Autoritetet greke dyshojnë se bëhet fjalë për një rast vrasje të ndjekur nga vetëvrasja, raporton Protothema.

Sipas të dhënave paraprake të hetimit, burri dyshohet se i kishte zënë pritë 45-vjeçares në rrugën “Grigoriou Kydonion 3”.

Ai dyshohet se e ka qëlluar për vdekje dhe më pas ka vrarë veten.

Në pallatin ku ndodhi ngjarja banon vajza e 45-vjeçares. Ky detaj po shqyrtohet nga policia, e cila po përpiqet të rindërtojë lëvizjet e gruas para ngjarjes.

Nga informacionet e deritanishme, nuk rezulton që dy viktimat të kenë qenë të martuar. Megjithatë, hetuesit po përpiqen të përcaktojnë marrëdhënien që ekzistonte mes tyre, si dhe motivin që mund të ketë çuar në krim.

Sipas dyshimeve paraprake, 45-vjeçarja kishte plagë nga të shtënat në trup dhe në fytyrë. Burri u gjet me një plagë në kokë.

Pranë trupit të tij u gjet edhe arma e zjarrit, një element që përforcon versionin e autoriteteve se ai, pasi qëlloi gruan, i dha fund jetës.

The post Ngjarje e rëndë në Greqi, burri vret me armë një grua shqiptare dhe më pas i jep fund jetës appeared first on Albeu.com.