlidhim me jetën e saj atje”, tha ai.

Arbeni zbuloi se si fillim do të ketë 15 seri, pasi është një punë e madhe dhe duhet shumë investim, “Është një staf prej 45 vetësh, të cilët për rreth dy muaj e gjysmë do të spostohen në vende të ndryshme të Shqipërisë dhe Kosovës”.

Flori tha gjithashtu se aktorja Arta Muçaj, që luante personazhin e Didit, do të jetë gjithashtu në serial, por do të ketë edhe personazhe të tjera që do të jenë në krah të tij./bw

The post “Njerëz dhe Fate, sfida e jetës sime”, Arben Derhemi zbulon aktorët e serialit me 15 seri të reja appeared first on Albeu.com.

Kështu ka deklaruar një nga protagonistët e serialit të famshëm shqiptar, aktori Arben Derhemi i cili sinjalizoi këtë rikthim pak kohë më parë me anë të një postimi në rrjetet sociale.

Derhemi deklaroi në RTSH se kur e jep fjalën e mban deri në fund, duke nënkuptuar se seriali shumë i dashur për shqiptarët do të rikthehet sërish.

“Unë kam hedhur dika në rrjetet sociale dhe atë e di unë si personi që do jem edhe producent i 10 serive të ardhshme. Kur jap fjalën e mbaj deri në fund atë fjalë. Kështu që atë e di unë”, deklaroi ai.

Të njëjtën gjë pohuan edhe protagonistët e tjerë të këtij filmi të cilët ishin të ftuar në program.

The post Rikthehet seriali “Njerëz dhe fate” në 2023? Arben Derhemi: Kur jap fjalën e mbaj deri në fund (FOTO LAJM) appeared first on Albeu.com.

“Kur bëri postimin e parë Beni, nuk e ke idenë sa mesazhe më kanë ardhur, nga të njohur dhe të panjohur dhe nuk çfarë përgjigjie t’i jepja sepse dhe unë aty e kisha parë për herë të parë, nuk është se kisha ndonjë informacion. Mesa duket Beni e ka marrë seriozisht këtë pjesë, po përpiqet, ka marrë pozicionin e producentit, është duke lëvizur, duke lobuar, në kontakte me skenaristin Ruzhdi Pulahën sepse Ruzhdiu i ka të shkruara 10 seritë e tjera që nuk kanë arritur kurrë të shohin dritën, por normalisht vitet kanë bërë të vetën dhe normalisht, duhet të vihet dorë në skenar dhe po punohet për këtë skenar.

Nuk e di do arrijë dot në 2023 të fillojnë xhirime apo jo, se dihet se çfarë peripecish janë dhe sa punë duhet deri tek momenti kur duhet të vijë caku i parë. Kështu që uroj më të mirën që vërtet të tërheqë vëmendjen e dikujt. Uroj shumë që të jetë në RTSH rikthimi, në të kundërtën pastaj do jetë diku tjetër, por vëmendjen do ta ketë po njësoj sepse njerëzit e presin dhe e duan,”- tha ajo.

The post Eni Jani konfirmon rikthimin e serialit “Njerëz dhe Fate” appeared first on Albeu.com.

“Njerëz dhe fate” telenovela e parë shqiptare, rreth vitit 2002-2003 pasqyronte aktualitetin shqiptar në atë kohë dhe ka vlere edhe sot të shikohet. Ajo pasqyronte problemet sociale në atë kohë. 10-seritë e para patën një sukses të madh dhe kjo i detyroi edhe grupin realizues të vazhdonin më tej. Në epiqendrën e kësaj telenovele është vendosur një familje e zakonshme shqiptare me hallet, vuajtjet dhe problemet e kohës.

The post Rikthimi i “Njerëz dhe Fate”, Arben Derhemi ndan foton me Erën dhe dajën: Përgatitjet vazhdojnë appeared first on Albeu.com.

“Sot e deklaroj rifillimin e serialit …”Njerez dhe fate”..Eshte gati..”, ka shkruar Arben Derhemi dhe ky ishte i vetmi informacion që ai dha për ndjekësit.

Lajmi u prit me entuziazëm, por kurioziteti është i madh. Pyetje të shumta ksihte edhe për “Didin”, një nga personazhet me më shumë ndikim në serial edhe pse ishte në rol negativ, shkruan Albeu.com.

Aktorja që luan Didin është Arta Muçaj e cila ka lënë edhe një LIKE në postimin e aktorit. Nuk dihet nëse kjo është një konfirmim nga ana e saj se do të jetë sërish pjesë e serialit apo thjesht një pëlqim për kolegun.

The post Arben Derhemi njoftoi rikthimin e “Njerëz dhe Fate”, a do të rikthehet edhe Didi? Aktorja nxit dyshimet (FOTO LAJM) appeared first on Albeu.com.

Mbrëmjen e sotme, aktori Arben Derhemi ka publikuar një foto me Robert Ndrenikën, dhe ka paralajmëruar se seriali do të rikthehet në ekranet e shqiptarëve.

“Sot e deklaroj rifillimin e serialit …”Njerez dhe fate”..Eshte gati..”, ka shkruar ai.

“Njerëz dhe fate” telenovela e pare shqiptare, rreth vitit 2002-2003 pasqyronte aktualitetin shqiptar në atë kohe dhe ka vlere edhe sot te shikohet.

 

View this post on Instagram

 

A post shared by Arben Derhemi (@arben.derhemi)

The post “Është gati”, Arben Derhemi publikon foton me Robert Ndrenikën, çfarë paralajmërojnë appeared first on Albeu.com.

Didi luante një rol negativ tek “Njerëz dhe Fate” edhe pse ishte shoqja e Florit, të cilin ajo e përfshiu në rrugën e trafikimit të drogës dhe prostitucionit.

Në vitet 2000 veç rolit në serial ajo u përfol edhe për historinë e dashurisë me rrokerin e famshëm, Bojken Lako dhe nuk u bë asnjëherë publike ose ishte një thashethem. Arta jeton tashmë në Australi, ku dhe vijon karrierën si aktore atje.

Ajo sot është po aq simpatike sa atëherë, edhe pse kanë kaluar rreth 18 vite “Didi” nuk ka ndryshuar, por duket tepër në formë.

The post Ishte shoqja e Florit në telenovelën “Njerëz dhe Fate”, si duket sot pas 18 vitesh aktorja e njohur Didi? appeared first on Albeu.com.

Ishin vitet 2002-2003 kur, “Njerëz dhe Fate” mbërtheu para ekranit të gjithë shqiptarët. Historia tragjike e një familjeje shqiptare që përballej me vështirësitë e kohës, si dhuna në familje, trafikimi apo droga, tërhoqi vëmendjen e shqiptarëve që hasnin të njëjtat probleme të atë kohë.

Asokohe u fol në media se “Njerëz dhe Fate” nuk do të kishte vetëm 20 seri, por edhe dy episode të tjerë, që deri tani duket se kanë mbetur ëndërr në sirtar… Po ku janë sot aktorët dhe personazhet tuaj të preferuar: Flori, Era, Lola, Durimi, Betimi, Xhema, Didi, Bosi, etj?

Robert Ndrenika

Të kesh pjesë të kastit një prej emrave më të mëdhenj të kinematografisë shqiptare, atëherë gjysmën e suksesit e ke të garantuar. Kështu ndodhi edhe me Robert Ndrenikën, i cili ishte pjesë e padisktuar e suksesit të kësaj telenovele. Ai interpretonte rolin e një ish-regjisori të vjetër të Kinostudios, “Durim Guri”, që ishte baba i tre fëmijëve, Lola, Era dhe Flori. Pas këtij seriali ai është ngjitur në skenë me të tjerë personazhe në teatër e kinematografi, por në fillim të vitit 2015-të Ndrenika iu nënshtrua një operacioni në zemër, që fatmirësisht doli me sukses.

Pavlina Mani

“Drita” është roli i Pavlina Manit në telenovelën më të famshme shqiptare. Mani dhe Ndrenika ndërtuan çiftin ideal të aktorëve duke interpretuar me aq thjeshtësi dhe origjinalitet bashkëshortët intelektualë, që patën shumë probleme me fëmijët e tyre. Aktorja Pavlina Mani u shpërngul vite më parë në Amerikë, së bashku me bashkëshortin e saj aktorin Pirro Mani. Pirro Mani fatkeqësisht ka ndërruat jetë një vit më parë në New York.

Arben Derhemi

Ai ka interpretuar edhe në moshë të re (ka luajtur një rol në episodik në filmin “Një vajzë dhe një djalë”), por publiku shqiptar e njeh më së shumti me rolin e Florit, djalin çapkën në telenovelën “Njerëz dhe Fate”. Derhemi duket se u fut menjëherë nën lëkurën e djemëve “problematikë” dhe të shkathët shqiptarë, duke e sjellë shumë pranë realitetit personazhin e tij. Për aktorin Derhemi rrjedha e aktrimit ka vijuar normalisht në kinematografi e teatër, madje ai ka eksperimentuar duke sjellë në skenë edhe monodramën “Johan Padan dhe Amerikat”. Aktualisht është i martuar me gazetaren Iva Korumi dhe janë prindër të një vajze me emrin, Darlina.

Eni Jani

E kush nuk e mban mend Erën, gjimnazisten e shkëlqyer e cila kishte shumë ëndrra për jetën. Aktorja Eni Jani pas këtij personazhi, u bë sigurisht më e famshme dhe më e njohur për publikun shqiptar. Duket sikur karriera e Janit pas kësaj telenovele u përqëndrua më shumë në teatër ku ka interpretuar në vepra të famshme “Vdekja e një mbretëreshe”, “10 vjet martesë”,” Me dyer të mbyllura”, etj. Ajo ka sjellë gjithashtu si regjisore disa vepra në skenën e Teatrit. Jani është martuar me aktorin Genc Fuga dhe janë prindër të dy fëmijëve. Ajo ka qenë për dy sezone regjisore dhe ideatore e programit të mëngjesit në “TVSH”.

Valbona Imami

Lola, vajza e madhe e familjes Guri, interpretohej në këtë telenovelë nga aktorja Valbona Imami. Imami është larguar prej kohësh nga Shqipëria pasi është martuar me ekonomistin e huaj, Evan Scott Thomas. Disa kohe me pare u be me dije se Valbona jetonte mes Amerikes dhe Nigerise, pasi bashkeshorti i saj amerikan, Evan Scott Thomas ishte me mision ne Abuja. Por aktorja eshte shume e terhequr jo vetem nga ekrani, por edhe nga rrjetet sociale..

Arta Muçaj

Në fillimet e karrierës së saj ajo ka interpretuar rolin e Rozarias në shfaqjen “Gënjeshtarja”, më pas në rolin e Lusit te “Vdekja e Dantonit”, ndërsa Kiço Londo i ofroi një rol në “Kujdes, kafshon”, ku aktorja luajti përkrah aktorëve të njohur Ndriçim Xhepa dhe Yllka Mujo. Por aktorja kosovare, Arta Muçaj u bë e njohur në Shqipëri nëpërmjet rolit të “Didit” në këtë telenovelë. Në vitet 2000 veç rolit në serial ajo u përfol edhe për historinë e dashurisë me rrokerin e famshëm, Bojken Lako, që për aktoren ka qenë një lidhje perfekte, që përfundoi pa shkak. Aktorja jeton tashmë në kontinentin e largët australian, ku pas divorcit  nga bashkëshorti vijon karrierën si aktore atje.

The post “Lola” në Nigeri dhe “Drita” në Amerikë, çfarë bëjnë dhe si duken sot aktorët e “Njerëz dhe Fate” (FOTO LAJM) appeared first on Albeu.com.

Një nga personazhet që la gjurmë në atë telenovelë ishte edhe Lola që luahej nga aktorja Valbona Imami. Lola ishte vajza e madhe e familjes shqiptare me shumë probleme që trajtonte telefilmi shqiptar.

Që nga ajo kohë “Lola” nuk ka qenë aktive në ekranin shqiptar, ndërsa me vitet ajo ka ndryshuar shumë. Këtë mund ta shihni në fotot e publikuara.

Disa kohe me pare u be me dije se Valbona jetonte mes Amerikes dhe Nigerise, pasi bashkeshorti i saj amerikan,  Evan Scott Thomas ishte me mision ne Abuja. Por aktorja eshte shume e terhequr jo vetem nga ekrani, por edhe nga rrjetet sociale./albeu.com/

The post E mbani mend Lolën e “Njerëz dhe Fate”? Ku është “zhdukur” dhe si duket sot aktorja (FOTO LAJM) appeared first on Albeu.com.